
Hilaren 16an kintoen bazkaria egingo dute 1957. urtean jaiotako antxotarrek. Interesdunek gaur dute bazkarirako ordaindu behar diren 50 euroak ingresatzeko azken eguna. Dirua Euskadiko Kutxaren 3035 0076 91 0761066426 kontu zenbakian sartu behar da, er...

Gipuzkoako eta Arabako hainbat gasolindegitan erregai lapurretak egin zituen talde bateko bost kide atxilotu ditu Ertzaintzak. Lapurreta horietatik lehenetarikoak Lezoko Gaintxurizketako gasolindegi batean egin zituzten, behin baino gehiagotan gainera....

Pasaiako jokalariak animatzera joateko autobusa 11:00etan irtengo da Marealta ondotik 3. Mailarako Igoera Fasean ari da Pasaia, eta bihar Bermeoren kontra jokatu behar du bigarren partida. Lehenengoa joan zen larunbatean jokatu zuen, Gasteizko San Martin taldearen kontra, eta baita irabazi ere, 2-0. Zaleak taldea animatzera Bermeora joan daitezen, autobusa antolatu du Pasaia KEk. 11:00etan irtengo da autobusa Antxoko Marealtatik. Autobusa doan da, jokalari zuri-gorriek hartuko dituztelako autobusaren kostuak beren gain. Zelairako sarrerak 7 euro balio du.

Bihar eta etzi Trintxerpen bilduko dituzte atez atekoaren kontrako sinadurak, 10:30etik 13:30era Hondakinak atez ate biltzearen kontra dauden hainbat herritarrek Pasaia Garbia plataforma eratu dute, aipatu sistemaren kontrako «desadostasuna azaltzeko». «Pentsatzen dugu, zaborra ekidin, berrerabili, eta birziklatu egin behar dela, baina gure hondakinak jasotzeko sistema edukiontziak izaten jarrai dezan nahi dugu, atez atekoa baino sistema garbiagoa eta merkeagoa delako», esan dute. Zentzu horretan, udalari prebentzioaren eta birziklapenaren kontzientziazioa eta heziketa bultzatu dezan eskatu diote. Horrez gain, «kontsulta prozesu bat egitea exijitu» diote udalari, «herritarroi modu argian galdetuz sistema horren alde gauden ala ez» . Plataforman bildu direnek sinadurak jasotzeari ekin diote. Esan dutenez, dagoeneko 800 sinadura lortu dituzte. Astebukaera honetan sinadurak Trintxerpen bilduko dituztela iragarri dute, 10:30etik 13:30era, Serafin Esnaola plazan, elizara igotzeko igogailuan eta Azkueneko beheko aldean. Datozen asteburuetan beste barrutietan izango direla jakinarazi dute.

Albaolak kudeatuko ditu dragaren bisitak, eta Itsas Interpretazio Zentroarekin batera ikusterik izango da Bi urte berritze lanetan eman eta gero, atzo eguerdian aurkeztu zuten San Pedroko ontziolan zaharberritu duten Jaizkibel draga, enbata sartzear zela. Aurkezpenean, Portu Agintaritzako buru Lucio Hernandok, Eusko Jaurlaritzako kultura sailburuorde Antonio Riverak eta Gazteria, Kirola eta Kultura diputatu Ikerne Badiolak parte hartu zuten. Han izan ziren baita ere berritze lanak gidatu dituen ondare teknikari Manu Izagirre, Albaolako Xabier Agote eta Untzi Museoko Jose Maria Unsain eta Soco Romano, besteak beste. Guztiak pozik ziren atzo. Hernandok ospatzeko moduko bi arrazoi aipatu zituen: «Ondare kultural bat berreskuratu» izana txalotu zuen, eta baita «dragaren zaharberritzea ahalbidetu duen erakundeen arteko elkarlana». 2010ean sinatu zuten draga zaharberritzeko akordioa Eusko Jaurlaritzak, aldundiak, eta Portuak, eta hiruren artean 640.000 euro inbertitu dituzte, 1992. urtean Eusko Jaurlaritzaren Ondarearen Batzordeak monumentu izendatutako ontzia berreskuratzeko. Zentzu horretan, Eusko Jaurlaritzako sailburuorde Antonio Riverak Jaizkibel dragaren zaharberritzea «iragana, oraina eta geroa azaltzen» lagunduko digula nabarmendu zuen eta draga «txatarra izatetik, ondare izatera» pasatu delako poza agertu zuen. Kultura diputatu Ikerne Badiolak, bere aldetik, «itsas ondarearen pieza garrantzitsuenetakoa» berreskuratzeko «urte gehiegi» eman dituztela gogoratu zuen, baina baikor hitz egi zuen «Pasaiak hain beharrezkoa duen biziberritzean, draga hau guztiz garrantzitsua» [...]

