Ezker Anitzak Nicolas Gerendiain Irungo Errepublikarrak elkarteak antolatutako argazki erakusketaren aurkako erasoak gaitzetsi ditu.


Sainzigarrenea Bizirik plataformak herritar guztiei dei egin die bihar arratsaldeko zortzietan Soroetako frontoian egingo duten batzar informatibora. Bertan, orain arte gertatutakoa eta aurrerantzean egin beharrekoaz hitz egingo dute. Auzibide baten on...

Hilaren 25ean iritsiko da Zabarre herrira; Oroitzenetik Andreonera eta handik plazara joango dira Hurrengo ostiralean hasiko dira mendekosteak, eta Zabarre Taldeak entseguak hilaren 23an eta 24an egingo ditu. Udaletxean jarri ditu zitak taldeak, 19:00e...

Oiasso Erromatar Museoak aisia eskaintza zabala egin du datozen egunetarako, Museoak, mundu aldakor baterako goiburupean, bihar, Museoen Nazioarteko Eguna ospatuko dela baliatuta (ikus egitaraua irun.hitza.info webgunean). Bihar, sarrera doan izango da...

Girizia elkarteak Etxerat Lagun afaria antolatu du etzirako. 21:00etan izango da, elkartean bertan. Txartelek hamabi euro balio dute, eta ohiko lekuetan eros daitezke.

Benito Lertxundi abeslari oriotarra izango da Arguyuan saioko Asteko elkarrizketa atalean, etzi. Bere disko berria —Oroimenaren oraina— aurkeztuko die entzuleei. Horrez gain, Donostian larunbatean emango duen kontzertuaz ere mintzatuko da. Elkarriz...

Umberto Giordanoren Andrea Chenier opera emango dute, bihar, Niessen Zinemetan. Zuzeneko emanaldia izango da, Bregenz Festivaletik emango dutena. Sarrerak Errenteria Hiria Kulturguneko leihatilan daude salgai 15 (orokorra) eta 12 (murriztua) euroan; 11...

Herriko jaietako Gazte Eguna edo Txekorrada prestatzeko bilerekin hasiko dira dagoeneko gazteak. Hala, lehenengoa etzi egingo dute. Kataxulo Gaztetxian izango da, 18:30etik aurrera. Herriko gazteei agertzeko deia egin diete, denen artean denen gustuko ...

Urdaburuk mendi irteera egingo du larunbatean, eta horrekin bukatuko du Valdorba-Andia abelbidea. Azken ibilbidean Jaitz herritik Lizarraga gainera joango dira, eta amaitutakoan bazkaria egingo dute Arbizuko jatetxe batean.

Tomas Garbizu Musika Eskolan ikasle direnek matrikula berritzeko aukera dute jadanik, herenegundik hasita. Datorren asteko ostiralera arte (hilak 25) eman dezakete izena. Ikasle berriek, berriz, ekainaren 25etik 29ra eman behar dute izena. Musika eskol...

Erraldoi eta buruhandien erakusketa hartu dute herriko 40 saltokik, ekainaren 17ra arte. Jose Luis Insaustiren ekimenez, Errenkoalde merkaritza elkarteak antolatu du erakusketa, eta bertan, 130 erraldoi eta buruhandiren miniaturak eta 225 argazki ikus ...

Asteburuan ospatu dituzte Altzibarren San Pedro Jaiak. Ostiralean, txupinazoaren ondoren hainbat ekitaldi izan ziren: sabel dantza, brindisa, afari-merienda (irudian), kontzertuak, disko jartzaileak… Larunbatean ere hainbat izan ziren, eta eguraldiak ia zapuztu zuen danborrada, baina azkenean ekitaldi guztiak atera ziren aurrera. Herenegun, ateri eutsi zion eguraldiak, eta arratsaldeko eguzkiarekin batera, ur gerra batekin bukatu ziren festak.

