«Bi borroka batu genituen, presoena eta emakume mugimenduarena»

Mari Jose Arbelaitz (Oiartzun, 1948) Oiartzungo Emakumeen Taldeetako kidea da. Badira herrian hiruzpalau talde emakumeen inguruan lanean dabiltzanak, eta horiek aipatu izenaren pean biltzen dira: Oiartzungo Emakumeen Taldeak dira. Martxoaren 8aren, Emakume Langilearen Nazioarteko Egunaren harira, martxoko azken ostiraleko kartelada antolatzeko ardura hartu zuten OAAMrekin harremanetan jarri ondoren. Ideia eta deialdia primeran atera zirela dio. Hasieran, zer iruditu zitzaizuen Oiartzungo Amnistiaren Aldeko Mugimenduaren proposamena? Oso ondo iruditu zitzaigun. Adin guztietako emakumeak biltzen gara, gazteenetatik hasi eta helduetaraino. Gugana jo zutenean, denetarikoak ginen bilduta eta nahiz eta adin ezberdina izan, guztiei iruditu zitzaigun ideia ona, gaia ere garrantzitsua baita. Taldeetako gainontzeko kideek ere ondo hartu zuten? Bai, noski, ondo iruditu zitzaien. Nola zabaldu zenuten deia? Martxoan egin behar genuen karteladarako deia, martxoaren 8aren harira. Hala, emakumeen mugimendua identifikatuko zuen zerbait behar genuela pentsatu genuen. Karteladara joango ziren guztiak morea zen zerbaitekin joateko deia egin genuen. Kontuan izan, gainera, bi borroka batu genituela, presoena eta emakume mugimenduarena. Izan ere, mutilak diren presoen egoera gogorra bada, are gogorragoa izan ohi da emakumeena eta hori ere islatu nahi izan genuen. Jende berriak parte hartu zuen kartelada hartan? Bai, jende berria ikusteko aukera izan genuen. Karteladetan eta gainontzeko lanetan jarraitzea espero dugu orain, eta datorren [...]

admin

«Presoen egoerari ere kolorea eman nahi izan genion eta lortu genuen»

Itziar Iñarra (Oiartzun, 1959) Girizia Mendi Taldeko kidea da. Mendi Taldea lehenengoa izan zen OAAMren ekimenean parte hartzen, otsailean deitu baitzuten kartelada euren izenean. Koloretsua eta jendetsua izan zela nabarmendu du. Hasieran, zer iruditu zitzaizuen OAAMren proposamena? Oso ideia ona iruditu zitzaigun hasieratik. Egia esan, ez zitzaigun ideia arrotza egin. Izan ere, guk lehendik ere badugu OAAMrekin harremana, baita presoekin ere. Hala, prest agertu ginen. Mendi Taldeko kide guztiek ondo hartu zuten ideia? Bai, oso ondo, hasieratik. Adostasuna agertu zuten eta guk antolatu eta mugitu beharreko kartelada hura beste modu batekoa nola izan pentsatzen hasi ginen. Gaia gogorra da, baina zerbait koloretsua izatea nahi genuen. Nola egin zenuten? Erabaki genuen, mendizaleen deia nabaritzea. Hala, mendiko tresnekin, arropekin, materialekin jantzita agertzeko deia egin genuen. Jende asko bertaratu zen, oso ondo erantzun zuten. Hala, presoen egoerari ere kolorea eman nahi izan genion eta lortu genuen. Zerbait ezberdina eta polita izan zen. Presoen argazkiei eurei ere kolorea eman genien, jantzi egin genituen. Gainontzeko karteladetan parte hartzen jarraitu duzue? Esan bezala, guk beti eduki dugu presoekin eta senideekin harremana eta lanean jarraituko dugu. Egia da, zaila da halako dinamikak mantentzea eta talde barrutik bertatik ere lana egin behar da. Hala ere, pozgarria da kartelada [...]

admin

Herriko eragileekin eta elkarteekin lanean ari da OAAM, presoen aldeko elkartasuna indartzeko

Oiartzungo Amnistiaren Aldeko Mugimenduak (OAAM) urtea dinamika berezi batean eman du: elkarteekin eta eragileekin batera lanean ibili da, hilabeteko azken ostiraleko kartelada eta, era berean, presoen aldeko elkartasuna indartzeko. OAAMko kideak ohartuta zeuden, Euskal Herri osoan bezala, hilabeteko azken ekimen hori garrantzitsuena izanda ere, indartu beharra zegoela. Hala, herriko elkarteekin eta eragileekin biltzea otu zitzaien, hilabetero horietako bat izan zedin kartelada deituko zuena. Esan eta egin, otsailean hasi ziren lanean. Elkarteetara jo bezain laster, harrera positiboa izan zutela jakinarazi dute OAAMko kideek. «Gaia guztiek ulertzen dute eta pertsona guztiak ukitzen ditu, beraz, interesa nabaria zen», nabarmendu dute. Presoen arazoak Elkartzean, presoen arazoen berri ematen zieten elkarteetako kideei: «Euskal Preso Politikoen Kolektiboa (EPPK) 700dik gora presok osatzen dute egun; 50etik gora daude lege bereziekin oraindik kartzelan, herriko Estanix eta Ordozelai kasu. Garrantzitsua da gaixo dauden presoen gaia ere, bere garaian Inaxio Mendiburu herritarra oso gaixo egon zen barruan; EPPK sortu zenetik 21 preso hil dira espetxean; espetxeetan eskubide urraketak etengabeak dira, eta, nabarmentzekoa da senide preso bat izateak dakarren gastua, 1.500 euro inguru hilabeteko». Harremanak bermatu Urtea bukatzear, balorazioa egiteko garaia da parte-hartzaileentzako eta OAAMrentzat. Dinamika positiboa izan da aurtengoa guztientzat, baina sortutako harremanak bermatu behar dituztela konziente dira. Hala, momentua [...]

