
Radiestesia (pendulua) sendatzeko eta hazkuntza pertsonalerako nola erabili erakutsiko dute bihar, Ugaldetxoko eskoletan, 10:00etatik aurrera. Goizez eta arratsaldez saio teoriko eta praktikoak egingo dituzte. 20 euro balio du ikastaroak, eta ez da ino...

Luis Irisarriren argazkia izan da Aste Santuko argazki lehiaketaren irabazlea. Bigarren saria Miguel Becerrak eskuratu du eta Mikel Jauregi izan da hirugarren. 32 lan aurkeztu dituzte guztira eta epaimahaia Estitxu Ortolaitz, Floren Portu eta Gotzone Elu argazkilariek, eta Txomin Sagarzazuk, Turismoko zinegotziak osatu dute.

Abesbatzen Eguna ospatuko dute bihar Musikaz Blai jaialdiaren barruan, eta hamalau koroetako kideek abestuko dute Pasaian. Horrez gain, kantu jira ibiliko da barrutiko kaleetan barna. 20:30ean, egunari bukaera emateko Ibaiertz eta Illunbe abesbatzek ka...

Hondarribia eta bertako pintxoak modan daude. Aste honetan Maribel Verdu aktoreak, egun grabatzen ari den pelikularen lan taldearekin herria bisitatu du. “Ia pintxo guztietaz gozatu zuten, gure aholkuak jarraitu zituzten eta gure lana azaldu genien. Bisita berezia izan da, Maribelen lana asko miresten baitugu”, azaldu du Gran Sol jatetxeko Bixente Muñoz sukaldariak. Maribel Verdu Hondarribian izan da Quince años y un día filmaren errodajea egiten. Gracia Kerejetaren proiektuan, Aron Piper eta Tito Valverdek parte hartzen dute.

Alkartasunaren Kultur Hamabostaldiak aurrera aurrera jarraitzen du. Gaur bukatuko dute mutxikoen tailerra, eta indartsu ekingo diote asteburuari. Bihar arratsaldean XIX. Sagardo Jaia ospatuko dute Gure Zumardian. 17:30etik aurrera, dultzaineroak, triki...

Udako denboraldia aurkezteko zesta punta saio bikoitza izango da bihar arratsaldeko seietatik aurrera Jostaldi pilotalekuan. Garcia-Alliez II eta Treku-Alliez I lehiatuko dira lehenengo partidan, eta Olharan-Hernandez eta Egiguren II-Konpa bigarrenean....

Artxibo eta liburutegi espezializatu bat, eta 200 lagunentzako auditorio bat jarriko lituzke Aranzadik Pasaiako EAJk jakinarazi duenez, Aranzadik Ziriza Etxean ezartzeko interesa adierazi du, eta beraiek asmoa babestuko dutela iragarri dute. Udalak eta Gipuzkoako Foru Aldundiak duten hitzarmenean 1.500.000 euro aurreikusita daude Ziriza berritzeko. Udalak, baina, Herrera Herrirak proposatutako asmoa bere egin, eta Zirizan Musika Eskola kokatzea aurreikusia du. Aldiz, aukera horren aurrean Aranzadirentzako egoitzarena hobetsiko du EAJk, «80 pertsona baino gehiagorentzat lantokia ezartzeaz gain, toki berean artxibo eta liburutegi espezializatu bat» kokatzea ekarriko lukeelako. Horrez gain, Aranzadik herritar guztiei zabalik egongo litzatekeen 200 lagunentzako auditorioa aurreikusi duela esan dute jeltzaleek. «Aukera hau bakarra da. Orain edo sekula ez, eta horregatik, EAJk eskakizuna egiten du, bai udal gobernua eta bai gainontzeko alderdiak ere honetan lanean jar gaitezen».