Ingurumen Aholku Kontseiluak atzo ikusi zuen argia, eta zeresana izango du ingurumenaren arloan hartzen diren erabakietan. Jose Manuel Ferradas (Bilbo, 1962) da presidentea, eta kontseiluak aurrekontuen lanketan eta exekuzioan parte hartzea nahi du. Zer da Ingurumen Aholku Kontseilua eta zertarako balio du? Herritarren parte hartze foro bat da, eta 23 elkartek eta hiru norbanakok parte hartuko dute [atzo berretsi behar zituzten kideak]. Elkarte horiek askotarikoak dira: bizilagunenak, talde ekologistak, ehiza elkarteak, mankomunitateak, Berdintasun Kontseilua, Errenkoalde… Asmoa da horiek modu aktiboan parte hartzea udaleko ingurumen politiken diseinu eta kudeaketan. Hainbat gai garrantzitsuren artean hondakinen bilketa eta kudeaketa landuko ditu. Nola? Gai hori landuko da, noski, eta asmoa da parte hartze plana kontseiluan bakarrik ez geratzea; herriko auzo guztietara ere iristea. Hala ere, gaia eztabaida politikotik banandu nahi dugu, eta arrazoi teknikoak eskatuko ditugu sistema baten edo bestearen alde. Kontseiluak ezin du erabaki, horretarako dago udala, baina, bai, txostenak egitea sustatzea; hori udalak entzun egin beharko du. Zeintzuk izango dira beste lan ildoak eta helburuak? Kontseiluak erabakiko ditu helburuak. Guk, hori bai, gure ekintza lerroak igorriko dizkiogu aintzat har ditzan. Zentzu horretan, aurten, batik bat, bioaniztasunarekin zerikusia duen orori garrantzia eman nahi diogu. Bestetik, Agenda 21ek eta Eskola Agenda 21ek euren tokia [...]

Ostiralean amaituko dituzte entrenamenduak EAT Errenteriako Atletismo Taldeko ikasleek, eta hori dela eta, begiraleek Gurasoak vs Haurrak ekimena antolatu du biharko. Bertan, seme-alabek urtean zehar egiten dituzten hainbat proba egin ahal izango dituz...

Tomas Garbizu Musika Eskolako kideek kontzertu pedagogikoa egingo dute bihar goizean Gezala Auditoriumean. Lehenengo saioa 11:00etan izango da, eta bigarrena berriz, 11:45ean. Haur Hezkuntzako 3. eta 4. mailako ikasleak izango dira bertan. Trikitia, tu...

Biteri Kaleko etxebizitza batek su hartu du gaur arratsaldean. Udaltzaingoaren arabera, ke erauzgailu batek su hartu du, eta gizon heldu bat artatu behar izan dute larrialdi zerbitzuek. Suhiltzaileak ere bertaratu dira.

Kultura Sailak herriko jaietarako ekitaldi proposamenak aurkezteko epea astelehenean itxiko du. Elkarte eta kultur eragileei zuzendu diete deialdia, «eta proposamenak bidezkoak badira», Kultura Sailaren arabera, jaietako programan txertatuko dituzte....

Gaur, Euskadiko selekzioa sortu zuteneko 50. urteurrena ospatuko dute Gasteizen. Maider Palavecino Auzmendi eta Xabier Eizagirre Ruiz judokak eta Daniel Palavecino entrenatzailea bertan izango dira, eta saria jasoko dute, 2010ean Txekiar Errepublikan l...

Altzibarren, Kaleberriak eta Donepetri kaleak bat egiten duten puntuan, ez dago zebra biderik. Eta asko dira bertatik ibiltzen diren oinezkoak, izan ere, autobus geltoki bat dago bertan. Bizilagunek hainbatetan eskatu dute bertan zebra bidea jartzeko, ...

