
Oarsoaldea Garapen Agentziako, eta Oiartzungo, Pasaiako eta Lezoko alkateek agerraldia egin dute eguerdian, Oiartzungo udaletxeko areto nagusian. Julen Mendoza Errenteriako alkateak ezin izan du bertan egon, baina bat egiten du gainontzekoek aurkeztutako hausnarketarekin.

Tourra aztertzeko, Xabier Usabiaga izango da gaur Joxe Migel Lopezen gonbidatua, Oiartzun Irratiko Kirolez blai! saioan. Ostiralean, Gaizka Lasa izango da bertan. Usabiaga eta Lasa kazetariak eta txirrindulari ohiak dira. Saioak 13:15ean hasiko dituzte...

Kale argiterian egin diren hainbat itzalketaren harira, “nahasmena” sortzea leporatu dio Lezoko Udal Gobernu Taldeak PSE-EEri. Onartu dute argi batzuk itzali dituztela, baina mantenu lanerako, eta “sekula ez kale oso bat”. Horregatik, Mikel Antxon Arrizabalaga PSE-EEko zinegotziari “gezurretan” aritu izana leporatu dio Ainhoa Zabalo alkateak: “Lezoko PSE-EEk, aurrez beste gai batzuetan egin duen bezala, herritarren artean ezinegona sortu nahi du gobernu taldearen kontra”. Gaineratu duenez, zurrumurruetan oinarritzen da sozialisten akusazioa: “Zerbait entzun dute, baina gurekin harremanetan jarri eta informatu baino lehenago hasi dira gure kontra egiten”. Eneko Lartige Hirigintza, Obra, Zerbitzu eta Ingurumen zinegotziak, berriz, udalak argiteriaren gainean egin duen planaren berri eman du. Horrela, udal eraikinetan zein kanpoko argiterian “oinarrizko planteamendu” bat egin dutela esan du, aurrezteko. Kanpo argiteriari dagokionez, farola batzuk itzaltzen ari direla esan du Lartigek, “bereziki zaharkituta daudenak”. Sozialistari erantzunez, zehaztu du itzali dituzten farolak ez direla “segurtasun eza” sortzen dutenak. Horien artean argi “gehiegi” ematen zituztenak daude, eta betiere itzalketak uztartuak direla zehaztu du. “Sotoak eta leku ilunak itzalketetatik libre uzten saiatzen gara”, gaineratu du. Bestalde, argiteria erregulatzeko plangitza horren barruan ere, Altamirako argi kontsumoa %40 aurrezteko neurgailua jarri dute. Gainera, led sistemako farolak jarri dituzte, merkuriozkoak ordezkatuz. Aurrezteko neurriak Orain dela urte batzuk [...]

Etzi abiatuko da Arteando 2012, Ficoba erakustazokan antolatuko duten Arte Garaikidearen Azokaren bigarren ekitaldia. Hilaren 23a arte, 25 erakusketari eta hamalau Project Room bisitatzeko aukera izango da. Horiez gain, Irun eta Hondarribiko udalek ha...

Oarsoaldeko lau udaletako ordezkariek, agerraldia egingo dute eguerdian, SPRI-Lurrek Oarsoaldean eta Bidasoaldean egin nahi duen fusioa baloratzeko.

Ostegunean hasi zen Hondarribia Blues Festival jaialdia, eta herenegun bukatu. Lau egun horietan, blues motako musika izan da protagonista hirian. Euskal Herriko, Espainiako Estatuko eta nazioarteko hogei bat talde eta artista izan dira jaialdiko lau agertokietan. Guztira, hemezortzi kontzertu eman dituzte, eta guztiak doan izan dira. Krisi ekonomikoa sektore guztietan nabaria den arren, Carlos Mallesek, jaialdiaren zuzendariak, nabarmendu du musika ekimenak eutsi egin diola artisten mailari.

Ostiralean hasi zen udako zesta punta denboraldia, Hondarribiko Jostaldi pilotalekuan. Abuzturaen 31ra arte partidak izango dira, ostiralero, 20:00etatik aurrera. Ostiralean, ia 200 zesta puntaren zale hurbildu ziren Jostaldira, eta partidez gozatzeaz gain, Fish&Rice jatetxearen paella eta Hiruzta txakolindegiaren zukuak dastatu zituzten. Kirola eta gastronomia uztartu zituzten. Partidak hasi baino lehen, baina, minutu bateko isilunea egin zuten, iragan astean hil zen Hondarribiko Pilota Eskolako zuzendaritzako Juan Mari Zubizarretaren omenez. Txema Zubizarretak, Juan Mariren anaiak, esker hitzak besterik ez zituen izan Jostaldin. Zesta puntalariek xingola beltzarekin jokatu zuten. Banakakoa, abuztuan Lehenengo partidan, Olharan eta Lopezek 30-25 garaitu zituzten Goikoetxea eta Balio. Bigarren partidan, Egiguren eta Enbil, Erkiaga eta Hernandezen aurka aritu ziren: bigarrenek irabazi zuten, 29-30. Gauzak horrela, ostiralean jokatuko dute Hondarribiko VI. Masters-aren finala, eta abuztuan banakako txapelketarekin hasiko dira.

