Erdi Aroko Nazioarteko Pintxo Txapelketarako ordezkariaren bila, gaurtik
Hondarribiko Erdi Aroko Pintxo Lehiaketa egingo dute gaur hasi eta igandera arte. Bertan parte hartuko dutenen artean irabazle bat egongo da, eta honek maiatzaren 5ean eta 6an egingo duten Erdi Aroko Hiri eta Hiribilduen Sarea osatzen duten 12 herrien pintxo lehiaketan parte hartuko du, Hondarribia ordezkatuz. Ekimena atzo aurkeztu zuten, udaletxean. Hondarribiko ondorengo jatetxeek parte hartuko dute lehiaketan: Antxina, Batzoki, Danontzat, Enbata, Etxeberria, Goxo Denda, Gran Sol, Hondar, La Cantina de San Nikolas eta Txantxangorri. Hondarribian, nazioartekoa Erdi Aroko Nazioarteko Pintxo Txapelketaren bosgarren ekitaldia ere Hondarribian egingo dute maiatzaren 5ean eta 6an. Erdi Aroko Hirien Sareko kideek antolatutako pintxo lehiaketa da, eta bertan parte hartzeko baldintza bakarra, Erdi Aroan existitzen ziren produktuak erabilita egindako pintxoak aurkeztea da. Erdi Aroko Hiri eta Hiribilduen Sareak antolatzen duen ekintzarik garrantzisuenetakoa da, eta sarea osatzen duten 12 herrietako sukaldariek parte hartuko dute. Euskal Herriko kideak Hondarribia, Guardia (Araba) eta Lizarra (Nafarroa) dira; Espainiako Estatukoak, Sos del rey Catolico, Almazan, Siguenza, Pedraza, Consuegra, Coria eta Olivenza, eta Portugalgoak Vila Vicosa eta Marvao. Pintxoak 2,5 euroan Bertan lehiatuko diren sukaldarien pintxo proposamenak dastatzeko aukera izango dute herritarrek, 2,5 euroan. Iaz, Marvao herrian egin zuten txapelketa. Bertan, Hondarribiko Batzokiko Iñaki Gezalak bigarrenez parte hartu zuen. Pintxo originalenaren [...]
Hondarribiko Erdi Aroko Pintxo Lehiaketa egingo dute gaur hasi eta igandera arte. Bertan parte hartuko dutenen artean irabazle bat egongo da, eta honek maiatzaren 5ean eta 6an egingo duten Erdi Aroko Hiri eta Hiribilduen Sarea osatzen duten 12 herrien pintxo lehiaketan parte hartuko du, Hondarribia ordezkatuz. Ekimena atzo aurkeztu zuten, udaletxean.
Hondarribiko ondorengo jatetxeek parte hartuko dute lehiaketan: Antxina, Batzoki, Danontzat, Enbata, Etxeberria, Goxo Denda, Gran Sol, Hondar, La Cantina de San Nikolas eta Txantxangorri.
Hondarribian, nazioartekoa
Erdi Aroko Nazioarteko Pintxo Txapelketaren bosgarren ekitaldia ere Hondarribian egingo dute maiatzaren 5ean eta 6an. Erdi Aroko Hirien Sareko kideek antolatutako pintxo lehiaketa da, eta bertan parte hartzeko baldintza bakarra, Erdi Aroan existitzen ziren produktuak erabilita egindako pintxoak aurkeztea da.
Erdi Aroko Hiri eta Hiribilduen Sareak antolatzen duen ekintzarik garrantzisuenetakoa da, eta sarea osatzen duten 12 herrietako sukaldariek parte hartuko dute. Euskal Herriko kideak Hondarribia, Guardia (Araba) eta Lizarra (Nafarroa) dira; Espainiako Estatukoak, Sos del rey Catolico, Almazan, Siguenza, Pedraza, Consuegra, Coria eta Olivenza, eta Portugalgoak Vila Vicosa eta Marvao.
Pintxoak 2,5 euroan
Bertan lehiatuko diren sukaldarien pintxo proposamenak dastatzeko aukera izango dute herritarrek, 2,5 euroan.
Iaz, Marvao herrian egin zuten txapelketa. Bertan, Hondarribiko Batzokiko Iñaki Gezalak bigarrenez parte hartu zuen. Pintxo originalenaren saria ekarri zuen hirira. Honakoa esan zuen atzoko aurkezpenean: «Herriaren izenean zoaz txapelketara, ez establezimendu bezala. Iaz ohore bat izan zen Portugalen egin zen lehiaketan parte hartzea».


