
Fanderiako pilotalekua datorren denboraldian erabiltzeko orduen zozketa egingo dute asteazkenean. Zozketa horren bidez erabakiko dute zein ordutan eta zeintzuk erabili ahal izango duten pilotalekua irailaren 1etik 2013ko irailaren 1era. Interesa duenak...

Capoeira, pilates eta kenpo eskolak kiroldegian egingo dituzte irailetik aurrera; hilaren 28an itxiko dute Zazpi urte eta gero, Honbu Japoniako Zentro Kulturala itxi egingo dute, eta hilaren 28an itxiera festa egingo dute, 16:00etan, zentroan bertan. Festaren harira, zazpi urte hauetan Honbu laguntzen aritu diren pertsonei, aurrera ateratzen lagundu dutenei, «eta proiektuak sekulako arrakasta izaten lagundu dutenei» esker opari bana egingo diete. Orain arte Oiartzungo Kenpo Kai Elkarteak kudeatu du Karaez kalean dagoen Honbu izeneko lokala, baina abuztuan Oiartzungo Udalaren eskuetara pasatuko da berriro. Bertan, Honbuko kideek jakinarazi dutenez, Gizarte Zerbitzuetako bulegoak jarriko dituzte: «Hala jakinarazi digute udaleko kideek egin ditugun bileretan, eta erabaki hori krisiak eta lokal egokien faltak eragin duela zehaztu digute». Ondorioz, kenpo kai, pilates eta Capoeira eskolak Elorsoro kiroldegian emango dituzte irailetik aurrera. Aro bat bukatu arren, Honbuko kideek euren lanarekin jarraituko dute: «Garrantzitsuena da hemen hainbat jarduera egiten zituztenek, aukera izango dutela horiekin jarraitzeko Elorsoron, ordutegi eta egun berberetan». Europako egoitza, Madrilera Albiste txarra, baina, kenpo kai kirolaren Europako egoitza urrunago egongo dela da, Honbuko arduradunen iritziz: «Orain arte, Oiartzunen zegoen egoitza hori, Honbu zen. Baina hilabete honetan utziko dio herrian egoteari, eta Madrilen kokatuko dute egoitza berria». Horrez gain, Honbun egiten zituzten gainontzeko jarduera kultural [...]

Bi domina eskuratu dituzte Hondarribia Arraun Elkarteko arraunlari gazteek Espainiako Aulki Mugikorreko Txapelketan. Iragan asteburuan jokatu zituzten haurren eta kadeteen txapelketak Sevillan (Andaluzia, Espainia). Denboraldiko aulki mugikorreko azken...

Hondarribia Blues Festival jaialdiaren zazpigarren ekitaldia dela eta, gaueko autobus zerbitzu bereziak jarri dituzte. Hondarribia eta Irun artean, gaur eta bihar, 40 minuturo autobus bat egongo da. Geldialdia Ama Guadalupekoa ikastetxean egingo du. Ho...

Xanisteban Jaietan hesiak zaintzen lan egiteko lan poltsan izena emateko azken eguna izango da bihar. Baldintza bakarra 18 urte beteta izatea da, eta oiartzuarrek izango dute herriko jaietan lanean aritzeko lehentasuna. Udaletxeko Informazio Bulegoan e...

Gaur goizeko hamarretan esleituko dizkiete zenbakiak eskatzaileei, programa informatiko bidez Altzibarko Olalde eremuan eraikitzen ari diren etxebizitza tasatuak datorren ostegunean zozkatuko dituzte. Babes ofizialekoekin egin bezala, tasatuen zozketa ere publikoa izango da. 17:00etan jarri dute hitzordua, udaletxeko areto nagusian. Zozketa notario aurrean izango da. 97 herritarren eskaera onartu zituzten etxebizitza horietako jabe izateko Onartutako eskatzaileen behin-behineko zerrendak —onartutakoenak eta baztertutakoenak—, ekainaren 20ko udalbatzarrean onartu zituzten zinegotziek. Jendaurrean egon ondoren, herenegun onartu zituzten onartutakoen eta baztertutakoen behin betiko zerrendak, Alkatetzaren dekretu bidez. Onartutakoen zerrendako eskatzaileei, gaur esleituko dizkiete zenbakiak, 10:00etan, udaletxeko areto nagusian, programa informatiko bidez. Zerrendak eta zenbakiak gaur bertan argitaratuko dituzte udalaren webgunean, www.oiartzun.org. 132 etxebizitza Olalden Altzibarko Olalde eremuan lanean ari dira 132 etxebizitza eraikitzeko. Horietako 41 izango dira tasatuak, bi logelakoak batzuk, eta hirukoak besteak. Olaldeko gainontzeko etxeak babes ofizialekoak dira. Etxebizitza horien zozketa martxoren 16an egin zuten udaletxeko areto nagusian. Ordutik, zozketan etxea tokatu zitzaien hainbatek egin behar izan dute atzera, eta zain zerrendan zeuden beste hainbesteri esleitu dizkiete.

Zilarrezko Mailan jokatuko du datorren denboraldian Ereintza eskubaloi taldeak, eta horrek sortaraziko dizkion zailtasun ekonomikoei erantzuteko, abonatu kanpaina bat martxan jarriko du. Helburua 300 abonatu lortzea da. Egoera ekonomikoa kontuan izanda...

