'Zuena da HITZA' podkasteko hirugarren atalean Irati Erauskin 'La Panto' hondarribiarra izan da protagonista. Sakon hitz egin du hedabidearekin.


Gazte Informazio Bulegoak udako ordutegia izango du atzo hasi eta uztailaren 30a bitartean. Udan, goizez irekiko ditu bulegoak ateak: astelehenetik ostiralera 11:00etatik 13:00etara, eta larunbatetan, 10:30etik 13:30era. Abuztuan, itxita egongo da. Gaz...

Gaurko programazioa FM107an: 10:00etan, Arguyuan: 10:30ean: Quark. 11:30ean: Elkarrizketa. 12:10ean: Bertso atala. 13:15ean: Informatika atala. 15:00etan: Albisteak. 17:00etan: Finean nafarrak. 18:00etan: Arguyuan (errepikapena). 20:00etan: Albistea...

Bakalau elkarteak antolaturik, kubatar giroko gaua ospatuko dute uztailaren 1ean, ostiralarekin, Pausuko Xaia ostatuan. Salsa Berde taldeak jarriko du musika giroa. Informazio gehiagorako deitu honako telefonora: 0559-20 76 10.

Legegintzaldi berriko lehenengo udalbatzarra etzirako deitu du Udalak. Ezohiko batzarraldia, 19:00etan izango da, eta zazpi puntu jorratuko dituzte zinegotziek. Gai zerrenda: Zinegotzi baten kargu hartzea —Aitor Santxez Urkiak hartuko du, ekainaren 1...

Aitor Ibargurenek irabazi zuen atzo Astarloza Taldeak urtero sanpedroen atarian antolatzen duen herri triatloia. Bigarren postuan Urtzi sailkatu zen, eta hirugarren postuan, berriz, Buda. Nesketan Itziar Muñizek eta Leire Rekaldek irabazi zuten eta taldeka Amaiak, Liak eta Julenek. Igandeko bero zapak atsegina egin zuen igeriketa proba; astuna aldiz, korrikaldia eta bizikleta bira. Eguraldia gorabehera, primeran pasatu zuten parte hartzaile guztiek.

Sanjoanei lekuko hartuta, jaiak badiaren beste aldera jauzi egin eta bihar arratsean egingo du eztanda San Pedron, Bodegoiko Joxe Mari Gartziandiak suziria jaurtitzearekin batera. 1958 urteaz geroztik gobernatu du Gartziandiak Bodegoiaren barra, bere emazte Maribel Telleriarekin batera. Aurten hartu du erretiroa, eta herritarrek txupinazoan omenduko dute. Bezperan, danborrada Bihar bertan, txupinazoaren aurretik izango dira jaiei lotutako lehenbiziko ekimenak, baina gaua hurbildu ahala jai giroa handitzen joango da. Gay eta lesbianek ikurriña igoko dute plazan, eta jada gauean danborradan irtengo dira sanpedrotarrak jai giroa kalez kale barreiatzera. Ondoren musika dantzagarria izango da. Etzi ospatzen dute San Pedron patroiaren eguna. Goizean Inudeak eta Artzaiak irtengo dira eta arratsaldean pailazoak eta dantza izango dira, tradizionala aurretik eta garaikidea ondoren, gustu guztiak asetzeko. Kontzertuak asteburuan Ostegunean atseden hartuko dute San Pedron, astebururako berriz indarrak hartzeko. Hamaika ekimen daude iragarrita jaien azken txanparako, tartean kontzertuak. Bizardunak taldeak ostiralean joko du eta larunbatean Yelow Page eta Los del Gas. Egitaraua: Bihar 18:00. Haurren merienda portuko etxeetan. 18:30. Futbito eta fronteniseko finalak. 18:30. Buruhandi eta erraldoiak. 19:30. Meza Salbea. 20:00. Txupinazoa. 20:30. Gay eta Lesbianen ikurriñaren igoera Plazan. 22:00. Helduen Danborrada Gatzagatik abiatuta. 00:30. DJ Javi Xanpi. Etzi, San Pedro Eguna 09:00. Diana txistulariekin herriko kaleetan zehar. [...]

