2025eko abenduan onartutako mozioaren berririk ez dutela jaso salatu dute; elkartea azaroko udal osoko bilkurara aurkeztuko da.


Agosti Xaho idazlearen jaiotzaren bigarren mendeurrenaren harira, Eusko Jaurlaritzako Kultura sailak lehenetariko abertzale gisa hartua den pentsalariaren bizitza jorratzen duen liburua aurkeztu du Hendaiako Abadia gazteluan. Ekimenarentzat, lanaren autorea den Xabier Zabaltza historialaria, Xahoren sorterria den Atharratzeko Arnaud Villeneuve auzapeza eta Jaurlaritzako Blanca Urgell kultura sailburua bildu ziren. Agosti Xahoren biografia bi ediziotan argitaratu da, bata euskaraz eta bestea elebiduna (frantsesez eta gaztelaniaz). Jatorrizko testua euskaraz idatzi du Xabier Zabaltzak, Agosti Xaho. Aitzindari bakartiaizenburuarekin. Zabaltzak berak egin du itzulpena gaztelaniara: Augustin Chaho. Precursor incomprendido; frantsesera, berriz, Edurne Alegriak itzuli du Augustin Chaho. Un précurseur incompris izenburua duela. Agosti Xaho Lagarde Zuberoako Atharratze herrian sortu zen 1811ko urriaren 10ean. Euskal kazetari, idazle, hizkuntzalari eta politikaria…, haren pentsamoldea, ezkerreko euskal nazionalismo baten lehen aurrekaritzat hartzen da. Erromantiko sutsua, euskaldunen jatorriaren eta historiaren inguruko hainbat kontakizunen asmatzaile izan zen, hala nola Aitorren elezaharra. Xabier Zabaltza liburuaren egileak argitu duenez, “liburu hau biografia bat baino gehiago ideografia bat da. Izan ere, saiatu naiz Agosti Xahoren ideologiako kontu garrantzitsu batzuk azaltzen, polemikoak izan daitezkeenak. Ideologia hori oso korapilatsua da, baina, barne-batasun handia du bere baitan”. Blanca Urgell Kultura sailburuak, berriz, ziurtatu du, “harribitxi biografiko txiki batean aurrean aurkitzen garela. Arreta eta maitasun handiz egindako liburua da. Xahori lotutako pertsonaien eta objektuen 38 irudi [...]

Txost taldeko pilotariek lau pala partida jokatuko dituzte bihar goizean, 09:00etan, Madalensoro pilotalekuan. Pala motzean, 3A: Txost 1-Altzatarra 1. Pala motzean, 3B: Txost 2-Altzatarra 2. Paleta larruz, 22 urtez azpikoak: Txost-Oiangu. Eta pala motz...

Mikel Salegi entrenatzailearen taldea, Bigarren Mailako neskena, Abanto Club taldearen aurka ariko da asteburu honetako jardunaldian. Etzi arratsaldean jokatuko dute partida, 17:00etan, Abantoko Mortuero zelaian (Bizkaian). Lidergoa mantentzeko borroka...

Hilabete honetan ere erakusketa berria dute Garmendi txokolategian. Hala, txokolategia irekita dagoen ordutegian bertara gerturatzen direnek Juan Telletxearen egur taila erakusketa ikusi ahal izango dute, hilaren 31 arte.

Bihar bukatzen da epea udalak antolatzen dituen haurrentzako eta nerabeentzako tailerretan izena emateko. Komikiak, manga, ilustrazioa, pintura, marrazketa… orotarikoa da eskaintza. Izena emateko 943 00 43 30 telefono zenbakira deitu behar da, 14...

Egungo egoera politikoaren azterketa egiteko helburuz, Antxoko ezker abertzaleak herri batzarra deitu du biharko (hilak 7, ostirala). 19:00etan bilduko dira, Basari elkartean.

