Albisteak

Kanpo kaiari bost helegite jarri dizkio ezker abertzaleak

Azken asteetan beste hainbat eragilek egin bezala, Gipuzkoako ezker abertzaleak alegazioak aurkeztu dizkio Pasaiako Portuaren Plan Zuzendariaren Ingurumen Jasangarritasun txostenari. Bost alegazio aurkeztu dituzte, eta, besteak beste, kanpoko portua eg...

admin

PPk udalerria biziberritzeko eta enplegua sortzeko 700.000 euro eskatu ditu

Pasaiako Partido Popularrak emendakinak aurkeztu dizkio aste honetan udal gobernuak aurkeztutako aurrekontu aurrerapenari. Popularrek proposatu dituzten neurrien artean 690.000 euroko partida bat dago, “udalerriko biziberritzerako eta tokiko enpl...

admin

Karmengo Amako kaldereroak, etzi

Karmengo Ama Ikastetxeko kideak etzi (ostirala) jantziko dira kaldereroz. 5. eta 6. mailakoak eraikin zaharretik abiatuko dira hartzarekin batera zartaginak astinduz, eta 12:15ean, eraikin berriaren jolastokian emanaldia egingo dute ikastetxeko beste i...

admin

Intxixuak eta sorginak etzi arratsaldean jaitsiko dira Kataxulotik herriko plazara

Asteburua herrian pasatuko dute; Ihote Taldeak webgune berria sortu du eta txosna jarriko du plazan Datorren asteburuan —hilaren 18koan— dira Inauteriak herri gehienetan. Baina Oiartzunen, beste urte batez, astebete lehenago ospatuko dituzte Ihoteak. Intxixuak eta sorginak etzi jaitsiko dira Kataxulotik herrira, Ihote Taldearen eskutik. Asier Legorburu Kultura zinegotziak nabarmendu duenez, Ihoteak Oiartzungo ondare kulturalaren parte garrantzitsua dira: «Ihote Taldeak lan handia egin du azken urte hauetan ohitura berreskuratzeko eta datuak biltzen». Hori dela eta, udalak taldearen ekimenekin bat egin du, beste behin. Eta herritarrak animatu ditu antolatutako ekintzetan parte hartzera. Ihote Taldeko kideen eskutik, berritasun nagusietako bat webgune berria da aurten. Egin berria da, udalaren laguntzarekin: www.kataxulo.com. Hainbat atal ditu: Ihoteen historia, festaren nondik norakoak, Multimedia, Material didaktikoa (ipuinak, marrazkiak…)… Legorburu zinegotziak nabarmendu bezala, Ihote Taldeak material asko du gordeta azken 20 urteetakoa, eta webgune horretan bildu nahi du dena, pixkanaka. Gainera, hala, material hori edonoren esku egongo da. Era berean, webgunea erabiltzaileen ekarpenak jasotzeko irekita egongo da, Ihote Taldeko kideek nabarmendu dutenez: «Baten batek Ihoteen gaineko materialik baldin badu, bertara bidal dezake, komunikazioa@kataxulo.com helbidera». Zakuz jantzi eta txosna plazan Udalak eta Ihote Taldeak, zakuz janztera animatu dituzte herritarrak, kuestazioan parte hartzera eta balkoietan auzo bakoitzari dagokion kolorea duten banderak [...]

admin

Hastear dira Ulia etorbidea urbanizatzeko lanak

Pasaiako Udalak jakinarazi du aurki hasiko direla Trintxerpeko Ulia kalea urbanizatzeko lanak. Lan horiek burutzeko sei hilabete izango ditu Azysa enpresak; obraren egitasmoa 2009an idatzi zuten, eta udalak 2010ean onartu zituen. Udalak onartu du lan h...

admin

Garagardoa dastatzen ikasteko tailerra egingo dute gaur Kamio tabernan

Kamio tabernak garagardo dastaketa ikastaroa antolatu du gaur arratsalderako, zortzi euroko prezioan. Eric Coene garagardo maisu flandiarrak emango du tailerra eta, horren bitartez, Kamio tabernak garagardoaren kultura sustatu eta 2012rako izango duen ...

