Oiartzunen euskararen kale erabilera zenbatekoa den neurtuko dute udazkenean
Euskararen kale erabileraren neurketa egingo dute udazken honetan berriz. Duela hiru urte egin zuen azken ikerketa Soziolinguistika Klusterrak Oiartzunen, eta aurten ere eurak arduratuko dira ikerketa egiteaz. Aiora Perez de San Roman alkateak eta Jaime Altuna Soziolinguistika Klusterreko lehendakariak sinatu dute hitzarmena. Azkeneko aldiz 2008an egin zen Oiartzungo kale erabileraren neurketa. Orduko hartan, herria hiru eremutan banatu zuten ikerketa egiteko eta kale erabilera %62koa izan zen. Hau da, kaleko hamar elkarrizketatik sei ziren euskaraz. Kale erabilera neurtuz, Oiartzunen euskararen erabileran dagoen errealitatea jakin daiteke eta baita hiztunen joerak zeintzuk diren. Hori jakitea, Udalaren euskara politikaren ildoak zehazteko eta fintzeko baliagarria da. 2005ean kezka sortu zen euskararen kale erabilera puntu batzuk jaitsi zelako. 2008an berriz ere 2001eko tasetara igo zen euskararen kale erabilera. Hala ere, joerak zeintzuk diren ikusteko ezinbestekoa da zenbait urtetan neurketak egitea eta horietatik ateratako ondorioak aztertzea. 1989an egin zuten lehenengo kale erabilera neurketa Euskal Herrian. Oiartzunen ordutik egin dira neurketak. Hala, bilakaera nolakoa izan den jakin daiteke. Aurten zazpigarren aldiz neurtuko dute euskararen erabilera.
Irati Etxebeste zinegotzia, Aiora Perez de San Roman alkatea eta Jaime Altuna Soziolinguistika Klusterreko lehendakaria.
Euskararen kale erabileraren neurketa egingo dute udazken honetan berriz. Duela hiru urte egin zuen azken ikerketa Soziolinguistika Klusterrak Oiartzunen, eta aurten ere eurak arduratuko dira ikerketa egiteaz. Aiora Perez de San Roman alkateak eta Jaime Altuna Soziolinguistika Klusterreko lehendakariak sinatu dute hitzarmena.
Azkeneko aldiz 2008an egin zen Oiartzungo kale erabileraren neurketa. Orduko hartan, herria hiru eremutan banatu zuten ikerketa egiteko eta kale erabilera %62koa izan zen. Hau da, kaleko hamar elkarrizketatik sei ziren euskaraz.
Kale erabilera neurtuz, Oiartzunen euskararen erabileran dagoen errealitatea jakin daiteke eta baita hiztunen joerak zeintzuk diren. Hori jakitea, Udalaren euskara politikaren ildoak zehazteko eta fintzeko baliagarria da.
2005ean kezka sortu zen euskararen kale erabilera puntu batzuk jaitsi zelako. 2008an berriz ere 2001eko tasetara igo zen euskararen kale erabilera. Hala ere, joerak zeintzuk diren ikusteko ezinbestekoa da zenbait urtetan neurketak egitea eta horietatik ateratako ondorioak aztertzea.
1989an egin zuten lehenengo kale erabilera neurketa Euskal Herrian. Oiartzunen ordutik egin dira neurketak. Hala, bilakaera nolakoa izan den jakin daiteke. Aurten zazpigarren aldiz neurtuko dute euskararen erabilera.