Bertako 49 enpresaren produktuak eskaintzen ari dira; kanpaina hilaren 23ra arte dago martxan Carrefourrek Bertako Produktuak izeneko kanpaina jarri du martxan (herenegundik hilaren 23ra), «produktu lokalen eta herrialdeko produktuen aldeko apustuarekin jarraituz». Oiartzungo merkatalgunean martxan da dagoeneko, baita EAE Euskal Autonomia Erkidegoan dituen gainontzeko lau establezimenduetan ere. Carrefourrek jakinarazi duenez, kanpainan, bertako 49 enpresak parte hartuko dute: «290 produktutik gora eskainiko dituzte». Carrefourreko arduradunek nabarmendu dutenez, kanpaina hori jartzeko ideia Carrefourren hasierako konpromisotik dator: «1979. urtetik dago Carrefour EAEn, eta hasieratik, produktu eta enpresa lokalak laguntzea izan da enpresaren helburuetako bat». Zentzu horretan, iazko adibidea jarri dute: «431 entitate euskaldunei erosi genizkien euren produktuak, 252,9 milioi euro izan ziren, guztira». Carrefourren eredu komertzialak, produktu lokalak eta herrialdekoak ohiko produktuekin integratzen dituela gogorarazi dute: «Hala, bezeroek libreki aukera dezakete zer erosi nahi duten. Izan ere, kanpoko produktuez gain, bertakoak ere aurki daitezke supermerkatuetan, Carrefourren markako produktu propioekin batera». Egun hauetan, «are gehiago», Carrefourren eskaintza «askotariko produktu lokaletan» oinarritzen da. Inguruneko enpresa txiki eta ertainek egindakoak dira guztiak, eta Carrefourri «berritasun eta ekarpen berriak» egiten dizkietela azaldu dute. Hauek dira egunotan Carrefourra hurbiltzen direnek topatuko dituzte produktuetako batzuk: txakolina; Arabako Errioxako ardoak; sagardoa; likoreak; esnea; esnekiak; patatak; arrautzak; barazkiak; haragia eta lekaleak [...]

Udalak jakinarazi duenez, ikasturte honetako ostiraletan Atez Ateko Informazio Bulegoaren ordutegia 07:45etik 14:45era izango da, gainontzeko egunetan ez bezala. Izan ere, astelehenetik ostegunera 08:00etatik 15:00etara egongo da zabalik.

Oiartzungo XII. Herri Eskalada Txapelketa izango da etzi Elorsoron, Giriziaren barruko Oiartzungo Eskalada Taldeak antolatuta. 09:00etatik 10:00etara eman beharko da izena. 10:00etan hasiko dira sailkapen faseak, eta 16:30ean finalak. Haurrek 5 euro or...

Ostiralean bukatu ziren On Manuel Lekuona omentzeko ekitaldiak. Asteazkenean kultur ekitaldia eta Euskaltzaindiaren bilera izan ziren. Eta ostiralean, bertso saioa izan zen udaletxean. Lau bertsolari izan ziren taula gainean, Jon Maia, Jon Martin, Joki...

Lartaungo zikloturistek larunbat honetan egingo dute denboraldi bukaerako bazkaria, Gurutze Berri jatetxean, 14:00etan. Joan nahi duten bazkideek, lehenbailehen jarri behar dute harremanetan zuzendaritza batzordearekin.

Etzitik aurrera, Bidasoa eskualdean bi pediatria kupo gehiago izango dira, eta horrek eragin zuzena izango du Irungo zein Hondarribiko zenbait erabiltzaileengan. Orain arte hamar kupo zeuden, eta hamabi izango dira aurrerantzean.Horrenbestez, astelehen...

Santi Veigak irabazi du XVII. Errenteria Hiria Film Labur Lehiaketako sari nagusia, El rastrillo se quiere comprometer lanari esker. Igandean eman zituzten sariak Errenteria Hiria Kulturgunean, eta Julen Mendoza alkatearen eskutik jaso zuen 1.000 eurok...

Oso ezaguna da topoa antxotarrentzat. Askok egunero erabiltzen dute Gipuzkoako beste tokietara joateko. Baina beti bertan egon den garraiobide horrek ehun urte bete dituela gutxik dakite. Antxotarrok Historia Mintegiaren ekimenez, topoaren gaineko erakusketa jarri dute Antxoko Kultur Etxean, hilaren 17ra arte, urteurrenaren harira. 19:00etatik 21:00etara ikus daiteke astegunetan, eta larunbatean eta igandean 12:00etatik 14:00etara dago zabalik aretoa. Argazki bilduma oparoa bildu dute barrutiko historiaren zaleek erakusketarako. Hainbat paneletan, argazki zaharrak jarri dituzte, baina hori bakarrik ez: ikus-entzunezko bat ikusteko aukera ere dago, baita trenaren alorrarekin harremana duten beste hainbat gai ere Antxokoak, Oarsoaldekoak eta Bidasokoak batez ere. Mintegiko kideak bertan izaten dira nahi duenari behar adina azalpen emat eko, horien artean Pedro Perez.

Sailkapeneko goiko postuetan sendotzeko aukera ona galdu zuen Ohorezko Mailan ari den Hondarribia futbola taldeak larunbatean, Ondarroako Aurrerarekin etxean galduta (0-1). Kanpotarren gol bakarra 4. minutuan iritsi zen (Eneko); ordutik, etxekoak saiat...

Bihar goizean emango ditu Xenpelar Bertso Eskolak Bertsolari Gazteen XXI. Xenpelar Sarien gaineko xehetasunak. Aurreratu duenez, hiru kanporaketa egingo dituzte, eta bakoitzean seina bertsolarik parte hartuko dute. Lehenengoa hilaren 23an (ostirala) iz...