2025eko abenduan onartutako mozioaren berririk ez dutela jaso salatu dute; elkartea azaroko udal osoko bilkurara aurkeztuko da.


Hilabeteko azken ostirala ate irekien eguna izango da ikasturte osoan Abaraxkan. Etzi ludotekako bazkide ez diren LH 1. eta 6. maila arteko oiartzuar guztiek ludotekak antolatutako ekintzetan parte hartu ahal izango dute, 16:30etik 19:30era. Izena eman...

Etzi ostirala disko jartzaile festa izango da Pagoa dantzalekuan: Fresh Groovy House jaia. Diego Duet, Dennis Yuli, Unfaith, Mikeloop eta Noda ariko dira musika jartzen, gauerditik aurrera. Abenduaren 3an, berriz, Pagoako Soundvision-en bigarren urteur...

Gazte Izanak Erretiratuen Elkarteko kideak zuzendaritzako batzordekideak aldatzen ari dira. Atzo egin zuten Arraguako eta Ugaldetxokoak berritzeko bilera. Gaur Iturriozkoak eta Altzibarkoak hautatuko dituzte, bihar Karrikakoak eta Ergoiengoa, eta etzi ...

Eguberrietarako amaituko dute Irungo obrarik handiena, San Juan Harria plazako lur azpiko aparkalekukoa. Gabonetarako prest egongo da, azken ukituak besterik ez dira falta, baina dagoeneko trasteak jaso dituzte eta hautsa kendu dute. Bisitatzeko moduan jarri dute, eta horixe bera da hilaren 26an egingo dutena: bisitatu. Ate irekietako jardunaldia antolatu dute heldu den larunbat goizerako. Ostiralean aurkeztu zuten ekimena Cristina Laborda Bide Publiko eta Obretako ordezkaria eta Juanjo Jaunarena Irunvi-Etxebizitzarako Sozietate Publikoaren kudeatzailea bertan zirela. Labordak larunbatean zer erakutsiko duten azaldu zuen: “Batez ere bi solairuak, bigarrena eta hirugarrena, ezagutarazteko helburua dute bisitek; solairu horiek dira, hurrenez hurren, txandakako eta jabetzako aparkalekuetarako ezarri direnak, eta ateak abenduaren bigarren hamabostaldian zabalduko dituztenak”. Iaz ere San Juan Harria plaza azpiko lanak bisitatzeko aukera izan zen, antzerako jardunaldi batean; noski, lanak askoz atzeratuago zeuden, eta apenas antzeman zitekeen gaur egun ikusi daitekeena. Izan ere, egun, lanak oso aurreratuta daude, batik bat bigarren eta hirugarren solairukoak. Iazko eta aurtengo bisitek zerikusi gutxi dutela azaldu zuen Labordak: «Orduan dena obretan zegoen, eta bisitan parte hartu zutenek, leku berriaren nolabaiteko ideia bat egin ahal izan zuten, planoen bitartez eta erabat obretan zegoen ingurune batean, txaleko, kasko eta guzti behar izan zutelarik». Orain, aparkalekua erabat amaituta, margotuta eta [...]

Gizonez osaturiko On:Giz Berdintasunaren Aldeko Elkarteak antolatuta, Comprimidos goiburuko antzerki-foruma egingo dute bihar Urdanibia plazako Ospitale Zaharreko hitzaldi aretoan. Ekitaldia 19:00etan hasiko da, eta bi zati izango ditu: antzerkia eta s...

Zure Abenturaren Bila programaren barruan, Zaldiz mugarik gabe: Saharako basamortuan eta Mongoliako estepan eta taigan zehar goiburuko ikus-entzunezkoa proiektatuko dute bihar, euskaraz, Amaia Kultur Zentroan (Lopez Bezerra kaletik sartuta). Mila Galla...

