Albisteak

Pasaiak 0-3 irabazi dio Mondragoni

Bigarren garaipena jarraian lortu du Pasaiak, azkena larunbatean Mondragonen kontra. Hiru gol sartu zituzten zuri-gorriek Arrasaten jokatutako partidan, eta orain sailkapenaren bigarren postuan kokatu dira, Anaitasunaren atzetik, bi puntutara. 22 puntu...

admin

Gazteentzako 30 euroko menuak, Alameda eta Abarka jatetxetan

Hondarribiko Ostalari Elkarteak antolatutako dastatze eta elkartze afarien zortzigarren edizioan bi zita berezi egingo dituzte gastronomia maite duten gazteentzat. Alameda jatetxean bihar, eta Abarkan datorren asteazkenean, bi dastatze eta elkartze afa...

admin

25. urteurrena ospatu du Xatzek

Abesten ospatu zuen Hondarribiko Xatz emakumeen abesbatzak 25. urteurrena. Mende laurdenez taldeko kide izan diren 60 emakumek kontzertua eman zuten larunbatean parrokian, eta Xatzek izan dituen sei zuzendariek eta abesbatza utzita zuten neskek berriz ere elkarrekin musika saioa eskaini zuten. Emanaldiaren ondoren, sei zuzendariek, Xatzeko egungo partaideek, abeslari izandakoek, eta abesbatzako arduradunek afaria egin zuten Klink elkartean

admin

Ramon Vizcaino “hil” egin zutela salatu du langile ohi talde batek

Duela aste batzuk, kontu-hartzaileak txosten bat aurkeztu zuen Ramon Vizcainori buruz, eta konkurtso legera iritsi behar izanaren gainean. Langile ohi talde batek salatu duenez, txosten horrek ez du ezer argitzen gertatutakoaren gainean, baina garbi uzten du enpresa “hil” egin zutela. Langileen arabera, txostena ez da erreportaje zatar bat besterik: “Ez da benetako txostena, eta ez du inolako balio analitikorik, eknomikorik edota finantzariorik. Gainera, ez du inolako konklusiorik jasotzen”. Informea bide batekoa dela kritikatu dute langileek: “Helburua enpresaren bideragarritasuna zalantzan jartzea da, likideziarik ez zuela esanez. Besterik ez”. Langile ohiek zerbait gehiago espero zuten, hildako bati autopsia egiten diotenean bezala. “Forentseak hildako batekin lan egin behar duenean, badaki lehenengo galdetuko diotena hiltzearen arrazoia izango dela”, diote langileek. “Guk zerbait gehiago espero genuen txostenetik; hitz askorekin orriak eta orriak bete dituzte, baina ez digute ezer esaten, ez enpresa zergatik hil den, zerk eraginda, ezta bakarrik hil den edota norbaitek eragin duen enpresa hiltzea”, nabarmendu dute. Kontu-hartzailetzako kideek (Juan Rekalde abokatua; Iñaki Uzkudun ekonomialaria, eta Felipe Gorostegi Kutxako kidea), txostena izapide soila balitz bezala egin izana salatu dute, eta gero lan horregatik milioi bat euro kobratzea. Konklusioa: hilketa Langileek ikusi, entzun eta hitz egin dutenaren arabera, eta txostena irakurri ondoren, atera duten ondorioa [...]

admin

Xanisteban Eguna: pala txapelketako emaitzak

Hilaren 13 arteko emaitzak:

admin

Eraikuntzako langabeek agerraldia egingo dute etzi

Gipuzkoako Eraikuntzako Langabeen Plataformak Errenteria-Oreretako udal taldeekin egindako bilera errondatik ateratako ondorioen berri emango du etzi. Bilera horietan bizi duten egoera helarazi diete udal taldeei, enpleguaren suntsipena eta murrizketa ...