Hirugarrena ere egin dute. Mikelazulo kultur elkarteak antolatutako Eztena antzerki jaialdia atzo bukatu zen Erregea eta bufoia banketea-rekin, eta antolatzaileak pozik agertu dira: “Oso harreman ederra izan dugu artistekin, etorri diren lanak os...

Euskararen kale erabileraren neurketa egingo dute udazken honetan berriz. Duela hiru urte egin zuen azken ikerketa Soziolinguistika Klusterrak Oiartzunen, eta aurten ere eurak arduratuko dira ikerketa egiteaz. Aiora Perez de San Roman alkateak eta Jaime Altuna Soziolinguistika Klusterreko lehendakariak sinatu dute hitzarmena. Azkeneko aldiz 2008an egin zen Oiartzungo kale erabileraren neurketa. Orduko hartan, herria hiru eremutan banatu zuten ikerketa egiteko eta kale erabilera %62koa izan zen. Hau da, kaleko hamar elkarrizketatik sei ziren euskaraz. Kale erabilera neurtuz, Oiartzunen euskararen erabileran dagoen errealitatea jakin daiteke eta baita hiztunen joerak zeintzuk diren. Hori jakitea, Udalaren euskara politikaren ildoak zehazteko eta fintzeko baliagarria da. 2005ean kezka sortu zen euskararen kale erabilera puntu batzuk jaitsi zelako. 2008an berriz ere 2001eko tasetara igo zen euskararen kale erabilera. Hala ere, joerak zeintzuk diren ikusteko ezinbestekoa da zenbait urtetan neurketak egitea eta horietatik ateratako ondorioak aztertzea. 1989an egin zuten lehenengo kale erabilera neurketa Euskal Herrian. Oiartzunen ordutik egin dira neurketak. Hala, bilakaera nolakoa izan den jakin daiteke. Aurten zazpigarren aldiz neurtuko dute euskararen erabilera.

Arte Ederrak ikasten ari diren ikasleen erakusketaren azken astea izango da honakoa Modotti Tailerrean. Guztira hamaika ikasleen lanak jarri dituzte ikusgai, hemeretzi eta hogei urte bitarteko artisten lanak hain zuzen ere. Lanak espezialitate askotak...

Luis Mariano Lirika Elkartean antolatuta, larunbatean eta igandean Verdiren Il Trovatore opera antzeztuko dute Amaian. Horri lotuta Zinemako Opera programaren saioa antolatu dute astearterako, hilaren 18rako. Amaiako hitzaldi aretoan izango da, 19:00et...

Ann Radcliffen Los misterios de Udolfo liburua landuko dute asteartean Ikust Alaia udal liburutegiko irakurketa tailerran.

Testua: Antton Kazabon Haurtzaro Ikastolako DBHko ikasleek badute beren euskara elkartea azken zortzi urte hauetan. Eta aurten ere Eskuttunek izango du esku bete lan euskararen erabilera sendotzeko ikasleen artean. Batzuek bestelakorik uste badute ere, oraindik ez omen da hizkuntz normalizaziorik iritsi gure herrira, Haurtzaroko ikasle euskalzaleek diotenez. Beraz, ikasturte honetan ere, horretan ariko da batik bat, Eskuttun elkartea, euskararen erabilera sendotzen eta horretarako ikasleak motibatzen. Urteroko programari jarraituz, aurten ere Argitxoren aurkezpenak egingo dituzte 3 urtekoen geletan, eta ondoren, Argitxo iratxoaren eskutitzak jaso eta honen ipuinak kontatu ikasle ttikienei. Euskaraz Bizi izeneko urteko egitasmoan ere hartuko dute parte Eskuttuneko ikasleak. Dagoeneko elkarteko arduradunak pasatu dira gelaz gela DBHn, eta ikasle berriek eman dute izena ikasturte honetan beren ahalegintxoa eskaintzeko gure hizkuntza zaharraren alde. Hogei bat ikasle izango dira guztira, Maider Lekuona irakaslearen gidaritzapean. Euskarraz Bizi planaren barruan hiru kanpaina antolatuko dituzte ikastolan. Lehenengoa idazketaren inguruan izango dena, eta euskararen egunarekin amaituko dena. Bigarrena, eremu informalean, ahozkotasunaren bueltan antolatuko dutena. Eta hirugarrena, irakur zaletasuna indartzeko, liburuaren egunaren inguruan antolatuko dutena. Ikastolak antolatzen dituen ekitaldi eta festa edo ospakizun guztietan euskararen presentzia ziurtatzen ahaleginduko dira Eskuttuneko gaztetxoak. Urteroko Kilometroak, Santo Tomas feria, Olentzero, Inauteriak, Santa Ageda, San Nikolas… Ikasleen arteko kidetze saioak [...]

