
Ikasturtea bukatzen ari da, eta eskola orduetatik kanpo ere ikasleek lortutakoen errepasoa egin du Haurtzaro Ikastolak. Arraunean, Markel Galdos, Oihan Manzisidor, Aitor Torres eta Andrea Ozkoidi punta-puntan ibili dira, eta azkeneko biek Euskal Herrik...

Urtebete egin du Bilduk eta Ezker Batuak osatutako Udal Gobernu Taldeak agintean, eta sei hilabeterekin bezala, hamabi hilabeteen balantzea egin du. Denbora horretan, “gertutasunean oinarritutako eta norabide argi eta arduratsua duen gobernua” osatu dutela adierazi du Julen Mendoza alkateak. Herritarrekiko gertutasuna parte hartzean oinarritu dela iritzi dio. Ildo horretatik, “gainontzeko alderdiekin elkarrizketarako gaitasuna” izan duela esan du, eta baita herritarrekin ere. Era berean, herritarren erantzuna ere positibotzat jo du, “parte hartzea oso handia eta oso anitza” izan delako. Norabideari dagokionez, berriz, joan den abenduaren 3an Merkatuzarren esandakoa bete dutela adierazi du, hala nola, kultura eta ingurumen arloetan gehiago inbertituko zutela, eta gastu soziala mantendu egingo zutela. Hori aurrekontuetan islatu dela zehaztu du. Martxan jarritako proiektu batzuk ere gogorarazi ditu Mendozak. Kabia izan da nabarmendu duen bat, eta datozen hiru hilabetetan 50 inguru ekimen martxan jarriko dituztela jakinarazi du. Auzo elkarteekin izandako bilerak ere gogorarazi ditu. 1.500 lagunek parte hartu dute, eta horiek hiru hilabetean behin egiten dituzte. Ingurumena eta kultura Gobernu taldeak nabarmendu dituen bi sailei dagokionez, Jose Manuel Ferradas Ingurumen zinegotziaren arabera, aurten berak zuzentzen duen sailak 320.000 euroko aurrekontua izan du, “lehen ez zegoen tokian”. Egindako lanen artean gogorarazi ditu Ingurumen Aholku Kontseilua martxan jartzea, eta landa ingurua [...]

Bihar desestaliko dute Bidasoa Eskubaloi Taldearen izena izango duen plazatxoaren plaka, taldearen 50. urteurrena ospatzeko antolatu duten Bidasoa Egunaren barruan. Maiatzeko osoko bilkuran ahobatez hartu zuten erabakia. Plazatxoa San Juan-Etxeandia er...

Irungo Udal Euskaltegiak udako euskara ikastaroetarako izena emateko epea ireki du. Uztailaren 2tik 27ra emango dituzte ikastaroak, hamasei urtetik gorakoentzat. Beka sistema baliatuko dute eta euskalduntze maila guztietan aritzeko aukera izango da, et...

