Ezker Anitzak Nicolas Gerendiain Irungo Errepublikarrak elkarteak antolatutako argazki erakusketaren aurkako erasoak gaitzetsi ditu.


Udalak, Arma Plaza Fundazioak eta Behemendi Elkarteak antolatuta, larunbata eta igandeetan Guadalupeko gotorlekua bisitatzeko aukera eskaintzen dute. Larunbatetan gainera, tren berdean igotzeko aukera dago. Bisitetarako erreserbak Arma Plazan egin beha...

Aurtengo udan beteko dira 35 urte Askatasunaren Ibilaldiak Euskal Herri osoa zeharkatu zuela abian doan herri bat garela aldarrikatuz. Francisco Franco hil zenetik bi urte besterik ez ziren pasatu eta errepresioa eta zigorra eguneroko errealitatea ziren, eta 1977ko urte hura ere ez zen askoz goxoagoa izan. Egoera hartan ibilaldiaren sustatzaileek pentsatu zuten Europa osoan jakin behar zela hemen gertatzen ari zenaz; hots, giza eskubideen urraketaz, zapalketaz. Askatasun Ibilaldi horrek izan zuen aurrekaririk, Telesforo Monzonek Madrilgo Diario 16 egunkarian adierazi zuenez: “1931an, jada, Eli Gallastegik planteatu zuen Euskal Herriaren ibilaldi erraldoi bat Nazio Batuen Erakundearen egoitza zegoen Genevara, erakunde horrek euskal gatazkaren aurrean parte har zezan eskatuz. Genevara arteko herrietan ekintza kulturalak, folklorikoak, mitinak, eta bestelakoak prestatu zituen Gallastegik, baina orduko gertaera politikoek zapuztu zuten ekimen hura”. Geroxeago ere izan ziren beste zenbait, hala nola: Mahatma Gandhik Indian zuzendutako Gatzaren Ibilaldia; Martin Luther Kingek Ameriketako Estatu Batuetako hiriburu Washingtonen antolaturiko Washingtongo Ibilaldia… baina askoz ere gertuago, 1976an, Lluis Maria Xirinacs eta bere jarraitzaileek Katalunian antolatu zuten beren Askatasunaren Aldeko Ibilaldia, eta ideia horretan oinarritu ziren nolabait esateko, Euskal Herriko antolatzaileak. Eta honela zioen Euskadiko Askatasunaren Ibilaldiaren manifestuak: “Euskal Herri, jaiki hadi eta eman hadi bidean (…) Hau da gaur gure deia, [...]

Gaurtik aurrera, Foru kalean eta futbol zelaia eta Hondartza kiroldegiaren atzeko gunean TAO sistema abian jarriko dute astelehenetik igandera 10:00etatik 20:00etara. Foru Kaleari dagokionez, kale honetan erroldatuak daudenek txartela bat eskatu ahal d...

Irungo Udaleko bozeramaileen batzordeak aho batez erabaki du aurten nori eman Hiriko Urrezko Domina: Jaime Rodriguez Solis Arkeolaneko presidenteak eta Irungo Odol Emaileen Elkarteak jasoko dute Irungo oroigarria. Urriaren 20an emango diete. Bozeramaileen batzordearen erabakiaren ondoren, udalbatzarrera eramango dute proposamena. Taldeen adostasuna dela-eta ez da inongo arazorik egongo batzordearen erabakia berresteko. Bozeramaileen batzordearen arabera, “oso profil desberdinak” dituzte Arkeolaneko presidenteak eta erakundeak. “Jaime Rodriguez Solisena, pertsonala da; eta bestea, odol-emaileena, kolektiboa; baina uste dugu bi kasuetan azpimarratu nahi dugun balioa zera dela, lan etengabea eta isila, herritarren partetik aitortza merezi duena; eta horixe da gure Urrezko Domina”, esan dute bozeramaileen batzordeko kideek.

Julen Lazkano Solaz antxotar gazteak irabazi du aurtengo sanferminetako kartela. Jai Batzordetik esan dutenez, erabakia ez da erraza izan, baina azkenean Lazkanoren lana izan da babes gehien bildu duena. 150 euro eta Leunda taberna bi lagunentzako otordua irabazi ditu Lazkanok. Jaiak iragartzeko txarteletan ez ezik, jaietarako aldizkarian ere emango dute argitara bere lana. Uztailaren 4tik 8ra bitartean ospatuko dituzte aurten sanferminak antxotarrek.

