
Eguraldi onarekin batera, eta udako bisitariei ere erreparatuz, kultur egitarau potioloa antolatu dute Biriatuko herriko Etxeak eta elkarteek. Ekitaldi batzuk astero errepikatuko dira; esaterako, asteazken goizero ibilaldia eginen dute. 09:00etan Xoldo...

Bihar jokatuko da Plentzian Euskadiko Koparen 4. proba. Trintxerpeko Donostia Kayak eta Pasaia Kayak taldetako ordezkaritza bat han izango da. Sprinter modalitate nagusian Lander Rodriguez eta Aritz Araneta seniorrak faborito nagusien artean daude K-...

Arma Plaza Fundazioak irteera antolatu du Jaizkibelera hilaren 14rako, eta Hondarribiko ondare megalitikoa erakutsiko dute. Eusko Jaurlaritzako Kultur Ondare Zentroak hala eskatuta, Lurrailan enpresak aurkitu berri dituen bi monumentu megalitiko seinal...

Haurren lekukoa gazteek hartuko dute gaur, koadrilen arteko jolasak, bazkaria eta batelen estropadarekin Euritsu esnatu zen atzo eguna, eta horrek goizeko lehen ordurako iragarrita zeuden ekimenak baldintzatu zituen. Puzgarriak arratsaldera arte ez zituzten jarri eta haurren futbito txapelketa bertan behera geratu zen. Txabol Sotoaren Biteri plazako karpari eskerrak, Tratu ona nahi dut, pasa hitza! lelopean antolatutako guztiak egin ahal izan ziren. Patata tortilla eta xake txapelketak zumarditik hara lekualdatu eta kitto, han aritu ziren txikiak goizean goizetik festa giroan, aterpean. Sukaldeko lanak eta xakeko erronkak bukatzerako atertu egin zuen, eta Adrian Canok eta Leire Maiak aginte makila hartu zuten barrutiko alkateorde Izaskun Biurrunen eskutik. Buruhandi eta erraldoiak lagun, Biteritik irten eta barrutiari bira eman zioten txikiek, haientzako propio antolatutako herri bazkarian bildu aurretik korrika, gosea egiteko. Bien bitartean, Biteri plazan, txapelketako irabazleek beren sariak jaso zituzten. Naroa Iturrik egin zituen esatari lanak. Gaur, Gazte Eguna Gaur, gazteek hartuko diete lekuko haurrei. Gazte Eguna dute eta eguerditik hartuko dituzte kaleak, egunerako propio landu dituzten elastiko beltzak soinean dituztela. Koadrilen arteko jolasak, bazkaria, eta batelen estropada, guztiak ospatuko dituzte gaur. Egitaraua Gaur, gazte eguna 10:00. Haurren pala txapelketa Biteri plazan. 11:00. Haurren esku pilota erakustaldia. Ondoren, pala finalak. 11:30. Erretiratuen toka txapelketa [...]

Hondarribiko Merkataritza Elkarteak opari txeke kanpaina martxan jarri du. Txekeak Hondarribia Txartela duten denden artean banatuko dituzte, eta hilabete honetan txartelarekin erosketak egiten dituzten bezeroen artean banatuko dituzte. 10, 20 eta 50 euroko opari txekeak eskuratu ahal izango dira, eta zozketarik egin gabe banatuko dituzte, denda sarearen sistema informatiko baten bidez. Erosketa bat egin eta Hondarribia Txartelarekin ordaintzerakoan, zortea duten bezeroek, haien erosketa tiketean Erosketa txartela idatzita ikusiko dute, eta irabazi duten kopurua azalduko da. Opari txeke hori Hondarribia Txartela onartzen duten edozein dendatan truka daiteke, eskuratutako sariaren kopurua edo gehiago balio duen erosketa bat eginez. Opari txekeak urriaren 31 arte alda daitezke. Txartela doan Higerrek, Hondarribiko Merkataritza Elkarteak eta Hondarribiko Ostalaritza Elkarteak Hondarribia Txartela jarri zuten martxan, Hondarribiko establezimenduak lehiakorragoak izateko, eta haien jarrera azalera handiko merkataritza guneen aldean hobetzen laguntzeko. Bertako merkataritza eta ostalaritza garatzeko eta ondorioz hiria bera sustatzeko lankidetza estrategikoa da; izan ere, «aberastasuna eta ondasunak sortzeko» proiektu bezala jarri zuten martxan. Hondarribia Txartela proiektuan, hiritarrez gain, merkataritza eta ostalaritzako establezimendu guztiek har dezakete parte. Helburua ondorengoa da: merkataritza gune bakar bat bezala aritzea, sustapen ekimen eta fideltasun ekintzak eginez, batera. Aldi berean, txartelaren titularrek erosketak modu erosoan egin ahal izango dituzte, opariak lortuko dituzte, haien [...]

