Matxin Artzu bihar arratsaldean irekiko dute
Bihar arratsaldean irekiko dute Matxin Artzu kalea. Autoek Bidasoa ibilbidetik sartu beharko dute eta handik Matxin Artzu kalera joan, eta gero, kalearen bukaeran, Zuloaga kalera egin edota Itsasargi kaletik aurrera egin beharko dute. Portuko lanen b...
Bihar arratsaldean irekiko dute Matxin Artzu kalea. Autoek Bidasoa ibilbidetik sartu beharko dute eta handik Matxin Artzu kalera joan, eta gero, kalearen bukaeran, Zuloaga kalera egin edota Itsasargi kaletik aurrera egin beharko dute.
Portuko lanen bigarren fasean dabiltza orain lanean. Lehena, 2010ean hasi zuten Almirante Alonso eta kale perpendikularrean. Bigarrena, Bernat Etxepare eta Matxin Artzu kaleetan, eta hirugarrena, 2012ko udazkenean hasiko dena, Zuloaga eta Itsasargi kaleetan.
“Obrak bere epeak betetzen jarraitzen du, Udaletik eta enpresa eraikitzailetik Aste Santurako bigarren fasea amaituko zela esan bait genuen, eta hitza bete egin dugu” esan du Juan Mari Altunak, Zerbitzuetako zinegotziak. “Bentako aparkalekutik ateratzen diren autoek Bernat Etxeparetik joan ahal izango dute edota eskuinera egin Matxin Artzu kalera”.
Autobusek Sabino Arana kaletik sartu eta eskuinera egin beharko dute Irun Kalean (Roteta jatetxearen aurrean), eta Bidasoa ibilbidetik aurrera egin. Almirante Alonso kalean bizi direnak eta garaje bat dutenek, Almirante Alonso kaletik etorri eta Domingo Egia kaletik sartu beharko dute.
“Aste Santua igarotzen denean, Pazko Astearen erdialdera, obraren hirugarren fasea hasiko da, Bernat Etxepare kalean. Jakin badakigu obrek molestia handiak sortzen dituztela, eta horregatik biziki eskertzen dugu bizilagun, dendari eta erabiltzaileen pazientzia, ziur gaude pena merezi izango duela” gehitu du Altunak.
