2025eko abenduan onartutako mozioaren berririk ez dutela jaso salatu dute; elkartea azaroko udal osoko bilkurara aurkeztuko da.


Gabonetako saskibaloi txapelketa antolatu zuen Oiarsok joan den astean, eta bera izan zen talde guztien artean onena: Oiartzungo Saskilagunak-en kontra irabazi zuen finala, 75-69. Partida osoan zehar izan ziren nagusi Oiarsokoak. Lau taldek parte hartu...

Tradizioari eutsiz, V. Doinu Zahar eta XXXI. Euskadiko Aurresku txapelketen irabazleek, Nagore Indakoetxea eta Aitor Arrietak, hurrenez hurren, eurek irabazitako sariak Errenteriako herriari emango dizkiete gaur arratsaldean, 17:30etik aurrera. Indakoe...

Ficoba erakustazokak urtero antolatutako Pin Pan Pun Eguberrietako Haur Parkeak (EHP) 10.740 bisitari jaso ondoren ateak itxi ditu. Abenduaren 19an ikasleentzako bakarrik ireki zuten arren, abenduaren 21etik urtarrilaren 4a arte pertsona orok parte hartu ahal izan du eskainitako jardueretan. Hala, konten agertu da Elena Casuso EHPko zuzendaria: “Oso pozik gaude bai gure EHPk berriz bildu duen lagun kopuruarengatik, bai edizio horretarako antolatu ditugun jarduera guztiek izan duten harrerarengatik”. Era guztietako jarduerak Antolatzaileek adierazi dutenez, bisitariek gehien baloratu dutena erakustazokak eskainitako instalazioen zabaltasuna izan da. “Horri esker erosotasunez gozatu ahal izan da Ficobako hiru pabiloiak bete dituzten jarduera ludiko eta hezigarrien eskaintza zabalaz”. Horiek horrela, 3 eta 14 urte bitarteko ume eta gaztetxoentzako aisialdirako jarduerak eskaini ditu parkeak, entretenimendua eta ariketa didaktikoak uztartuz. Elkartasuna, ingurumena, berdintasuna eta osasuna ardatz hartuta, hiru pabilioietan zehar banatutako jolasak aurrera eraman ahal izan dituzte Irungo zein inguruetako txikienek.

Hiriak krisiari eusten jakin izan diola goraipatu du alkateak 2011ko balantzea egiterako orduan Urtarrileko lehen astea amaitu berri den urteko balantzea egiteko aproposa izaten da. Norberak bere atzera begirada egiten duen bezala, hori bera egin zuen Jose Antonio Santano Irungo alkateak, kanpaikaden aurretik kazetariekin eginiko bileran. Irunentzako 2011 urte gogorra izan da alkatearen ustez, baina hiriak krisiari eusten jakin izan diola nabarmendu zuen. ETA erakundeak armak uztea izan da, beretzat, urteko albiste onena. ETAren erabakia joan den urteko albisterik garrantzitsuena izan zela argudiatzeko azalpenak eman zituen alkateak: “Pertsona askorentzako sekulako lasaigarria izateaz gain, gizarte bezala asko irabazi dugu, egoera jasanezina zelako”. Etorkizunari begira, elkarbizitza eta zauriak sendatzea erronka nagusiak direla nabarmendu zuen alkateak: “Denekin kontatu behar da, inor baztertu gabe”. 2012 “bakea sendotzeko” urte garrantzitsua izatea espero du. Irun erre zutela 75 urte bete ziren iaz, eta 1936ko gerran atxilotu eta fusilatu zituzten Evaristo Larrañaga eta Florencio Iratxeta bi zinegotzi irundarrei, omenaldia egin zitzaiela gogoratu zuen ere. “Demokraziaren alde lan egin zuten bi pertsonen oroimena berreskuratzeko ekitaldia” izan zela adierazi, eta bide berean urrats gehiago eman behar direla gaineratu zuen Santanok. Krisi latza, hiri indartsua Krisi ekonomikoa dela eta, 2011 “urte latza” izan dela nabarmendu du Santanok, eta ez zuen [...]

Bost seme, hamalau biloba eta beste hamalau birbiloba ditu abenduaren 28an 100 urte bete zituen Margarita Vazquez hondarribiarrak. Hala, egun berezia izan zen iragan asteazkenekoa Vazquezek bizitu zuena. Etxean eta familia giroan ospatu zituen 100 urteak, eta Margaritaren sasoi ona miretsi zuten. Gainera, Juan Mari Altuna, Lupe Olaskoaga eta Katrin Martinez udaleko zinegotziak ere hurbildu ziren omenduaren etxera, eta lore sorta bat eman zioten.