Gaurtik aurrera eta irailaren 30era bitartean egunero zabalduko dute Kantina Puntetako Kantinan kontzertua antolatu dute biharko. 21:00etatik aurrera, punk folk agresiboa entzuteko aukera izango da han, Imanol Carballo eta Zudaire sanpedrotarren eskutik. Biharkoa, baina, ez da izango epe motzean Kantinan izango den kontzertu bakarra. Hilaren 17rako erromeria antolatu dute Trikibeltz taldearekin. Hasiera batean hilaren 10ean izan behar zen erromeria, baina atzeratu egin dute, Bixi-Bixi elkarteak antolatutako euskal jaiarekin bat ez egiteko. Gaur ekingo diote udako sasoiari Kantinan. Irailaren 30era bitartean, egunero zabalduko dute, 11:00etatik 22:00ak arte, beti ere eguraldia lagun izatekotan.

Bihar egingo dute taldearen aurkezpena, 12:00etatik aurrera Meipin antolatu duten jaiarekin. Euskararen presentziak eta erabilerak gora egin dezan, Prest! taldea sortu dute hainbat sanjuandarrek. Bihar aurkeztuko dute taldea Meipin, 12:00etatik aurrera...

Herritarrei eskura dituzten kirol baliabideen berri eman asmoz eta gizarte sektore guztietan kirola egitea sustatzeko helburuz Kirolari Ateak Zabalik Eguna antolatu dute Pasaian iganderako. Osasungarria delako, dibertigarria, harremanak egiteko balio duelako, edo kultur adierazpide delako…. hamaika arrazoi daude kirola egiteko eta horretaz jakitun Ateak Zabalik Eguna antolatu dute etzirako Pasaian, helburu bikoitzarekin: herritarrei eskura dituzten kirol baliabideen berri ematea batetik, eta bestetik, Pasaiako gizarte sektore guztietan kirola egitea sustatzea. Pasaiako Udaleko Gazteria eta Kirol Departamentuak antolatu du eguna, pasaitarren artean kirola egitea sustatu nahi dutelako. Rokodromoaren irekiera Etzirako bi jarduera antolatu dituzte: eskaladaren inguruan lehena, piraguismoari lotuta bigarrena. Trintxerpeko kirolguneko frontoi txikietan Pasaiako Udalak rokodromo berezia prestatu du. Etzi zabalduko dute lehendabizikoz, 10:00etatik 13:00etara. Bulder txiki bat eraiki dute, eta horman eskalatzeko zortzi bide zabaldu dituzte. Lau bide porlanezko paretetatik igotzeko, eta beste lau bide eremu artifizialean aritzeko. Horrez gain, hasiberrientzako propio prestatutako guneak izango dira, baita teknika hobetzeko eremu egokituak ere. Antolatzaileek nabarmendu dutenez, «haurrentzat nahiz gazteentzat oso azpiegitura egokia da». Etzi, bertara gerturatzen den edonork izango du bertan eskalatzeko aukera. Hori bai, haurrek gurasoek lagunduta joan behar dute. Gazteek eta helduek, aldiz, praktika librerako aukera izango dute. Horrez gain, jarduera honetan parte hartzen dutenek opari bana jasoko dutela [...]

Udatik aurrera aldaketa handiak izango dira Hondartza auzoan. Itsas etorbideko lanak hasi zirenetik eragozpenak gertatu dira ibilgailu zein oinezkoentzat, eta lanak aurrera egiten duten heinean, antolamendu berrira ohitu beharko dute herritarrek eta bisitariek. Aste honetan bilkura publikoa egin dute Antoine Abbadia aretoan, eta bertan gaur abiatuko diren aldaketak azaldu zituzten. Pasealeku berriak ordaindu beharreko 200 aparkaleku gutxiago izanen ditu. Horregatik, ordainpeko aparkatze eremua zabaltzea eta prezioak igotzea erabaki du Herriko Etxeak. Hiri-txartela dutenentzako hainbat abantaila izanen dira, udaletik esan dutenez, “erabakiak hendaiarrak faboratu nahi dituelako”. Itsas etorbideko aparkalekuen jaistea orekatzeko, Florida portuaren eta Badiako etorbidearen artean ibilgailuak uzteko eremua sortu dute, baina orain arte ikusitakoaren arabera, herritik kanpo datozenek ez dira leku berria maiztasun berarekin erabiltzen hasi, eta aparkatzeko ordainpeko eremua zabaltzea erabaki dute: “Portualdearen eta Badiako etorbidearen artean sortutako aparkalekuen kopuruak Itsas etorbidean galdutakoa orekatzen badu ere, ez dira hainbestetan okupatuak izanen, eta horren ondorioz, ez dute hein bereko diru-sartzea sorraraziko. Hori dela eta, ordaindu beharreko aparkatzearen eremua Mimosa etorbidera zabaltzea erabaki dugu”. Prezioak igo dituzte ere, eta moldaketa hori baliatu dute sistema errazteko. Lau eremu beharrean, bi eremu izanen dira aurrerantzean: urdina hiri-barnean eta geltokian, eta gorria hondartza aldean. “Prezioa euro batetik 1,20 eurora igoko da gune urdinean, [...]