Zabalenea II gaztetxeak 11 urte beteko ditu aurten, eta urtero moduan behar bezala ospatuko dute urteurrena. Horretarako, gaztetxeko kideek hainbat ekitaldi antolatu dituzte herriko gazte guztiei begira, bihartik hasi eta datozen asteetarako. Antolatzaileek Gazte Eguna ere izan dute oinarrian. Izan ere, uztailean egindako ekimen horretan, herriko gazteen arazoez hitz egiten aritu ziren, eta hala nola, sozioekonomia, kultura, aisialdia, errepresioa, hezkuntza, euskara eta komunikazioa izan ziren kezka gehien sortarazten zien gaiak. Ekimen horretatik abiatuta, “gazte asanblada indartu eta zabaltzeko aukera paregabea” ikusi dute Zabalenea IIko kideek, eta horrenbestez, hausnarketa horren bideari jarraituz, hilaren 29rako hainbat ekintza prestatu dituzte. Ekitaldi nagusia goizean izango da, eta gazte eztaibadak egingo dituzte parte hartzaileen artean, uztailean hautemandako arazoez hitz egiteko. Patinekin eta bizikletekin Hori, ordea, ez da ekintza bakarra izango. Etzi, gurpil poteo informatiboa egingo dute Herriko Enparantzatik hasita. Patinak eta bizikletak ateratzeko eskatu diete herritarrei poteoa egiteko. Horrekin batera, datozen asteetarako prestatutako ekintzen berri emango diete (ondoko koadroan daude zehaztuta). Gauean, berriz, musikari egingo diote tartea Sutura, The Fe Kaos eta talde sorpresarekin. Antolatzaileek herriko gazte guztiak animatu dituzte antolatutako ekimen guztietan parte hartzera. Egitaraua Etzi 18:00etan. Gurpil poteo informatiboa Herriko Enparantzatik hasita. Patinak, bizikletak edo dena delakoa eramateko eskatu dute antolatzaileek. 22:30ean. Kontzertuak [...]

Bihar Chachachat antzezlana ematekoak ziren Errenteria Hiria Kulturgunean 20:00etan, baina antolatzaileek jakinarazi dutenez, bertan behera geratu da,”taldearen arazoak direla eta”. Eragozpenengatik barkatzeko eskatu dute.

Urriko odol erauzketa saioa datorren asteartean izango da. 18:00etatik 20:00etara izango da elkartasun keinua egiteko aukera anbulatorioan. Ondoren, odola eman dutenei askaria emango diete. Herritarrei odola ematera animatzeko deia egin diete.

Bihar da sari banaketa, eguerdian, liburutegian; Euskararen Saria 2011 eta ohorezko aipamena emango dituzte. Etzi da Euskararen Eguna (abenduaren 3an). Horren harira, bihar banatuko ditu Oarsoaldeko Euskara Batzordeak Oarsoarrak sariak. 13:00etan jarri...

Larunbatean estreinatu zuten Itsas Etxeko auditoriumeko zinema gela berria. Haurrentzako emanaldia izan zen lehena, eta amona asko bertaratu ziren euren bilobekin, 156 lagun, guztira. Duela hogei urte euren seme-alabak eramaten zituzten filmak ikustera, eta orain, bilobekin joateko aukera dute. Estreinaldian, Arthur y la guerra de los mundos filma ikusi zuten. Herritarrak pasa den hilabetean ireki zuten eraikinera hurbiltzeko asmoz, bi film gehiago eskainiko dituzte hil honetan: Bertsolari eta Las aventuras de Tintín. Sarrerek hiru euroko prezioa dute, eta saioa hasi baino ordubete lehenagotik eros daitezke. Iragan larunbateko emanaldiaren aurretik, Txomin Sagarzazuk, Kultura zinegotziak, barkamena eskatu zuen, akats tekniko batzuengatik filma erdaraz emango zutelako. Gainera, Kultura Sailaren asmoa da Itsas Etxeko auditoriuma herritarrei pixkanaka irekitzea, izaera askotariko ekitaldiak prestatuz. «Orain arte, aurkezpen eguneko ekitaldien ondoren, gastronomia eta merkataritza ekintzak egin ditugu bertan, eta kultur ekitaldien artean musika kontzertuak eta antzerkiak programatu ditugu; zinemarekin ere hastea erabaki dugu. Datorren urteko egitaraua prestatzen ari gara, beti ere denengana heltzeko asmoarekin, baina kontuan izan beharko dugu Kultura Saileko dirua ekitaldietarako eta ekipamendu berriaren gastuetarako erabili beharko dugula. Asmoa, dugun egoera kontuan izanik, kultur agenda osatu bat prestatzea da». Hondarribian izan zen zinema gela bakarra, duela 20 urte, Elizalde eskolakoa izan zen, La Salleko apaizek [...]

2012/2017 urteetarako osatu dute euskararen normalizaziorako plana; hainbat arlotako herritarrekin osatu dute. Gaur arratsaldean, 18:00etan, Udaletxeko areto nagusian. Euskara Biziberritzeko Plan Nagusiaren harira, Oiartzungo Euskara Biziberritzeko II....

Abenduaren 2tik 12ra auzo bilkurak eginen dira Hendaian. Auzokideak gomitatuak dira bilkura horietan parte hartzea. Horren karietara, abian diren txostenak eta azken berriak aipatzen ahalko dira.

