
Ohitura lege, eta gaur, jaiak hasteko bezperan, Trintxer Zahar abesbatzak jaietako pregoia abestuko du elizan, 20:00etatik aurrera. Jaien atariko, gaur, baita ere, Jose Mari Elgezabalen oroimenezko 15. areto futbol txapelketako final laurdenak jokatuko...

Bi domina eskuratu dituzte Hondarribiko Arraun Elkarteko arraunlari gazteek Espainiako aulki mugikorreko txapelketan. Iragan asteburuan jokatu zituzten haur eta kadete mailako txapelketak Sevillan (Andaluzia), eta denboraldiko aulki mugikorreko azkenek...

Txitxo Txabarrik azken urteetan margotutako olioak ikus daitezke lehen aldiz Peña kaleko Hazia elkartean. Gertuko askok ez zekiten margotzen zuenik ere Joan den ostiralean Txitxo Txabarri artista irundarrak margotutako olioen erakusketa inauguratu zuten Hazia elkartean. Familia giroan egindako ekitaldia izan zen; han ziren bere emazte eta semea, artistaren lagun eta ezagunak, Haziako bazkideak eta tabernako zenbait bezero. Erakusketa ireki aurretik, Koro Egibar Haziako Kultur Batzordeko kideak aipatu zuen asko zaindu dutela muntaketa, eta nabaria da hori, elkarteko pareten koloreekin bat datozelako koadroak, tonoen arabera multzoka banatuta. Txabarri oso gustura zegoen emaitzarekin: “Oso ondo geratu da, lan txukuna egin dute”. Artista amateurra da Txabarri; amateurra eta berantiarra, duela bederatzi urte hasi baitzen margotzen. “Beti margotu nahi izan dut, baina korrika egiteari utzi nion arte ez nintzen hasi, beno, urte pare bat beranduago, duela bederatzi urte”. Inaugurazio ekitaldira hurbildutako ezagun batzuk harrituta begiratzen zieten Txabarriren koadroei: “Gaur esan didate erakusketa jarri behar zenuela… ez nekien margotzen zenuenik ere!”, esan zion lagun batek artistari. Beretzat egiten du lan, hobe esanda, etxerako: “Erakusketako margo guztiak emaztearenak dira —dio—, norbaitek esaten badit koadro bat egiteko, ba egingo diot, baina hauek ez daude salgai”. Arratsaldetan margotzen duela dio, “arratsaldero bi ordu”, eta bi tekknikatan jarduten duen [...]

Ehun urte baino gehiago Sainzigarrenea baserrian bizitzen daramaten maizter familia kaleratze arrisku larriaren aurrean sortu den Sainzigarrenea bizirik plataformak, hondarribiar guztiei eskerrak eman nahi dizkie kanporatze honen aurrean agertu duten e...

AupaQuartet taldeak kontzertua eskainiko du Banakon datorren asteazkenean gaueko hamarretatik aurrera. AupaQuartet Donostiako Jazzaldian parte hartuko du abuztuan, baina aurretik banakoko taula gainean izango da zuzenean. Sarrera doan izango da eta ate...

Oiasso Museoaren aurrean aurkeztu zuten atzo aurtengo udako kultur ekitaldien egitaraua. Eskoleta kalean egin zuten, baina berdin-berdin egin zezaketen Zabaltzan, Genaro Etxeandian, edo beste hainbat lekutan, Irungo Udaleko Kultura Sailak, auzo elkarteek eta beste zenbait eragilek prestatutako ekitaldiak hirian sakabanatuko baitituzte. Arrakasta ziurtatuta duten ohiko ekintzez gain, badira berritasun batzuk, bai ekitaldietan, baita guneetan ere (ikus uztaileko egitarau osoa Nabarmenak atalean). Belen Sierra Kultura ordezkaria eta Jose Maria Rastrilla Irun Hiria Musika Bandako presidentea egon ziren atzoko aurkezpenean, eta uda sasoiko berritasunetako bat kalean egingo diren musika emanaldiak izango direla aurreratu zuten. Horregatik, Triumf saxofoi laukotea izan zen Oiasson, musika tresna eta guzti. “Musikak garrantzia du beti udan, baina aurten beste formatu batean dator. Helburua da daukaguna balorean jartzea, tokiko musikariak”, adierazi zuen Sierrak. Udal Kontserbatorioko ikasle eta Musika Bandako kide diren musikariz osatutako bi laukotek eta boskote batek jardungo dute, baita 22 musikariz osaturiko Big Band batek. Rastrillak ekimen berriaren baliagarritasuna aldarrikatu zuen. “Europan hau normala da, edozein hiritan ikus daiteke, baina hemen ez da ohikoa. Ikusteko dago erantzuna zein den, baina musikari bikainak dira eta nik uste dut polita izango dela”. Laukote eta boskoteen emanaldiak Eskoleta kalean izango dira, eta Big Band-arena Zabaltzako kioskoan. Horiez gain, Irun Hiria [...]