Gaur hasiko dira Belaskoenea auzoko jaiak, San Antonio Paduakoaren emenez antolatzen dituztenak. Astebururako ekintza pila bat antolatu ditu Auzo Elkarteak, auzoko elkarte, saltoki eta ostatuen laguntzarekin: OSTIRALA 18:00h: Festen hasiera. 18:15h: Kale animazioa Lesakako Trikipand trikitixa taldearekin. 18:15h: Entzierroa, gezurretako zezenekin. Auzo elkartetik ikastetxeraino. 18:30h: Auzoko haurrentzako merienda. 19:00h: Haurrentzako jaialdia: musika, dantzak, azeituna hezur jaurtiketa… 21:00h: Herri afaria. 22:30h: Gau mexikarra, karaoke eta mariatxi taldearekin. Helduentzat margarita dastatzeko aukera izango da, eta haurrentzat limoi edaria prestatuko dute. LARUNBATA 9:45h: Entzierroa, gezurretako zezenekin. Auzo elkartetik ikastetxera. 10:00h: Futbito partida Belaskoenean ikastetxeko haurren eta auzoko beste haurren artean. 11:00h: Marrazketa tailerra haurrentzat. 12:00h: Pirata garrapata antzezlana, haurrentzat. 12:00h: Igel lehiaketaren finala, jubilatuen elkarteak antolatuta. 13:30h: Bazkideentzako kuntxa, auzo elkartean. 14:30h: Herri bazkaria, Iñaki tabernak antolatuta. 17:00h: Emakumeen futbol partida, Gurrea eta Iñaki tabernako taldeen artean. 18:30h: Sardina jatea. 18:30h: Telegidatutako autoen erakustaldia. 21:00h: Haurrentzako disko festa. 23:00h: Karaokea, disko festa eta festa hawaiarra. Edari bereziak prestatuko dituzte festa hawaiarrerako janzten diren haur eta helduentzat. Atsedenaldian, txiste lehiaketa egingo dute. IGANDEA 08:00h: IV. Herri martxa. 09:00h: Diana Udal Txistulari Bandarekin. 09:45h: Entzierroa, gezurretako zezenekin, Auzo Elkartetik ikastetxera. 10:00h: Battlefield live, bataila laser pistolekin. 10:00h: XII. Toka eta Bote Txapelketa San Antonio Paduakoa [...]

PSE-EEko Denis Itxasok bere alderdiak hondakinen arazoen gainean duen jarrera azalduko du datorren astelehenean (Hilak 11) Antxoko Kultur Etxean. Hitzaldia 18:00etan hasiko da. Trintxerpen egin zuten hitzaldiaren ondoren, eta “jaso dituzten eskari ugarien ondorioz” atez ateko sistemaren kontra daudela plazaratu nahi dute beste behin sozialistek, eta beraien apustua bosgarren edukiontziaren aldekoa dela berrestu dute. Bilduk atez ateko sistema “inposizio” bidez ezari nahi duela salatu dute, eta sistema “zikina, osasungaitza” izateaz gain orain martxan dena baino garestiagoa dela salatu dute. Pasaitarrei herrian atez atekoaren kontra burutzen ari den sinadura bilketa parte hartzera deitu dituzte, baina era berean, EAJri egotzi diote “Gipuzkoarrok egun bizi dugun egoera dramatikoaren ardura”, aldundiak Bilduren aurrekontuak babesteagatik. Era berean, Pasaiako Ezkerraren jarrera salatu dute: “Pasaian, Xabier Pomboren laguntza ordainezinari eske, atez atekoa ezarrriko dute”, kexatu dira.”Sozialistok ez ditugu kontsulta baten bidez ezkutatuko Gipuzkoako EAJ eta Pasaiako Xabier Pomboren axolagabetasun politikoa”.

Modotti tailerrak argazkilari profesional zein argazkizaleei aukera berriak ematen jarraitzen du, eta hala, Maria Jose Salazar Scheifler eta Patxi Garcia Chivite argazkilarien lanak ikus daitezke Kale Nagusiko erakusketa aretoan. Maria Jose Salazar eta...

Hilaren 16an kintoen bazkaria egingo dute 1957. urtean jaiotako antxotarrek. Interesdunek gaur dute bazkarirako ordaindu behar diren 50 euroak ingresatzeko azken eguna. Dirua Euskadiko Kutxaren 3035 0076 91 0761066426 kontu zenbakian sartu behar da, er...

Gipuzkoako eta Arabako hainbat gasolindegitan erregai lapurretak egin zituen talde bateko bost kide atxilotu ditu Ertzaintzak. Lapurreta horietatik lehenetarikoak Lezoko Gaintxurizketako gasolindegi batean egin zituzten, behin baino gehiagotan gainera....

Pasaiako jokalariak animatzera joateko autobusa 11:00etan irtengo da Marealta ondotik 3. Mailarako Igoera Fasean ari da Pasaia, eta bihar Bermeoren kontra jokatu behar du bigarren partida. Lehenengoa joan zen larunbatean jokatu zuen, Gasteizko San Martin taldearen kontra, eta baita irabazi ere, 2-0. Zaleak taldea animatzera Bermeora joan daitezen, autobusa antolatu du Pasaia KEk. 11:00etan irtengo da autobusa Antxoko Marealtatik. Autobusa doan da, jokalari zuri-gorriek hartuko dituztelako autobusaren kostuak beren gain. Zelairako sarrerak 7 euro balio du.