Udaltzainek joan den larunbata goizaldean atxilotu zuten ustez lapurtzen saiatzen ari zen gizona Udaltzaingoak gizon bat atxilotu zuen joan den larunbat goizaldean, telefono kabina bateko dirua ustez lapurtzen saiatzen ari zenean. Gertakaria larunbatea...

Errausketaren Aurkako Oarsoaldeko Plataformek panelak jarri zituzten joan den igandean Zumardian. Bertan, errauste plantak eragindako kalteen berri emateaz gain, hondakinak kudeatzeko alternatiba osasuntsuagoak aldarrikatu zituzten errauste plantaren kontrako plataformako kideek. Halaber, hondakinak errausteak eragindako kalteak eta beraiek proposatutako alternatiben gaineko informazioa banatu zuten herritarren artean.

Emakumeenganako indarkeriaren kontrako egunarekin bat egin du, eta film laburren emanaldia antolatu Etzi Emakumeenganako Indarkeriaren Kontrako Nazioarteko Eguna izango dela eta, Errenteriako Berdintasunerako Kontseiluak bat egin du udalerriko talde feministek zein emakume taldeek egun horretarako deitu duten elkarrateratzearekin. Niessen merkatalgunean izango da elkarrateratzea, 19:00etan, eta herritar guztiei parte hartzeko eskatu diete Berdintasunerako Kontseilutik, «emakumeenganako indarkeria adierazpen guztiak salatzeko». Film laburren emanaldia Errenteria-Oreretako talde feministek zein emakume taldeek deitutako elkarretaratzea ez da izango etzirako antolatuta dagoen ekimen bakarra. Herenegun Berdintasunerako Kontseiluak egindako agerraldian, egun horretarako film laburren emanaldia antolatu dutela jakinarazi zuen: «Film laburrak aukeratzeko garian, emakumeenganako indarkeria ikuspuntu ezberdinetatik lantzen dutela izan dugu kontuan». Guztira, bost film labur erakutsiko dituzte. Pablo Vijandek zuzendutako Albaitaria lana nabarmendu dute antolatzaileek. «Etzi, film horren aurre estreinaldia egingo dute Niessen zinemetan antolatu dugun emanaldian, eta zuzendariarekin batera Nagore Aranburu, Anartz Zuazua, Karlos Zabala eta Telmo Tola aktoreak bertan izango dira gainera», azaldu dute kontseiluko kideek. Emango dituzten beste filmak, Azucena de la Fuentek zuzendutako Sueño de una mujer despierta; Lluc Puig zuzendariaren Vive o muere; Iciar Bollainen Amores que matan; eta azkenik, Yolanda Blazquezen Bikoteak-Parejas film laburra izango dira. Berdintasunerako Kontseilutik jakinarazi dutenez, Niessen zinemetako hirugarren aretoan emango dituzte film guztiak, «bigarren aretorik handiena [...]

Pasaiako alkate Amaia Agirregabiria izango da presidenteordea eta Francisco Alonso zuzendari orokorra. Jaizkibia, Pasaiako badia biziberritzea helburu duen erakunde arteko elkarteak, bere administrazio kontseilua berritu du. Eusko Jaurlaritzako garraio kontseilari Iñaki Arriola izendatu dute presidente, eta Pasaiako alkate Amaia Agirregabiria izango da presidenteordea. Jaizkibiako administrazio kontseiluan Espainiako Estatuko, Eusko Jaurlaritzako eta Gipuzkoako Foru Aldundiko launa ordezkarik parte hartzen dute, eta Errenteria, Lezo, Irun, eta Pasaiako udalek ordezkari bana dute. Gonbidatu gisa, Donostiako, Oiartzungo eta Hondarribiko udalek, Portu Agintaritzak eta Gipuzkoako Komertzio Ganbarak parte hartzen dute. Zuzendari berria Aurretik aipatutakoez gain, badira ez ahotsik ez eta boto ahalmenik ez duten beste bi kargu Jaizkibiaren administrazio kontseiluan: zuzendaria eta idazkaria. Zuzendari orokorraren kargua ere izendatu berri dute. Erakundetik esan dutenez, orain arte elkarteko zuzendari teknikoa izan den Francisco Alonso izango da aurrerantzean Jaizkibiako zuzendari orokorra. Jaizkibiako administrazio kontseilua: partaideak eta ardurak Presidentea, Iñaki Arriola. Eusko Jaurlaritzako Etxebizitza, Garraio eta Herri Lanetako kontseilaria. Lehen presidenteordea, Amaia Agirregabiria. Pasaiako alkatea. Bigarren presidenteordea, Fernando Gonzalez. Estatuko Portuetako presidentea. Hirugarren presidenteordea, Juan Carlos Alduntzin. Ingurumen eta Lurralde Antolamendu diputatua. Juan Luis Sanchis. Ekonomia eta Ogasuneko ministerioaren ikuskaritza orokorra. Ernesto Gasco. Eusko Jaurlaritzako Garraio eta Herri Lanetako kontseilariordea. Felix Asensio. [...]

