Zazpi urteren ondoren, itxi egingo dute Honbu
Capoeira, pilates eta kenpo eskolak kiroldegian egingo dituzte irailetik aurrera; hilaren 28an itxiko dute Zazpi urte eta gero, Honbu Japoniako Zentro Kulturala itxi egingo dute, eta hilaren 28an itxiera festa egingo dute, 16:00etan, zentroan bertan. Festaren harira, zazpi urte hauetan Honbu laguntzen aritu diren pertsonei, aurrera ateratzen lagundu dutenei, «eta proiektuak sekulako arrakasta izaten lagundu dutenei» esker opari bana egingo diete. Orain arte Oiartzungo Kenpo Kai Elkarteak kudeatu du Karaez kalean dagoen Honbu izeneko lokala, baina abuztuan Oiartzungo Udalaren eskuetara pasatuko da berriro. Bertan, Honbuko kideek jakinarazi dutenez, Gizarte Zerbitzuetako bulegoak jarriko dituzte: «Hala jakinarazi digute udaleko kideek egin ditugun bileretan, eta erabaki hori krisiak eta lokal egokien faltak eragin duela zehaztu digute». Ondorioz, kenpo kai, pilates eta Capoeira eskolak Elorsoro kiroldegian emango dituzte irailetik aurrera. Aro bat bukatu arren, Honbuko kideek euren lanarekin jarraituko dute: «Garrantzitsuena da hemen hainbat jarduera egiten zituztenek, aukera izango dutela horiekin jarraitzeko Elorsoron, ordutegi eta egun berberetan». Europako egoitza, Madrilera Albiste txarra, baina, kenpo kai kirolaren Europako egoitza urrunago egongo dela da, Honbuko arduradunen iritziz: «Orain arte, Oiartzunen zegoen egoitza hori, Honbu zen. Baina hilabete honetan utziko dio herrian egoteari, eta Madrilen kokatuko dute egoitza berria». Horrez gain, Honbun egiten zituzten gainontzeko jarduera kultural [...]
Capoeira, pilates eta kenpo eskolak kiroldegian egingo dituzte irailetik aurrera; hilaren 28an itxiko dute
Zazpi urte eta gero, Honbu Japoniako Zentro Kulturala itxi egingo dute, eta hilaren 28an itxiera festa egingo dute, 16:00etan, zentroan bertan. Festaren harira, zazpi urte hauetan Honbu laguntzen aritu diren pertsonei, aurrera ateratzen lagundu dutenei, «eta proiektuak sekulako arrakasta izaten lagundu dutenei» esker opari bana egingo diete.
Orain arte Oiartzungo Kenpo Kai Elkarteak kudeatu du Karaez kalean dagoen Honbu izeneko lokala, baina abuztuan Oiartzungo Udalaren eskuetara pasatuko da berriro. Bertan, Honbuko kideek jakinarazi dutenez, Gizarte Zerbitzuetako bulegoak jarriko dituzte: «Hala jakinarazi digute udaleko kideek egin ditugun bileretan, eta erabaki hori krisiak eta lokal egokien faltak eragin duela zehaztu digute». Ondorioz, kenpo kai, pilates eta Capoeira eskolak Elorsoro kiroldegian emango dituzte irailetik aurrera.
Aro bat bukatu arren, Honbuko kideek euren lanarekin jarraituko dute: «Garrantzitsuena da hemen hainbat jarduera egiten zituztenek, aukera izango dutela horiekin jarraitzeko Elorsoron, ordutegi eta egun berberetan».
Europako egoitza, Madrilera
Albiste txarra, baina, kenpo kai kirolaren Europako egoitza urrunago egongo dela da, Honbuko arduradunen iritziz: «Orain arte, Oiartzunen zegoen egoitza hori, Honbu zen. Baina hilabete honetan utziko dio herrian egoteari, eta Madrilen kokatuko dute egoitza berria». Horrez gain, Honbun egiten zituzten gainontzeko jarduera kultural guztiak egiteari ere utziko diote, Japoniako Zentro Kulturala, bere horretan, desagertuko baita».
30 urte Oiartzunen
Honbuk, zazpi urte egin ditu Japoniako Zentro Kultural gisa. Hainbat jarduera egiteko aukera eskaini die herritarrei, zein kanpotik hurbildu direnei, baina jarduera jarraituena kenpoa izan da. Oiartzunen, kenpoaren tradizioa urrutitik dator.
Izan ere, duela 30 urte hasi ziren herrian irakasten, eta kirol jarraituenetako bat izan da. Aurrerantzean ere, hala izatea espero dute Honbuko kideek: «Hasiko dugun aro berrian, oiartzuarren babesarekin kontatzen jarraitzea espero dugu, kirola egiten jarraitzea, eta gero eta jende gehiago animatzea, aurreko hiru hamarkadetan egin izan duten bezala».