Ainara Benavente lehen emakumea izan da, eta Imanol Burguera eta Ander Orbegozoren K-2a, bigarrena Eguraldiaren iragarpenak bete egin ziren eta haize bortitzak gogor astindu zuen Plentzian (Bizkaia) larunbatean jokatutako Euskal Ligako euskal kayakeko proban, olatu arriskutsuak eraginez. Egoera petralari aurre eginez, baina, Trintxerpeko Donostia Kayak taldeko Aritz Araneta inor baino hobeto moldatu zen itsasoan, eta estropada gogorrean aurrea hartu zion Lander Rodriguez taldekideari, lehenengo aldiz aurtengo denboraldian. Imanol Burgueraren eta Ander Orbegozoren K-2ak ere lan bikaina egin zuen, eta bigarren izan ziren Hondarribiko ontzi garailearen atzetik, lehia bizian amaieraraino. Ainara Benavente lehenengo emakumea izan zen beste behin, eta Pasaia Kayakeko Beteranoen Mailako Txema Yarzak osatu zuen helmugaratutako pasaitarren ordezkaritza; euskal palisten artean laugarrena izan zen.

Sukaldaritzan eta iturgintzan trebatzen dituzte 15 eta 18 urte arteko gazteak, bi ikasturtetan Lanbidea ikasi, Derrigorrezko Bigarren Hezkuntzako (DBH) titulua eskuratzeko prestakuntzarekin jarraitu, eta lanean hasi nahi duten gazteei zuzenduta dago Pasaiako Udalak kudeatzen duen Hasierako Lanbide Prestakuntzako Zentroa. Trintxerpen dago eta sukaldaritzan eta iturgintzan trebatzeko formazioa ematen dute bertan. DBHn ezarritako helburuak gainditu ez dituzten 15 eta 18 urte arteko gazteek eman dezakete izena Lanbide Prestakuntzako Zentroan. Lanbide bat irakatsiz, lan munduan sartzeko aukera erraztu nahi die prestakuntza zentroak gazteei, baita DBHko titulua eskuratu ahal izateko hizkuntza eta zientzia ezaguerak eman ere. Era berean, gaztearen heldutasunean eragitea eta laguntzea da zentroaren helburua. Bi ikasturte Zentroan izena ematen duten gazteek bi ikasturte osatu behar dituzte. Lehenengo ikasturtean aukeratzen duten lanbiderako trebetasunak eskuratzen dituzte. Horrez gain, DBHrako prestakuntza jasotzen dute zentroan bertan, eta baita tutoretza eta orientazio zerbitzua ere. Bigarren ikasturtean, formazio praktikoarekin eta teorikoarekin jarraitu, eta 350 ordu egiten dituzte enpresetan, praktiketan. Era berean, Erdi Mailako Heziketa Zikloko atariko probarako prestakuntza jasotzen dute, tutoretza eta orientazio zerbitzuarekin batera. Interesdunek bisitak eta matrikulak egiteko telefono zenbaki honetara dei dezakete: 943 404 894, baita ondoko posta elektronikora idatzi: cip@pasaia.net. Bihar bukatzen da izena emateko epea.