Etzi Hondarribia Errugbi Krosaren seigarren edizioa egingo dute. Goizeko 11:00etan hasiko da, eta hasiera eta helmuga Hondarribiko hondartzan egingo dute. Oztopo lasterketan Guadaluperaino iritsi behar dira eta hamaika kilometroko luzera dauka. Proban ...

Iberdrolak Pasaiako zentral termikoa ixteko eskaera egin dio Espainiako Industria Ministerioari. Hala baieztatu du enpresako komunikazio saileko iturri batek. Ondoren, ministerioak hartu beharko du erabakia, eta hilabete batzuk barru —bost edo sei, iturriaren arabera— jakinaraziko dute Donibaneko zentrala itxi ala ez. Horretarako, Red Electrica Españolari —elektrzitate sarearen arduraduna— txosten bat eskatuko dio ministerioak, eta eurek aztertuko dute sarean eraginik duen ala ez. Txosten horren arabera erabakiko dute. Bi arrazoirengatik egin du eskaera Iberdrolak. Alde batetik, “energia eskaeraren jaitsieragatik, inguruko industriaren eskakizunak beherakada baitu”. Bestalde, “ingurumen arazoak” sortzen dituela-eta itxi nahi dute zentrala. 1968an eraiki zuten, eta “zaharkitua2 gelditu dela esan dute. Gaur egun 67 langile ditu zentralak. Enpresak adierazi du horietako batzuk lekualdatuko dituela, eta beste batzuei erretiro aurreratua hartzeko aukera emango dietela, besteak beste. Enpresatik adierazi dute Santurtziko (Bizkaia) plantan antzeko prozedura erabili zutela. Termikak Errusiatik ekarritako harrikatza erretzen du. Ikatzaren trafikoa portuaren joan etorrien %20 inguru da. Iberdrolak zentral termikoa ixten badu, orubearekin zer gertatuko den ikusteke dago. Portuak kontzesioan emana dio Iberdrolari, 2022ra arte. Portu Agintaritzak esan du Iberdrolak “hartu zuen bezala” utzi behar duela eremua, alegia, “kutsadurarik gabe”. Horrez gain, energia enpresak eraikinaren gaineko erabakia hartu beharko duela esan du Lucio Hernando portu agintaritzako buruak. Espazioa [...]

Kultura Sailak herriko jaietarako ekitaldi proposamenak aurkezteko epea astelehenean itxiko du. Elkarte eta kultur eragileei zuzendu diete deialdia, «eta proposamenak bidezkoak badira», Kultura Sailaren arabera, jaietako programan txertatuko dituzte....

Soroetaberri, Eguzkilore eta Ama Guadalupekoa inguruak, eta Donostia, Soroeta, Haizeleku eta Girizi kaleen berritze lanak erritmo onean doaz. Hala azaldu zuten herenegun goizean Orsa eta Otegi-Gaztañaga enpresa eraikitzaileetako eta udaleko ordezkariek auzoko lanetara egin zuten bisita gidatuan. Urtebetean bukatu nahi dituzte. Otsailean hasi ziren Soroeta auzoa berritzen, eta 2013ko maiatzerako bukatu nahi dute. Bost milioi euroko aurrekontuarekin, Orsa eta Otegi Gaztañaga enpresak dabiltza auzoa berritzen. Orain arte, Girizi kalea berritu dute, eta 35 aparkaleku jarri dituzte bertan. Donosti kalea beheranzko norabidean bukatzen ari dira, eta Soroetaberri kalea eta Ama Guadalupekoa berritzen dabiltza orain. Soroetaberriko parkea uztailaren erdialderako bukatu nahi dute. «Hasierako proiektua aldatu egin dugu. Gune berde eta zuhaitzak jarriko ditugu. Orain arte parkea ez zen asko erabiltzen, baina aurrerantzean gehiago erabiltzea espero dugu. Bizilagunentzako izango da bereziki», azaldu zuen Aitor Kerejeta alkateak. Lanetara bisita egiten ari ziren bitartean, Kerejetak bizilagunei izaten ari diren pazientzia eskertu zien: «Oso obra handia da, ia kale guztiak daude obretan, eta horrek eragozpen handiak eragiten ditu, soinua, hautsa… Baina bizilagunen jarrera oso egokia da, eta hori eskertu beharrean gaude. Hala ere, gogorarazi nahi nieke obra gune batean daudela, eta enpresak jarritako seinalizazioa errespetatu behar dute». Oinezkoari lehentasuna Saneamendu sare banatzailea jartzen ari dira zonaldean, [...]

