Ezker Anitzak Nicolas Gerendiain Irungo Errepublikarrak elkarteak antolatutako argazki erakusketaren aurkako erasoak gaitzetsi ditu.


Allerru-Jaizkibel areto futbol taldeak garaipena lortu zuen joan den larunbatean Usurbilen Pinturas Gorka Makax taldearen kontra jokatutako partidan. Gol bakarreko aldeagatik nagusitu ziren: 2-3. Sailkapeneko bederatzigarren postuan daude, 28 punturekin.

Allerru saskibaloi taldeak garaipen ona lortu zuen joan den ostiralean Bekoerrotako kantxan. Izan ere, Astigarraga Kirol Elkarteari 61-59 irabazi zieten berdeek. Talde indartsua da kanpokoa, sailkapeneko bigarren postuan baitaude astigarragatarrak. Ham...

Hondarribiko X. Nazioarteko Gitarra Jaialdiaren barruan Real Duo bikote italiarrak kontzertua eskainiko du heldu den igande eguerdian, hilaren 29an, Amaia Kultur Zentroan. Luciano Damiani (mandolina) eta Michele Libraro (gitarra) osatzen dute Real Duo....

Aste honetan zineforum saio berria bat antolatuko du Kabigorri Ateneoak igande arratsaldean. Oraingoan hautatutako gaia ongizate komuna izango da. Hurrenez hurren, Simiocracia eta El bien común y la vida sostenible (Ongizate komuna eta bizitza iraunko...

Asteburuan Euskadiko Duatloi Txapelketa jokatu dute Arrigorriagan (Bizkaia), eta Alex Agirretxe atleta errenteriarra izan da irabazlea. Azkeneko txanpan lortu zuen lehen postua, eta bakarrik iritsi zen helmugara. Agirretxe duatloi eta Ironman txapelketetan aritutakoa da. 2010ean ere Euskadiko Txapeldun izan zen, eta duela urtebete Tarragonako Ironman txapelketa irabazi zuen.

Bihar San Marko Eguna dela eta, Hondarribiko Udaleko Prebentzio Komunitarioko Udal Zerbitzuak zenbait ekimen antolatu ditu, hiriko zenbait eragilerekin elkarlanean. Egunaren harira hausnarketa egin du Txomin Sagarzazu Gazteria zinegotziak: «Opila Eguna familiartean edo lagunartean ospatzen den festa bat da, eta nerabeentzako ingurune natural bat bilatzeko eta lagunekin eguna pasatzeko aitzakia da». Hala, gazteen helburua egun ona pasatzea eta lagunekin gozatzea dela uste du, eta udalaren ardura «jarrera osasuntsuak bultzatzea eta balizko arriskuak» aurreikustea dela. Jarduera osasuntsu horiek bideratzeko, eta edari alkoholdunen kontsumo «neurrigabea edo goiztiarra» ekiditeko, Hondarribiko DBHko ikastetxe guztietako ikasleekin lan egin dute, Maite Pelaez Prebentzio zinegotziaren arabera, «alkohola eta beste zenbait drogaren erabilerari buruzko gogoeta egiteko asmoz». Lan horren barruan alkoholaren kontsumo goiztiarra edota gehiegizko kontsumoari buruzko hausnarketa bultzatu dute, erabaki arduratsuak hartzeko informazioa eman dute, eta gehiegizko kontsumoaren ondorioak aurreikusi dituzte, besteak beste. Aldi berean, gurasoei gutun bat bidali diete horien guztien berri emateko, eta Prebentzio Komunitarioko Zerbitzuaren zereginen berri eman diete, «gurasoek ere orientazioa edo aholkularitza izan dezaten». Merkatariak eta udaltzainak Merkatariei ere informazio gutunak bidali dizkiete, adin txikikoei alkohola saltzea debekatuta dagoela gogorarazteko. Udaltzaingoak ere prebentzio lanari ekin dio aurreko egunetan, eta bihar bertan, beharrezkoak diren kontrolak eta zaintza lanak bermatuko ditu. Era berean, DYA [...]