admin

‘A las nueve en el Faisan’: aurkezpen bertso saioa

Xabier Silveiraren azken liburua aurkeztuko dute bihar Makutxo tabernan: A las nueve en el Faisán. 20:00etan, liburuaren aurkezpen bertso saioa egingo dute. Hiru bertsolari izango dira bertan: Ander Lizarralde, Unai Muñoa eta Jokin Uranga.

admin

Donostiako alkatea, Oiartzun Irratian

Etzi elkarrizketatuko dute, eta gaur mendi ibilaldiak izango dituzte hizpide; sakelako zenbaki berria, irratian Etzi, Oiartzun Irratiko Arguyuan saioan, gonbidatu berezia izango dute: Donostiako alkate den Juan Karlos Izagirre. Elkarrizketa sakona egin...

admin

Enplegua sustatzeko egitasmoko hemeretzi langileak hasi dira lanean

Hasi dira lanean Lanbideren diru laguntza jaso duen enplegua sustatzeko programaren barruan udalak kontratatutako hemeretzi langileak. Ondorengo langileak kontratu dituzte: administrari laguntzaile bat; argiketari bat; hezitzaile bat eta lau langile bizimodu osasungarria sustatzeko lanean aritzeko; hezitzaile bat eta lau langile baratze komunitarioan lan egiteko; hezitzaile bat eta lau langile itsasertza garbitzeko, eta kultur eta gizarte dinamizatzaile bana. Aitor Kerejeta alkatearen arabera, Hondarribiko Udalak ahalegin handia egin du egitasmoarekin, «krisi garai gogorrean hemeretzi langile kontratatu ditugulako». Horrela, langile horiei «ahalik eta arduratsuen» izateko eskatu die: «Ziur nago hala izango dela». Lau eta sei hilabete Enplegu horien iraupena, gehienez, sei hilabetekoa izango da ia lanpostu guztietan, eta kasu batzuetan lau hilabetekoa; jarduna , berriz, egun osokoa izango da, eta lanpostuek behar berriei aurre egiteko balioko dute. Ekimenaren bidez herrian behar handiena duten pertsonen egoera arindu eta horiek lan merkatuan sartu nahi ditu udalak. Alkateak eta Juan Mari Altuna Giza Baliabideetako zinegotziak, ongi etorria eman zieten iragan ostegunean langileei, eta «datozen hilabeteetarako zorterik onena» opa zieten. Deialdira aurkezteko bi baldintza bete behar zituzten hautagaiek: diru sarrerak bermatzeko errentaren onuradunak izatea, eta prestaziorik kobratzen ez duten langabeak izatea.

admin

Amute-Kostako bizilagunekin bilera, gaur

Hondarribiko gobernu taldea Amuteko auzo elkartean bilduko da gaur, 19:30etik aurrera Amute, Kosta, Santa Engrazia, Minasoroeta eta Gabarrari kaleko bizilagunekin. Bilera irekia da bizilagun guztientzat, eta behin 2012ko aurrekontuak azalduta, auzokide...

admin

Grebarekin bat egin du udalak ere

Greba orokorraren deialdiarekin bat egin du udalak ere. Atzoko plenoan, lan erreformari buruzko mozioa aztertu zuten zinegotziek, eta Bilduko zinegotzien aldeko botoekin atera zen aurrera. Aiora Perez de San Roman alkateak ·langileok urtetako borrokar...

