2025eko abenduan onartutako mozioaren berririk ez dutela jaso salatu dute; elkartea azaroko udal osoko bilkurara aurkeztuko da.


Balata (Nablusen dago) errefuxiatu gunetik elkartasuna adierazi diete gazte auzipetuei: “Hemen bezala askotan jasaten dituztelako haur eta gazteen aurkako sarekadak, eta beraien eskubideak egunero daudelako zapalduak”.

Asteburu honetan jokatu dituzte Bekoerrota kiroldegian judo maratoiko lehenengo txapelketak. Zehazki, zonaldeko alebinen txapelketa, Euskadiko Kadete Mailakoa eta Gipuzkoako 23 Urtez Azpiko Txapelketa jokatu dituzte pasa den asteburuan. Larunbat arratsaldean jokatu zituzten Kadete Mailako norgehiagokak, eta ez zen sorpresarik izan. Izan ere, Usurbil Judo Taldeko Xabier Cazorla lezoarrak irabazi zuen. Nagusitasun handia erakutsi zuen. Horrela, Espainiako Txapelketarako txartela lortu zuen. Igandean bi txapelketa Herenegun, berriz, 23 urtez azpikoen eta alebinen txanda izan zen. Horrela, 23 urtez azpikoan ere Lezoko judokek paper ona bete zuten. Hala, Cazorlatarrak euren kategoriatan finalera iritsi ziren. Anaia zaharrenak, Andonik, bere pisuan irabaztea lortu zuen. Xabierrek, aldiz, bezperan Kadete Mailako txapelketa jokatu arren, 23 urtez azpikoan parte hartu arren, herenegun ere lehiatu zen. Finaleraino iritsi zen Cazorla, baina Aitzol Sacristanek garaitu zuen lezoarra, ippon bidez. Zonaldeko alebinen txapelketa ere igande goizean jokatu zuten, eta Allerru judo taldeko bi parte hartzaile izan ziren: Maddi Lertxundi eta Lorea Etxabe (-34 eta -48 kategoariatan, hurrenez hurren). Oiher Urbietak, berriz, ezin izan zuen parte hartu lesio bat dela eta.

EPLEko taldeek itxura ona eman dute asteburuan Udaberri txapelketan, sei garaipenetik lau lortu baitituzte. Gainontzeko txapelketetan ez dira fin ibili. Bestalde, EPLEko Aitor Odriozola eta Antton Araburuk bihar eskuz binakako X. Malerreka Txapelketako...

Otsailari dagokion odol erauzketa gaur egingo dute anbulatorioan, 18:00etatik 20:00etara (edo bukatu arte). Gipuzkoako Odol Emaileen Elkarteko Oiartzungo arduradun Angel Mendizabalek gogorarazi duenez, jende gehiago behar da herrian odola emateko. Hala...

Hilaren 17an otsailari dagokion kantu jira ekitaldia egingo dute Antxon. Horri begira, entsegua egingo dute gaur, Kultur Etxean.

Egunero Michelin izardun jatetxeetan bazkaltzeaz aspertuta daudenei, etxe azpiko jatetxe turkiarrak jada asetzen ez dituenei, edo gurasoekin bizi eta amonak sukaldatzen zueneko garaiak faltan botatzen dituztenei neurrira egindako eskaintza egin du Oarsoaldea Garapen Agentziako Turismo Bulegoak: sukaldaritza tradizionalari buruzko tailerra. Donibaneko Ziaboga jatetxean emango dute, eta dagoeneko interesdunek izena eman dezakete. Antolatzaileen esanetan, tailerra egiteko Ziaboga jatetxea aukeratu dute “benetako gastronomia zaleentzako topagune erakargarria” delako. Tailerrean izena ematen duenak “aparteko esperientzia” biziko duela gaineratu dute: “Sukaldeko trebetasunak garatu, profesionalen eskutik produktu freskoen sekretuak ikasi, eta norberak bere eskuekin prestaturiko bankete atseginaz gozatzeko aukera izango dute”. Alex Barcenilla sukaldeburuak zuzenduko du ikastaroa, bere lantalde osoaren laguntzarekin. Sukaldaritza tradizionaleko ikastaroan produktu freskoekin lan egiten trebatzeko aukera emango dute, itsasokoekin batez ere: orburuak, antxoak, hegaluzea… Benetan freskoak diren jakiak nola bereizi, eta horiei sukaldean ahalik eta etekin handiena ateratzen erakutsiko dute. Horretarako, Barcenillak eta bere lantaldeak itsaskiak eta arrainak sukaldatzeko gomendioak emango dizkiete ikasleei. Besteak beste, kokotxak pil-pil erara, txipiroiak bere tintan eta legatza saltsa berdean prestatuko dituzte. Gainera, Juanito Makazaga txipiroi arrantzalearen laguntza izango dute: “Bere arrantzatzeko era erakutsi, eta gure produktu izarraren sekretu guztiak kontatuko ditu Makazagak”. ‘Top Esperientzia’ da Ekimena aurkeztu dutenetan harrera oso ona izan duela adierazi dute Oarsoaldeko [...]