Eguzki Talde Ekologistaren iritziz “ez dugu laga behar guztiona den ondasuna pribatizatu eta sal dadin”. Gipuzkoako Kofradien Federazioak zimarroia arrantzatzeko bere kuotaren %70a Murtziako multinazional bati saldu dio. Kuota hau salduta, Mediterraneo itsasoko txalupek arrantzatu ahalko dute orain arte arrantzontzi gipuzkoarrek arrantzatzen zuten 450.000 kiloko urteroko kuota. Eguzkiren arabera, horrek lehendik ere oso kaltetua dagoen mediterraneoko arrantza are gehiago okertuko du, zimarroia banan banan arrantzatzetik, modu industrialean harrapatzera pasako direlako. Eguzkiren arabera arrantza modu horrek espeziea galzorira eraman du. Talde ekologistaren arabera, arrantzaleek ez dute behar bezala neurtu erabaki honen garrantzia. ” Zer gertatuko da Atlantikoko Atuna Kontserbatzeko Institutuak (AAKI) salmenta hau kontuan eduki eta hurrengo arrantza denboraldietan kuota murrizten badu? galdetu diete arrantzaleei. Eguzkiren ustez, arazoaren erroetara jo behar da: “Gasolioaren prezio handiei irtenbidea bilatu, lonjetan ordaintzen diren prezio txikiei irtenbidea topatu, kontrolik gabeko arrantza mugatu, artisau erako arrantza arduratsua eta jasangarria bultzatu…” Eguzkiren ustez, administrazioak parte hartu beharko luke auzian, guztiona den ondasuna pribatizatu eta saltzeak kalte handia egiten diolako gure elikadura subiranotasunari.

2-0 irabazi dio Pasaiak Hondarribiari, eta Trintxerpek, berriz, 5-1 galdu du Aloña Mendiren kontra. Zuri-gorriak gogor eutsi diote sailkapeneko bigarren postuari. Zuri-urdinak, aldiz, hamabigarrenean dira.

Liburuaren Eguna dela eta, gaur, Trintxerpeko Karmengo Ama ikastetxean ipuinak kontatu dituzte hainbat hizkuntzatan. Gurasoen eta boluntarioen laguntzaz euskaraz ez ezik, gazteleraz, portugesez eta ingelesez irakurri dituzte ipuinak, bai Haur Hezkuntzan baita Lehen Hezkuntzako haurrentzako ere. Haurrak adinaren arabera banatu, eta ipuin zirkuitutik zehar pasatzen joan dira, ipuinak hizkuntz ezberdinetan entzunez.

Hilaren 26an 75 urte beteko dira Gernika bonbardatu zutela, eta Errenteriako Udalak ere antolatu ditu egun hori oroitzeko ekitaldiak. Dagoeneko ekintza bat martxan dago: Gernika 1937-2012 erakusketa. Xenpelar Etxean jarri dituzte Picassoren koadroan oinarritutako 30 egur taila. Ostegunean, berriz, bonbardaketaren urteurrenean, Gernika, bonbardaketa dokumentala emango dute Errenteria Hiria Kulturgunean. 18:30ean hasiko dira proiektatzen. Maiatzean sartuta, 2an eta 10ean 1937, gogoaren bidezidorretatik ikuskizuna emango du Kukai dantza konpainiak. Ikuskizun hori ikasleentzako bakarrik izango da. Bi egunetan 09:30ean izango da Errenteria Hiria Kulturgunean.

Gaur, Euskadiko selekzioa sortu zuteneko 50. urteurrena ospatuko dute Gasteizen. Maider Palavecino Auzmendi eta Xabier Eizagirre Ruiz judokak eta Daniel Palavecino entrenatzailea bertan izango dira, eta saria jasoko dute, 2010ean Txekiar Errepublikan l...

Altzibarren, Kaleberriak eta Donepetri kaleak bat egiten duten puntuan, ez dago zebra biderik. Eta asko dira bertatik ibiltzen diren oinezkoak, izan ere, autobus geltoki bat dago bertan. Bizilagunek hainbatetan eskatu dute bertan zebra bidea jartzeko, ...