Errenteria-Oreretan 1946. urtean jaio direnek Lintziri Hotelean bazkalduko dute 65 urteak ospatzeko. Azaroaren 12an elkartuko dira. Izena eman nahi dutenek Euskadiko Kutxan (3035 0011 28 0111245202) 65 euro sartu behar dituzte azaroaren 9a baino lehen....

David Hernandez Pasaiako Udaleko PPko bozeramaileak adierazi duenez, PPk plenora eramango du Pasaian turismoa sustatzeko proposamenak. Gastronomia eta aisialdiko helburu izatea nahi du. Hernandezen esanetan, “turismoa diru iturri ona izan daiteke...

Virginia Imaz kontu kontari arituko da asteazkenean, hilaren 19an, Ikust Alaia liburutegian. Monstruak bizi diren lekua 4-7 urteko haurrentzako kontakizuna izango da. 17:30ean hasiko da.

Zazpigarren Landalur azokan sartuta daude bete-betean herrian. Zumardian denetariko postuak daude: janaria,animaliak… Aurten, gainera, hiru berritasun nagusi daude: Basasoro baserriko esnearekin egindako txokolate jatea, haurrentzako herri kirolak, eta bisita bat izango dute: Irrien Lagunena. Hango pertsonaiak lagun dituztela, ingurumen heziketarekin lotutako ekintzak egingo dituzte: marrazketa, tailerrak… Azokara hurbiltzen direnek lau gune ikusiko dituzte: baserriko produktuen salmenta, abereen erakusketa, Ingurumen Sailaren erakusketa, eta perretxikoen erakusketa. Egitaraua: 10:00-14:00: Txalapartarekin deialdia. Errenteriako Landalurraren VII. Azoka Gamon Zumardian, baserriko produktuen salmenta eta abere erakusketa. 11:00: Errenteria ekoiztutako kalitatezko produktuen dastaketa: Eusko Labeldun tomatea, LumaGorri baserriko oilaskoen haragia, taloak, Egiluze sagardotegiko sagardoa eta Idiazabalgo Jatorri Izena duen gazta dastatzeko aukera. 10:30-13:30: Sagardoa egiteko prozesua ikusi ahal izango da Egiluze Sagardotegiaren eskutik. 17:00-19:30: Baserriko produktuen salmenta, Gamon Zumardian. 18:00: Txokolate jatea haurrentzat, Basasoro baserriko behi esnearekin. Egunean zehar: Errenteriako dultzainero, txalapartari, trikitilari eta txistulariak, Errenteriako Landa Garapena eta Ingurumena erakusketa, perretxiko erakusketa.

Gipuzkoako Euskal Kantu Txapelketaren XIV. ekitaldia gaur hasiko da Lezon. 18:00etatik aurrera, lehen kanporaketa jokatuko dute Gezala Auditoriumean. Bakarkako, binakako zein taldeko emanaldiak entzuteko aukera izango da. Gipuzkoako kantu txapelketare...

Sagarren Besta, Gaztelu Zahar pilotalekuan, 09:30etik 17:00etara: sagarren erakusketa eta salmenta, sagar lehertzea, zukuaren bilketa, Hendaian Kantuz, bazkaria…