
Hendaiako Herriko Etxeko Euskara Zerbitzuak eta Besta Komiteak antolatuta, maila handiko ikuskizun bikoitza izanen da bihar Daniel Ugarte pilotalekuan, Benito Lertxundi abeslaria protagonista izango delarik. Emanaldia 20:30ean hasiko da. Kantaldiaren lehen partean, Hendaiako Irandatz, Baigorriko Jean Pujo eta Donibane Garaziko La Citadelle kolegioetako abesbatzek Jazz’in college aurkeztuko dute. Urte osoan zehar, 130 nerabe horiek, duela 40 urte euskal kantuaren berpiztearen pertsonai historikoa den Benito Lertxundiren errepertorioa lantzen dute, bakoitza bere kolegioan. Jose San Miguel-ek egin ditu kantuen moldaketak, eta Gipuzkoako Et Incarnatus hari-orkestrak eta Xan Idiart gitarra joleak lagunduko dituzte. Ondotik, Benito Lertxundi bera igoko da eszenatokira bere musikariekin, eta hainbeste kanturen artean, Itsas Ulu Zolia bere azken diskoa aurkeztuko du. Biharko saioa elkarlan baten fruitua da, Jose San Miguel Irandatz kolegioko irakaslea, Herriko Etxeko Euskara zerbitzua eta Benito Lertxundiren lan taldea bildu dituena. Euskara zerbitzutik esan dutenez « gazteentzat, artista horren lehen partean kantatzea aukera paregabea izanen da. Haientzat, eta laguntzen dituzten irakasleentzat, transmisioa mantentzeko eta belaunaldiz belaunaldi gure euskal kultura biziarazteko aukera da”. Hendaiako Ikastolak jateko eta edateko aukera eskainiko du, 19:30etik kontzertua hasi arte; saioaren amaieran berriz irekiko dute taberna.

Elizalde ikastetxeko seigarren mailako ikasleek astebete eman dute Gasteizko Carlos Abaitua aterpetxean, Hezkuntza Sailak antolatu dituen Ingelesean Murgiltzeko Egonaldietan. Hirugarren zikloko ikasleentzat ingeleseszko hitzaldia ere egin zuten astear...

Oiartzungo Lady Kotxinas punk rock taldeak bigarren lana atera du, Petruska Records disketxearekin. Lau kide dira taldean: Alain (bateria), Nahikari (baxua eta ahotsa), Haritz (gitarra eta ahotsa) eta Jonpe (gitarra eta ahotsa). Hamahiru abestiz osatutako diskoa da atera dutena: Belarrimotzak. Melendi. Pajillero Español. Altxa hi!! Patata eguna. Titin JJJ. Maitane. Patiño eta Esteban nere buztana jaten. Aktore porno. Punk en el Txitxarro. Yo solo queria follar. Madrid. 1985ko Ama Shantalen jaiak (Vomito). Informazio gehiago, hemen.

Hondarribiko Erdi Aroko Pintxo Lehiaketa egingo dute gaur hasi eta igandera arte. Bertan parte hartuko dutenen artean irabazle bat egongo da, eta honek maiatzaren 5ean eta 6an egingo duten Erdi Aroko Hiri eta Hiribilduen Sarea osatzen duten 12 herrien pintxo lehiaketan parte hartuko du, Hondarribia ordezkatuz. Ekimena atzo aurkeztu zuten, udaletxean. Hondarribiko ondorengo jatetxeek parte hartuko dute lehiaketan: Antxina, Batzoki, Danontzat, Enbata, Etxeberria, Goxo Denda, Gran Sol, Hondar, La Cantina de San Nikolas eta Txantxangorri. Hondarribian, nazioartekoa Erdi Aroko Nazioarteko Pintxo Txapelketaren bosgarren ekitaldia ere Hondarribian egingo dute maiatzaren 5ean eta 6an. Erdi Aroko Hirien Sareko kideek antolatutako pintxo lehiaketa da, eta bertan parte hartzeko baldintza bakarra, Erdi Aroan existitzen ziren produktuak erabilita egindako pintxoak aurkeztea da. Erdi Aroko Hiri eta Hiribilduen Sareak antolatzen duen ekintzarik garrantzisuenetakoa da, eta sarea osatzen duten 12 herrietako sukaldariek parte hartuko dute. Euskal Herriko kideak Hondarribia, Guardia (Araba) eta Lizarra (Nafarroa) dira; Espainiako Estatukoak, Sos del rey Catolico, Almazan, Siguenza, Pedraza, Consuegra, Coria eta Olivenza, eta Portugalgoak Vila Vicosa eta Marvao. Pintxoak 2,5 euroan Bertan lehiatuko diren sukaldarien pintxo proposamenak dastatzeko aukera izango dute herritarrek, 2,5 euroan. Iaz, Marvao herrian egin zuten txapelketa. Bertan, Hondarribiko Batzokiko Iñaki Gezalak bigarrenez parte hartu zuen. Pintxo originalenaren [...]