admin

Etxebizitza Bulegoa itxita, urtarrilaren 6ra arte

Gabonak direla eta, Etxebizitza Bulegoa itxita dago hilaren abenduaren 24tik urtarrilaren 6a bitartean. Egun horretan, berriz ere zerbitzua eskaintzen hasiko da Etxebizitza Bulegoa Fermiñenen, 10:00etatik 13:30era eta 16:00etatik 19:00etara, astelehen...

admin

Bertso paper lehiaketako sariak Lasartera eta Hendaiara

Atzoko Gabonetako bertso saioan eman zuten Lau Haizetara Euskaldunon Elkarteak, Xenpelar Bertso Eskolak eta Errenteriako Udalak antolatutako bertsopaper lehiaketen irabazleen berri: XXII. Zapirain Anaiak bertsopaper lehiaketa (Helduen Maila) Ane Labaka...

admin

Otegi eta Korta V garaile, palan

Atzo, Xanisteban Egunena, Banakako Pala Txapelketako finalak jokatu zituzten eguerdian. Nesketan, Amaia Agirre eta Oihana Korta V lehiatu ziren. Bigarrenak jantzi zuen txapela, 17-30 irabazi ondoren. Mutiletan, berriz, Jon Gelbenzu eta Imanol Otegi aritu ziren nor baino nor. Partida horretan ere bigarrenak eraman zuen txapela etxera: 20-30 irabazi zion Gelbenzuri. Antolatzaileek eskerrak eman dizkiete parte-hartzaile guztiei eta datorren urtean ere halako txapelketa antolatu ahal izatea espero dute. Bestalde, pala partidak ez ziren Xanisteban Eguneko ekimen bakarra izan. Ondoren etorri ziren bazkaria, triki-poteoa, antzerkia eta kontzertua.

admin

Oiartzun Irratia: abenduak 26 (Entzulearen Eguna)

Oiartzun Irratiak Entzulearen Eguna ospatuko du egun guztian zehar, Xanisteban Egunarekin batera. Saioa eskainiko du, 10:00etan: Hiru kortxea.

admin

Oiartzun Irratia: abenduak 24

Gaurko programazioa FM107an: 10:00etan, Arguyuan: 10:30ean: Olentzeroren Laguntzaileak taldeko bi kide: Arritxu eta Iñaki. 11:30ean: Joel Rodriguezen eskutik, zinema eta DVD estreinaldiak. 12:10ean: Eltze tartin. 13:15ean: Tertulia. Gaia: Gabonak eta ...

admin

Gabonetako bertso saioa egingo dute igandean

Lau Haizetara Euskaldunon elkarteak eta Xenpelar Bertso Eskolak antolatuta, Gabonetako bertso saioa izango da, igandean, Errenteria Hiria Kulturgunean. 18:00etan jarri dute hitzordua, eta hara joateko sarrera beharko da. 3 euro kostako ditu eta 16 urte...

admin

Ferradas izango da EBren alkatetzarako hautagaia

Ezker Batuko (EB) Errenteriako alkategaia Jose Manuel Ferradas izango da. Ferradasek jakinarazi duenez, momentu honetan prestatzen ari dira programa, eta proposamen “sinesgarriak eta aurrera eramangarriak” egingo dituztela azaldu du. Udal j...

admin

Garrintzi, Orereta eta Ganbara Txiki, abesti sariketako onenak

Ereintza Elkarteak antolatuta, Gabon Abesti Sariketa Probintzialaren 64. edizioa egin zuten herenegun Galtzarabordako kiroldegian eta epaimahaiaren arabera, Garrintzi, Orereta eta Ganbara Txiki abesbatzak izan ziren onenak. Arratsaldean helduen mailako...

admin

Saio txukuna egin zuten bertsolariek Gabonetako bertso saioan

Eguberriaren biharamunarekin atzo arratsaldean bertso saioa izan zen Errenteria Hiria Kulturgunean. 60 inguru bertsozale bildu ziren saioarekin gozatzeko asmoz. Oholtza gainean Igor Elortza, Oihana Bartra, Jexux Mari Irazu eta Unai Agirre izan ziren es...

admin

Iñaki Lopetegi garaile Mitxintxola mendi lasterketan

Atzo Mitxintxola mendi lasterketa jokatu zuten eta Iñaki Lopetegik irabazi zuen proba 17:51eko denbora eginez. Bigarren sailkatua Alberto Chacon izan zen eta hirugarrena, berriz, Josean Daboz. Helmugara iritsi zen lehen emakumea Isabel Mendibil izan z...

