
Artiola artisautzaren gunea aurkeztu dute gaur goizean Donostian proiektu horretan parte hartu duten bost aldeek: batetik, proiektua sustatu duten Ereintza kultur elkarteak, eta Gabiltza zein Lur artisautza elkarteek; eta bestetik, proiektuan lagundu duten Gipuzkoako Foru Aldundiak eta Errenteriako Udalak. Artisauen “erreferentziazko zentro” izatea du helburu, eta egoitza Errenteria-Oreretan izango du, Merkatuzarren. Ereintzak urtero antolatzen duen Euskal Herriko Eskulangintza Azoka izan da egitasmo horren oinarria. Hortik abiatuta, hiru elkarteek sektorearen beharrei erantzun nahi izan diete, eta lanketa horren emaitza izan da Artiola. Horrenbestez, artisautza dinamizatzeko sortu da, prestakuntza eta ikerketa esaterako; kalitatezko erakusketa eta salmenta gune ere izango da; eta askotariko ekimenak ere prestatuko ditu. Hain zuzen, horren emaitza da aste honetan Merkatuzarren egiten ari diren I. Beira Artistikoaren jardunaldia (igandera arte dago martxan), eta uztailaren lehen hamabostaldian udalekuen barruan egingo dituzten ehungintza tailerrak.

Soroetaberri, Eguzkilore eta Ama Guadalupekoa inguruak, eta Donostia, Soroeta, Haizeleku eta Girizi kaleen berritze lanak erritmo onean doaz. Hala azaldu zuten herenegun goizean,Orsa eta Otegi-Gaztañaga enpresa eraikitzaileko eta Udaleko ordezkariek auzoko lanetara egin zuten bisita gidatuan. Otsailean hasi ziren Soroeta auzoa berritzen eta 2013ko maiatzerako bukatu nahi dute. Bost milioi euroko aurrekontuarekin, Orsa eta Otegi Gaztañaga enpresak dabiltza auzoa berritzen. Orain arte, Girizi kalea berritu dute, eta 35 aparkaleku jarri dituzte. Donosti kalea, beheranzko norabidean bukatzen ari dira, eta Soroetaberri kalea eta Ama Guadalupekoa berritzen dabiltza orain. Soroetaberriko parkea uztailaren erdialderako bukatu nahi dute. «Hasierako proiektua aldatu egin dugu. Gune berde eta zuhaitzak jarriko ditugu. Orain arte parkea ez zen asko erabiltzen, baina aurrerantzean gehiago erabiltzea espero dugu. Bizilagunentzako izango da bereziki», azaldu zuen, Aitor Kerejetak, Hondarribiko alkateak. Lanak bisitatzen zituzten bitartean, Kerejetak, bizilagunei edukitzen ari diren pazientzia «eskertu» die. «Oso obra handia da, ia kale guztiak daude obretan, eta horrek molestia handiak suposatzen ditu, soinua, hautsa… Baina bizilagunen jokaera oso egokia da, eta eskertu beharrean gaude. Hala ere, gogorarazi nahi nieke obra gune batean daudela, eta enpresak jarritako seinalizazioa errespetatu behar dela, bestela egoera arriskutsuak gerta daitezke». Oinezkoari lehentasuna Saneamendu sare banatzailea jartzen ari dira, izan ere, orain artekoak [...]

Bihar eta etzi Gune Historikoan ospatuko duten Erdi Aroko Azoka dela eta, trafiko aldaketak izango dira. Kale Nagusia itxita egongo da autoentzat, Alde Zaharretik ateratzeko, San Nikolas arkutik igo eta Juan Laborda kaletik atera beharko da, Apezpiku e...

Amaia Agirregabiria Pasaiako alkateak ez du ezkutatu “pozik” dagoela Iberdrolak Donibaneko zentral termikoa ixteko asmoa duelako. Hala ere, “harrituta” azaldu da, Pasaiako Udalak ez duelako jaso oraindik gaiaren gaineko azalpeni...