2012-2015 Ekonomia eta Finantza Plana onartu dute, oposizioaren kritika gogorren artean San Pedroko arrandegi berriaren proiektua bere egin du Udalbatzak, herenegun egin zen plenoan, Donibanen. Pasaiako Ezkerrako zinegotzi Xabier Pombok baino ez zuen kontra bozkatu. Gainontzeko talde guztiek alde bozkatu zuten, eta horrenbestez, aldeko 15 boto —PSE-EEko Bixen Itxasok ez zuen plenoan parte hartu— eta kontrako boto bakarrarekin, Portu Agintaritzak Lasarte eta Astigarraga arkitektoek aurkeztutako proiekturen eraikuntzari ekingo dio. Zehazki, zerbitzuguneko arrantza eremuaren xehetasun azterlana da orain onartu dutena. Ika-mikaren ondotik, akordioa Hautsak harrotu ditu azken hilabeteetan lonjaren gaiak, batez ere, udala eta Portu Agintaritzaren arteko desadostasunengatik. Azkenean, baina, akordioa iritsi da. Hori bai, Pasaiako alkate Amaia Agirregabiriak esan zuenez, udalak ez du bere garaian «herritarrekin adostutako parte hartze prozesuan erabakitakoari uko egiteko asmorik», eta orduan erabakitakoa gauza dadin lan egingo dutela esan zuen. Pasaiako Ezkerreko zinegotzi Xabier Pombok, ordea, ezbaian jarri zuen proiektua bere horretan gauzatuko denik, eta «sortutako espektatibetatik oso urruti» geratuko dela esan zuen. Aitzitik, EAJk, «poza» agertu zuen, «azkenean udala eta portuaren artean akordio batera iritsi direlako». Jeltzaleen bozeramaile Nahikari Oterminen arabera, «Pasaiaren biziberritzerako gertaera garrantzitsua da». Edonola ere, «denbora galdu izana» salatu du EAJk, «udal gobernuak Pasaiaren garapena aurrera eramango duten proiektuei heltzeko duen gaitasun [...]

Gaur hasiko dute Hondarribia Blues Festival. Euskal Herriko, Espainiako Estatuko eta nazioarteko hogei bat talde eta artista izango dira jaialdiko lau agertokietan, gaur hasi eta igandera arte. Guztira, hemezortzi kontzertu emango dituzte, eta guztiak doan dira. Krisi ekonomikoa sektore guztietan nabaria den arren, Carlos Mallesek, jaialdiaren zuzendariak, nabarmendu du musika ekimenak eutsi egin diola artisten mailari, «emanaldi guztiak doakoak izateari utzi behar izan gabe». Bluesaren izar handienetako biren emanaldiekin gozatu ahal izango dute zaleek, Eric Sardinasekin eta Robert Crayrekin. Gainera, Chicagoko hiriari emana egongo den Hondarribia Crossroad sailak agertoki berean bilduko ditu Tail Dragger, Zora Young eta Eddie Shaw artista handiak. Baina hor ez da bukatzen Hondarribira etorriko diren nazioarteko artisten zerrenda. Beren azken lanak aurkeztuko dituzte Sharrie Williamsek, Playing for Changek eta JW Jonesek. Espainiako Estatuko musikarien artean, Huckleberry Finn, Fede Aguado eta Osi Martinez, Virginia Labuat, Txus Blues eta Jose Bluefingers izango dira, «eta euskaldunak ere blues zaleak garela erakusteko, White Towels Blues Band talde gipuzkoarra izango da zuzenean», esan du Mallesek. 80.000 ikusle, iaz Bluesaldiak hainbat agertoki izango ditu kalean: nagusia Bentan; Carlsbergena Apezpiku plazan; Gazte Elkartearena Gipuzkoa plazan, eta Coca Cola agertokia San Pedro kalean. Era berean, kontzertu pedagogikoak emango dituzte, eta gastronomiarekin lotutako ekimenak egingo [...]