admin

Greba erabatekoa ari da izaten industrian eta oso handia merkataritzan

Joan zen astean ELA, LAB, CCOO eta UGT sindikatuek aurreratu bezala, Irungo lantegi guztiek bat egin dute grebarekin, eta aurreko deialdi batzuekin alderatuta, langileen erantzuna askoz handiagoa izaten ari da. Goizeko lehen orduetatik pikete informatiboak egon dira, baina apenas egon da istiluren bat, lan egitera joan direnak oso gutxi izan direlako. 10:00etan manifestazioa egin dute erdialdean eta, ordu horretan, industria gune guztiak geldirik zeuden. Arratsalderako manifestazio handia deitu dute. 19:00etan abiatuko da Zabaltza plazatik. Eskualdeko mobilizazioa da eta Hondarribiko langileak ere espero dituzte. Arratsaldeko manifestazioaren ondoren sindikatuetako ordezkariek balantzea egingo dute, eta, zalantzarik gabe, balorazioa oso positiboa izango da. Merkataritza ere geldirik Sindikatuen arabera gaurko eguna langileen eskubideen aldeko borrokan urrats handia izango da, edo langileen eskubideen murrizketen kontra, nahi bezala. Eguerdian Irungo erdialdean antzematu den bezala, etxeko lanen banaketa parekatuagoa izateko ere balio izan du M29ak, egun batez bada ere. Eskolak eta fabrikak itxita egonik, haur parkeak gainezka zeuden, eta ohi baino aita gehiago ikus zitezkeen haurren zaintza lanetan. Erdialdeko merkataritzaren gehiengoak ez du gaur goizean pertsiana igo. Colon pasealekuan, esaterako, %80tik gorakoa izan da deialdiaren erantzuna; hori bai, taberna eta okindegi-kafetegi askok ireki dute. Igande bateko giroa zegoen: espaloiak jendez beteta, batzuk paseatzen, eta beste batzuk egonean. Auzoetako [...]

admin

Pertsianarik ez da igo lantegi eta komertzioetan

Jaieguna balitz bezala, gaur ez da pertsianarik igo Errenteria-Oreretako lantegi eta komertzioetan. Ez da, ordea, jaieguna, eta kalean greba orokorraren aldeko aldarrikapenak izan dira nagusi. Goizean goiz jarri dira piketeak martxan, goizeko seietan b...

admin

Grebaren eragina erabatekoa da Pasaian

Portua geldirik dago, eta lau barrutietan komertzioa erabat itxita, baita udala eta hezkuntza zentroak ere. Trintxerpen eta San Pedron, Portuko langileak irten dira manifestazioan, 07:30ean batzarra egin ondoren, kalez kale. Antxon, pikete i...

admin

Gaztelekuko erabilpen maila altua nabarmendu du Fernando San Martin ordezkariak

Aste honetan Fernando San Martin Irungo udaleko Gazteria ordezkariak Martindozenea Gaztelekuaren iazko jarduera balantzea egin du. “Instalazio hau sortu zen gizarte azpiegitura bat izateko helburuarekin, zeina gazteak elkartzeko toki bat izatea baina harago baitoa. Beraz, hemen antolatzen ditugun jarduerekin gizarteratzeko helburu eta pedagogi helburu horiekin betetzea nahi dugu, zeinaren bitartez balioak sortu ahal baitira gazteengan”, esan zuen astearteko agerraldian. Azaldu zuenez, Gaztelekuak hiru gune ditu: multiteka (bost ordenagailu eta interneteko sarbidearekin), erabilera anitzeko aretoa, eta adingabeak elkartzeko gune bat. Azken gune horrek adin talden araberako ordutegia du, hala ezarri zelako 2010ean; San Martinek adierazi zuen erabaki horri esker adin bakoitzaren beharrei egokitutako jarduerak antolatzeko aukera dagoela: “topaguneak modu horretan sozio-hezkuntzazko gune bat izateko helburua betetzen du, Irungo nerabeen beharrei eta eskariei egokitua, batez ere bertako parte-hartzea boluntarioa eta librea delako, eta bertan harremanetan jarri ahal izan dira, lagunak egin ahal izan dituzte eta abar”. Guztira, hiru guneetan 9.954 erabilera zenbatu zituzten iaz, eta horietatik 5.231 elkartzeko gunean jasotakoak izan ziren. Tailer arrakastatsuak Gazteria ordezkariaren arabera, 2011 urtean gaztelekuak nerabeen adierazpena, ekimena eta partehartzea bultzatu zituen, eta horren bi adibide jarri zituen: Komimi Azoka, 3.000 lagunek bisitatu zutena, eta Break Txapelketa, 265 partehartzaile izan zituena. Horrez gain, urtean zehar Martindozenean antolatu [...]

admin

Iñaki Garridoren genealogiaren gaineko hitzaldia Meaka auzo elkartean, bihar

Ostiralean, hilaren 30ean, Iñaki Garrido Yerobi historialari eta genealogistak hitzaldia emango du Meaka auzo elkartean, Genealogia testamentuen bitartez goiburuarekin (gazteleraz). 19:30ean hasiko da; denentzat irekia da, baina bereziki interesgarria...

admin
Gehiago