Lezoko Udalak jakinarazi du ekainean lau admnistrari postu berri bete dituztela. Horietatik hiru oposaketa ireki bidez hasi dira lanean, eta bestea barne promozio bitartez hautatu dute. Iazko azaroan atera zituen plaza horiek lehiaketara Lezoko Udalak, eta joan den hilabetean jakinarazi zituzten. Bost ariketa mota gainditu behar izan dituzte hautagaiek. Lehendabiziko proba idatzizko galdetegia izan zen, udalak zehaztutako gai zerrenda bati buruzkoa. Bigarren proba, berriz, euskarazko hirugarren mailako eskakizuna ziurtatzekoa izan zen. Hirugarren urratsan softwarea landu zuten lehiaketara aurkeztu zirenek. Hala, Microsoft Office landu zuten: Word, Excell, Access eta Outlook-ekin aritu ziren, ondo moldatzen direla erakusteko. IT Txartelaren jabe direla erakutsi behar zuten, edo hori lortzeko azterketak egin behar izan zituzten. Laugarren ariketari dagokionez, bi zatitan banatu zituzten. Alde batetik, ahalmen intelektualei buruzko galderei erantzun behar izan zieten hautagaiek. Bestetik, nortasunari dagokionak, elkarrizketa pertsonala barne. Azkeneko proban, kasu praktikoak eta teoriko-praktikoak egin behar izan zituzten. Sei hilabeteko proba Hil honetan hasita, sei hilabetez probetan ariko dira hautatutako lau pertsonak. Epea bukatu baino lehen, batzorde batek ebaluatuko ditu, eta gaindituz gero, karrerako funtzionario izendatuko dituzte. Horrez gain, lan poltsa eratuko dute, eta aurrez dagoena ordeztuko du.

Gaur, Eneko Etxebarrietaren azken abenturaren bila hurbilduko dira bidai zaleak Amaiara. Myanmar, irribarren sorlekua goiburuarekin, Etxebarrietak berak aurkeztuko du lehengo Birmaniara eginiko bidaia, Zure Abenturaren Bila programan. 19:30ean hasiko da. Myanmar, antzinako Birmania, herrialde bitxia da. Aspaldiko hamarkada hauetan politikoki isolatua, baina bertako tradizio guztiak oso-osorik gorde ditu: budismoa puri-purian, milaka urte dituzten bere santutegi edo 107 hizkuntza desberdinekin, hori guztia bada aski arrazoi hara hurbiltzen diren bidaiari urriak liluratzeko. Etxebarrietak filmatutako bideoen eta egindako argazkien bidez, Myanmar-eko txokorik interesgarrienak barne hartzen dituen magiaz eta abenturaz betetako bidaia bat bizi ahal izango du ikusleak ikus-entzunezko honetan: duela 800 urte Bagan-eko eremuetan eraikitako pagoda kontaezinetatik hasi, eta Mandalay hiritik hurbil kokatuak dauden aspaldiko inperio birmaniarren hiriburuetaraino, Ayeyarwady ibai lasai bezain nabigagarria, arroz-landaketak, Inle aintzirako arrantzaleak, gastronomia birmaniarra eta beste hainbat alderdi ahaztu gabe… Eta gauzarik ikusgarriena: bertako jendearen kalitatea, beti pozez beteak, hortik sortu baita hain zuzen ere Myanmar, irribarreen sorlekua bezala definitzen duen esamoldea.

Alarde Parekideak ere kantinera guztiak aukeratu ditu eta argazkiak ateratzeko elkartu dira. Gainera, entseguen daten berri eman dute Alarde Parekidekoek; konpainien datak eta ordutegiak euren webgunean ikus daitezke. Lapitze auzoko konpainia izango ...

Ikasturtearen bukaera ate joka dago, eta horregatik, Pasaia-Lezo Lizeoak festa txiki bat antolatu du bihar arratsalderako. Euren helburua ikasturte bukaera ospatzea izango da, “urtean zehar egindako lanaz harro gaudelako, merezi dugulako eta elka...

Hondarribiko Hariots musika taldeak kontzertua emango du igandean Oiasso Erromatar Museoan, Minervaren Foroa programaren barruan. Kontzertua eguerdiko hamabietan hasiko da eta sartzea libre izango da. Egitaraua: Bolandantza. Herrikoia. Panpoxa. B. Ler...

Ikastolen Elkarteak antolatzen duen Juul Hauteskunde Literarioaren 14. ekitaldia egin dute aurten. 53 izan dira bertan parte hartu duten ikastoletako ordezkariak. Liburuen arloan 15.745 boto jaso dituzte, eta ilustratzaileenean 8.360. Boto horien ondor...

Javi Alonso zine zuzendari irundarrak Hombre blanco, hombre negro filmaren errodajearekin dabil eta, beste lekuren artean, Irunen grabatuko ditu zati batzuk. Gaur Larretxipi eta Sargia karriketan ariko dira grabatzen, 14:00etatik aurrera. Horregatik, ...

Bihar, Euskadiko selekzioa sortu zuteneko 50. urteurrena ospatuko dute Gasteizen. Maider Palavecino Auzmendi eta Xabier Eizaguirre Ruiz judokak eta Daniel Palavecino entrenatzailea Arabako hiriburuan izango dira, eta saria jasoko dute, 2010ean Txekiar...

Pasa den asteburuan jokatu zituzten Udaberri Txapelketako bigarren faseko lehenengo kanporaketei zegozkien partidak, eta Allerru pilota taldeko lau partaidek aurrera egitea lortu zuten. Bi Gazte Mailakoak eta beste bi kadeteak. Maila horretan, Hernande...