Herriko jai nagusiak direla eta, Hondarribiko Udaleko Kultura Sailaren kartel eta argazkien lehiaketetara lanak aurkezteko epea aste honetan itxiko dute. Bi lehiaketa horietan parte hartu nahi dutenek, 21era arte (ostirala) daukate epea lanak udaletxek...

Madalenen atarian, jai batzordeak gaur aurkeztuko du egitaraua, 18:30etik aurrera, Kabia Espazio Kreaktiboan. Udalaren arabera, egin dituzten bileretan 45 eragilek parte hartu dute. Aurtengo madalenek 192.200 euroko aurrekontua izango dute. Jai batzord...

Iazko ekainean baino 11.551 pertsona gehiagok erabili dituzte aurtengo ekainean Irunbuseko autobusak. Batazbeste % 9,9ko igoera da, eta datu hori pozik hartu du Mugikortasun ordezkari Cristina Labordak. Arloko ordezkariak emandako datuen arabera, autobus linea guztiek gora egin dute erabiltzaile kopuruan. L-1 lineak iazko ekainean baino 8.547 erabiltzaile gehiago izan ditu (% 9,3 gehiago); L-2a 1.797 pertsona gehiagok erabili dute (% 9,4ko gorakada); eta L-3ak iazko hilabete berean baino 1.092 erabiltzaile gehiago izan ditu (%20ko hazkundea). Gautxoriak ere igoera izan du: 24 bidaiari gehiago (% 5,1eko igoera). Labordak gogoratu du erabiltzaileen eskaerengatik egin zituztela aldaketak hiriko autobus lineetan: “Hiri Mugikortasun Iraunkorraren Planaren ondorioetan argi geratu zen lehengo diseinuak ez ziela egoki erantzuten irundarren benetazko mugikortasun beharrei. Horregatik, ekaineko datuak positiboak dira, zehaztutako helburuekin bat datozelako”. Autobus linea berriekin batera taxibus zerbitzua abiatu zuten maiatzan; eskaera bidezko zerbitzua da taxibusa, eta bi ibilbide egiten ditu: Meaka-San Juan eta Katea-Ospitalea. Meakarrek 70 aldiz eskatu zuten taxibusa ekainean, eta Kateatik 23 aldiz joan ziren Bidasoaldeko Ospitalera, zerbitzu hori erabiliz.

Datorren astelehenean aurkeztuko die aurrekontu proposamena udal gobernu taldeak gainontzeko talde politikoei, eta gaur PSE-EEk berak eramango duen proposamena aurkeztu du. Horren oinarriak, “lana sortzea eta laguntza sozialak bultzatzea” i...

Irun eta Hondarribiko elkarteak batzen dituen Txingudi Anti Sexista (TAS) plataformak Irungo San Juan plazatik Hondarribiko San Pedro kalera martxa egingo du hilaren 25ean, Emakumeenganako Indarkeriaren Kontrako Nazioarteko Egunean. Gaur goiza “gelditzeko eta urteko balantzea egiteko” probestu dute TASeko ordezkariek, eta mobilizatzeko 224 arrazoi daudela esan dute, horiek baitira aurten bi herrietan “indarkeria matxista” salatu duten emakumeak —208 Irunen eta 16 Hondarribian—. TASekoen ustez biolentzia kasuak orain direnak baino gehiago izango dira, “frogatuta dagoelako krisi garaietan tratu txarrek gora egiten dutela”. Eta salaketa jarri dutenez aparte, “beldurragatik, salatu gabe geratzen direnak” gogoan izan dituzte gaur Irungo San Juan plazan egindako agerraldian. Hain zuzen ere, bertatik, San Juan plazatik, Irun eta Hondarribia lotuko duen martxa abiatuko da hilaren 25ean, 12:00etan. “Ezin gara datu hauekin geldirik geratu”, esan du plataformaren izenean Amaia Oca Bilgune Feministako kideak. “Tratu txarrak jasaten dituztenak pertsonak dira eta pertsona horiek gure elkartasuna behar dute etahorregatik ibnor ezin da bere etxean geldirik geratu”, gaineratu du Ocak. Berarekin batera, Gaurko Andreak elkarteko Berta Susperregik irakurri dute hilaren 25eko martxarako deialdia. Txingudi Anti Sexista honakoek osatzen dute: Uxoak, Gaurko Andreak, Irungo Bilgune Feminista, Emeki Hondarribiko Emakume Taldea, LAB, ELA, CCOO, iasso 2000 auzo elkarteen koordinadora, Lakaxita gaztetxea, Irungo Antifaxistak, Nicolas Gerendiain elkarte errepublikarra, M15M [...]

