Lupe Calvo Elizasu kazetariak bere bigarren liburua kaleratu du, 'Por todas'. Asun Casasolak egindako ibilbidea goraipatu, eta indarkeria matxistaren biktima guztiak omentzeko lana da.


Udal Kirol Patronatuak erditzea prestatzeko ikastaroak antolatu ditu haurdunaldiko 32. astean daudenei zuzenduta. Ikastaroa martxoaren 22an hasiko da eta apirilaren 12ra arte luzatuko da hiru astez. Lau saio izango dira, eta ordu eta erdi iraungo du ba...

Irungo Txistulari Bandak iragan asteburuan ospatu diren Angeluko (Lapurdi) inauterietan emanaldia eskaini zuen, hain zuzen ere, musika eta folklore erakustaldiaren barruan. Bi udalerriak kultura, gazteria eta kirol arloetan garatzen ari diren elkarlanean kokatzen da ekimena. Horren harira, Carmen Maura, Javier Sagarzazu eta Susana Zaldivar Behe Bidasoko artisten 3 margolari goiburuko erakusketa bisitatu daiteke Angeluko Beatrix Enean hilaren 27a arte, 10:00etatik 12:00etara, eta 14:etatik 18:00etara.

Gidabaimenik gabe gidatzeagatik 33 urteko gizon bat atxilotu zuen pasa den ostegun arratsaldean Ertzaintzak. Patruila batek debekatutako norabide aldaketa egiten ikusi zuen auto bat eta geldiarazi egin zuen. Identifikatu ondoren ohartu ziren ertzainak ...

Atzo laugarren txakurkros proba izan zen Errenteria-Oreretan hainbat berritasunekin, Espainiako txapelketarako proba puntuagarria izateaz gain, I. Gipuzkoako txapelketa jokatu zen bertan. Probari dagokionez, Pedro Etxeberria zumaiarra izan zen ibilbidearen 6,3 kilometroak lehenengo osatu zituena eta emakumeetan Ana Perez (Burgos, Espainia). Gizonetan hasieratik Pedro Etxeberria zumaiarrak hartu zuen lasterketaren burua eta 1,5 kilometrora zegoen mendi tontorretik lehen postuan pasatu zen bigarrenari 30 bat segundo ateraz. Etxeberriak lasterketa guztia bakarrik egin zuen, eta atzetik 3 korrikalarik osatutako taldetxo bat eratu zen, baina ezin izan zuten Etxeberria aurreratu. Gipuzkoako txapelketari dagokionez, berriz, Eneko Agirre donostiarra izan zen garailea Senior Mailan; Patxi Azpiazu errenteriarra A Beterano Mailan; eta Jose Ramon Ortuoste elgoibartarra B Beterano Mailan. Nabarmentzekoa da ere Iban Angulo lezoarraren bigarren postua seniorretan. Horrenbestez, Gipuzkoako txapelketan maila ona erakutsi zuten eskualdeko korrikalariek. Gainera, Gipuzkoako Txapelketan sailkatutako guztiak Txakurkrosa Oarsoaldean taldeko kirolariak izan ziren. 47 gipuzkoar Txakurkrosa Oarsoaldean-ek antolatu zuen txapelketa Errenteriako Udalaren laguntzarekin eta gustura azaldu dira parte-hartzaileen kopuruarekin, batik bat gipuzkoarrenarekin. Izan ere, 47 izan ziren parte-hartu zuten korrikalari gipuzkoarrak. Gainera, kontuan izan behar da egun horretan bertan Guadalajaran ere (Espainia) jokatzen zen txakurkros txapelketa. Helduak bakarrik ez ziren izan txakurrarekin korrika ibili zirenak. Hala, haurrentzako proba ere antolatu zuten. Hamabi korrikalarik [...]

Kastro Berri tabernan ardo dastaketa egingo dute etzidamu, ostegunean, 19:30ean. Errioxako Ramon Bilbao upeltegiko Javier Gomez enologoa izango da Kastro Berrin, eta ardoen aurkezpena egin ondoren, herritarrek dastatu ahal izango dituzte.

Atzo trintxerpen kale garbiketa ez zutelako egin azalpenak eman ditu Udalak. Barkamena eskatu die Alkatetzak herritarrei, eta gertatutakoa ikertuko dutela eta jakinaraziko dutela agindu. Bide batez, egon den utzikeriarengatik isunak jartzea baldin badu...

Asteburua ez da ona izan talde pasaitarrentzat. Trintxerpek 2-3 galdu du Mondragonen kontra, eta Pasajesek 2-1 Aretxabaletaren aurka. Honenbestez, sailkapeneko bigarren postua galdu dute zuri-gorriek. Hernanik hartu die aurre eta zuri-gorriak sailkapen...

Txingudiko Zerbitzuak enpresa publikoak ate irekien jardunaldia antolatu du martxoaren 22ko Uraren Nazioarteko Eguna ospatzeko. Aurten, bisita martxoaren 20an, igandearekin izango da eta herritarrek Endarako urtegia eta Elordiko Edateko Ura Tratatzeko ...