Gaur hasiko dira Zuloaga Oroitaldiko partidak Alkartasuna eta Ondarra elkarteen eskutik. Ugalde-Imaz, Ormazabal-Imaz bikotearen aurka arituko da gazteetan eta Promesa Mailan, Sukia-Galarza, Lopez-Beraza bikotearen aurka, gaur, 18:30etatik aurrera, Fand...

Ostadar arku tiro elkarteak antolatuta, Arku Tiroko II. Txapelketa egingo dute larunbatean, Fanderiako futbol zelaian. 15:15etik aurrera, goi mailako arku tiratzaileak ikusteko aukera izango da: Aire Zabaleko Gipuzkoako emakumeen txapelduna eta Gipuzkoako zein Euskadiko gizonen txapelduna; Aretoko Gipuzkoako gizon txapelduna eta txapeldunordea; Aretoko Euskadiko emakume eta gizonen txapeldunordeak; eta Aire Zabaleko Euskal Ligako gizonen irabazlea. Kadete zein gazte mailetako txapeldunak ikusteko aukera ere izango da. Goizean, berriz, arkua inoiz hartu ez dutenek lehen harremana izateko aukera izango dute. 11:30etik 13:00etara elkarteko tiratzaile eta begiraleek geziak tiratzearen “zirrara” probatzeko aukera emango diete.

Hilaren 2tik abuztuaren 31ra udal liburutegiak udako ordutegia izango du. Hala, helduentzako saila goizez bakarrik egongo da irekita, 08:00etatik 14:30era, eta abuztuaren 13tik 24ra itxita egongo da. Haurrentzako saila ere goizez bakarrik egongo da ire...

Odola emateko aukera izango da gaur eta bihar. Gaur, Reina aretoan jarri du hitzordua Odol Emaileen Elkarteko Errenteriako ordezkaritzak, 18:30etik 20:30era, eta bihar, berriz, Beraungo anbulatorioan, gaurko ordutegi berberean.

Hilaren 27ra arte daude martxan; aurten 317 haur eta gaztetxok eman dute izena udaleku irekietarako Atzotik, martxan daude udaleku irekiak, hilaren 27ra arte. 317 haurrek eta gaztetxok parte hartuko dute udalak antolatu eta Ttirukik kudeatutako dituen udalekuetan. Udalak zehaztu duenez, haur horietako bost, Saharako errefuxiatuen kanpamentuetatik uda herrian pasatzera etorritako haurrak dira. Egunero, lau orduz «aisia eskaintza euskaldun eta hezitzailea» jasoko dute 4-12 urteko haur eta gaztetxoek, 27 begirale eta bi koordinatzaileren eskutik. Oiartzungo udaleku irekien helburuak honakoak direla gogorarazi dute: «Gozamenerako espazio ludikoa eskaintzea; haurren autonomia ahalbidetzeko esparruak eskaintzea; inguru eta jatorri askotariko haurren elkarbizitza eta lankidetza eskaintzea, eta udaleku euskaldunak izatea». Jakinarazi dutenez, aurten ere, gisa guztietako ekintzak antolatu dituzte haurrentzat: «Tailerrak eta eskulanak; jolasak; ginkanak; igerilekura irteerak; olinpiadak; altxorraren bila; bizikletan irteerak; Oiartzungo auzo, parke eta zelaietara irteerak; eskalada; herri kirolak; zirkoa…». Ekintza horiek hezitzaileek eta koordinatzaileek antolatu dituzte, prestakuntza saio baten bidez.

Mujikaz gain, berarekin batera Villefranche Sur Saoneko espetxean preso dauden Ruben Ribero eta Ibon Goieaskoetxea ere erasotu dituzte. Etxeratek azaldu duenez, igandean, “funtzionarioen talde bereziak sartu ziren, kaskoz eta armez hornituak, hir...

Datorren igandean, hilaren 8an, ADEMGI Gipuzkoako Esklerosi Anitzeko Elkarteak deituta Busti Zaitez kanpaina egingo dute Euskal autonomi Erkidegoko 78 hondartza eta igerilekuetan. Beste urte betez, fanderiako Udal Igerilekuak “ekintza solidario&#...