16:00etatik 19:00etara egingo dute; gazteek zein Elite Mailako txirrindulariek parte hartuko dute Euskadiko Trialsin Txapelketako proba bihar arratsaldean egingo dute Arditurrin, 16:00etatik 19:00etara. Euskaltrial Txirrindulari Klubak antolatu du saioa, eta Oiartzungo Udalak babestu eta lagundu du. Aiako Harriaren inguruan, eta erreka ondoko bazterrak baliatuz, oinak lurrean jarri gabe bost bihurgune pasatu beharko dituzte txirrindulariek. Maila bakoitzeko bihurguneak, baina, ezberdinak dira. Gazteenak izango dira errazenak. Eta eliteko txirrindulariek zailagoak pasatu beharko dituzte. Antolatzaileek zehaztu dutenez, «harrigarriak» dira elitekoen bihurguneak: «Ezinezkoa dirudi bizikleta gainean pasatu ahal izatea». Parte hartzaileen artean eskualdeko hainbat gazte izango dira. Euskal Herriko beste hainbat txokotatik ere hurbilduko dira trialsin kirolariak, tartean munduko txapeldun Benito Ros (Abartzuzakoa da, Nafarroakoa). Euskal Herritik kanpoko parte hartzaileak ere izango direla iragarri dute. Azken bizpahiru urteetako ohiturari jarraituz, gainera, proba igandetik larunbatera aurreratu dute, «partaide eta ikusle gehiago erakartzeko». Ikusleei animatzeko deia egin diete. Batetik, proba ikusgarriak ikusiko dituztelako. Eta bestetik, kontrakoa pentsa dezaketen arren, «autoak aparkatzeko nahiko tokia badagoelako».

‘Gernika bajo las bombas’ telebistarako filma grabatzen ari dira. ETBk emango du udazkenean, Gernikako bonbardaketaren 75. urteurrena bete ondoren. Oiartzungo plazak eta Donibane kaleak itxura aldatuta zuten atzo. Animaliak, azoka bateko erakusmahaien antzekoak, garai bateko arropa zuen jendea… ‘Grabatzen!’ entzun zitekeen, eta minutu batzuetako isiltasuna. Gernika bajo las bombas (Gernika bonben pean) filmeko eszena batzuk grabatzen ari ziren. Ez zen grabazio erraza izan eguerdi aldekoa. Herritar ugari hurbildu zen ikusminak lagunduta, eta sakelakoen soinuek traba pixka bat egin zieten filmeko langileei. Hori konponduta, txakur batek hartu zuen grabazioa oztopatzeko lekukoa. Filmean lanean ari direnek, txakurra zegoen etxeko leihoraino igo behar izan zuten, eta leihoa itxi. Oztopo txiki horiek gaindituta, grabazioak aurrera jarraitu zuen, eta atzo, 1937. urteko Gernika (Bizkaia) bihurtu zen Oiartzun. Aurten, 75 urte betetzen dira Gernika bonbardatu zutela. 1937. urteko apirilaren 26an izan zen. 36ko Gerra puri-purian zegoen urte hartan, eta Gernikak hegazkin-erasoa pairatu zuen. Luftwaffe naziaren Kondor Legioa eta italiar faxisten Aviazione Legionaria-ko hegazkinak izan ziren erasotzaileak. Erasoaren ondorioz zibil asko hil ziren, eta hiria suntsituta geratu zen. Urteurrena aitzakia hartuta hasi dira filma grabatzen. Egileek aitortu dutenez, 100. urteurrena izango litzateke biribilagoa, baina ordurako hura sufritu zuen inor bizirik egotea zaila izan daitekeelako, filma aurten grabatzea [...]

Gaixotasuna gizarteratzeko eta sentsibilizazioa bultzatzeko jardunaldia antolatu dute Pasai Antxon biharko Alain Ferreresek (Antxo, 2003) X hauskorraren sindromea du. Lehengo abenduan diagnostikatu diote gaixotasuna, bere gurasoek urteetan mediku, psikologo eta psikiatra askoren kontsultetan ate joka ibili ondoren. Alainek duen gaitzari izena jarrita, bere gaixotasunari buruzkoak ezagutzera eman nahi dituzte gurasoek, eta hori dela eta sentsibilizazio egun bat antolatu dute biharko Pasai Antxon, bizi diren herrian. «Jendeak Alainek duen gaixotasuna zein den jakin dezan nahi dugu», diote gurasoek. Kasua ezagutzera emanda, bizilagunek Alainen portaera hobeto ulertuko dutela espero dute. Alainen gaitzari izena jarri izanak zapore gazi- gozoa utzi du Ferreres Obeso familiaren etxean. «Hasieran ikaragarrizko nahigabea hartu genuen, Alainek bizitza osorako urritasun mentala duela esan digutelako», dio amak, «baina nolabaiteko lasaigarria ere izan da, guk bagenekielako zerbait ez zebilela ondo. Orain, gaixotasuna ezagutuz Alainekin nola jokatu ere hobeto uler dezakegu», gaineratu du aitak. Ferreres Obeso sendia Euskal Herrian X hauskorraren sindromea pairatzen dutenen familiak biltzen dituen elkartera bildu dira informazio eta babesa eske. Aipatu elkarteak Bilbon du egoitza eta urtean behin, bihar Antxon egingo den jardunaldiaren antzekoa antolatu ohi dute. «Guk berriak izanik, animatu eta Antxon antolatzea erabaki genuen», azaldu dute Alainen gurasoek. Hitzaldia, haurrentzako jarduerak, Antxora etorriko diren elkarteko lagunentzako [...]

