Albisteak

Saskilagunak-ek Santo Tomas Lizeoa gainditu du

Saskilagunak herriko taldeak 42-44 irabazi dio Donostiako Santo Tomas Lizeoa taldeari. Hala, bigarren postuan daude oiartzuarrak eta 25 puntu dituzte, liderrak (Alde Zaharrak) baino puntu bat gutxiago.

admin

Emozioak umorez bideratzeko tailerra

Emakume Topaketetako Izarra taldeak Goza dezagun umorez: umorea, barrea eta emozioak izeneko tailerra antolatu du. Virginia Imazen laguntzaz, parte-hartzaileak tristura, beldurra, amorrua, zoriona, lorpenak, eta beste hainbat emozioz umorez nola bizi i...

admin

Antzerkia, ‘Sarean zintzilikatua’ lanarekin, etzi

Haurrek antzerkiarekin ondo pasatzeko aukera izango dute aste honetan. Izan ere, etzi, ostegunean, Edurne Agirrezabalaren Sarean zintzilikatua ikusteko aukera izango dute. Bi saio egingo dituzte bata, 16:30ean eta bestea, berriz, 19:00etan. Biak Errent...

admin

EB: “PSE-EEk urduritasuna agerian uzten du”

PSE-EEk egindako kritikei erantzun die EBk, eta udal taldearen esanetan, urduritasuna baino ez du agerian utzi. Alderdi sozialistak esandakoari erreferentzia eginez, EB “hildakoak bezala” ez dela isilduko adierazi du, Merinoren eta PSE-EEre...

admin

Hamabi urketari izango ditu aurten La Anunciatak

San Sebastian Eguna izango da ostegunean eta Antxoko La Anunciata ikastetxeko ikasleek, urtero bezala, danborrak eta barrilak kalera aterako dituzte. Aurten, gainera, berritasun bat dago; izan ere, La Anunciatak hamabi urketari izango ditu, iaz baino s...

admin

Herriko historia belaunaldi ezberdinei aipatuta

Oroitza Hendaiako historiaren gaineko ikerketa taldeak Hendaiako historia kondatzen balidate belaunaldien arteko animazio bizidun eta ludikoa eskainiko du asteazkenean, urtarrilaren 19an, Zokoburuko Mendi Zolan kulturgunean, 14:30etik aurrera. Historia...

admin

Ama Guadalupekoako neskak podiora igo dira Estatuko Ligako lehen jardunaldian

Bera Bera Ama Guadalupekoa judo taldeko emakumezko eta junior mailetako kirolariek indartsu ekin zioten larunbatean Villaviciosa de Odonen (Madril, Espainia) hasi zen Estatuko Ligari.

admin

4000tik gora sinadura Olaberriaren defentsan

Urtarrilaren 20an amaitzen da Eusko Jaurlaritzak Donostialdea-Behe Bidasoarako prestatu duen Zatikako Lurralde Planari (ZLP) alegazioak aurkezteko epea. Dagoeneko 4000tik gora dira aurkeztutako zuzenketak, eta kopuru horri asteburuan bildutakoak gehitu behar zaizkio. Iraun herritar taldeak informazio mahai bana jarri zituen larunbatean Mendibil merkatal gunean eta Urdanibia plazan, azokaren orduan.

admin

Oiartzun Irratia: urtarrilak 16

Gaurko programazioa FM107an: 10:00etan: Hiru kortxea.

admin

Hasi da Trintxerpeko hockey 7 lehiaketa

Gaur goizean hasi da Pasaiako Trintxer Hockey Taldeak antolatu duen hockey 7 lehiaketa. Bertan, Pasaia eta Donostia inguruko hockey taldeek parte hartuko dute, eta gaur, esaterako, lau partida jokatu dituzte Andonaegiko zelaian. Datozen asteburutan jok...

