Albisteak

Cristina Iradiren eskulanak Petra Lekuona egoitzan

Abuztuan erakusketa berria izango dute Petra Lekuona Zaharren egoitzan: Cristina Iradiren eskulanekin osatutakoa. Hilabete osoan izango da, astelehenetik igandera, ordutegi honetan: 09:30- 13:00 eta 16:00-20:00.

admin

Xanisteban Saria antolatu du, lehenengoz, Txost Pilota Taldeak

Aurten, lehendabizikoz, Xanisteban Saria antolatzera animatu dira Oiartzungo Txost Pilota Taldeko kideak. Txapelketa horren barnean bi maila ezberdindu dituzte. Batetik, 22 urtez azpikoena, eta bestetik, seniorrena. Lehenengoak —22 urtetik beherakoak...

admin

Donibaneko erabilera anitzeko eraikina Amenabar enpresak egingo du

Donibaneko Bizkaia plazan eraikiko duten lanen ardura Amenabar eraikuntza enpresak izango du. Ahobatez erabaki du Udalbatzak esleipena gaur goizean Aribazalo jauregian egin duten plenoan. Amaia Agirregabiria alkateak esan duenez, obrak “lehenbailehen” hasiko dira. Joan den martxoaren 29an egin zuten plenoan Udalbatzak argi berdea eman zion erabilera anitzeko eraikinari eta maiatzaren hasieran eraikina egiteko lanak enkatera atera zituen udalak. Balditzen artean jasota zetorren udalak aukeratzen zuen enpresak hamasei hilabete izango dituela lanak gauzatzeko. Amenabar enpresak, beraz, lanak hasten dituenean ia urte eta erdiko epea izango du eraikina bukatzeko. 1.900.000 euroko aurrekontua aurreikusi zuen orduan udalak, baina Gipuzkoako Foru Aldundiak dituen diru laguntzak direla eta, merkeago atera diezaioke. Aldundiarekin harremanetan jartzekotan geratu da Agirregabiria. Arrauna eta diru laguntzak Joan den astean Gobernu Taldeak atera zuen oharrean “kezkatuta” azaldu zen Portu Agintaritzaren jarrerarekin. Eta gai hori bera udalbatzarrean atera eta eztabaida sortu zuen. PSE-EEri ez zaio “batere zuzena” iruditzen Gobernu Taldeak izan duen jarrera, eta laguntza berriro aztertu ezean, mozio bat proposatuko duela adierazi du Izaskun Gomezek. Ezker Batuko Xabier Pombok kanpo kaiaren kontra dagoela berretsi du, baina arraun taldeek finantzaketa beharrezkoa dutela nabarmendu du. “Ez genuke kirola eta politika nahasi behar, arriskutsua da”, azaldu zuen. “Pasaitarren diruarekin ezin da zeharka babestu horrelako [...]

admin

Santio Eguna, aterkien azpian

Emakume arraunlariek atzo arratsean bota zuten txupinarekin hasi ziren Donibaneko Santio Jaiak. Santioen hasierako ekitaldian ere euria izan zen protagonista, baina hala ere Pasaiako lau barrutietan ozen entzun zen Santiago plazako udaletxe zaharretik San Juango arraunlariek bota zuten suziria. Martxan jarri ziren santioak. Gaur, dianaren eta Santio Eguneko bigantxen ondoren, kirolari tartea egin diote sanjuandarrek Gaztelutxoko XXV. Igoeran. Euriari beldurrik gabe atera dira errepidera txirrindulari sanjuandarrak. Kirol proba horretan, Gaztetxoen Mailan, Nora Fraile (nesketan) eta Xabi Torres (mutiletan) izan dira irabazleak. Kadeteetan, berriz, Asier Lasa; gazteetan Inaxio Amunarriz eta seniorretan Ibai Sistiaga. Donibane Zikloturista Taldeak antolatutako proba arrakastatsua izan da. Gaur eguerdian egin behar zuten paella jatea bertan behera utzi dute: hilaren 30ean egingo dute. Bihar, Santa Ana Eguna ospatuko dute, eta etzi, San Pantaleon, sardinen eguna.

admin

Elorsoro kiroldegia abuztuaren 16ra arte itxi dute, lanak egiteko

Udaro bezala, aurten ere Elorsoro kiroldegiko erabiltzaileek ezin izango dute zenbait egunez kirol azpiegitura erabili. Aurten, zehazki, atzo itxi zuten kiroldegia, eta abuztuaren 26ra arte egongo da itxita. Berrikuntza lanak egiteko eta ohiko mantenu ...