Beste urtebetez, hilabeteroko bigarren igandeak Herriko Plaza euskal doinu eta dantzekin bete ostean, ikasturte bukaera heldu zaiei mutxikoei. Azken saiorako Muxiko Eguna antolatu du laugarrenez Beti Prest taldeak etzidamurako. Goizean hasi eta eguerdira arte, eta ez dira faltako ez musika ezta dantza ere. Goizeko hamarretan ekingo diote Muxiko Egunari. Ordu horretan, Errenteriako Udal Txistulari Taldeak diana egingo du herriko kaleetan barrena. Eguerdi partean bilduko dira Herriko Plazan mutxikoak. Udal Txistulari Taldearen laguntza izango dute, antolatzaileek zehaztu dutenez, “mutxikoak eta bertaratu eta animatzen den oro dantzan jartzeko”. Xabier Vesgaren zuzendaritzapean ariko dira txistulariak, eta horiekin batera, Itziar Etxegia bibolinarekin, Koldo Tarragona akordeoiarekin eta Aitor Landa baxuarekin ariko dira. Larrain dantzarekin bukatuko dute ordubeteko emanaldia, eta horretarako, Errenteriako dultzaineroen laguntza izango dute. Ehun mutxiko ikasturtean Joxean Atxukarro Beti Prest taldeko kideak emandako datuen arabera, bukatzear dagoen ikasturtean, batez beste, ehun mutxiko bildu dira hilabetero. Bost urte dira ekimenarekin hasi zirela Errenterian, eta urtez urte handitzen joan da, “eta baita inguruetako herrietara zabaltzen ere”, azaldu du Atxukarrok. Gaineratu du Beti Prest-en ez dituztela dantza klaseak ematen: “Bertara datozenei dakitena plazan disfrutatzeko aukera ematen diegu”. Muxiko Egunak “erantzun zabala” izatea espero dutela zehaztu du, bestalde, Atxukarrok, “egun berezia eta polita delako”. Aurreko urteetakoari erreparatuta, [...]

Beira Artistikoaren I. Jardunaldien barruan gogotsu ari dira artisauak lanean Merkatuzarren. Beiraren gaineko teknikak azaltzeko tailerrak egiten dituzte goizetik bertan bildutako artisauek, argazkian ikus daitekeen bezala. Arratsaldez, berriz, egindak...

Giriziak irteera antolatua zuen asteburu honetarako Pic D’Ayousera (Pirinioetara). Bertan behera geratu da.

Gaur eguerdian aurkeztu dute, Portu Agintaritzako buru Lucio Hernando, Eusko Jaurlaritzako kultura sailburuorde Antonio Rivera eta Gazteria, Kirol eta Kultura diputatu Ikerne Badiola bertan zirela. Bi urte eman dituzte mende erdian Pasaiako portua garbi mantentzeko ardura izan duen ontzia zaharberritzen. 640.000 euro inbertitu dituzte horretarako Portu Agintaritzak, Eusko Jaurlaritzak eta aldundiak. Euskaldun Ontzioletan eraikia, Jaizkibel draga monumentu izendapena lortu duen lehen itsasontzia da. Gaur eguerdiko aurkezpenean, arduradun politiko denak pozik agertu dira draga Pasaiako biziberritzerako pieza enblematikoa izango delakoan. Albaolak kudeatuko ditu aurrerantzean dragarako bisita gidatuak. Aste gutxi batzuen barruan, 3 euroren truke, Ondartxoko Itsas Interpretazio Zentroa eta draga bera bisitatzerik izango da.