admin

Bidasoa hobeto ezagutzeko bisita gidatuak izango dira

Bidasoko herritarrek nahiz beste txokoetakoek Hondarribia eta Irun sakonago ezagutzeko aukera jarri du Bidasoa bizirik taldeak bertako bi udalekin batera. Ezagutza hori bisita gidatuen bitartez egingo dute eta horietako batzuk haurrei zuzenduta eta beste batzuk publiko orokorrari begirakoak dira. Bihar eta etzi Hondarribiko txokoak ezagutzeko aukera izango dute parte-hartzaileek. Goizean 7 eta 11 urte bitarteko gaztetxoen txanda izango da. Hitzordua goizeko hamaiketan jarri dute, Arma plazan dagoen turismo bulegoan, hain juxtu. Bisita gidatua euskaraz izango da. Arratsaldean, berriz, publiko orokorrak izango du aukera Hondarribia ezagutzeko. Arratsaldeko lauretan elkartuko dira parte-hartzaileak Arma plazako turismo bulegoan. Kasu honetan, bisitak euskaraz, gazteleraz eta frantsesez izango dira. Biak ala biak musu-truk izango dira eta ordubete inguru iraungo dute. Irungo txokoak ezagutuz Hondarribia ezagutu eta oraindik Bidasoa gehiago ezagutzeko jakin minez geratu denak badu beste aukera, Irungo txokoak deskubritzea. Lehen bisita gidatua ostegunean izango da, hilak 30, eta adin guztietako herritarrei zuzendua dago. Arratsaldeko lauretan hasiko da bisita Irungo turismo bulegotik hasita, eta ordubetez herriko bazterrez gozatzeko aukera izango dute. Etzi ezin dutenek beste aukera izango dute urtarrilaren 4an ordu eta toki berean. Urtarrilaren 4ean eta 5ean 7 eta 11 urte bitartekoen txanda izango da. Bisita goizeko hamaiketan hasiko da Irungo turismo bulegotik. Izena emateko [...]

admin

Gazte Informazio Bulegoak, ordutegi berezia

Gabonak direla eta, Gazte Informazio Bulegoak ordutegi berria izango du urtarrilaren 9ra bitartean. Egun hauetan, astelehenetik ostiralera 10:00etatik 13:00etara egongo da irekita Mendiburu kaleko bulegoa. Larunbatetan itxita egongo da, jai egunak dire...

admin

Oiartzun Irratia: abenduak 27

Gaurko programazioa FM107an: 10:00etan, Arguyuan: 10:30ean: Kirol informazioa. 11:30ean: Oarsoaldeko berriak, Oarso Bidasoko Hitza-ko zuzendari Urko Etxebesteren eskutik. 12:10ean: Entzulearen Egunean bizitakoa kontatuko dute. 13:15ean: Kirol informaz...

admin

Oiartzun Irratia: abenduak 25

Gaurko programazioa FM107an: Egun guztian zehar: musika.

admin

Udalbatzarrak onartu du plan ekonomiko finantzarioa

Estu, baina gobernu taldeak Pasaiako Udalaren plan ekonomiko finantzarioa aurrera ateratzea lortu du. Kontra PSE-EE eta PP agertu dira, baina gainontzeko taldeak abstenitu egin dira (EB, H1 eta EAJ), eta  plan ekonomikoa onartu dute gobernu taldearen ...

admin

Amaia Agirre eta Oihana ‘Korta V’, Xanisteban Eguneko finalean

Dagoeneko erabakita daude Xanisteban Eguneko Banakako Pala Txapelketako finalak: nesketan, Amaia Agirre eta Oihana Korta V ariko dira elkarren kontra. Mutiletan, berriz, Jon Gelbentzu eta Imanol Otegi. Egunetako egitarauari dagokionez, Xanisteban Eguna aipatutako finalekin hasiko da. Ondoren, 14:30ean, gazte bazkaria egingo dute Girizia elkartean (txartelak salgai daude Amazkarren eta Makutxon). 17:00etan, triki-poteoa egingo dute herrian zehar. 19:00etan, Arditurriko bidegorria antzezlanaz gozatzeko aukera izango da, udaletxeko areto nagusian. 21:00etan, eguna bukatzeko, kontzertuak izango dira Kontzejupean: Arrabots (erromeria) eta We&Dem (Bob Marley-ren bertsioak). Egun guztian zehar, bestalde, Oiartzun Irratiak Entzulearen Eguna ospatuko du. Giriziak, Kataxulok eta Ttur-tturrek antolatu dute Xanisteban Eguna, Udalaren laguntzarekin.

admin

Olentzeroren etorrera, bihar, 17:30ean, plazan

Azken hilabeteak lanean eman ondoren, Olentzeroren Laguntzaileek dena prest dute Olentzero herrian hartzeko. Hala, bihar izango da Olentzeroren etorrera, txikienen gozagarri, 17:30ean, Doneztebe plazan.

admin
Gehiago