Luxiano Eizagirre Mariscal iheslari politiko sanpedrotarra atzo hil zen Kuban, 56 urte zituela, gaixotasun batengatik. 1978an ihes egin zuen Eizagirrek Euskal Herritik, eta Venezuelan urte batzuk eman ondoren, Togora deportatu zuten 1984an. Eizagirreri aitortza egingo diote jaioterrian, oraindik non eta noiz izango den zehazteko badago ere.

Haur eta gurasoak bizikletan ibiltzeko irteera antolatu du Ttak-ek, biharko kale ekintzarako. Errenteria-Oreretako Fanderiaraino joango dira, Doneztebe plazatik. 16:30ean aterako dira. Kaskoa beharrezkoa dela gogorarazi dute, eta gurasoei txaleko islat...

Hileko azken ostirala izanik hainbat ekitaldi antolatu dituzte Hendaian eta Pausun euskal preso eta ihesariak gogoan. Ohi bezala elgarretaratzea izanen da Pausuko biribilgunean, Herrira plataformak deituta; 19:00etan hasiko da. Ordu erdi lehenago lehenago autokarabana eginen dute Zugana Kanttu herriko ostatutik. Elgarretaratzearen ondotik pintxoak prestatuko dituzte Xaia ostatuan eta 20:30ean Herrialde berdea filmaren emanaldia izanen da, Xaian bertan. ETAko bi belaunaldi baturik Guardia Zibilak tiroz hildako Jon Andoni Aranguren Iharra-ren eta lehergailu baten eztandarengatik hil zen Txabi Goitia Kabi-ren istorioa lotzen ditu filmak. 1972an hil zen Aranguren, eta 1991an Goitia, eta bi belaunaldietako ETAko militanteen ibilbidea lotzen ditu Herrialde berdea ikus entzunezkoak, kontakizun bakar bat osatuz. Hibai Castro da filmeko gidoilari eta zuzendaria, eta “auzolanean eta denbora librean egindako proiektu herrikoi gisa” egin zuela dio. Castrorentzat oso inportantea da istorio propioak kontatzea. “Gure istorioak kontatzen ez baditugu, ahanzturan gal daitezke, edo bestela besteek konta ditzakete gure ahotik”, esan du.

Udal txistularien bandak eta Kontserbatorio eta Musika Eskolako txistu taldeak entzunaldia eskainiko dute bihar, ostirala, Musika Eskolako aretoan. Egitaraua

Asteazken arratsean Santiagotarrak Kirol Elkarteko taldeen aurkezpena egin zuten Amaia Kultur Zentroan. Guztira 184 kirolari eta entrenatzaile aurkeztu zituzten, taldeko hiru sailetakoak: ur biziak, ur lasaiak eta aulki mugikorra. Ohi bezala, denborald...

Pasaia eta Trintxerpe aurrez aurre izango dira bihar, Don Boscon, 16:30etik aurrera. Sasoi betean iristen dira zuri gorriak partidara, eta ez hainbeste Trintxerpekoak, azken bi partidak galduta. Edonola ere, derbietan ezustekoak ezin dira baztertu, har...

Bentako TAO zerbitzuaren harira, iritzi kontrajarriak dituzte gobernu taldeak eta Bilduk. Ibai Labaien buru duen koalizioaren arabera, «bidegabea» da autoen jabeek Bentan TAO ordaintzea, «martxoaren 12tik udalak ez duelako eskumenik aparkalekua kudeatzeko». Gobernu taldearen esanetan, berriz, Jaurlaritzak ez dio udalari jakinarazi eremu horretan «erakunde horrek» zer egingo duen, hortaz, TAOarekin eta bestelako zerbitzuekin jarraitu dutela jakinarazi du. Gobernu taldeak zehaztu du, Jaurlaritzaren jakinarazpenik jaso ez duenez, Bentako TAO sistemarekin nahiz inguruko garbiketa eta zaintza zerbitzuekin jarraitzen duela, eta gainera, udala «hondarribiarrentzat ahalik eta abantaila handienak eskuratzeko administrazio emakida lortu nahian» dabilela, «Bilduk ederki baino hobeto daki hori, bozeramaileen batzordean landu delako». Hala, emakida lortzeko asmoa dauden eremuetan zerbitzu horiek etetea egokia al den galdetu diote Bilduri gobernu taldetik: «Bilduri demagogia gutxiago eta ardura politiko handiagoa eskatzen diogu, hondarribiarrak ez izutzeko». Kontraesana Bilduk uste du, aparkalekuaren kudeaketa, garbitasuna eta argiztatzea udalak «bere garaian» hitzartu behar zituela Jaurlaritzarekin, eta berretsi du kontraesana dela TAO martxan egotea Bentan, udalak «Jaurlaritzako Kai Zuzendaritzarekin izenpetuta zeukan hitzarmena iraungi delako. Egoera ezagutzen ez duen hiritarrak ordaintzen jarraitzen du». Horri lotuta, Bilduk esan du udaltzainek ez dutela «arretarik» jartzen Bentako aparkalekuan. Hortaz, Bilduk uste du hiriko aparkaleku guztiak kudeatu behar dituen erakundea Hondarribiko Udala dela, «herritarrengandik gertuen [...]