Asteburuan Oiartzunen jokatu dituzte Aurresku eta Soinu Zahar dantza txapelketak. Bi lehen postu lortu zituzten eskualdeko dantzariek: Oiartzungo Nerea Bideirak Soinu Zaharrean, A Sailean. Eta Errenteria-Oreretako Beñat Salegik Aurreskuan, B Sailean. Eskualdeko beste bost dantzarik lehenengo postuetan egotea lortu zuten. Lezoko Iker Belintxonek hirugarren postua lortu zuen Aurreskuan, A Sailean. Lezoko Nora Fraile eta Oiartzungo Katerin Artola bigarrena eta hirugarrena izan ziren Soinu Zaharrean, A Sailean. Aurreskuan, B Sailean, lehenengo hiru postuak izan ziren eskualdeko dantzarientzat: aipatu bezala, Beñat Salegik lortu zuen lehengo sailkatzea; bigarrena izan zen Aritz Olarte oiartzuarra, eta hirugarrena Asier Rios oreretarra. Soinu Zaharrean, B Sailean, lehenengo hiru postuak Billabonako eta Elgoibarko dantzariek eskuratu zituzten. Sailkapena Aurresku Txapelketa (A Saila) Aimar Odriozola. Ibarra. Aitor Lasa. Donostia. Iker Belintxon. Lezo. Soinu Zahar (A Saila) Nerea Bideira. Oiartzun. Nora Fraile. Lezo. Katerin Artola. Oiartzun. Aurresku Txapelketa (B Saila) Beñat Salegi. Errenteria. Aritz Olarte. Oiartzun. Asier Rios. Errenteria. Soinu Zahar (B Saila) Ane Urruzola. Billabona. Ane Espilla. Elgoibar. Andrea Arregi. Elgoibar.

Angela Vilariñok eskuratu zuen Hondarribiko V. Rallysprintaren garaipena larunbatean. 71 parte hartzailetatik, askok ez zuten lasterketa bukatu, eta garaipena eskuratzeko faborito zen Ander Vilariño ere, istripua izan eta probatik kanpo geratu zen....

Sozialistekin gobernatzea ez du baztertzen EAJk, ia 500 bozka eta aulki bat irabazita —4.583 boto, 5 zinegotzi, %17,89rekin—. Gaur elkartuko da Irungo Uri Batzarra emaitzak aztertu eta hurrengo urratsak zehazteko. Xabier Iridoy alkategaiak Santanok kudeatzeko modu ezberdina agertu beharko duela aurreratu du: «benetako akordioetara iristeko ordua da, ibilbide luzekoak, sakonekoak». Oso gustura daude jeltzaleak igandeko emaitzekin. «Ikusten dugu hiriko ikuspegia ireki dela eta gobernuak hori kontuan hartu beharko du», gaineratu du Iridoyk.

Xanistebanetako Jai Batzordearen laugarren bilera izango da bihar, 19:00etan Manuel Lekuona Bibliotekan. Aurrekontu guztiak onartuko dituzte, eta egitaraua osatuko dute. Era berean, txupinazorako egindako proposamenak elkarte bakoitzean eztabaidatzeko ...

PSE-EE alderdiak irabazi ditu udal hauteskundeak Irunen, baina 2007an baino ia hiru mila boto gutxiago lortu ditu eta hiru eserleku galdu (7.904 boto, 9 zinegotzi, %30,85rekin). Sozialistek porrot handia jaso dute Estatu espainiarrean, baita Gipuzkoan ere, eta egoera horrek eragin izan du Irunen. Ezustekoren ezean, Jose Antonio Santano izango da beste behin Irungo alkatea. Hori bai, azken lau urteetan ez bezala, udal gobernua osatzeko EAJ, Bildu edo PPrekin negoziatu beharko du, eta ardurak konpartitu. “Galdu duguna galtzeko zein arrazoi egon diren aztertu beharko dugu, baina Irungo lehen indarra izaten jarraitzen dugu” nabarmendu du alkateak.

Oinatz Mitxelena Bilduko hautagaia oso pozik agertu da hauteskunde gauean lortutako emaitzekin, batez ere eskuratutako bozka kopuruarekin (4.406 boto, eta 5 zinegotzi lortu ditu koalizio ezkertiar independentistak, botoen % 17,20arekin): “4400 bozka asko dira eta oso pozik gaude. Bost zinegotzi lortzea ere ondo dago, baina horretan parte hartzearen jeitsierak eragin du ere”. Bere ustez PSEren jeitsiera egoera orokorrarekin parekatu daiteke. “Espainian jaso duen porrotaren isla izan da Irun. PSE-EEren lehengo boto emaile asko abstenituko zireneko susmoa genuen, eta hori gertatu da”, adierazi du. Gobernua osatzeko sozilistekin elkartzeari buruz argi dauka Bilduko hautetsi berriak: “Irun euskalduntzeko benetako urratsak ematea eta politika partehartzaileak aurrera eramatea eskatuko dugu”. Euskal Herriak bizi duen normalizazio prozesuaren alde lan egiteko konpromisoa agertu nahi izan du Mitxelenak, “egoera demokratikoan aurreraino iritsi arte”. Bilduren zinegotziak Oinatz Mitxelena Lohitzune Txarola Juan Maria Unanue Miren Olatz Agirre Juan Carlos Martinez

2012. urterako auzitegiaren epaimahaikideen zozketa publikoa 2011ko ekainaren 06an iraganen da, astelehenarekin, 10:00etan, Herriko Etxeko Erregistro Zibilaren zerbitzuan.