admin

‘A los que gritan’ filmak irabazi du Bekoz Beko Saria

Lesbiana batek pairatutako biolentziaz diharduen istorioa saritu du aurten Bezko Bekok. Juanan Martinezek zuzendutako A los que gritan film labur madrildarra Emea eta anitza izeneko emanaldiaren barruan eman zuten lehengo larunbatean, Ikuska zabaltzeko ekitaldia egin ondoren.   Zazpi film labur eman zituzten Emea eta anitza-ren barruan, guztiak emakumeekin lotutako gaiak ardatz hartuta.   A los que gritan filma, Undersoundfactory PC ekoiztetxearena da, eta Alfredo Alba, Anna Allen, Luisa Ezquerra, David Tortosa, eta Marika Perez ibili dira aktore lanetan.   Laburren emanaldiaren ondoren, Koldo Merinok sortutako litografia eman zioten film irabazlearen zuzendariari, Juanan Martinezi. Madrildik Trintxerpera sariarem bila etorria, esker oneko hitzak izan zituen Ikuskaren antolatzaileentzat, eta Bekoz Bekoren ekimena txalotzeko modukoa dela adierazi zuen.   Atzotik, sail ofiziala Larunbata gauean barre egiteko tartea izan zen, Gauguasa emanaldiaren barruan eman zituzten film laburrekin, eta atzo berriz, gai sakonago batez hausnartzeko aukera izan zen, krisi ekonomikoaz jarduten duen Inside Job dokumentalari esker.   Asteburuko lehiaketatik kanpoko emanaldiak bukatuta, atzo sail ofizialaren barruko emanaldiak hasi ziren. Gaur, 20:00etan hasiko da sail ofizialeko lanen emanaldia bigarrenez, Trintxerpeko alkateordetzan, doan. Sari banaketa larunbatean izango da, eta orduan jakinaraziko dute zein den aurtengo film irabazlea.   Gaurko filmak Independencia. Madril, 2011. Iraupena: 4’ 29’’. Hemisferio. Madril, [...]

admin

Haur eta gurasoentzako musika saioa larunbatean

Hilabetean behin, larunbatez, goizeko 11:00etan, 0 Kolektiboko Stéphane Garin-ek musika unibertso desberdinen ezagutzeko parada eskaintzen die gurasoekin etortzen diren 5 urtez gorako haurrei. Musika entzuteko saio desberdin horiek ernatzea eta jaking...

admin

Bi atxilotu, edan ondoren autoa hartzeagatik

Larunbatean Ertzaintzak pertsona bat atxilotu zuen herrian, edanda gidatzea leporatuta. Igandean, beste pertsona bat atxilotu zuten arrazoi beragatik. Asteburuan Euskal Autonomia Erkidegoan hemeretzi gidari atxilotu dituzte.

admin

‘Apaizac Obeto’ film luzea pantaila handian emango dute gaur lehen aldiz, Irunen

XVI. mendeko euskal bale arrantzaleen joan etorriak kontatzen dituen Apaizac Obeto, azken balea txaluparen kondaira dokumentala ikusteko aukera izango da gaur Amaian KZn, Bidasoko XI. Nazioarteko Zinemaldi Arkeologikoaren (FICAB) irekiera ekitaldia eta gero. Joan den astean telebistaz eman zuten lehen aldiz Orio Produkzioak-ek ekoitzitako lana, eta gaurkoa izango da zinema pantailan proiektatuko duten aurreneko aldia. Arratsaldean egingo dute Amaia KZn Zinemaldia irekitzeko ekitaldia, 19:00etan. Ondoren hasiko dira proiekzioak, ordu erdi beranduago. Gaur, Pio XII.aren plazara hurbiltzen direnek iraupen luzeko bi lan ikus ditzakete, biak euskal istorio epikoetan oinarritutakoak (emanaldi guztien ordutegia irun.hitza.info-n) . Gipuzkoan bizi den Olivier Van der Zee gidoilari holandarrak zuzenduriko 778: La Chanson de Rolan (778: Errolanen kantua) dokumentalak irekiko du aurtengo jaialdia. Nazioarteko koprodukzioa da, Bilboko Idem 4, Iruñeako ITC, Bordeleko La Smac eta Zaragozako Modelika ekoiztetxeen arteko elkarlanaren fruitua. Eta ondoren emango dute Jon Maiak zuzendutako Apaizac Obeto ikus entzunezkoa, 20:50an. Sei euskal ekoizpen Joan den ostiralean aurkeztu zuten FICAB XI Oiasso Erromatar Museoan. Mertxe Urteaga museoko zuzendaria pozik agertu zen hamaika urte bete direlako «Europan egiten ari dena ezagutzeko eta proiektatzeko aukera» dutenetik. «Euskaraz hamaikak pila bat esan nahi du, eta honaino iristeak, hamaikagarren ekitaldia antolatzeak, pila bat egin dugula esan nahi du». Aurtengo [...]

admin

Bi pertsona atxilotu ditu Ertzaintzak, droga trafikoa leporatuta

Larunbatetik iganderako gauerdian atxilotu zuten emakume bat, eta gizon bat goizaldean Asteburuan bi pertsona —gizon bat eta emakume bat— atxilotu zituen Ertzaintzak, dantzaleku baten inguruan droga salerostea leporatuta. Osasun publikoaren kontrak...