Modotti tailerrak argazkilari profesional zein argazkizaleei aukera berriak ematen jarraitzen du, eta hala, Maria Jose Salazar Scheifler eta Patxi Garcia Chivite argazkilarien lanak ikus daitezke Kale Nagusiko erakusketa aretoan. Maria Jose Salazar eta...

Bihar eta etzi Gune Historikoan egingo duten Erdi Aroko Azoka dela eta, trafiko aldaketak izango dira. Kale Nagusia itxita egongo da autoentzat, eta alde zaharretik ateratzeko San Nikolas arkutik igo eta Juan Laborda kaletik atera beharko da. Apezpiku ...

Kultura Sailak herriko jaietarako ekitaldi proposamenak aurkezteko epea astelehenean itxiko du. Elkarte eta kultur eragileei zuzendu diete deialdia, «eta proposamenak bidezkoak badira», Kultura Sailaren arabera, jaietako programan txertatuko dituzte....

Gaur, Euskadiko selekzioa sortu zuteneko 50. urteurrena ospatuko dute Gasteizen. Maider Palavecino Auzmendi eta Xabier Eizagirre Ruiz judokak eta Daniel Palavecino entrenatzailea bertan izango dira, eta saria jasoko dute, 2010ean Txekiar Errepublikan l...

Altzibarren, Kaleberriak eta Donepetri kaleak bat egiten duten puntuan, ez dago zebra biderik. Eta asko dira bertatik ibiltzen diren oinezkoak, izan ere, autobus geltoki bat dago bertan. Bizilagunek hainbatetan eskatu dute bertan zebra bidea jartzeko, ...

16:00etatik 19:00etara egingo dute; gazteek zein Elite Mailako txirrindulariek parte hartuko dute Euskadiko Trialsin Txapelketako proba bihar arratsaldean egingo dute Arditurrin, 16:00etatik 19:00etara. Euskaltrial Txirrindulari Klubak antolatu du saioa, eta Oiartzungo Udalak babestu eta lagundu du. Aiako Harriaren inguruan, eta erreka ondoko bazterrak baliatuz, oinak lurrean jarri gabe bost bihurgune pasatu beharko dituzte txirrindulariek. Maila bakoitzeko bihurguneak, baina, ezberdinak dira. Gazteenak izango dira errazenak. Eta eliteko txirrindulariek zailagoak pasatu beharko dituzte. Antolatzaileek zehaztu dutenez, «harrigarriak» dira elitekoen bihurguneak: «Ezinezkoa dirudi bizikleta gainean pasatu ahal izatea». Parte hartzaileen artean eskualdeko hainbat gazte izango dira. Euskal Herriko beste hainbat txokotatik ere hurbilduko dira trialsin kirolariak, tartean munduko txapeldun Benito Ros (Abartzuzakoa da, Nafarroakoa). Euskal Herritik kanpoko parte hartzaileak ere izango direla iragarri dute. Azken bizpahiru urteetako ohiturari jarraituz, gainera, proba igandetik larunbatera aurreratu dute, «partaide eta ikusle gehiago erakartzeko». Ikusleei animatzeko deia egin diete. Batetik, proba ikusgarriak ikusiko dituztelako. Eta bestetik, kontrakoa pentsa dezaketen arren, «autoak aparkatzeko nahiko tokia badagoelako».