Bi urteko lanen ondoren, gaur inauguratuko dituzte Kaputxinoetako igerilekuak. Udal ordezkariekin batera, Eusko Jaurlaritzako Patxi Mutiloa, Gipuzkoako Foru Aldundiko Ikerne Badiola eta Beraun, Kaputxinoak, Alaberga, Galtzaraborda eta Igantziko auzo elkarteetako ordezkariak izango dira gaur 13:00etan egingo duten inaugurazio ekitaldian. Herritarrek, ordea, ezingo dituzte astelehenera arte erabili, orduan zabalduko baititu ateak instalazio berriak. Diseinu berritzaileko eta mailaka egindako bost ontzi independentek osatzen dute igerilekuaren bainurako eremua. Kaputxinoetakoak diseinatzeko Hernaniko igerilekuen eredua hartu dutela azaldu du Xabier Agirre udal arkitektoak, “igerileku ludikoak deitzen zaie halako itxura dutenei”. Igerilekua, zenbakitan Igerileku bakoitzak bere erabilera izango du, eta igerilekuen banaketak, adinen arteko bereizketa egiteko ere balioko duela adierazi du Agirrek. Hala nola, lehenengoa, bigarrena eta laugarrena, igeri egin eta bainurako baliatu ahalko dituzte erabiltzaileek. Hirugarrena, berriz, igerileku gunean dauden bi toboganetatik behera datozenak hartzeko balioko du soilik. “Horretan ezingo du inork igeri egin edo bainua hartu”, nabarmendu du Serviocio enpresako kudeatzaile Luis Peñak. Bosgarrena eta azkena, berriz, txikienei begirakoa da, bertan plisti-plasta aritzeko gunea izango dute. Kaputxinoetako igerilekuek 8.700 metro koadroko azalera dute orotara, ur eremuak, berriz, 700 metro koadroko azalera du. Erabiltzaile kopuruari dagokionean, 657 lagun har ditzake gehienez instalazio berriak, eta ur eremuan 220 lagun bainatu daitezke batera bertako bost igerilekuetan. Uretan [...]

Datorren larunbatean, hilak 23, izango da; izena eman daiteke astelehenetik ostiralera bitartean Maiatzaren 19an ezin izan zuten egin, eta datorren larunbatean eguraldi hobea egingo duelakoan, berriro antolatu dute Ingurumen Departamentuak eta Behemend...

Santano alkatea «gertaeren protagonista bakarra» bihurtzen ahalegindu dela salatu du alderdiak Udal legegintzaldiaren lehen urtearen balorazioa egiterakoan argiak eta itzalak ikusi ditu EAJren udal taldeak. Argien artean hainbat gairen gainean lortu diren akordioak aipatu dituzte. Alde ilunean, berriz, Jose Antonio Santano alkateari egotzi diote «gertaeren protagonista bakarra» izaten ahalegindu dela, eta ekonomia alorrean behar bezain beste urrats ez dituela egin. Xabier Iridoy buru duen udal taldearen arabera, autobus linea berriak aho batez onartzea, San Juango aparkalekuak zabaltzea —«nahiz eta oraindik kudeatzeko asko dagoen»—, San Juan-Etxeandia eremua berriro urbanizatzeko lehen fasea —hotela, zerbitzuen eraikina eta auditorioa ez dituzte oraindik eraiki— edo Euskararen Aholku Batzordea onartzea dira urtebeteko agintaldiaren alderik onenak. Horrez gain, Palmera-Monteroko gizarte zentroa onartzea, Oñaurreko plan orokorra aldatzea, edo Doman enpresa Arasora eramatea ontzat eman dituzte. Txanponaren beste aldean, ordea, hiriak duen langabeen tasa %16,39koa dela aipatu du EAJk, eta horrekin lotuta, TAOko langileen gatazkan «gardentasun eza» salatu du. Hartara, udalaren finantza egoeraren gaineko kezka agertu dute jeltzaleek, eta «ikuspegi aldaketa» proposatu arren, aurrekontuak landu ziren udalbatzarrean 400.000 euroko murrizketa eta zuzenketak udal gobernuak ez zituela onartu nabarmendu du: «Baliabideak askatzeko funtzionamendu gastuak murriztea beharrezkoa zela ikusi genuen, hartara inbertsiotarako gaitasun handiagoa edukitzeko. Krisiari inbertsioen bitartez aurre egin behar [...]