Allerru jaun eta jabe izan zen pasa den larunbatean Plazetan jokatu zuten Oarsoaldeko derbian. Talde zuri-berdeak 4-0 irabazi zion Sanpedrotarra taldeari. Bederatzigarren postura egin dute jauzi lezoarrek, hamahiru punturekin, eta moreek azkeneko postuan jarraitzen dute, bostekin. Erregional Lehenengo Mailan, Allerru Bk denboraldiko bigarren partida galdu zuen Pasaia Bren kontra. Urnieta liderrak orain sei puntuko aldea ateratzen die, eta bigarren postuan jarraitzen dute. Gipuzkoako Emakumeen Ligari dagokionez, Allerruren eta Hondarribiaren arteko derbia jokatu zuten Lezon. Etxekoak nagusitu ziren, gol bateko aldeagatik: 2-1. Garaipen horrekin sailkapenean aurrea hartu diete. Gainera, lezoarrek partida bat gutxiago jokatu dute. Saskibaloian, berriz, Allerruk 54-65 irabazi zuen Santo Tomas Lizeoaren kantxan. Sei garaipen eta lau porrot dituzte. Azkenik, areto futbolean, Allerru-Jaizkibelek launa berdindu zuen Hondarribia Bar Ignacioren kontra, Bekoerrotan.

Beste urte batez, eta dagoeneko hamabosgarrenez, Gabonetako Ipuin Lehiaketa antolatu dute erretiratuen klubek Gizarte Zerbitzuen laguntzarekin batera. Lehiaketa herriko zortzi erretiratuen elkarteetako kideei zuzenduta dago. Horrenbestez, lanak idatzi ...

Bihar arratsaldean bi hitzaldi izango dira Errenteria-Oreretan. Batean, Latinoamerikako emakume mugimendua aztertuko dute Mikelazulo Kultur Elkartean, 19:30etik aurrera. Bestean, berriz, elikadura burujabetza izango da ildo nagusia, eta Merkatuzarren i...

Zabala Enea II Gaztetxeak osatutako eskalada taldea hasi da pixkanaka emaitza onak lortzen. Joan den asteburuan Azpeitiko gaztetxeak antolatutako Presoen Aldeko V. Eskalada Txapelketan parte hartu zuten eskalaitzaile errenteriarrek, eta horietako bat g...

Nagore Laffage gazte irundarraren hilketa eta ondorengo epaiketa lantzen dituen Nagore filmaren gaineko hezkuntza materiala banatuko dute hiriko Bigarren Hezkuntzako eta Batxilergoko ikastetxeetan. Helena Taberna zuzendari iruñearrak egindako filmari lotutako DVDa eta 80 orriko liburua argitaratu dute, eta Gabonak baino lehen banatuko dute eskoletan. Laffageren amak, Asun Casasolak, eta Maite Cruzado Gizarte Ongizateko ordezkariak atzo aurkeztu zuten ekimena. Casasolak hainbat hitzaldi eman ditu Espainiako Estatuko ikastetxeetan, eta ikasleak filmarekin “harrituta” geratzen direla adierazi zuen. Bere alabarenak bezalako gertakari asko ezkutuan geratzen direla esan zuen, eta Tabernaren filma gazteentzako oso egokia dela nabarmendu zuen: “Gazteekin lan egin behar da, zerbait ikasi dezaten, berriro gertatu ez dadin”. Hezkuntza materiala Iruñeako Lamia ekoiztetxeak prestatu du, Helena Tabernak berak zuzenduta, eta Nafarroako hiriburuko pedagogia adituen laguntzarekin. Gizarte Ongizate arloak hogei kopia erosi ditu, ikastetxeetan banatzeko. Gabonak baino lehen banatuko dituzte. Bi saio Zinema Paradison Abenduan Nagore filmaren bi saio emango dituzte Amaia KZn, Zinema Paradiso programaren barruan. Lehen saioa etzi izango da, eta bigarrena abenduaren 16an. Bi saioak arratsaldeko zortzietan hasiko dira, eta doan izango dira. Nagore Laffageren heriotza lantzen du Helena Tabernaren filmak. Laffageren amak parte hartzen du, eta gaztearen senitarteko eta lagunen testigantzak ageri dira. Dokumentalak Laffageren hiltzailearen kontrako epaiketa kontatzen du [...]

Heldu den larunbatean, abenduaren 3an, Antxeta irrati librearen aldeko bertso bazkaria egingo dute Bidasoko Euskal Kultur Elkartean (EKT). Julio Soto, Alaia Matin, Julen Zelaieta eta Unai Muñoa bertsolariak ariko dira. Dagoeneko sarrerak eros daitezke...