Irun RTk beste garaipen bat lortu du azken asteburuan, Gaztedi taldearen kontra. Hotza nagusi, Gasteizen lehiatu ziren beltzak eta 17-32ko markagailuarekin gailendu ziren azkenean. Gasteiztarrek aurretik jartzeko aukera eduki zuten partidaren hasierako minutuetan, baina hala ere, ez zuten euren helburua lortu eta 13. minutuan, “joko zikina” iritzita bertako taldeko jokalari bat kaleratu zuen epaileak. Horiek horrela, Irungo taldea jokalari bat gehiagorekin lehiatu zen tarte batean eta horri esker, markagailua estreinatu zuen Irungo taldeak. Hala, beltzen taldetik “partidarik onena” egin ez zutela onartu duten arren, lehen zatiaren azken hamar minutuetan joko hobeagoa egiten hasi eta 3-19ko markagailuarekin iritsi ziren azkenean atsedenaldira. Azken denbora Aldegelatik itzulita Irun RTk goranzko joeran segitzen zuen, baina falta ugari egin zituela eta, epaileak txartel horia atera zion Zelaia jokalariari. Horren ondorioz, jokalari bat gutxiagorekin aritu behar izan zuten irundarrak eta Gaztedik aukera baliatzen jakin zuen 10-26ko markagailua lortuz. Handik aurrera ez zen ezusteko gehiegirik izan, bat ezik. Izan ere, Gaztedik jokalari bat galdu zuen berriz ere falta ugari egin ondoren, eta irundarrek egoera baliatu nahi izan zuten arren, baloia galdu eta gasteiztarren erasoa gelditzeko arazoak eduki zituzten. Hala, 17-26ko markagailua lortu zuten orduan arabarrek. Hala ere, gutxi falta zen partidaren bukaerarako eta azkenean, 17-32 gailendu zen [...]

Irungo Udaleko Gizarte Ongizate arloak 2012. urteko gizarte proiektuen diru laguntzak ezagutarazi zituen atzo. Hiriko hainbat elkartek aurkeztutako proposamenak onartu ditu udalak, eta denera, 54.100 euro bideratuko ditu horietara. Berritasunen artean dago krisiaren eraginez gizarte bazterketa arriskuan bizi direnak laguntzeko proiektuetara zuzendutako diru laguntza. Tokiko gobernuko Gizarte Ongizate arloak 31 proiektu diruz lagunduko dituela jakinarazi zuen atzo. Hala, zenbait esparrutan laguntzeko proiektuak onartu ditu, horien artean: emakumeen eta gizonen arteko parekidetasuna, inmigrazioa, dibertsitatearen kudeaketa, gizarte bazterketa eta osasuna landuko dituztenak. 16.100 euro lau elkarterentzat Nagusilan, Gurutze Gorria, Berpiztu eta Adiskidetuak elkarteek 16.100 euro jasoko dituzte, “hiritarren oinarrizko beharrak asetzeko”. Eskatu duten diru kopuru osoa jasoko dute elkarte horiek. Bestalde, gainontzeko 38.000 euroak 27 proiektu diruz laguntzera bideratuko ditu udalak. Hala, biodibertsitatearen kudeaketarako eta gizarte bazterketa ekiditeko aurkeztutako bederatzi egitasmoek 13.200 euro jasoko dituzte. DYA, Rais edo Caritas izango dira, besteak beste, diru laguntza horren hartzaileak. Horrez gain, gizonen eta emakumeen arteko berdintasuna bultzatzeko bost proiektu sustatzeko 14.500 euro bideratu ditu tokiko gobernuak. Horien artean, Argoiak, I-Romi eta Pausumedia taldeenak daude. Aspargik, Aurreratuk eta Ademgik besteak beste aurkeztutako proiektuetarako, 10.300 euro eman ditu udalak.

Gabonetako argiak jartzeko lanak aste honetan abiatuko direla jakinarazi du udalak. Aurtengo aurrekontuak %20 egin du behera, eta beraz, denera, 57.469,40 euro zuzenduko dituztela adierazi du.

Ipar Euskal Herriko Bertsolari Txapelketa irabazi du hirugarrenez Amets Arzallus hendaiarrak. Odei Barroso eta Sustrai Colinaren aurretik geratu da, hauek ere Hendaiako Bertso Eskolan aritutakoak. BERRIA egunkarian elkarrizketa egin diote Arzallusi, tx...

Santi Veigak irabazi du XVII. Errenteria Hiria Film Labur Lehiaketako sari nagusia, El rastrillo se quiere comprometer lanari esker. Igandean eman zituzten sariak Errenteria Hiria Kulturgunean, eta Julen Mendoza alkatearen eskutik 1.000 euroko saria ga...