Donostikluba zirkuituaren barruan, Shotta MC-a Trintxerpe-Bidebietako Kontadores gaztelekuan izango da otsailaren 4an. Sevillako rapero ezagunak Profundo goiburuko azken diskoa aurkezten. Aurretik El cabron del barrio taldea ariko da. Sarrerak dagoeneko salgai jarri dituzte sarean, ticketmaster zerbitzuaren bitartez. Edonola ere nahi duenak kontzertuaren egunean bertan eros dezake, Kontadoresen. Ateak 20:20ean irekiko dituzte; ordu erdi beranduago hasiko da El cabron del barrioren saioa eta 21:45ean Shottaren kontzertua.


Otsailaren 11n Kaldereroen konpartsa Irunen ibiliko da eta dena ondo atera dadin, entsegua egingo dute datorren ostegunean (otsailak 2). Irungo Atsegiñak duen lokalean egingo dute entsegua, 19:30etik aurrera.

1.017.107 bisita izan ditu Irungo Udalaren www.irun.org webguneak 2011n. Hala, 2010 urtearekin alderatuz, %16,19 hazi da bisiten kopurua. Bisitariek gehien erabili dituzten zerbitzuak —hasierako orria izan da ikusiena—, Gazte Informazio Bulegoaren ...

Gaur, 10:00etan, Errenteria-Oreretako hainbat gazte bertako gaztetxean bildu dira, helburu batekin: bertan eskaladarako boulderra egitea. Gogotsu hasi dira lanean, baina aldez aurretik bazituzten hainbat gauza prestatuta. Honako bideoan ikus daitezke p...

Bixintxoak azken txapan sartu dira eta gaurko ekitaldi nagusia herri kirolena izango da. Ez da edonolako erakustaldia izanen, markak hausten saiatuko baitira kirolariak. Xabier Ostiz 210 kiloko harri angeluzuzenarekin saiatuko da. Sebastien Martikorena...

Otsailaren 12an Iñudeak eta Artzainak izango dira Irunen, eta desfilean parte hartzeko interesa duenak bihar Eraiki Dantza Taldearen egoitzara (Behobian) joan behar du 12:00etan.

Ipuin bidaia merke eta alaia ipuin kontaketa hartuko du Ikust Alaia udal liburutegiak, datorren otsailaren 8an, Amaia Arriaranen eskutik.

Saskibaloia Gipuzkoako txapelketa. Senior emakumeak. Lehen maila. Erroibide-Oiarso. Gipuzkoako txapelketa. Senior gizonak. Bigarren maila. Oiarso-Donosti Dolphins. Igandean, 11:45ean, Galtzarabordako kiroldegian. Futbola Erregional Preferentea ...

Jose Luis Galan Garciaren margo erakusketa hartuko du Euskadiko Kutxaren erakusketa aretoak otsailaren 7tik 19ra bitartean. Ordutegiak: Astelehenetik larunbatera: 18:00etik 21:00era Igande eta jaiegunetan: 11:30etik 13:30era