2025eko abenduan onartutako mozioaren berririk ez dutela jaso salatu dute; elkartea azaroko udal osoko bilkurara aurkeztuko da.


Oiartzungo Euskara Biziberritzeko II. Plan Nagusia (EBPN) onartu zuen Udalbatzak herenegun, eta atzo aurkeztu zuten udaletxeko areto nagusian. Gurutze Mendizabal EMUNeko kideak, Aitziber Arnaiz teknikariak eta Irati Etxebeste Euskara zinegotziak izan z...

Pasaiako egungo portuaren jarduera defendatu du Jose Manuel Cortizok, baina garbi du hainbat hobekuntza egin behar direla CCOO sindikatuko lan arriskuen prebentziorako arduraduna eta Pasaiako portuko langilea da Jose Manuel Cortizo (Irun, 1959). Garbi du kanpoko kaia ez dela beharrezkoa, eta egungo kaiaren aldeko apustua egiten du. Baina beharrezkotzat jotzen du herritarren, eragileen eta sindikatuen inplikazioa, kanpoko kaia ez egiteko. Errenteria Bizirik eta Eguzki elkarteek antolatutako hitzaldian hizlari izan zen atzo Errenterian. Portuaren jarduera eta inguruko herritarren bizi-kalitatea uztartzerik ba al dago? Bai, eta hainbat portutan egiten dute hori. Pasaiako portua hiriko portua da; hau da, herriak daude azpiegituraren inguruan. Europan antzeko kasu asko daude, eta hiri horietako herritarrek ez dute eskatzen kaien jarduera toki bakartu batera eramatea. Portu horietan, zorrotz betetzen dituzte ingurumen eta lan arriskuen gaineko araudiak: neurgailuak dituzte, deskargen hautsaren eragina gutxitzeko pantailak dituzte, haizea dabilenean deskargak gelditzen dituzte… Hori guztia Pasaian egin daiteke. Pasaiako Portu Agintaritzak ez du hori egiteko interesik, ordea. Zergatik? Indar guztia kanpoko kaian jarri duelako. Interes ekonomiko handiak daude tartean: kaiaren eraikuntzan inbertsio handia egin beharko lukete, eta, hori finantzatzeko, egungo portuaren lurrak salduko lituzkete. Badia biziberritu baino gehiago, bertako lur eremuak saldu nahi dituzte, 4.000 etxebizitza egiteko, eta jarduera ekonomiko ez-publikoak [...]

Udazkeneko zozketa egin du Errenkoalde Errenteria-Oreretako merkataritza, ostalarita eta zerbitzu elkarteak. Horrenbestez, sari nagusia, 3.000 euroko erosketa txartela, 052.462 zenbakiarentzat izan da. Urtaro guztietan bezala, udazkenean ere erosketak ...

Bihar arratsaldean izango du partida Ereintza Lehen Nazional Mailako talde oreretarrak. Aurrean Beti Onak bosgarren sailkatua izango du. Partida 18:30ean hasiko da Atarrabiako (Nafarroa) Hermanos Indurain kiroldegian.

Elikagaien bankuak 2010eko memorian jaso duenez, hilabetero 16.000 pertsonari eman zien janaria iaz Gero eta gehiago dira beharra duten herritarrak. Gipuzkoan berez pobrezian bizi ziren pertsonei gehitu egin zaizkie krisialdi ekonomikoagatik diru sarrera gutxiago dituzten familiak; nabarmen, gainera. Beharrean dauden pertsona horiei guztiei sostengua ematen dietenen artean dago Gipuzkoako Elikagai Bankua: iaz, janari eskaria handitu arren, inoiz baino jende gehiagori eman zioten jatekoa. Hala, 2009an, batez beste eta hileko, elikagai bankuak 15.000 pertsonaren beharra ase zuen; 2010ean, berriz, 16.000rengana iritsi zen. Hau da, onuradun kopurua zehatza ez bada ere, iaz 192.000 laguni eman zizkioten behar-beharrezko elikagaiak Gipuzkoan. Iaz %188 handitu zen jasotako elikagai kopurua. Horixe dio, behintzat, bankuak kaleratu duen 2010eko memoriak. Gipuzkoako Elikagai Bankuaren egoitza nagusia Oiartzungo Lanbarren industrialdean dago —Bergaran beste egoitza bat ireki du aurten—. Apalez betetako biltegi erraldoi bat da, eta boluntarioek etenik gabe lan egiten dute han: boluntario gehienak erretiroa hartutako pertsonak dira. Herritarrek, erakundeek eta supermerkatuek ematen dizkiete jakiak, doan, eta bankuko boluntarioek sailkatu egiten dituzte Oiartzungo pabiloian; gero, janaria banatzen duten erakunde eta taldeei ematen dizkiete. Hala, zifra zehatzetan, Gipuzkoako Elikagai Bankuko kideek 1.113.900,94 kilo janari bildu zituzten iaz. «Oso pozik gaude iaz jaso genuenarekin; izan ere, 2009ko datuen aldean, jasotakoa nabarmen igo [...]