Asteko elkarrizketa atalean, Larraitz Ugarte aldundiko bozeramaile eta Mugikortasun diputatua izango da irratian gaur, 13:15etik aurrera. Egoera politikoa aztertuko du (Sortu, EH Bildu…) baita bidesarien gaia ere, besteak beste. Elkarrizketa, FM ...

Sainzigarrenea baserriko Gurutxet familiari babesa emateko sinadurak biltzeko banatu zituzten paperak ondorengo tabernatan jasoko dituzte etzi: Larra, Etxeberria, Wanba, Ttopara, Hontza, Muara, Lekuona eta Itxaropena. Auzibide baten ondorioz, gaur egun Sainzigarrenea baserrian bizi diren maizterrak baserritik botatzeko arriskuan daude, eta «egoera horren larritasuna eta justizia eza ikusirik, guztion babesa oso garrantzitsua da», azaldu dute Sainzigarrenea Bizirik plataformako kideek. Gurutxet familiak 105 urte darama baserrian bizitzen, eta errenta bere osotasunean ordaintzen dute. Gainera, Maikiñenea, Beko Borda eta Miserebe baserriak Sainzigarrenearen jabe berberarenak dira, eta horiek abandonatzeko bidean daude.

Oiartzun Irratian laugarren denboraldia hasiko du Kirolez blai! saioak, bihar. Bi entrenatzaile izango dira Joxe Migel Lopezen gonbidatuak: Gari Argote Oiartzungo Ohorezko Erregionaleko entrenatzailea eta Mikel Salegi Bigarren Mailako neskena. Astelehe...

Santiago auzoan XIII. Kultur Astea egin dute joan den asteazkenean hasi eta herenegun arte, bertako auzo elkarteak antolatuta. Txiki zein helduei zuzendutako egitarau zabala osatu du horretarako Santiagoko Auzo Elkarteak. Horren barruan, III. Paella Txapelketa egin zuten herenegun (irudian), eta herri bazkaria ondoren. Txokolate jatearekin bukatu zen kultur astea.

Kabia Espazio Kreaktiboan ekitaldi berezia izango da etzi, 19:00etatik aurrera: Jon Maiaren Kulturak eta identitateak gure herrian hitzaldia. Maiaren beraren esperientzia propiotik abiatuko da, eta Zamoran eta Extremaduran sustraiak edukitzeak eta euskaldun sentitzeak identitatean nola eragin dion azalduko du. Hitzaldi horretatik abiatuta, herriko kultur eta identitateen arteko elkarbizitza sustatu nahi dute zenbait eragilek Errenteria-Oreretan. Hain zuzen, ekimenaren alderik garrantzitsuena antolatzaileak eurak dira. Kolore askotariko elkarteak daude atzean: Concha Rociera, Aljarafe, Casa de Galicia, Monfrague, Ereintza, Landare, AEK, Lau Haizetara eta Mikelazulo. Errenteriako Udaleko alderdi politiko guztiek ere bat egin dute. “Elkar ezagutzeko garaia” Horien arabera, Errenteria-Orereta luzaroan “jatorri ugariko pertsona eta kolektiboen elkargune izan da”, eta orain garaia da “aniztasun baliotsu horren barruan hizketan hastekoa, elkar hobeto ezagutzekoa eta egon litezkeen oztopoak gainditzen hastekoa”. Zehazki, “elkar ez ezagutzea” dela iritzi diote komunitateen arteko “banaketa” ekarri duena, eta “mugak apurtu” behar direla berretsi dute. Ekimen hori orain arte herrian bizi izan den eta aurrerantzean etorriko denaren arteko “inflexio puntua” izatea nahi dute deitu duten elkarteek, eta hortik aurrera beste ekitaldi batzuk antolatzeko asmoa erakutsi dute. Horrez gain, garrantzitsutzat jo dute ahalik eta herritar gehienek parte hartzea ekimen horretan, eta horregatik, errenteriar guztiak gonbidatu dituzte, etzi, Kabiatik pasatzera. Bukaeran, luntx bat izango [...]