Santiagotarrak-eko aulki mugikorreko taldeak Orion egingo duten Gipuzkoako Txapelketan parte hartuko du bihar, 13:00etatik aurrera. Bestela, ur bizietako gaztetxoak Eskolarteko Gipuzkoako Txapelketan izan ziren joan den asteburuan, eta taldekako bigarr...

Soinuenea Fundazioak (Herri Musikaren Txokoak) antolatuta, kontzertu didaktikoa eta Udaberriko Kontzertua egingo dituzte bihar, Ergoiengo Auzokalten. 12:00etan. Haurrei zuzendutako kontzertu pedagogikoa emango dute Juan Mari Beltran eta Fernando Jalon...

Gaur arratsaldean (eta hilaren 15ean) Tomas Garbizu Musika Eskolan Musikoporrak ekimena egingo dute. Bertan, 4 eta 7 urte arteko haurrekin ariko dira Sormen taldekoak. Musika tailerrak egingo dituzte, haurrak musikara gerturatzeko asmoz. Hainbat ekintz...

Mendekosteetan saskia zozkatu zuten Euskal Dantzazaleek. Jakinarazi dutenez, irabazlea 202 zenbakia izan da. Egunean bertan agertu zen.

Azantza herritik irten eta Etxauriko harkaitzetatik igoko dira mendizaleak, bisitatuko duten lehengo ermitaraino. Ondoren Santa Lucia eta Larreaundi ermitak bisitatuko dituzte, denak aurreikusi duten mendu ibilaldiaren zeharkaldian zehar. Beraskoain herrian bukatuko dute ibilaldia.Guztira, 13 kilometro osatuko dituzte. Interesdunek Jaizkibel elkartearen egoitzan eman dezakete izena, asteazken edota ostiraletan, 20:00etatik 22:00etara. Informazio gehiago www.jaizkibelmt.tk helbidean topa daiteke edota 943 514 700 telefono zenbakira deituta. Irteera hilaren 9an izango da.

Lau T’erdiko Udaberri Txapelketaren lehen fasea jokatu dute, eta asteburu honetan kanporaketak hasiko dira. Ligaxketan lehenengo eta bigarren postuan geratu direnek egingo dute aurrera, eta Allerru Pilota Taldeko kideetatik Telletxeak egin du aurrera...

Nafarroa Bizirik 1512-2012 ekimenaren barruan, Amaiurko indusketa arkeologikoak hitzaldia emango du Aranzadi Zientzia Elkarteko Juantxo Agirrek gaur arratsaldean, 19:30etik aurrera, Olagarro elkartean. …gu sortu ginen enbor beretik, sortuko dira best...

Oinarriak eta eskaera orria udalaren webgunean eskura daitezke, baita Kultura Sailean ere. Kultura egitarauetarako diru laguntzak eskatzeko epea zabalik dago Pasaiako Udalean. Oinarriak eta eskaera orria pasaia.net webgunean edo Kultura eta Hezkuntza S...

Lezoko Altzate igerilekuetan, urtero bezala, igeriketa ikastaroak egingo dituzte uda honetan. Ikastaro intentsiboak izango direla jakinarazi du Serviociok, igerilekua kudeatzen duen enpresak. Hiru hamabostalditan egingo dituzte ikastaro horiek. Lehena ...