16:00etatik 19:00etara egingo dute; gazteek zein Elite Mailako txirrindulariek parte hartuko dute Euskadiko Trialsin Txapelketako proba bihar arratsaldean egingo dute Arditurrin, 16:00etatik 19:00etara. Euskaltrial Txirrindulari Klubak antolatu du saioa, eta Oiartzungo Udalak babestu eta lagundu du. Aiako Harriaren inguruan, eta erreka ondoko bazterrak baliatuz, oinak lurrean jarri gabe bost bihurgune pasatu beharko dituzte txirrindulariek. Maila bakoitzeko bihurguneak, baina, ezberdinak dira. Gazteenak izango dira errazenak. Eta eliteko txirrindulariek zailagoak pasatu beharko dituzte. Antolatzaileek zehaztu dutenez, «harrigarriak» dira elitekoen bihurguneak: «Ezinezkoa dirudi bizikleta gainean pasatu ahal izatea». Parte hartzaileen artean eskualdeko hainbat gazte izango dira. Euskal Herriko beste hainbat txokotatik ere hurbilduko dira trialsin kirolariak, tartean munduko txapeldun Benito Ros (Abartzuzakoa da, Nafarroakoa). Euskal Herritik kanpoko parte hartzaileak ere izango direla iragarri dute. Azken bizpahiru urteetako ohiturari jarraituz, gainera, proba igandetik larunbatera aurreratu dute, «partaide eta ikusle gehiago erakartzeko». Ikusleei animatzeko deia egin diete. Batetik, proba ikusgarriak ikusiko dituztelako. Eta bestetik, kontrakoa pentsa dezaketen arren, «autoak aparkatzeko nahiko tokia badagoelako».

‘Gernika bajo las bombas’ telebistarako filma grabatzen ari dira. ETBk emango du udazkenean, Gernikako bonbardaketaren 75. urteurrena bete ondoren. Oiartzungo plazak eta Donibane kaleak itxura aldatuta zuten atzo. Animaliak, azoka bateko erakusmahaien antzekoak, garai bateko arropa zuen jendea… ‘Grabatzen!’ entzun zitekeen, eta minutu batzuetako isiltasuna. Gernika bajo las bombas (Gernika bonben pean) filmeko eszena batzuk grabatzen ari ziren. Ez zen grabazio erraza izan eguerdi aldekoa. Herritar ugari hurbildu zen ikusminak lagunduta, eta sakelakoen soinuek traba pixka bat egin zieten filmeko langileei. Hori konponduta, txakur batek hartu zuen grabazioa oztopatzeko lekukoa. Filmean lanean ari direnek, txakurra zegoen etxeko leihoraino igo behar izan zuten, eta leihoa itxi. Oztopo txiki horiek gaindituta, grabazioak aurrera jarraitu zuen, eta atzo, 1937. urteko Gernika (Bizkaia) bihurtu zen Oiartzun. Aurten, 75 urte betetzen dira Gernika bonbardatu zutela. 1937. urteko apirilaren 26an izan zen. 36ko Gerra puri-purian zegoen urte hartan, eta Gernikak hegazkin-erasoa pairatu zuen. Luftwaffe naziaren Kondor Legioa eta italiar faxisten Aviazione Legionaria-ko hegazkinak izan ziren erasotzaileak. Erasoaren ondorioz zibil asko hil ziren, eta hiria suntsituta geratu zen. Urteurrena aitzakia hartuta hasi dira filma grabatzen. Egileek aitortu dutenez, 100. urteurrena izango litzateke biribilagoa, baina ordurako hura sufritu zuen inor bizirik egotea zaila izan daitekeelako, filma aurten grabatzea [...]

Gaixotasuna gizarteratzeko eta sentsibilizazioa bultzatzeko jardunaldia antolatu dute Pasai Antxon biharko Alain Ferreresek (Antxo, 2003) X hauskorraren sindromea du. Lehengo abenduan diagnostikatu diote gaixotasuna, bere gurasoek urteetan mediku, psikologo eta psikiatra askoren kontsultetan ate joka ibili ondoren. Alainek duen gaitzari izena jarrita, bere gaixotasunari buruzkoak ezagutzera eman nahi dituzte gurasoek, eta hori dela eta sentsibilizazio egun bat antolatu dute biharko Pasai Antxon, bizi diren herrian. «Jendeak Alainek duen gaixotasuna zein den jakin dezan nahi dugu», diote gurasoek. Kasua ezagutzera emanda, bizilagunek Alainen portaera hobeto ulertuko dutela espero dute. Alainen gaitzari izena jarri izanak zapore gazi- gozoa utzi du Ferreres Obeso familiaren etxean. «Hasieran ikaragarrizko nahigabea hartu genuen, Alainek bizitza osorako urritasun mentala duela esan digutelako», dio amak, «baina nolabaiteko lasaigarria ere izan da, guk bagenekielako zerbait ez zebilela ondo. Orain, gaixotasuna ezagutuz Alainekin nola jokatu ere hobeto uler dezakegu», gaineratu du aitak. Ferreres Obeso sendia Euskal Herrian X hauskorraren sindromea pairatzen dutenen familiak biltzen dituen elkartera bildu dira informazio eta babesa eske. Aipatu elkarteak Bilbon du egoitza eta urtean behin, bihar Antxon egingo den jardunaldiaren antzekoa antolatu ohi dute. «Guk berriak izanik, animatu eta Antxon antolatzea erabaki genuen», azaldu dute Alainen gurasoek. Hitzaldia, haurrentzako jarduerak, Antxora etorriko diren elkarteko lagunentzako [...]