Erakusketa berria inauguratuko dute Modotti tailerrean, etzi. Klik bikoitza titulupean, Oreretako Katiuskak estudioak egindako lanak ikusgai izango dira, apirilaren 30a arte, eta paisaiak eta testura bereziak erakutsiko dituzten argazkiak izango dira n...

Bukatu da Emakumeen Saskibaloi Liga. Denboraldi gogorra izan da Hondarribia-Irunentzat, baina taldeak helburua bete du. Datorren denboraldian Lehen Mailan jokatzeko eskubidea lortu du, kostata, baina azkenean saskibaloiaren elitean jarraituko du emakumeen taldeak. Gainera, ligako azken jardunaldiko partida irabazi zuten larunbatean Zaragozako Mann Filter taldearen aurka, 68-58ko emaitzarekin, eta etxeko jokalariek zaleei eskaini zieten garaipena. Larunbatean, eguerdiko hamabietan jokatu zuen Hondarribia-Irunek Hondartza kiroldegian. Teledeporte telebista kateak partida zuzenean eman zuen, beraz, beste behin, telebistagatik jokatu behar izan zuten hain ezohiko ordutegian. Mann Filter Zaragoza garaitzeko gogoa erakutsi zuten partidaren hasieratik etxekoek, nahiz eta Zaragozako taldea sailkapen nagusiko bosgarren postuan egon: Liga irabazteko kanporaketan sartzeko borrokan zebilen, eta Hondarribian galduta, aukera hori galdu dute, azkenean bosgarren izan direlako sailkapen nagusian. Lehen laurdenean errenta ona hartu zuten Hondarribiako jokalariek. Nahiz eta partida 0-4 galtzen hasi, lehen hamar minutuen ondoren 19-8ko emaitza irakur zitekeen markagailuan. Bigarren laurdenean Zaragozako taldeak ez zuen arnasa hartzeko tarterik izan, eta 35-25 emaitzarekin joan ziren atseden hartzera bi taldeak. Hirugarren laurdenaren hasieran, baina, kanpokoek defentsan estutu eta aldea bost puntura murriztea lortu zuten, baina berdeak lehen zatiko jokoa egiten hasi ziren berriz ere, eta azken laurdenera iristerako, hamar puntuko aldeak bere horretan jarraitu zuen (51-41). Azken laurdenean saskibaloi erakustaldia [...]

Asteazkenean Bateragune auzian defentsak aurkeztutako helegitea aztertu zuen Espainiako Auzitegi Gorenak, eta horren haritik, udalak eskatu dio Auzitegi Nazionalak emandakako ebazpena bertan behera uzteko eta zigortutako pertsona guztiak askatzeko. Hor...

Bihar arratsaldean irekiko dute Matxin Artzu kalea. Autoek Bidasoa ibilbidetik sartu beharko dute eta handik Matxin Artzu kalera joan, eta gero, kalearen bukaeran, Zuloaga kalera egin edota Itsasargi kaletik aurrera egin beharko dute. Portuko lanen b...

Gaur, ostirala, Hendaia.com elkarteak antolaturiko euskarazko Maitasun Gutun Lehiaketako sari banaketa eginen dute, Abbadia gazteluaren kaperan, 19:00etan. Euskararen Hilabetearen barruan antolaturiko ekintzetako bat izan zen lehiaketa. 13 urtetik gor...

Gaur, 10:00etan, Julen Mendoza alkatea herriko zenbait elkarterekin biltzekoa zen Kaputxinoetako igerilekuan zein egoeretan dauden azaltzeko.