Lan Osasunaren Eguna baliatu dute Bidasoko enpresa komite desberdinetako ordezkariek "ezinbesteko" eskaera egiteko.
'Amiantoak eragindako minbizi eta beste gaixotasunak' da hitzaldiaren ardatza. Hilaren 22an izango da, 18:00etan, Erdiguneko auzo elkartean.
Amiantoaren gaineko dokumentala estreinatu berri dute. Otsanda Tolosa irundarrak, asbestosiak hildako Celestino Tolosa aitaren prozesu osoa kontatu du lan horretan. Amiantoaren biktimei aitortza da .
2019an amiantoagatik zendutako Felix Vazquez CAFeko langile ohiaren senideek kalte ordaina exijituko dute ostiraleko epaiketan.
Auzitegi Gorenak ez du Euskal Autonomia Erkidegoko Auzitegi Nagusiaren kontra CAF enpresak aurkeztutako helegitea onartu.
"Amiantoak hil du, bere lankideek askotan salatu bezala. Gure babesa eta elkartasuna senide zein lankideei", adierazi dute LABetik.
Amiantoak gaixotutako langileen kasu gehiago atera berri dira argitara. Lan gaixotasuna aitortzeko eta bide gogorra arintzeko, konpentsazio funtsa ezinbestekotzat jo du Asviamiek.
Irungo CAFeko langileek amiantoarekin lotutako gaixotasunen bat detektatzen den unetik hori gaixotasun profesionaltzat hartzeko eskatu dute.
Bere konposaketan “toxikoa” bezain “arriskutsua” den amiantoa duten uralita zatiak azaldu ziren joan den astean Zamalbide auzoan. Landa Garapenerako Behenmendi elkarteko teknikariek eman zioten gertaeraren berri Errenteriako Udalari. Ingurumen eta Mendi departamentuko zinegotzi Jose Manuel Ferradasek jakinarazi duenez, “Zamalbiden aurkitutakoa, kontrolik gabe botatako fibrozementu hondakinak dira”. Fibrozementuak, amiantoa du, “eta denok dakigu material hori toxikoa eta oso arriskutsua dela”, zehaztu du. Uralita kontrolik gabe botatzea ez dela ohikoa esan du, bestalde Ferradasek, eta itxura guztien arabera, Zamalbideko gune horretan azaldutako hondakinak “profesional” baten lana izan direla gaineratu du. Ingurumena eta ekonomia Uralita ez dute eraman oraindik Zamalbidetik. Izan ere, material arriskutsuekin lan egiteko baimena duten enpresek baino ezin dute maneiatu material hori. Nafarroakoa da hurbilen dagoen enpresa, eta Ferradasek azaldu duenez, “halako hondakinak botata ingurumena ez ezik, udalaren ekonomia ere kaltetzen dute, udalak eta ondorioz, herritarrek, ordaindu beharko dugulako”. Amiantoa duten hondakinak Gaintxurizketako Araso eta Mutiloako zabortegietara eraman daitezke. Hondakinak jasotzeko guneak izanik, horiek kontrolik gabe botatzea, “oso larritzat” jo du Ingurumen zinegotziak, eta horren harira “isurien” gainean dagoen inpunitatearekin amaitzeko, Behemendirekin batera protokoloa martxan jarriko duela jakinarazi du udalak: “Hondakinen kontrolik gabeko isuriei aurre egin eta arduradunak identifikatzeko”. Besteak beste, obra baimenak emateko garaian jarraipen zorrotzagoa egingo du udalak. [...]
Amiantoak garatutako asbestosia gaixotasunaren biktimetako bat izan zen Celestino Tolosa. Orain, bere alabak, Otsanda Tolosak, gaixotasunaren bilakaeraz hitz egingo du.
Manifestazio jendetsua egin dute hiriko kaleetan barrena, eta amaitzeko, elkarretaratzea egin dute San Juan plazan.
Celestino Tolosa langilearen heriotza biriketako asbestosiak eragindakoa dela dio EAEko Justizia Epaitegiaren epaiak.
Bihar, 9:00etatik 11:00etara bitarte, lanuztea eta manifestazioa egingo dute Irungo kaleetan barrena, hildako 81 langileak gogoratzeko.
CAF enpresan inolako babesik gabe amiantoarekin lan egiteagatik birikako minbizia duen 60 urteko lagun bati 150.000 euroko kalte-ordaina emango diote.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