admin

Udalak hitzarmena sinatu du Hamaika Telebistarekin

Oiartzungo Udalak eta Hamaika Telebistak hitzarmena sinatu zuten pasa den asteazkenean. Aitor Etxeberria alkateak eta Iñaki Uria Hamaika Telebistako zuzendari orokorrak hitzarmenaren garrantzia nabarmendu zuten, “euskarazko komunikabideak zabaltzeko ezinbestekoak baitira gisa honetako lankidetzak”. Oiartzunek 2005an Euskararen Biziberritzeko Plan Nagusia (EBPN) onartu zuen eta bertan, besteak beste, aitortu zuen euskarazko komunikabideak sustatzea eta laguntzea lehentasunetako bat dela, euskararen normalizazioaren bidean. Oiartzungo Udalak 6.000 euroko hitzarmen komertziala sinatu du Hamaika Telebistarekin 2011 urterako. Horren truke, Udalak publizitateko tarteak izango ditu Hamaika Telebistan. Euskara eta informazio lokala Udalak, gogorarazi duenez, euskararen erabilera esparru guztietara zabaldu nahi du. Pasa den asteazkenean, Udalak Hamaika Telebistaren zabalkundean laguntzeko konpromisoa hartu zuen, “euskararen normalizaziorako ezinbestekoa delako ikus-entzunezko munduan ere euskararen presentzia bermatzea eta herritarrek euskaraz bizitzea sustatu eta bermatzeko, esparru guztietan”. Zenbait urtetako hutsunea bete nahi du orain Hamaika Donostia Telebistak, herrietako informazioa ere eskaintzen baitu —lehen eskualdean Oarso Telebista zegoen—. Hitzarmenak, telebistan Oiartzunen eta oiartzuarren presentzia bermatuko du. 2010etik Donostia inguruan Hamaika Telebista euskara hutsean emititzen den katea da. Geroz eta etxe gehiagotan hartzen da, telebista digitalari esker, baita Oiartzunen ere. 2006an hasi zen Hamaika Telebistaren ibilbidea, sustatzaileek Hamaika Telebista Hedatzeko Taldea SA sortu zutenean. 2009ko otsailean egin zuen lehenengo emisioa Bilbo ingururako, eta 2010 hasieratik, [...]

admin

Oiartzun Irratia: martxoak 29

Gaurko programazioa FM107an: 10:00etan, Arguyuan: 10:30ean: Quark zientzia saioa. 11:30ean: LZP kaltetuek eratu duten lan taldearen gainean, elkarrizketa taldeko kide batekin. 12:10ean: Informatika atala. 13:15ean: Bertso atala. 15:00etan: Albisteak. 1...

admin

Oiartzunek 0-1 galdu du San Juanen kontra

Liga Nazionaleko neskek galdu egin dute asteburuko jardunaldia: 0-1 gailendu zaie San Juan taldea. Porrota jaso arren, Oiartzuarrek sailkapeneko hirugarren postuan jarraitzen dute eta 42 puntu dituzte.

admin

30 dantzariren ikuskizuna ostegunean Varietesen

Heldu den ostegunean, martxoaren 31an, Baiona Euskal Kostaldea Eskualdeko Orkestraren hogeita hamar dantzarik osotutako ikuskizuna izanen da Varietes aretoan, 19:00etik aurrera. 9 eta 17 urte bitarteko neskatilek osatutako taldeak eta haien irakasleek,...

admin

Dantza eta kantu festa igandean Zabaltza plazan

Meakako Adixkideak dantza taldeak kantu eta dantza herri jaialdia antolatu du, iganderako, Udalaren laguntzarekin. Abestu eta dantzatu nahi duten orori 11:30ean Zabaltza plazan agertzeko deia luzatu diete.