Heldu den larunbatean txalaparta festa antolatu du Pausuko Xaia ostatuak, Integrazio batzordearen alde. Afariaren menua 20 euroan jarri dute. Izena emateko deitu honako teefonora: 0559-20 76 10.

Gaurko programazioa FM107an: 10:00etan, Arguyuan: 10:30ean: Kirol informazioa. 11:30ean: OARSO BIDASOKO HITZA-ren eskutik, informazioa. 12:10ean: Elkarrizketa atala. 13:15ean: Kirolak, Joxe Migel Lopezen eskutik. 15:00etan: Albisteak. 18:00etan: Argu...

EAJ alderdiak jaso ditu boto gehien gaurko udal hauteskundetan. Hondarribian zortzi zinegotzi izango ditu Udaletxean datozen lau urtetan, eta lehenengo indarra izango da. Hurrengoa Bildu izan da eta bost zinegotzi izango ditu. Ondoren, PSE-EEk bi zinegotzi izango ditu eta H1ek, PPk eta Aralarrek bakarra. Horrela, EAJk pasatako legealdian baino bi zinegotzi gehiago izango ditu, eta Aitor Kerejeta EAJko zerrendaburua izango da Hondarribiko alkatea datozen lau urtetan. Hondarribian, 2007an EAJk 2.388 boto lortu zituen, EAk 1.612 eta EAE-ANVk 1.310. Ondorioz, EAJk 500 botu gehiago lortu ditu. “Hondarribiar guztiek izan dugu botua emateko aukera eta EAJk lortu dituen emaitzak ikaragarri onak dira. Bihotzez eskertzen dugu eta hondarribiar guztiak zoriondu nahi ditut”, azaldu du Aitor Kerejetak, Hondarribiko alkateak. Gainera “Euskal Herriak abertzaleak garela azaldu du, eta hausnarketa egin beharko dugu alderdiok datozen astetan”. Ibai Labaien, Bilduko zerrendaburua oso pozik azaldu da, “espero genuena baina gehiago lortu dugu, eta datozen lau urteetan alderdi jeltzalearekin lehiatzeko aukera ona dugu esku artean”. Gainera, Labaienek “gugan konfidantza jarri duten guztiak eskertu nahi ditugu”. 7.819 botu guztira Hondarribiko Udaleko datozen lau urteetarako hamazazpi zinegotziak aukeratzeko Hondarribiak dituen 16.504 biztanletatik 12.773k zuten gaur botoa emateko eskubidea. Guztira 7.819 boto izan dira, 4.993 abstentzio, 134 boto nulu eta 245 boto [...]

Aldaketaren bidea ireki da Errenteria-Oreretan. Jakin-min handia zegoen bozen aurretik, baina azkenean Bildu eta PSE-EEren arteko balantza nabarmen mugitu da koalizioaren alde, eta ia 1.331 botoko aldea atera dio alderdi sozialistari. Bilduk zortzi zinegotzi erdietsi ditu 6.301 botorekin, eta PSE-EEk, berriz, zazpi zinegotzi 4.970 botorekin. Ondorio garbia izan du Bilduren garaipenak. PSE-EEk agur esan dio 28 urteko nagusitasunari, 1983tik irabazi baititu hauteskundeak Errenteria-Oreretan. Aldaketa posible ikusten zen Bilduren parte hartzea berretsi ondoren. Hala ere, nabarmen nagusitu zaio koalizioa alderdi sozialistari. Zinegotzi bakarreko aldea atera badio ere, botoetan agerikoa izan da aldea. Txanponaren beste aldean, PSE-EEk Bilduk ateratako botoak galdu ditu ia: 2007ko hauteskundeetan baino 1.442 boz gutxiago lortu ditu (2007an 6.412 izan zituen). Herritarren babesa galtzen joan da urtez urte Juan Carlos Merino buru duen hautagaitza, azken hauteskundeetan ere aurrekoetan baino 1.100 boto gutxiago lortu baitzituen. Hirugarren indar bezala EAJk jarraitzen du. Aurten, gainera, zinegotzi bat gehiago lortu du Maite Peña buru duen alderdi jeltzaleak. Boto kopuruari dagokionez, aldea ez da handia izan, 131 boz gehiago. PPk hautagaitzari eusten jarraitzen du. Aurten ere duela lau urte bezala bi hautagai lortu ditu, eta 140 boto gehiago. Hala ere, laugarren indarra izatea lortu du, Ezker Batuari tokia kenduz. Hain zuzen, Jose Manuel [...]