Berdintasunerako Kontseiluak hainbat ekimen antolatu ditu etzirako
Emakumeenganako indarkeriaren kontrako egunarekin bat egin du, eta film laburren emanaldia antolatu Etzi Emakumeenganako Indarkeriaren Kontrako Nazioarteko Eguna izango dela eta, Errenteriako Berdintasunerako Kontseiluak bat egin du udalerriko talde feministek zein emakume taldeek egun horretarako deitu duten elkarrateratzearekin. Niessen merkatalgunean izango da elkarrateratzea, 19:00etan, eta herritar guztiei parte hartzeko eskatu diete Berdintasunerako Kontseilutik, «emakumeenganako indarkeria adierazpen guztiak salatzeko». Film laburren emanaldia Errenteria-Oreretako talde feministek zein emakume taldeek deitutako elkarretaratzea ez da izango etzirako antolatuta dagoen ekimen bakarra. Herenegun Berdintasunerako Kontseiluak egindako agerraldian, egun horretarako film laburren emanaldia antolatu dutela jakinarazi zuen: «Film laburrak aukeratzeko garian, emakumeenganako indarkeria ikuspuntu ezberdinetatik lantzen dutela izan dugu kontuan». Guztira, bost film labur erakutsiko dituzte. Pablo Vijandek zuzendutako Albaitaria lana nabarmendu dute antolatzaileek. «Etzi, film horren aurre estreinaldia egingo dute Niessen zinemetan antolatu dugun emanaldian, eta zuzendariarekin batera Nagore Aranburu, Anartz Zuazua, Karlos Zabala eta Telmo Tola aktoreak bertan izango dira gainera», azaldu dute kontseiluko kideek. Emango dituzten beste filmak, Azucena de la Fuentek zuzendutako Sueño de una mujer despierta; Lluc Puig zuzendariaren Vive o muere; Iciar Bollainen Amores que matan; eta azkenik, Yolanda Blazquezen Bikoteak-Parejas film laburra izango dira. Berdintasunerako Kontseilutik jakinarazi dutenez, Niessen zinemetako hirugarren aretoan emango dituzte film guztiak, «bigarren aretorik handiena [...]
Errenteriako Berdintasunerako Kontseiluko kideak
Etzi Emakumeenganako Indarkeriaren Kontrako Nazioarteko Eguna izango dela eta, Errenteriako Berdintasunerako Kontseiluak bat egin du udalerriko talde feministek zein emakume taldeek egun horretarako deitu duten elkarrateratzearekin.
Niessen merkatalgunean izango da elkarrateratzea, 19:00etan, eta herritar guztiei parte hartzeko eskatu diete Berdintasunerako Kontseilutik, «emakumeenganako indarkeria adierazpen guztiak salatzeko».
Film laburren emanaldia
Errenteria-Oreretako talde feministek zein emakume taldeek deitutako elkarretaratzea ez da izango etzirako antolatuta dagoen ekimen bakarra. Herenegun Berdintasunerako Kontseiluak egindako agerraldian, egun horretarako film laburren emanaldia antolatu dutela jakinarazi zuen: «Film laburrak aukeratzeko garian, emakumeenganako indarkeria ikuspuntu ezberdinetatik lantzen dutela izan dugu kontuan».
Guztira, bost film labur erakutsiko dituzte. Pablo Vijandek zuzendutako Albaitaria lana nabarmendu dute antolatzaileek. «Etzi, film horren aurre estreinaldia egingo dute Niessen zinemetan antolatu dugun emanaldian, eta zuzendariarekin batera Nagore Aranburu, Anartz Zuazua, Karlos Zabala eta Telmo Tola aktoreak bertan izango dira gainera», azaldu dute kontseiluko kideek.
Emango dituzten beste filmak, Azucena de la Fuentek zuzendutako Sueño de una mujer despierta; Lluc Puig zuzendariaren Vive o muere; Iciar Bollainen Amores que matan; eta azkenik, Yolanda Blazquezen Bikoteak-Parejas film laburra izango dira. Berdintasunerako Kontseilutik jakinarazi dutenez, Niessen zinemetako hirugarren aretoan emango dituzte film guztiak, «bigarren aretorik handiena da hori, eta 300 lagunentzako tokia du», zehaztu dute. Emanaldiak doan izango dira, eta parte hartu nahi dutenek ez dute gonbidapenik behar.
Emanaldien ondoren, hurbildutako gutzien artean solasaldia antolatu dute Berdintasunerako Kontseiluko kideek: «Helburua, ikusitakoaren gaineko gogoetak partekatzea da, eta sortu daitezken kezka eta galderak erantzuten saiatzea».
Ikasleen lanekin erakusketa
Herriko ikastetxeetara ere zabaldu du Berdintasunerako Kontseiluak Emakumeenganako Indarkeriaren Kontrako Egunaren gaineko lanketa. Koldo Mitxelena eta Cristobal Gamongo seigarren mailako ikasleek eta Langaitz ikastolako DBHko lehenengo mailako ikasleek gaiaren gainean egindako muralak jarriko dituzte bihartik igandera arte Niessen merkatalgunean.