Historia errepasatu ondoren, etorkizuneko ihoteei buruz ariko dira etzi; Auzokalten egingo dute Ihote Mintegia Mintegi berezia antolatu du Ihote Berreskuratzaile Taldeak etzirako: Ihote Mintegia. Herriko inauterien historia ezagutaraztea da asmoa, bate...

OARSO BIDASOKO HITZAri Iberdrolak esan dio Pasaiako zentral termikoa —Donibanen dago– ixteko asmoa duela. Enpresako komunikazio sailetik esan dutenez, gaur edo bihar ixteko proposamena aurkeztuko dute Espainiako Gobernuaren Industria Ministerioan, eta horrek hartu beharko du Iberdrolaren eskaeraren gaineko erabakia. Enpresako iturrietatik esan dute erabaki hori bost edo sei hilabete barru emango dutela. Iberdrolak bi arrazoi eman ditu zentrala ixteko. Batetik energia eskaera jaitsi dela, eta bestetik ingurumen arazoak sortzen dituela. Hala, enpresaren komunikazio sailetik esan dute oraindik ez dakitela zentralarekin harremana duten erakundeekin —inguruko udalak, portua…— enpresaren buruek hitz egin ote duten. 1967an zabaldu zuten Donibaneko zentrala, eta energia sortzeko Errusiatik ekarritako ikatza erabiltzen du: Pasaiako portuaren trafikoaren %20 ingurukoa da ikatz horren joan-etorria. 67 langilek lan egiten dute egun Donibaneko egoitzan. Enpresako komunikazio arduradunek esan dute langile horiei hainbat aukera emango dizkietela. Hala, aurre erretiroak egingo dituztela aurreikusi dute, eta gainontzeko langileei Iberdrolaren beste enpresa batzuetan lanean jarraitzeko aukera emango diete. Santurtziko (Bizkaia) zentral termikoan antzeko prozedura jarraitu dutela nabarmendu dute enpresatik.

Ekitaldiz josita heldu da Musikaz Blai jaialdia bere bigarren eta azken asteburura. Euskal dantza izango da larunbatean eguneko protagonista. Izan ere, goizean Dantzari Txiki Eguna ospatuko dute bertan, Donostiako Eskola, Oiartzungo Haurtzaro, San Pedr...

Txingudi-Bidasoa eremutik Baccharis halimifolia landare exotiko inbaditzailea kentzeko lanak hasi ditu Eusko Jaurlaritzako Ingurumen, Lurralde Antolamendu, Nekazaritza eta Arrantza Sailak. Bidasoa ibaiaren bazterretan topa daiteke zuhaixka mota hori, e...

Ohiko ikasgaiez gain, Eskola Agenda 21ek ingurumenarekin lotutako gaiak jorratzeko aukera ematen die ikasleei. Hala izan da Lezo Herri Eskolan eta Lezo Institutuan. Aurtengo ikasturtean ikasleek jorratu duten gaia bioaniztasuna izan da, eta ekaina izanik, egindako lanari errepasoa egin diote ikasleek. Errepaso hori, baina, ikasgeletatik kanpo egin zuten. Gezala Auditoriumean hain zuzen ere. Azterketaren emaitza udaleko ordezkariei erakutsi zieten, Eneko Lartige Ingurumen zinegotziari eta Leire Beteta arlo horretako teknikariari. Bioaniztasunaren esparru zabala dela argi utzi zuten ikasleek. Landareditik eta faunatik harago badaudela gauzak, alegia. Horren barruan pertsonak ere sartzen dira, eta ikaskideen, gurasoen eta senideen hainbat faktore neurtu dituzte, bioaniztasunaren ikuspegitik. Faktore horiek honakoak dira, besteak beste: jatorria, hizkuntza, altuera… Konpromisoak eta eskaerak Bi ikastetxeetako ikasleek euren konpromisoak aurkeztu zizkieten udaleko ordezkariei. Horrela, animalia zein landare exotikoak ez erosteko konpromisoa hartu dutela esan zuten, «inbaditzaile bihurtu daitezkeelako eta gure ekosisteman eragin dezaketelako». Horrez gain, kultura eta hizkuntza aniztasuna «bioaniztasunaren parte» bezala ulertzen dutela jakinarazi dute, eta babestu behar den ondare bezala kontsideratuko dutela Udalari eskakizunak ere egin zizkieten Gezalako ekitaldian. Horrela, bioaniztasuna babesten jarraitzeko eskatu diote. Gainera, tokiko bioaniztasunean eragin dezaketen azpiegiturak ekiditeko behar beste neurri hartzeko galdegin dute, kanpo kaia eta Gaintxurizketako plataforma logistikoa, hain zuzen ere. Horrez [...]