Oriok aro berriko lehen garaipena lortu zuen larunbatean Hondarribiko XII. Traineru Jaitsieran. Aro berri horren arduradun nagusia Igor Makazaga sanjuandarra da. KAE1 Ligan ariko dira horiak aurten, hortaz, Mirotza ontziak Hondarribia eta San Pedro atzean uztea oso esanguratsua izan zen. Berdeak bigarrenak izan ziren sailkapen nagusian Oriotik sei segundora, eta moreak hirugarrenak, irabazletik hamabi segundora. Hala ere, otsailean ezin da aparteko ondoriorik atera, eta Hondarribiko emaitzak kontuan hartzekoak badira ere, traineruen ligak hasteko hilabete asko falta dira oraindik. San Juan A, B eta neskak San Juango gizonen ontzien lanak zalantzak eragin zituen larunbatean. San Juan A hamargarrena izan zen, eta arrosen B ontzia, berriz, hamabosgarrena. Hamalaugarrena izan zen Trintxerpe-Illunbe. Hala, arrosen A ontziaren aurretik KAEko ligetan dabiltzan hiru traineru sailkatu ziren. Emakumeetan, San Juango trainerua azkarrena izan zen, Hondarribiko eta Orioko ontzien aurretik.

Atzo Torturaren Aurkako Eguna izan zen, eta hainbat ekimen informatibo egin zituzten herrian. Horiekin bideo bat osatu dute.

Hondarribiko Udaleko Hirigintza Sailak 1,3 milioi euroko aurrekontua du aurten, eta 4,2 milioiko inbertsioak egingo ditu. Horien zati bat, 18.000 euro, Domingotxonea udal hilerrian egingo duten udal beilatokiaren egitasmoa idazteko izango da. Hala azaldu zuen joan den astean Aitor Kerejeta Hondarribiko alkateak, sailaren aurrekontuak aurkeztu zituenean. Kerejetak esan zuenez, beilatokiaren egitasmoa «argi» daukaten ideia da, «baina eraikina nolakoa izango den eta zein zerbitzu izango dituen jakiteko aurreproiektua prestatuko dugu aurten, eta errauste labea egiteko aukera aztertuko dugu». Alkateak nabarmendu zuen, «krisi garaian» egon arren, Hondarribiak sei milioi euro baino gehiagoko inbertsioak egingo dituela denera aurten, eta horietatik 4,2 milioi Hirigintza Saileraren bitartez egingo dituela. «Hori horrela da jarraitzen dugun irizpidea zuhurtasuna delako, eta duela urte askotik hona dugun dirua baino gehiago gastatu ez dugulako», zehaztu zuen alkateak. Ideia argia Bestalde, hirigintzako beste inbertsio nagusia —3,5 milioi eurokoa— Zuloaga eta Itsasargi kaleak berritzeko izango da. Gainera, 336.700 euro jarriko dituzte Muliate hiritartzeko, eta beste 30.000 euro Ramon Iribarren ibilbideko ezpondaren egoera aztertzeko.

Jose Maria Zabalza irundar zinegileari buruzko zikloaren barruan, Camerino sin biombo film luzea ikusteko aukera izango da gaur arratsaldean Amaia KZn. Bihar, osteguna, Homicidios en Chicago pelikula proiektatuko dute, Amaiako auditorioan ere, ordu be...

Mendibil Merkataritza Guneak haurrentzako jolasak antolatu ditu pazko asteko arratsaldetarako, 17:00etan hasita. Globoflexia, fantasiazko makilajea, txotxongiloak eta birziklatutako materialekin opariak egiten ikasteko tailerrak egingo dituzte. Gainera, ipuin kontaketak izango dira eta Zipi pailazoa eta Berto magoa ere ariko dira.

Aste santua bikaina izan da uztailaren 27tik abuztuaren 12ra Londresen jokatuko diren olinpiar jokoetan aritzeko borrokan ziharduten Irungo bi kirolarirentzat. Ander Elosegi Santiagotarrak Arraun Elkarteko kanoistak olinpiar slalomean aritzeko txartela bereganatu zuen Pauen (Okzitania) Espainiako selekzioak egindako sailkapen probetan. Eta beste irundar batek, Julen Aginagalde eskubaloi jokalariak, gauza bera lortu du Alacanteko (Herrialde Katalanak) aurre olinpiar txapelketan. Piraguismoko Espainiako ur bizietako hamabi kirolarik Paueko sailkapenan jardun zuten, Bratislavako Munduko Txapelketan lortutako hiru lekuak zeinentzako izango ziren erabakitzeko; mutilen C-1ean eta K-1ean, eta nesken K-1ean parte hartuko du Lee Valleyko kanalean Espainiak. Pauen, modalitate bakoitzean hiru egunez lehiatu ziren; goizetan finalerdiak egin zituzten, eta eguerdian edo arratsaldean, finalak. Gizonen banakako kanoan, Ander Elosegik sei txandetatik lau irabazi zituen eta hiru finaletan nagusitu zen. Lehen postua lortu zuen irundarrak eta, horrekin batera, olinpiar jokoetan parte hartzeko eskubidea. Bratislavako Munduko Txapelketan bosgarren izan zen Elosegi, eta Pekingo jokoetan olinpiar diploma eskuratu zuen. Ingalaterran, bi postu horiek hobetzen saiatuko da Santiagotarrak taldeko harri bitxia. Jordi Domenjo katalanak lortu zuen bigarren postua; Jon Erguin donostiarra lesionatuta aritu dela baliatu zuen Domenjok, eta Londresera bidaiatuko du, Elosegiren ordezko bezala. David Perez irundarra ere aritu zen Pauen, nahiz eta Londresera joateko gazteegia den. Eskarmentua pilatzeko balio izan [...]