Atez atekoaren gaineko parte hartze prozesua martxan jarri du udalak

Ez du hutsik egingo aurtengo udazkenean Mikelazulo kultur elkarteak antolatzen duen Herrien Asteak, eta egitarau oparoa prestatu dute Euskal Herritik kanpoko kulturak, mugimenduak eta bestelakoak ezagutu ahal izateko. Aurtengo egitarauan SAT Andaluziako sindikatuko kideek egingo duten bisita nabarmendu daiteke. Hori izango da, hain zuzen, lehenbiziko ekitaldia: datorren astearte, hilak 20, 20:00etan, Mikelazulon. Pepe Caballero SATeko erakundeko arduraduna eta Lola Alvarez Kordobako SATeko eta Somonteko lur-okupazioaren arduradunak parte hartuko dute. Ostegunean, ekitaldi bikoitza izango da. Qualbi (Nire bihotza) Palestinaren egoera beste ikuspuntu batetik ezagutaraziko duen film laburra emango dute, 19:00etan, Mikelazulon. Bestetik, Brasilgo musika entzuteko aukera izango da Yemamah taldearen eskutik, De Cyne Reynan, 22:30etik aurrera. Bossa nova, samba, fogo, funk, reggae eta jazz doinuak joko dituzte. Ostiralean ere pare bat ekitaldi egingo dituzte. Arratsaldean, haurrekin aniztasun tailerra egingo dute, eta gauerako ere beste kontzertu bat prestatu dute, Hego Amerikako beste herri batetik etorritako bi musikariren eskutik: Fabiana Boer eta Leandro Yaku. Ohi bezala, herrialde bateko janariarekin osatutako afaria ere egingo dute. Eta oraingoan, afari mexikarra izango da. Giro mexikar horri baliatuz, rantxerak izango dira ondoren. Egitaraua Azaroak 20, asteartea: Andaluzia zutik hitzaldia, 20:00etan, Mikelazulon. Azaroak 21, asteazkena: Bidez bide tertulia, 19:30ean, Mikelazulon. (Bidez bide, bertako eta etorkin jendeaz osatutako elkartea [...]

Larunbatean, hilaren 17an, Txalo Produkzioak-en Hil arte bizi euskarazko antzerki lana taularatuko dute Itsas Etxeko auditoriumean, 19:30ean hasita. Sarrerak dagoenenko salgai daude, 5 euroan, herriko bi turismo bulegoetan (Arma Plaza eta Kirol kaia). Emanaldiaren egunean ere aukera izango da erosteko, Itsas Etxeko lehiatilan, obra hasi baino ordubete lehenagotik. Udaletik aurreratu dutenez, “Hil arte bizi obra tragikomikoa da, heriotzaz hitz egiten duen komedia, eta adiskidetasunaz jardungo den tragedia da. Bizitzeko gogoaz ari den tragikomedia da”. Javier Veigak idatzitako lana da eta Begoña Bilbaok zuzenduta. Aktore hirukotea aski ezaguna da, telebistan zein antzerkian eskarmentu handikoak direlako: Iker Galartza, Sara Cozar eta Joseba Usabiaga. Udaleko Euskara Departamentuak antolatutako ekintza da, Neguko Jardunaldiak programaren barruan. Obra adiskidetasunaren mugen inguruan egiten den hausnarketa bat da, Nacho, Angel eta Maria pertsonaien ingurukoa. Bi gizon eta emakume bat eta jakina… gutxienez pare bat maitasun istorio. Hiru lagun, betiko lagunak, betirako lagunak… edo ez. Zerbait gertatuko da. Larria izango da beraien adiskidetasuna kolokan jarriko badu. Hala, ikuslearenganako galderak piztea du xedea obrak: Zer egingo zenuke zure bikoteak zure lagun onenarekin alde egingo balu? Biei barkatuko zenieke? Bietako bati? Zeini? Eta heriotza tartean bada… dena ezberdin ikusten da? Edozer barka zenezake maitasunagatik? Eta adiskidetasunagatik? Min egitea baino egia ezkutatzea hobea [...]