Hamabi urketari izango ditu aurten La Anunciatak
San Sebastian Eguna izango da ostegunean eta Antxoko La Anunciata ikastetxeko ikasleek, urtero bezala, danborrak eta barrilak kalera aterako dituzte. Aurten, gainera, berritasun bat dago; izan ere, La Anunciatak hamabi urketari izango ditu, iaz baino s...
San Sebastian Eguna izango da ostegunean eta Antxoko La Anunciata ikastetxeko ikasleek, urtero bezala, danborrak eta barrilak kalera aterako dituzte. Aurten, gainera, berritasun bat dago; izan ere, La Anunciatak hamabi urketari izango ditu, iaz baino sei gehiago. Bestalde, dagoeneko danborradak baditu kargu nagusiak: Nahia Martinez danbor nagusia izango da, Laura Pablos banderaduna, eta Alazne Hernandez eta Amaia Azkona barrilen eta danborren kaboak izango dira, hurrenez hurren. La Anunciatak egun hori ospatzen duen hemeretzigarren aldia izango da aurten.
Guztira ikastetxeko 7 eta 12 urte bitarteko 91 ikasle aterako dira Frantziako itsas armadako uniformez jantzita. Horiek guztiak Antxoko kaleetatik barna ibiliko dira etzi. 10:00etan La Anunciatan hasiko dute ibilbidea eta onodren Eskalantegira, Hamarretxetara joango dira. Azkenik, Gure Zumardian bukatuko dute ibilbidea. Sarriegiren doinuak entzungo dira ibilbidean zehar. Eta ondoren, autobusa hartu eta Donostiara joango dira Donostiako gainontzeko beste ikastetxeetako ikasleekin elkartu eta danborrak eta barrilak astintzen jarraituko dute.
Bezperan ere danbor soinuak Antxon
La Anunciata ikastetxeko txikienek ere ospatuko dute San Sebastian Eguna, baina bezperan, etzi alegia. Horrela, arratsaldeko hiru eta erdietan Antxoko kaleetatik ibiliko dira.