EAJren Gipuzkoa Buru Batzarreko (GBB) buru Joseba Egibarrek hitzaldia eman zuen herenegun San Juan plazan. Jeltzaleak ezker abertzaleari eman zion protagonismo osoa, eta “ahultasuna” egozteaz gain, “presoentzako gutxieneko planik” ez duela, eta “helburu bakarra EAJri irabaztea” dela nabarmendu zuen. Horrez gain, proiektu politikorik ez edukitzea leporatu zien ezker abertzalekoei: “Iparra galduta daukate, herri eredurik gabe”. EAJk 1977an hartutako bide “demokratikoa” goraipatu zuen Egibarrek, eta ezker abertzalearen “masa borroka, borroka instituzional eta borroka armatuaren konbinazioa” kritikatu zituen.

Ostegunean Errepublikako azken Udalbatza omendu zuten udaletxean. Ekitaldi jendetsua izan zen, eta orduko zinegotzien senitartekoek parte hartu zuten. Omenaldiaren lehen zatian, Udalbatza hori oroitzeko plaka ageriarazi zuten —areto nagusiaren ataria...

Errenteria Musikal musika eta dantza eskolan izena emateko aukera badago oraindik. Eskolatik jakinarazi dutenez, oraindik badago lekua musika eta dantzako hainbat espezialitatetan. Baldintza bakarra bete behar da: musikan 4 urtetik gora edukitzea, eta ...

Emakumeen kirola sustatzea da egitasmoaren helburua; urriaren 1ean hasiko dituzte eskolak Emakumea Pilotari egitasmoan izena emateko epea irekita dago, hilaren 26ra arte. Elorsoro kiroldegian eta Gazte Informazio Bulegoan apunta daiteke, edo 665 98 85 88 telefono zenbakiara deituz. Ikastaroa, berriz, urriaren 1ean hasiko da. Saioak astelehenetan izango dira (19:30-21:00) Haurtzaro Ikastolako pilotalekuan. Egitasmoan, 18 urtetik gorako emakumeek har dezakete parte. Paleta ikastaroa antolatu dute horientzat. Ikasturteko kuota 115 eurokoa da (ikastaroa eta asegurua). Jokatzeko beharrezko materiala (paletak eta pilotak), berriz, irakasleak eramango du saioetara. Emakumeentzako paleta ikastaroak laugarren urtea du Oiartzunen. Udalak gogorarazi duenez, urtero taldetxoa sortzen da. Egitasmoaren helburua emakumeen kirola sustatzea da. Eskola Kirola 10-16 urte arteko neskek ere paleta ezagutzeko aukera dute, egitasmoaren barruan. Duela bi ikasturtetik hona, eskola adinean dauden neskek ere joka dezakete kirol horretan. Astean behin, ordu eta erdiko saioak egiten dituzte. Bestalde, Alebin, Haur eta Kadete mailetan parte hartzeko aukera ere badago. Interesdunek ikastetxeko kirol koordinatzailearekin jarri behar dute harremanetan. Horrez gain, federatu nahi dutenek (hamasei urtetik gora), badute horretarako aukera. Eta honakoetan parte hartzeko aukera izango dute: ezker horma eta trinketeko txapelketak; Kadete-Gazte eta Senior mailetako federatuentzako Gipuzkoako Txapelketa; teknifikazio guneak ezker horman eta trinketean; erakustaldi partidak eta Emakumearen Batzordea.

Erlaitz mendi elkarteak Piriniora irteera antolatu du hilaren 22an, larunbatarekin. Informazio gehiagorako Erlaitz elkartearen webgunera jo edota 943635838 telefonora deitu.

Maggie Hildrick kantautoreak (Dublin, Irlanda) bi kontzertu emango ditu asteburuan Banako tabernan, ostiralean eta larunbatean. Hildrick Dublingo eszenako musikari preziatua da, folk irlandar musika egiten duena, baina beste estilo batzuetara hurbiltz...