admin

Zabor bilketan aldaketak izango dira hil honetan

Hendaiako Herriko Etxeak iragarritako moduan, birziklagarria den zaborraren bilketan aldaketak emango dira. Hemendik aurrera, kutxa horiak (estalkiak eta papera) asteartetan bilduko dira, eta kutxa berdeak (beira) ostegunetan herri osoan zehar. Sistema...

admin

Nicolas Billotelen lanak ikusgai dira Mendi Zolanen

Mendi Zolan kulturguneak, Nicolas Billotelen erakusketa hartuko du datorren urtarrilaren 28ra arte. Erakusketak marrazkia, margoa, argazkiak eta animazioa uztartzen ditu. Bisitak: asteartetik larunbatera, 10:00etik 13:00era eta 15:00etik 19:00era.

admin

Aice Egoaren urteroko erakusketa abiatzear da

Hendaiako Aice Egoa margolarien elkarteak 49. margo erakusketa antolatu du hilaren 20tik 29ra Herriko Etxean. Musika ardatz gisa hautatu du aurten elkarteak, eta udalaren Hendaia Herriko Sariaz gain, Publikoaren Saria emango du lehen aldiz elkarteak. I...

admin

Lezo Herri Eskolako ikasleek Porrotxen bisita jaso zuten atzo

Lezo herri eskolako ikasleekin izan zen atzo prorrotx

admin

Jarduerak antolatu ditu Kasino Zaharrak

Kasino Zaharrak lehenengo hiruhilabeterako jarduerak antolatu ditu. Ohiko zerbitzuez gain, txangoak, txapelketak, jaialdiak, hitzaldiak eta omenaldiak egingo dituzte. Horietarako izena elkartearen bulegoan eman behar da.

admin

Galtzarabordako igerilekua itxita, etzidamu

Gipuzkoako Igeriketa Ligaren jardunaldia egingo dutela-eta Galtzarabordako Udal Kiroldegiko igerilekua itxita egongo da etzidamu, 14:00etatik aurrera. Gainontzeko azpiegitura zabalik egongo da ohiko ordutegian. Horrenbestez, bazkideek eta gainontzeko e...

admin

Udaltzainen gaueko zerbitzua kenduko du Lezoko Udalak

Lezoko Udalak jakinarazi du Udaltzaingoaren zerbitzuetan aldaketa egingo dituela aurten. Nagusiena, gaueko zerbitzua kentzea izango dela nabarmendu du. Bide horretan, “eguneko zerbitzua indartuko” dutela adierazi du udalak. Esan dutenez, 10.000 biztanle baino gutxiago dituzten herrien artean, Lezo da udaltzainen gaueko txanda mantentzen duen bakarrenetakoa. Hemendik aurrera, gauean larrialdiren bat gertatuz gero, Ertzaintza izango da bertaratuko dena. “Orain arte bezala, herritarrek 112 telefono zenbakira deitu beharko dute larrialdirik izanez gero”, adierazi dute Udaleko ordezkariek. Aurrekontuekin bat Gaueko zerbitzua murrizteak aurrekontua doitzearen barruan dagoela esan du udalak: “Udalak herritarrekin eta elkarteekin egindako bileretan argi azaldu duenez, aurten ahalegin berezia egin behar izan du udalak urteko aurrekontuak doitzeko”. Horrela, krisi ekonomikoaren ondorioz, “diru-sarrerek nabarmen egin dutela behera, eta hainbat zerbitzu berrikusi egin behar izan dira; tartean, udaltzainena, herritarrekin egindako bileretan aipatu izan bezala”. Horrela, iazko udazkenean udaltzainekin bilerak egin zituztela jakinarazi du udalak, “udaltzainekin batera zerbitzua berrikusi eta dagokion aurrekontua doitzeko”. Hala, erakundearen lehentasuna “herritarrei ahalik eta zerbitzurik egokiena” ematea izan da, eta udaltzainen lan baldintzak mantentzea.   120.000 euro aurreztu Gipuzkoan 5.000 eta 10.000 biztanle arteko hamar herri daude. Horietan, beste herri bateko udaltzainek eskaintzen dute gaueko zerbitzua. “Horregatik, zerbitzu hori kendu eta egunekoa indartzea erabaki dugu”, azaldu dute. Egin dituzten kalkuluen [...]

admin

Eleak mugimenduak agerraldia egin du, zigortutako gazteak babesteko

OARSO BIDASOKO HITZAn dago agerraldiaren bideoa.

admin
Gehiago