Ohorezko Erregional Mailako Oiartzunek Rotetaren kontrako partida jokatuko du bihar, 17:30ean. Rotetaren zelaian (Herreran). Sailkapeneko erdialdean daude oiartzuarrak bosgarren postuan, eta Roteta, aldiz, sailkapeneko behealdean dago, hamabosgarrena h...

Pasaian ostalaritza eta turismoa sustatzeko helburuz, hainbat proposamen helarazi dizkie PPk udalerriko gainontzeko indar politikoei, gerora babes ditzaten. PPko bozeramaile David Hernandezek azaldu duenez, proposamenak herriko ostalariekin batera adostutakoak dira. “Proposamen xumeak, dira, ez dira proiektu handiak. Borondate politikoaren kontua omen da, proposamenak gauzatzeak, ez omen duelako, PPren arabera, kostu ekonomiko handia. Udalerrirako sarrerak ondo identifikatzea eskatuko du PPk, Pasaiara heltzen diren bisitariak barruti bakoitzera nola heldu jakin dezaten “errepidetik bertatik”, popularren iritziz gaur egun dauden txartelak ez direlako nahikoak. Nekazal turismoa bultzatu nahi du baita ere PPk, Hernandezen arabera, Pasaiak horretarako behar diren ezaugarri guztiak biltzen dituelako. Begiratoki bat ere sortu nahiko lukete, Jaizkibelen, Lizeotik gertu “gure ingurune naturalaren ikuspegia izan dezagun”. Horrez gain, ibilbide turistikoak atondu beharko lituzketela uste du Hernandezek. Ipar Euskal Herrian sustatu nahiko luke PPk Pasaiaren irudia, Hendaia, Donibane Lohizune eta Biarritz inguruan, Hernandezen arabera, handik eros ahalmen handiko jendea erakar daitekeela uste baitu. Gipuzkoatik iritsi ohi den turismoari ere erreparatu dio Hernandez, eta Pasaiaren gaineko publizitate turistikoa zabaltzearen garrantzia nabarmendu du. “Horrekin guztiarekin batera, garrantzitsua deritzogu udalerriko kaleak garbi mantentzeari, eta espaloiak eta errepideak txukuntzeari, horrek, gure udalerriko irudia hobetu ez ezik, pasaitarren bizi kalitatea hobetuko duelako ere “, gaineratu du.

Euskararen Nazioarteko Eguna izango da bihar, eta Errenteriako Udalak berarekin bat egiteaz gain, konpromisoa hartu du “euskara sendotzeko neurri malguak eta politika egokiak bultzatzeko”. Horrekin batera, euskararen erabilera ere aldarrikatu du, “guztiona den hizkuntza, gizarte kohesiorako giltza bilakatuz, aniztasunean oinarritutako herria eraikitzeko”. Udalak eleaniztasuna defendatu du, eta hizkuntzen dibertsitatea babesteko euskara ere babestu eta sustatu beharra dagoela adierazi du. Ildo horretatik, herritarren gogoa indartu, euskaraz bizitzeko jarrera sustatu eta euskararen erabilera kalera eramateko ekimenak babestu nahi dituztela adierazi du udalak. “Errealitate horri erantzuten” saiatuko dela gaineratu du. Azken urteetan euskararen ezagutza eta erabileran “aurrerapauso sendo eta ikusgarriak” eman dira udalaren ustez, eta hori “ikuspegi ezberdinen arteko adostasunean du oinarri, adostasunik gabe ezinezkoa baita halako prozesu bat”. Hala ere, euskara erabiltzeko deialdia egin die udalak herritar guztiei “etxean, kalean, lanean, aisian eta edonon”. Gaineratu duenez, “herritarrok euskaraz bizi nahi dugulako biziko da euskara”.