Heldu den ostiralean, hilak 13, Bakalau elkarteak argazki pintxo afaria antolatuko du Pausuko Xaia ostatuan. Holako dantzaldi taldeak animatuko du gaualdia. Xaian antolatzen diren ekitaldiek arrakasta handia dutenez eta tokia mugatua denez, aldez aurre...

Joan zen astean onartutako aurrekontua “hiltzen ari den eta hori ordezkatu behar duen bi ereduen arteko trantsiziozkoa” izan zela uste du Bilduren udal taldeak. Hala adierazi zuten atzo Juan Carlos Martinez eta Juan Mari Unanue hautetsiek. Kontuak “zerotik hasiz” prestatzea txalotu zuten, baina “izpiritu ekintzailea falta” dela salatu zuten. Bilduk ez zuen zuzenketa partzialik aurkeztu; Martinezen esanetan “dirurik ez dagoelako”, egin zuten horrela, eta aurkeztu zirenak “ez funtsezkoak” izan zirela esan zuen. Unanuek aurreratu zuen etorkizunari begira oinarriak zehazteko PSE-EE, Ezker Batua-berdeak eta EAJrekin elkartzen hasi direla. Bilera horietan ordenantzak, peatonalizazioa, errepide sarea edota hondakinen bilketaz hitzegingo dutela esan zuen.

Herriko Etxetik adierazi dutenez, Itsas etorbidean, lanak aurrera doaz eta martxoaren bukaeratik hasi dira galtzada-harrizko plazatxoen eraikitze lanak. Lan horien ondorioz, 3 astez gutxi gora behera, zirkulazioa murriztuko da Itsas etorbidean, Eukali...

SNCF-k jakinarazi du hilaren 6tik (ostirala) 21:30ean, hilaren 9ra (Pazko astelehena) 15:30ean, lanak eginen dituela etenik gabe, Hendaiako geltokiaren ondoan dagoen nazioarteko trenbideetako zubian. Eraikinaren hermetikotasunerako lan horiek egunez ze...

Aste Santuko oporrak direla eta, webgune hau ez da eguneratuko. Hilaren 11tik aurrera egongo da martxan.

Ez du prozesio egitarau zabalik izango, Hondarribiak bezala, ezta Hendaiak duen Euskal Herriko hondartza luzeena, baina Irunek badu pazko asterako planik, bai hiritarrentzat, baita bisitarientzat ere. Oiasso Erromatar Museoak eskaintza berezia egin du datozen egunetarako, tren berdearen ordutegia zabaldu dute eta Irun dastatu! ekimenak berrikuntzak iragarri ditu. Horiek, besteren artean. Oiassoko lan-taldeak hainbat proposamen egin ditu hilaren 3tik 14ra. Hirugurutzetako labeetara doan tren berdeak ordutegia zabaldu du, eta, bi igandeez gain (11:00etan), hilaren 3, 4, 5, 9, 10, 12 eta 13an irtengo da (17:00etan). Eta Ama Xantalen baselizako nekropolia ezagutzeko saio gidatuak ere egingo dituzte: hilaren 6, 7, 9, 10, 11, 12, 13 eta 14an goizez izango dira (11:00etan), eta 6, 7 eta 8an arratsaldez (17:00etan). Bi bisitaldi horietako bakoitzarekin erromatar museoa ezagutzeko aukera dago, pack berean. Gainera, joan zen ostiralean Artifex, ingeniaritza erromatarra Espainian erakusketa inauguratu zuten eta orain arteko erantzuna oso ona izaten ari da; Oiassoren eta Donostiko Museum Rezolaren elkarlana da, eta bi leku horietan bisitatu daiteke (ikus informazio gehiago oiasso.com-en) Museoko arduradunen arabera, Oiassoko bisitari onenak haurrak dira, “Lehen Hezkuntzakoak batez ere”. Horregatik, Oiassok pazko oporretarako egin duen eskaintza handia da. Tren berdeaz eta erakusketaz gain, tailerrak egingo dituzte 10etik 13ra: Erroma eta zinea (hilaren 10ean); [...]