admin

Gazteen lokal bat erre da Ugarritzen

Gaur eguerdian Ugarritzeko Cristobal Gamon kaleko lokal batean sutea izan da. Udaltzaingotik jakinarazi dutenez, lokaleko sofa bat erre da, eta kalte material handiak eragin ditu lokalean. Suhiltzaileei abisua pasatu diete bizilagunek sua ikusi dutenea...

admin

Beach Soccer Cup 2011 hasiko dute bihar hondartzan

Bihar eta ostiral artean, Hondarribiko hondartzan eskaintzen duten Hondar Kirol zerbitzuen barne, II. Hondarribia Beach Soccer Cup 2011 jokatuko dute. Hondarribiko hondartzako kirol instalazioetan izango da txapelketa, eta lau egunez jokatuko dute, 16:...

admin

Kaikuk irabazi du estropada, nagusitasunez

Nagusitasun osoz irabazi du Kaikuk gaur Pasaian jokatu den TKE Ligako estropada. Aho bete hortz utzi ditute badiaren bi aldeetara zeuden zaleak lortutako denborarekin. Bigarren Astillero izan da eta hirugarren Urdaibai. San Juan laugarren izan da eta Hondarribiak estropada biribila egin zuen beste behin, eta bosgarren postua eskuratu. Ama Guadalapeuen ondotik. ‘Libia’k txanda irabazi San Pedrok estropada txukuna egin zuen etxean. Beren txanda irabaztea lortu zuten moreek, eta txandaren garaipenak play off postuetatik urruntzeko oso baliagarri izango zaie moreei. Sailkapen orokorrean zazpigarren postuan lortu du San Pedrok. Nesketan, Getaria-Tolosa nagusi Emakumeen estropada Getari-Tolosak irabazi zuen beste behin. Laugarren postuan San Juango neskak sartu ziren eta Hondarribikoak azken postuan.

admin

Koadrilak dira gaur madalenetako protagonista

Primerako giroa dago gaur Agirre Lehendakariaren plazan. Eguerditik dira han bilduta Oreretako koadrilak, lehenbizi bazkaria prestatzen eta ondoren mahairen bueltan bilduta. Elastiko berdeak soinean, 500 lagun inguru bildu dira Koadrilen Eguneko bazkarian. Arratsaldeak aurrera egin ahala plaza utzi eta kalez kale ariko dira elkarrekin festan,herrian espero diren ehunka lagunei festa giroan harrera eginez.

admin

Adin txikiko bat atxilotu du Ertzaintzak, “Gora ETA”oihu egitea leporatuta

14 urteko gazte bat atxilotu du gaur gauen Ertzaintzak, Lakuako Barne Sailaren arabera, poliziak bere ondotik pasatzean “gora ETA” oihu egi duelakoan. Horrez gain, ETAko anagramarekin hainbat pegatina kendu dizkiotela zabaldu dute polizia i...

admin

Rudyren lanak, Petra Lekuonan

Rudy margolari nafarrak olio erara egindako koadroak jarri dituzte ikusteko, abenduaren 31ra arte, Petra Lekuona zaharren egoitzako erakusketa aretoan. 09:30etik 13:00etara eta 16:00etatik 20:00etara ikus daitezke lanak.

admin

Zintzilik Irratiak larunbatean aurkeztuko du programazioa

Larunbatean, 18:00etatik aurrera, programazio berriaren aurkezpena egingo du Zintzilik Irratiak. Aurkezpena Herreriaren egoitzan izango da, eta jatekoa eta edatekoa ere izango da joaten direnentzat. Hara joaten ez dutenek, berriz, FM 100ean eta Zintzil...