Espainiako Estatuko Bigarren Mailan jokatzen duen Oiartzunek Marcilla Aurora taldearen kontra jokatuko du asteburu honi dagokion jardunaldia, ligako bederatzigarrena. Etxean jokatuko dute partida neskek, bihar 15:30ean, Karla Lekuona zelaian. Oiartzuar...

Luis Elberdinek Karmengo Amaren omenez konposatutako meza kantatuko du etzi, Trintxerpeko parrokiako emakumeen abesbatzak San Pedroko elizan, Sebas Salaberriaren zuzendaritzapean. Ondartxo Abesbatzak antolatutako Musika Abesbatza zikloaren barruko kontzertua da etzikoa, eta mezaren ondoren hasiko da, 13:00ak inguruan. Hiru ahotsetara abestuko dute meza, eta piezaren sortzailea bera, Josu Elberdin izango da organo jolea. Karmengo Amaren mezaz gain, Josu Elberdinek Haendel, Bach y Gorostidiren musika interpretatuko du, besteak beste.

Azken egunetako hotza eta elurra ez dira izan oztopo kirola egin eta entrenatzeko, eta horren adibide dira Hibaikako taldeen larunbateko irudi hauek.

Outlet Stock azokaren lehenbiziko ekitaldia izango da ostiraletik igandera bitartean, Ficoba erakustazokan. Azoka berri horrek 30 stand inguru elkartuko ditu modako oinetako, kirol, larru eta lehen markako produktu aukera zabala eskaintzeko asmoarekin. Hala, stockarekin amaitzeko xedearekin horietako batzuk %80ko beherapenak eskainiko dituzte. Ekitaldia 2. pabiloian garatuko da eta 1.500 metro koadro baino gehiago edukiko ditu. Horiek horrela, Jose Antonio Herbon Irungo Outlet Stockeko zuzendariaren esanetan, “inork ez dezala nahastu Outlet Stock azoka, azoka txiki batekin. Gure helburua produktu onak eskaintzea da, marka onekoak eta oso prezio lehiakorrean”. Eventos Hersyl enpresa galiziarrak antolatu du azoka, eta estatuko beste zenbait lekutan -Leon, Valladolid, Galizia…- arrakasta izan ondoren, Gipuzkoan saiakera egingo du. Ordutegia Outlet Stock otsailaren 10etik 12ra egingo da. Hilaren 10ean 16:30etik 21:00era irekiko ditu ateak; hilaren 11n eta 12an, berriz, 11:00etik 21:00era. Sarrerak 2 euroko prezioa du, eta 10 urtetik beherakoentzat doan izango da.

Iparraldeko Flamenko Elkarte Kulturalak Lorcako (Murtzia, Espainia) lurrikararengatik afektatuei laguntza emateko xedearekin afaria antolatu du.

El niño de la bicicleta (Txirrindaren mutila) luzemetraia izango da Amaia KZn, 20:00etan. Sarrerak Telekutxa, Servikutxa, www.irun.org, Turismo Bulegoan, www.kutxa.net weborrian eta Amaian bertan eros daitezke, 4,60eurotan.

Hiru lagun atxilotu zituen Espainiako Poliziak atzo, droga trafikoa egotzita. Atxilotuak, ustez Irunen eta Donostian saltzen zuten droga. Poliziak Irungo 2. Instrukzio Epaitegiaren esku utzi ditu akusatuak. Hala, Espainiako Poliziak jakinarazi duenez, ...

Allerru mendi taldeak irteera egingo du igande honetan Aralar aldera. Elurretako irteera izena jarri diote txangoari. Mendi taldeak jakinarazi duenez, egun osorako mendi irteera izango da. Hala, Ijurkoko kioskotik irtengo dira, 08:30etik aurrera. Arala...

Hainba musika tresna ezagutzeko aukera izango dute bertara hurbiltzen direnek. Josebe Iragorri txokolategiko arduradunetako batek, mosugitarra nola jotzen den ere erakutsi digu.

Mikelazulo Kultur Elkarteak antolatuta, eta Mikelazuloko Gosariak ekimenaren barruan, Umbrales. Fugas de la institución total; entre captura y vida liburua aurkeztuko dute igandean, goizeko hamar eta erdietatik aurrera. Liburu hori osatzen duten hemer...

Inaxio Garmendia EMKE Errenteria Musika Kultur Elkartearen bandako klarinete jotzaileak azken kontzertua joko du bandarekin, etzi arratsaldean, Fatimako Andra Mariaren elizan. Emanaldia doan da, eta 20:30ean hasiko da. Azken kontzertua dela eta, EMKEk ...