Santiagotarrak Arraun Elkarteko ur lasaietako pistako kirolari gazteenek lehen postua lortu zuten ekainaren 30ean, San Martzial Egunean, Sevillan egin zuten Haurren Mailako Promesen Espainiako Kopan. Irundarrek ezin izan zuten banakako dominarik, baina, emaitzen batuketa egin ondoren, Iñigo Valerok zuzentzen duen taldearentzat izan zen urrea. Piraguistek 3.000 metro luzerako ibilbidea egin behar izan zuten; Santiagotarrak-ek hamahiru kirolari eraman zituen Sevillara. Guztira, Espainiako estatuko 62 taldek parte hartu zuten. Irungo taldeak lehen postua lortu zuen (1.508 punturekin), CEP Aranjuez (1.477) eta CP Portonovoren aurretik (1.467). Bigarren euskal ordezkaria Iruñeko Piraguismo Taldea izan zen (40. postuan, 263 punturekin). Santiagotarrak-eko piraguisten emaitzak Haurren A Maila Aitor Gorrotxategi / Adam Bence. 6. K-2an. Jorge Fdez. Casadevante / Iker Arias, 8. C-2an. Jorge Fdez. Casadevante, 17. C-1ean. Eneko Egiguren, 19. K-1ean. Aitor Gorrotxategi, 21. K-1ean. Eneko Egiguren / Iñigo Diez, 23. K-2an. Adam Bence, 41. K-1ean. Iñigo Diez, 51. K-1ean. Haurren B Maila Iker Arias, 5. C-1ean. Tania Prol / Itziar Campo, 5. K-2an. Telmo Fernandez / Mario Mendizabal, 7. K-2an. Tania Prol, 8. K-1ean. Telmo Fernandez, 8. K-1ean. Iñaki Etxepare / Aitor Ramajo, 10. K-2an. Itziar Campo, 22. K-1ean. Mario Mendizabal, 24. K-1ean. Iñaki Etxepare, 28. K-1ean. Aitor Ramajo, 45. K-1ean. Ander Garnika, 65. K-1ean.

Konturatu orduko bukatu dira sanpedroak. Jaiak iraun duten lau egunetan primeran pasatu dute sanpedrotarrek. Heldu, gazte nahiz haur, denek izan dute festetaz gozatzeko aukera. Eguraldia mehatxuka ibili da sanpedroetan, baina, hala eta guztiz ere, nahikoa errespetatu eta programatutako ia guztiak ospatu ahal izan dituzte Pasai San Pedron. «Igandeko pilota partida izan da bertan behera utzi behar izan dugun bakarra», adierazi du barrutiko alkateorde Jose Luis Sanzek. Aurrerago antolatzeko asmoa dutela iragarri du. Aurtengo festetako balorazio ona egin du alkateordeak, eta haurrentzako antolatutako ekimenetan izan den hobekuntza nabarmendu du: «Haurrentzako antolatutako gauzak dezente hobeto irten dira aurten. Parte hartzea handiagoa izan da». Nabarmentzeko moduko gertakari bakarra aipatu du Sanzek, programatik kanpo zegoen kontzertu bat «gehiegi» luzatu eta bizilagunen kexak jaso dituztelako. Omenaldi ugari Aurtengo sanpedroetan omenaldi ugari izan dira. Jaietako lehen egunean, Pepi Mariñelarena omendu zuten, pilotalekuko taberna izandakoan eta egun gozoki denda bilakatutakoan lanean emandako 40 urteengatik. Berak bota zuen aurtengo txupina, hunkituta. Larunbatean, berriz, Javier Lukin gogorarazi zuten Arraintxiki Txapelketan. Bera izan zen txapelketaren sortzailea 1985. urtean. Semeak jaso zuen larunbatean egungo antolatzaileek haren omenez landutako oroigarria. Omenaldi berezia, baita ere, herenegungoa. Inudeen eta Artzainen helduen konpartsa berreskuratu zutenetik 25 urte bete dira aurten, eta urteurrena baliatuta, bi lagun [...]