Etxetxikiko apaiz euskaltzalea, izenburu hori du BOGA aldizkarian On Manuel Lekuonari buruz jasotako erreportajeak.

1962an sortu zuen Txingudi Ikastola izango zena irundar talde batek. Irungo Ikastola izena jarri zioten, eta garbi izan zuten hasieratik, nahiz eta testuinguru zailean lanean hasi, euskarazko hezkuntza nahi zutela hirian, baina dena ez zela mugatzen ik...

Asteburu honetan, gaurtik aurrera, egingo dituzte San Pedroko Musika Abesbatza Asteko ekitaldiak. Aurtengoa ekimenaren XVII. ekitaldia izango da. Aurten bi pertsonaren lana nabarmendu nahi dute ekimenaren antolatzaile diren Ondartxo Abesbatzakoek. Horrela, gaur arratsaldean Francisco Escudero musika konpositorearen jaiotzaren mendeurrena ospatuko dute. Ondartxoren esanetan, “euskal musikari ekarpen handia egin dion artista unibertsala da, baina Euskal Herrian, “zirkuitu artistiko eta intelektualetatik harago, ez da oso ezaguna, batez ere jende gaztearen artean”. Horregatik, San Pedroko abesbatzak Escudero omendu nahi du, eta bide batez, bere obra gazteen artean zabaldu. San Pedroko elizan, 20:00etatik aurrera, Zarautz Abesbatza ariko da. Escudero, jaiotzez donostiarra izan arren, Zarautzen bizi zen. Musika sakroan, Misa in Re in Honoris Sancti Mamesi-ren sei pieza interpretatuko dituzte, Inazio Goenaga bakarlari dela eta Joxe Iturria organoan dela. Polifoniari eta folkloreari dagokionez, zazpi pieza interpretatuko dituzte. Teklatuan Antxon Sarasua, klarinetean Axel Eizmendi eta flautan Eriz Eizmendi ariko dira. Otxotea eta omenaldia Ondartxok biharko antolatu duen ekitaldia Karnaba otxotearen kontzertua izango da. Hori ere elizan izango da, 20:00etatik aurrera. Otxotea, izen horrekin, orain dela hiru sortu zen Errenteria-Oreretan. 1995ean sortu zen Eguzkilore otxotearen lekukoa hartu zuen, eta Errenteria-Oreretan 1960ko hamarkadan sona hartu zuen otxotearen izena jarri zioten hamalau urte beranduago. Ugarteri omenaldia Musika Abesbatza Astearen [...]

Asteartean hasiko da Urdaburu mendizale elkarteak antolatzen duen Mendi Astea, eta bost egunetarako, mendiarekin lotutako hainbat ekintza prestatu dituzte: hitzaldiak, ikus-entzunezkoa, Bizikloia, mendi irteera… Azken bi ekitaldiak astebururako u...

Etzi Olatu berria izeneko bideo-lana emango dute Trintxerpeko alkateordetzan. Udalak Pasaiako Hasierako Lanbide Prestakuntzako Ikastetxeko ikasleekin elkarlanean egindako lana da. Haurren eta gazteen eskubideak bermatzeko udal planaren barruan kokatzen da adingabekoen aldeko harrera egokia sustatzea, “jatorria edozein dela ere”: “Horri esker aniztasuna eta identitate kulturala lantzen ditugu pasaitar gazte batzuekin”. Bideo emanaldia 19:00etan hasiko da (23 minutuko iraupena du). Hona hemen sinopsia: “Olatu berria. Jende uholdea iritsi da Pasaiako herriko itsaso zabal eta anitzera. Eginkizun honen bitartez, elkarrizketez baliaturik, Pasaiako Udalaren HLPIko ikasleek gure herriaren aniztasuna erakutsiko digute. Elkarrizketak jatorri askotariko ikasleekin eta pasaitarrekin egingo dituzte. Guztiarekin batera, hausnarketa bat egingo dute, norbanakoaren nahiz taldearen identitatearen eraikuntzari buruz. Gure itsasoa anitza bada ere, bertako ur-tanta guztiak dira beharrezkoak, eta baita norberaren identitateari eustekoak ere”

Gazte auzipetuak euren egoera azaltzen ari dira epaia jakin aurreko egun hauetan, eta Oiartzun Irratian ere elkarrizketatu dituzte sei gazteetako bi: Xabier Lujanbio eta Arkaitz Anza. Atxilotu zituztenetik hasi eta egungo egoeraraino errepasoa egingo d...