Haur eta helduentzako eskulan eta pintura ikastaroak antolatu dituzte uztailerako Hondarribiko Lilixi tailerrean. Izena emateko edo informazio gehiago nahi izanez gero, 646 78 93 73 telefono zenbakira dei daiteke.

Pasaiako Ikurriñaren XXVIII.estropada jokatuko da igandean, 12:00etan, Pasaiako uretan. Estropada honen aurkezpena, bihar egingo dute, Donibaneko udaletxe zaharrean, 19:30ean.

Antxoko sanferminen inguruko guztiak, Oarso Bidasoko Jaiak webgunean.

Herenegun egin zuen lehenbiziko bilera Ingurumen Aholku Kontseilutik sortu den Hondakinen Batzordeak. Udalak jakinarazi duenez, lehen bilera horretan, “askotariko adin, iritzi eta auzotako pertsonak” elkartu ziren Merkatuzarren. Udalaren ar...

David de la Callerekin bikote eginez, Espainiako Pintxo Txapelketako bigarren saria lortu du Carlos Nuez Goxodendako sukaldariak Valladoliden, Paella, dulce paella pintxoarekin. Pozik sariarekin? Bai, oso. Pintxoa sortu genuenean oso gustura geratu ginen, konfiantza handia genuen pintxoarekin eta orain saria iritsi zaigu. Euskal Herrikoarekin alderatuta, nolakoa da Espainiako Txapelketa? Euskal Herrikoan hiru aldiz egin behar duzu pintxoa, bi aldiz kanporaketetan eta, finalera iritsiz gero, beste behin. Espainiakoan behin prestatu behar duzu eta, listo, lasai geratzen zara. Maila handiko pintxoak izan al dira? Bai, maila handia izan da. Txapelketa honen berezitasuna zera da, bizpahiru mokadutxoetan jan daitekeen pintxoa baloratzen dutela, eskuekin hartu daitekeena, pintxo handiagoak baztertuz. Gurea oso landua da, baina txikia eta jaten erraza, eta epaimahaiak hori baloratu duela uste dugu. Pintxo kontzeptuala da zuena, goxokidendak jatetxe izan arte izan duen bilakaerari omenaldia… Guretzat inportantea da hori nabarmentzea, kontzeptoa. Orain jatetxea dena goxotegia izan zen hasieran eta ondoren taberna, jatetxea baino lehenago. Horregatik pintxoa hiru keinuz osatuta dago: erroskila, kafea eta paella mokadutxoa. Hilabeteak behar izan genituen pintxoa prestatzeko; holako gauzak ezin dira azken momentuan prestatu. Zer diote bezeroek? Asko gustatzen zaie. Davidek [De la Calle] dio sukaldaritza ona edo txarra dela, ez dagoela erdiko biderik. Pintxoa ona bada denei [...]

Fanderiako auzo elkarteak antolatutako eskualdeko pintura eta marrazki lehiaketako irabazleak aukeratu ditu dagoeneko epaimahaiak. 6-9 urte arteko mailan Paula Sotillosentzat izan da lehenengo saria, eta Haritz Aranbururentzat bigarrena. 10-14 urte art...

Itzatu antzerki talde errenteriarrak Panteras del 69 antzezlana aurkeztuko du etzi, 19:00etatik aurrera, Errenteria Hiria Kulturgunean. Santiago Moncadaren Entre mujeres antzezlanaren egokitzapen bat da, eta antzinako ikasle izan ziren emakumeen topake...

Metalezko haize musika tresnak garbitzen eta mantentzen ikasteko tailerra eskainiko du Ramon Vega Oterok datoren astelehenean, hilaren 12an. Musika Eskolako entsegu aretoan izango da, (103 gela, lehen solairuan), 19:30etik hasita. Musika Eskolatik esan...

Joan den asteburuan XXI. Ama Guadalupekoa Nazioarteko Judo Txapelketa egin zuten Jostaldi pilotalekuan. Kadete Mailako Kopako proba zen, Euskal Herrian egiten den bakarra. Guztira, hainbat herrialdeetako (Euskal Herria, Kataluinia, Espainia, Portugal, Italia, Frantzia, Moldabia eta Bulgaria) 360 kirolari elkartu ziren eta publikoak erantzun bikaina eman zuen, kiroldegiko harmailak goraino betez. Konpetizioari dagokionez, etxeko judokek maila ona erakutsi zuten: Amets Sarasuak urrezko domina lortu zuen —lezoarra da baina Ama Guadalupekoan entrenatzen da—, Lidia Yarzak, Nekane Quiñonesek eta Iker Otegik zilarra, eta Maialen Ramos gazteak brontzezkoa. Andoni Gorrotxategik eta Martxel Eizagirrek bosgarren postuan bukatu zuten eta, horrekin, beraiek ere kadeteen rankinerako puntuak pilatu zituzten. Nazioarteko saioak Txapelketa probestuz, Frantzia, Moldabia, Bulgaria eta Tenerifetik etorritako kirolariek Ama Guadalupekoa taldeko instalazioetan entrenatu ziren joan den astean. Hondarribiko klubetik adierazi dutenez, “entrenamendu hauek oso baliagarriak izaten dira hondarribiarren lehiatze maila handitzeko”.