admin

Lanak bidal daitezke jadanik Zapirain Anaiak eta Ibon Zabala sarietara

Urtero bezala Xenpelar Bertso Eskolak helduentzako eta gazteentzako bertsopaper lehiaketak antolatu ditu. 17 urtetik gorako Zapirain Anaiak Sariak 23.ez egingo dituzte, eta 16 urte arteko gazteentzako Ibon Zabala Sariak, berriz, hamahirugarrenez. Egileek azaroaren 28ra arteko epea izango dute bertsopaperak bidaltzeko. Urtetik urtera geroz eta gehiago zabaltzen ari diren bertsopaper lehiaketak dira horiek. Xenpelar Bertso Eskolako Julian Albisturrek azaldu duenez, geroz eta jende gehiagorengana ari dira zabaltzen gonbidapena herriko bertsopaper lehiaketetan izena emateko, eta hori parte hartzean ere islatzen da, urtetik urtera handitzen ari baita. Horren adibide da, hain zuzen, Ibon Zabala Sariarena. Izan ere, lehen eskualdera bakarrik mugatzen zuten parte hartzea, baina azken ekitaldietan Euskal Herri osotik ari dira lanak bidaltzen, eta iaz, hain zuzen, hendaiar batek irabazi zuen, Maddi Txoperenak. Helduen saria, berriz, lasartear batek irabazi zuen, Ane Labakak. Horrenbestez, antolatzaileen asmoa azken ekitaldietako parte hartze maila mantentzea da. Helduen mailan 20-25 lanetakoa izaten da kopurua, eta gazteen mailan, berriz, 15-20 lanetakoa. Epaimahaiari dagokionez, aurten kide berri bat izango da: Bakarne Urreaga. Jose Luis Zabalaren lekukoa hartuko du, hil egin baita aurten. Urreaga Hernaniko bertso eskolan aritua da, eta egun Gipuzkoako Bertso Txapelketako epaimahaikide da. Gainontzeko bi kideak Patxi Petrirena eta Iker Goñi izango dira, Xenpelar Bertso Eskolaren gertukoak. [...]

admin

Karmen de la Kabaren margolanak, Gaztelun

Azarotik abendu erdialdera Karmen de la Kaba margolari donostiarraren margolanak ikusteko aukera izango da Gaztelu ostatuan. “Kolore alaiengatik eta testurengatik nabarmentzen dira. Obren egileak hogei urtetik gora daramatza pintzelen munduan sar...

admin

Bideoa: Jon Martin, Idiazabalgo epaia

Gpuntuaren eskutik

admin

Elkarte eta gobernuz kanpoko erakundeekin bilerak, Zuloagan

Hondarribiko Udaleko Gizarte Zerbitzuetako Sailak bi topaketa antolatu ditu hil honetarako, eta 2010ean diruz lagundutako gobernuz kanpoko erakunde eta elkarteek parte hartu ahal izango dute. Gobernuz kanpoko erakundeentzat, hilaren 10erako antolatu d...

admin

Saskibaloi taldeak beste garaipen bat lortu du

Ligako laugarren garaipena lortu du Allerru saskibaloi taldeak. Pasa den ostiralean Zumarragako Aluminios Francisco Alberdi jaso zuen Bekoerrotan, eta hamazazpi puntuko aldea aterata irabazi zuten berdeek: 75-58. Sei jardunaldiren ondoren, sailkapeneko laugarren postuan daude lezoarrak, hamar punturekin. Denboraldi hasiera honetako egoerak ez du zerikusirik aurreko denboraldiarekin, orduan sei garaipen lortu baizituzten eta sailkapeneko beheko postuetan egon baitziren. Bihar berriro Bekoerrotan jokatuko dute, Donostiako Internacional taldearen kontra. Ohi bezala, partida 20:00etan hasiko da. Saskibaloi taldearentzat gauzak iaz baino hobeto badoaz, kontrakoa gertatzen da Allerru Jaizkibel areto futbol taldearekin. Asteburuan etxean galdu zuten, Oiartzun liderraren kontra. Gol bakarrarengatik galdu zuten: 4-5.Orain arte jokatu dituzten lau jardunaldietan garaipen eta berdinketa bana lortu dituzte, eta beste biak galdu. Preferentekoak, bana Futbolari dagokionez, Erregional Preferente Mailako taldeak porroten boladari agur esan dio. Zortzigarren jardunaldian Santo Tomas Lizeoaren aurka bana berdindu zuen Plazetan. Denboraldiko zazpigarren puntua lortu dute horrela. Hirugarren jardunaldian lortu zuten azken garaipena, eta asteburu honetan Tolosa Bren etxean eskuratu nahi dituzte hiru puntu. Emakumezkoen Ligan, Arrobi Berrik Allerru 3-1 garaitu zuten, Beraunen jokatu zuten eskualdeko derbian. Bost punturekin jarraitzen dute zuri-berdeek. Asteburu honetan atsedena egitea egokituko zaie lezoarrei. Lehen Erregionaleko taldeak, berriz, bere bolada onari eusten dio. Añorgaren etxean 1-2 irabazi zuten, eta [...]

admin
Gehiago