admin

EAJk Gizarte Larrialdiko Laguntzen gaineko mozioa erretiratu egin du

Gizarte Larrialdiko Laguntzen gaineko mozioa aurkeztu zuen EAJ alderdiak joan den ostiralean egindako udal osoko bilkuran. Bertan, Eusko Jaurlaritzako Lan eta Gizarte Gaietako Sailak Gizarte Larrialdietako Laguntzen gainean onartutako urtarrilaren 19ko agindua bertan behera uzteko eskatzen zuen. Horrekin batera, araudia onartzeko garaian udalen iritzia aintzat hartzeko eskatzen zuen mozioak. Lan eta Gizarte Gaietako sailaren aginduarekin, Giza Larrialdietako Laguntzentzat aurreikusitako diru zatia murrizteaz gainera, zorroztu egin dituzte laguntza horiek jasotzeko bete beharreko baldintzak eta “laguntza eskatzen duten askok, benetan egoera larrietan daudenak gainera, ez dute ezertxo ere jasoko”, azaldu zuen Maite Peña EAJko zinegotziak. Ezker abertzaleko zinegotziek urrutirago joateko beharra nabarmendu zuten eta mozioari hirugarren puntu bat eranstea proposatu zuten: iaz emergentzia laguntza jaso zuten lagunei aurten ere eman ahal izateko falta den dirua udalak jartzea, behinik behin.  Agindua bertan behera uzteko eskatzeak ezer gutxirako balio duela nabarmendu zuten talde abertzaleko zinegotziek “egoera larrienean bizi diren herritarrek laguntza jasoko dutela bermatzeko bitartekoak jartzen ez baditugu”. Azken proposamen horren aurrean, EAJko Maite Peñak bere taldeak aurkeztutako mozioa erretiratzea erabaki zuen, “halako erabakia ezin delako bost minutuan hartu eta ongi aztertu beharra dagoelako”. Hala, gaiarekin jarraitzeko asmoa azaldu zuen Peñak. Etorkinen boto eskubidea SOS Arrazakeria taldeak herrian bizi diren etorkinen boto eskubidearen aldeko [...]

admin

Tokiko Gobernu Batzarra egingo dute bihar

Bihar goizean, 08:30ean, Tokiko Gobernu Batzarra egingo dute udaletxean. Hiru puntu eztabaidatuko dituzte: aurreko batzarraldietako aktak irakurri eta onartzea; 2011ko Inauterietako gastuak; eta obrak egiteko behin-behineko lizentzia eskaera: Maiatzare...

admin

Martxoko ohiko udalbatzarra, etzi

Martxoko ohiko udalbatzarra egingo dute etzi udaletxean, 19:00etan. 21 puntuko gai zerrenda jorratuko dute zinegotziek: Aurreko batzarraldiko aktaren onarpena. Oiartzungo udalerriko bidaiarien herri barruko garraioa arautzeko Erregelamendua, hasierako...

admin

Odola zuri-urdina dutelako

Bidasoko errealzaleak batzeko asmoz sortu dute David Zurutuza Taldea. Reala eta bereziki Zurutuza futbolaria jarraituko dituzte, eta Gipuzkoatik kanpoko futbol zelaietara irteerak antolatuko dituzte. Ostiral arratsaldean inauguratu zuten jokalariaren izena daraman taldea Irunen, Bidasoko Euskal Kultur Elkartearen (EKT) egoitzan. Ekitaldia futbolariaren golak eta irudiak biltzen zituen bideo berezi batekin hasi zuten, eta jarraian, Zurutuzak berak aitortu zuenez, Amets Arzallusek bertso “hunkigarriak” eskaini zizkion futbolari zuri-urdinari. Arzallus bertsolariak txikitan Hendaian izaten zen futbol txapelketan parte hartzen zuela kontatu zuen: “Davidek bertan jokatzen zuen. Gu baino hiru urte gaztegoa izanda ere, jokatzen ikusten genuenean, gu segur aski futbolariak ez ginela izango konturatzen ginen, eta lekzioa hain goiz eman izana eskertzen diot”. Zurutuza aparteko jokalaria dela ez da gauza berria, baina lagunartearen bultzatzaileen arabera, “pertsona bezala oraindik ere hobea delako”, sortu dute peña. “Jokalari ezberdina” Pintxoak, afaria eta aparteko giroa izan ziren ostiralean EKTn. Joseba Llorente Realeko futbolari hondarribiarra eta bere taldeko lagunak ere izan ziren inaugurazio ekitaldian. Iñaki de Mujika kirol kazetariak ere jokalariaren izateko era eta balioak nabarmendu zituen: “David ez da bere taldekideak baino hobea edo eskasagoa, ezberdina da. Ez dakit zergatik izango den, baina jendeak asko maite du David. Kirolariei babesa erakustea oso garrantzitsua da”. Zuruk, hala ezagutzen dute [...]

admin

Pertsona bat hil da Antxon, trenak harrapatuta

12:30ean izan da ezbeharra, trenak pertsona bat harrapatu duenean, Pasaia Antxoko trenbidetik oinez zihoala.

admin
Gehiago