Beste urtebetez, hilabeteroko bigarren igandeak Herriko Plaza euskal doinu eta dantzekin bete ostean, ikasturte bukaera heldu zaiei mutxikoei. Azken saiorako Muxiko Eguna antolatu du laugarrenez Beti Prest taldeak etzidamurako. Goizean hasi eta eguerdira arte, eta ez dira faltako ez musika ezta dantza ere. Goizeko hamarretan ekingo diote Muxiko Egunari. Ordu horretan, Errenteriako Udal Txistulari Taldeak diana egingo du herriko kaleetan barrena. Eguerdi partean bilduko dira Herriko Plazan mutxikoak. Udal Txistulari Taldearen laguntza izango dute, antolatzaileek zehaztu dutenez, “mutxikoak eta bertaratu eta animatzen den oro dantzan jartzeko”. Xabier Vesgaren zuzendaritzapean ariko dira txistulariak, eta horiekin batera, Itziar Etxegia bibolinarekin, Koldo Tarragona akordeoiarekin eta Aitor Landa baxuarekin ariko dira. Larrain dantzarekin bukatuko dute ordubeteko emanaldia, eta horretarako, Errenteriako dultzaineroen laguntza izango dute. Ehun mutxiko ikasturtean Joxean Atxukarro Beti Prest taldeko kideak emandako datuen arabera, bukatzear dagoen ikasturtean, batez beste, ehun mutxiko bildu dira hilabetero. Bost urte dira ekimenarekin hasi zirela Errenterian, eta urtez urte handitzen joan da, “eta baita inguruetako herrietara zabaltzen ere”, azaldu du Atxukarrok. Gaineratu du Beti Prest-en ez dituztela dantza klaseak ematen: “Bertara datozenei dakitena plazan disfrutatzeko aukera ematen diegu”. Muxiko Egunak “erantzun zabala” izatea espero dutela zehaztu du, bestalde, Atxukarrok, “egun berezia eta polita delako”. Aurreko urteetakoari erreparatuta, [...]

Beira Artistikoaren I. Jardunaldien barruan gogotsu ari dira artisauak lanean Merkatuzarren. Beiraren gaineko teknikak azaltzeko tailerrak egiten dituzte goizetik bertan bildutako artisauek, argazkian ikus daitekeen bezala. Arratsaldez, berriz, egindak...

Giriziak irteera antolatua zuen asteburu honetarako Pic D’Ayousera (Pirinioetara). Bertan behera geratu da.

Gaur eguerdian aurkeztu dute, Portu Agintaritzako buru Lucio Hernando, Eusko Jaurlaritzako kultura sailburuorde Antonio Rivera eta Gazteria, Kirol eta Kultura diputatu Ikerne Badiola bertan zirela. Bi urte eman dituzte mende erdian Pasaiako portua garbi mantentzeko ardura izan duen ontzia zaharberritzen. 640.000 euro inbertitu dituzte horretarako Portu Agintaritzak, Eusko Jaurlaritzak eta aldundiak. Euskaldun Ontzioletan eraikia, Jaizkibel draga monumentu izendapena lortu duen lehen itsasontzia da. Gaur eguerdiko aurkezpenean, arduradun politiko denak pozik agertu dira draga Pasaiako biziberritzerako pieza enblematikoa izango delakoan. Albaolak kudeatuko ditu aurrerantzean dragarako bisita gidatuak. Aste gutxi batzuen barruan, 3 euroren truke, Ondartxoko Itsas Interpretazio Zentroa eta draga bera bisitatzerik izango da.

Aurten hamar urte bete dira Hendaian eskolatik kanpoko euskarazko jarduerak egiten hasi zirenetik, eta hamargarren urteurrena ospatzeko jai bat antolatu dute larunbaterako, hilaren 9rako. Merkatu Zaharrean izanen da, 15:00etan hasita. Ekitaldi asko egi...