Antxoko Basari Elkarteak Asteburu Mikologikoa antolatu du etzi eta igandea bitartean. Ekimenaren XII. ekitaldia izango da egingo dutena. Larunbat goizean perretxikoak hartu beharko dituzte parte hartzaileek (taldeetan edo banaka har daiteke parte). Jasotakoak Antxoko Azokara eraman beharko dituzte 13:00etatik 14:00etara bitartean. Elkarteak jakinarazi duenez, nahi duten guztiek har dezake parte bertan, ez da elkarteko kide izan behar nahi eta nahi ez. Natura errespetatu Basarik parte hartzaileei eskatu die “naturarekiko begirunea” edukitzeko. Horrela, antolatzaileek nahi dute Azokara ahalik eta espezie gehien eraman daitezen, “baina betiere, ale bat espezie bakoitzeko”, hori bai, jangarriak ez badira; bestela espezie bakoitzetik bat baino gehiago eramatea gomendatzen dute, “igandean banatuko diren pintxoetarako ahalik eta gehien edukitzeko”. Perretxiko txikienentzako “ontzi egokiak” eramatea gomendatzen du Basarik, handiek ez zapaltzeko. Bildu ostean, sailkapena egingo dute arratsaldean, Aranzadi zientzia elkarteko hainbat kidek lagunduta. Sailkapen hori ikustera edonor joan daitekeela adierazi dute antolatzaileek. Hori guztia larunbatari dagokionez. Igandean, berriz, erakusketa egingo dute Gure Zumardian. Horrez gain, perretxikoekin egindako pintxoak banatuko dituzte Basari elkartean. Onddo sorta ederrena eramaten duenari saria emango diote Gure Zumardian, 13:30etik aurrera.

Usurbil Judo Taldean ari den Xabier Cazorla lezoarrak urrezko domina lortu zuen asteburuan Hondarribian egin zen 17 urtez azpiko Espainiako Kopan. Azken konbatearen ondoren oso pozik agertu zen lezoarra, lehen aldiz igo baita Espainiako rankinerako pu...

Hilaren 25ean elkartasun bazkaria egingo dute Klink Elkartean, Kalean Kantuz ekitaldiaren ondoren. Bertan bazkaldu nahi duenak Kai Alde goxodendan edo Alzaga Urdaiazpikoak saltokian eros ditzake txartelak, 20 euroan. Pertsona bakoitzeko Klinkek 10 euro...

Hondarribia Arraun Elkarteak leku berria izango du ontziak gordetzeko. Joan den asteko osoko bilkuran udalak erabaki zuen Iridoy ontziolaren lokala alokatzea, eta egun arraun elkarteak okupatzen duen lokaleko jabeekin kontratua ez luzatzea. PSE-EE abstenitu egin zen, eta gainontzeko udal taldeek (EAJ, Bildu, Hamaikabat eta PP), alde bozkatu zuten. Lokal berria «handiagoa, merkeagoa eta erosoagoa» dela baieztatu zuen gobernu taldeak. Eraikin berriaren azalera 600 metro koadrokoa da, 275 metro koadroko solairuartea du, eta kanpoaldean beste 875 metro koadroko eremua du. Aitor Kerejeta alkateak azaldu zuenez, «arraun elkartearentzat leku paregabea da, eta udalarentzako oraingoa baino merkeagoa». Izan ere, egun 3.584 euro ordaintzen baditu hilero, lokal berriaren alokairua 2.500 eurokoa izango da. Hil honetan sinatuko duten kontratua zazpi urte artekoa da, eta udalak eraikina erosteko aukera izango du, milioi bat euroan, salmenta aukera gauzatu arte alokairuagatik ordaindutako dirua kenduta. Oposizioko talde nagusiak, Bilduk, alde bozkatu zuen, baina Ibai Labaien bozeramailearen esanetan, «zapore gazi-gozoarekin» egin zuten hori. «Guretzat gai interesgarria izan zitekeen, baina beste behin hutsuneak daude proposamenean». Hainbat gabezia aipatu zituen Labaienek, besteak beste, udal arkitektoaren txostena falta zela. Alkateak emandako azalpenek ez zituen Bildukoak asebete, baina alde bozkatzea erabaki zuten azkenean. Bilduk eraikin berrirako kirol plangintza osatuago bat galdegin zuen, biltegi hutsa [...]