Helitt airelinea andaluziarra herenegun hasi zen Hondarribiko aireportuan lanean. Astean bi hegaldi eskainiko ditu Bartzelonara, astearte eta ostegunero: 10:45ean aterako da hegazkina Bartzelonatik, eta 12:55ean, Hondarribitik bi egun horietan. Gainera, Hondarribia-Madril hegaldia hilaren 20an inauguratuko dute, eta beste bi hegaldi jarriko dituzte erabiltzaileek aukeratzeko, asteazken eta ostiralero. Madriletik 11:35ean aterako da bi egun horietan hegazkina, eta 13:15ean Hondarribitik. Hala, konpainia andaluziarra Iberiak azken urteetan Hondarribiko aireportuan izan duen monopolioarekin hausten saiatuko da. Bartzelona eta Madril Konpainiako presidente Abel Pizarro herenegun iritsi zen Bartzelonatik, beste bidaiariekin batera, Hondarribiko aireportura. Hala, Helittek datozen hiru hilabetean Bartzelona edo Madrilera hegaldi bat eskainiko du ia egunero: «Ez gaituzte erronkek izutzen, ez beste enpresen lehiatzea ere, eta ezta prezioak jaistea ere, prezioak jaitsi daitezkeelako». Pizarroren arabera, Hondarribiko aireportuak «urte asko darama gehiegizko prezioak jasaten, eta Helitt horiek jaistera dator. Zentzu honetan apustua egin nahi dugu». Hiru tarifa Konpainiak txartelak erosteko leihatila jarri du Hondarribiko aireportuan bertan. Gainera, bidaiariek Internet bidez hiru txartel aukera ditzakete: azken ordukoak, irekiagoak edo itxiagoak, eta ekipaje fakturatuak. Bartzelonara bidaiak 40 euroko prezioa du, eta Madrilera, 50ekoa. Ibildide berriak eskaintzeko aukera ere dagoela azaldu zuen Pizarrok herenegun: «Herrialdeko erakunde publikoekin harremanetan jarri gara, eta Espainiako bestelako norakoak begiratu ditugu, baina poliki-poliki [...]

Poxpolo eta Mokolo pailazoen emanaldia izango da etzi Itsas Etxeko auditoriumean, 18:00etatik aurrera. Sarreren salmenta saioa hasi baino ordubete lehenago izango da. Hiru euroko prezioa dute.

FUTBOLA (abenduak 17-18) Ohorezko Erregional Maila. Pasaia-Oiartzun: 3-0 (Laugarren postura jaitsi dira oiartzuarrak). Espainiako Estatuko Emakumeen Bigarren Maila. Oiartzun-San Ignacio: 0-1. SASKIBALOIA (abenduak 17-18) Hirugarren Maila. Zarautz-...

Gabonetako loteriarekin batera, Ereintza eskubaloiak ere saskia zozkatu zuen, eta Mikel del Val izan zen irabazlea. Bestalde, atzo, Bankoa Gabon Kopa jokatu zuten Haur eta Alebin mailetan. Ereintzako haurrek Elgoibar eta Oñati taldeen kontra jokatu zu...

Oiarpeko Oier Sarasti eta Ander Imaz pilotari gazteek ezin izan dute Gipuzkoako Pilota Txapelketako finala irabazi. Zazpi Iturriko Iribarriak eta Tolosak irabazi zieten, 22-7. Bestalde, Imanol Ugalde eta Ekain Etxeberria Haur Mailako pilotari oiartzuar...

Almitza Sega Elkarteak jakinarazi duenez, larunbateko herri kirol jaialdia ez da izango 19:00etan, 20:00etan baizik. Lehenengo, Segagintza Europan dokumentala emango dute, Almitzaren lanaren gainekoa, ordu erdi ingurukoa. Ondoren jokatuko dute bertso-p...

Irungo Udalak Eguzkitza eskolaren eraikin berriaren kudeaketa jaso duela jakinarazi du. Horrela, laster izango den ikastetxearen irekierarekin bat eginez, Jose Antonio Santano alkateak eremu horretarako azpiegitura berrien proiektua onartu du. Hala, azpiegitura horiek segurtasun arrazoiengatik ezarriko direla adierazi dute Irungo Udaletik, «ikastetxearen aldetik egindako eskariari erantzuteko» xedearekin. Ikastetxeko autobusarentzat zuzendutako aparkalekua egokituko da, eta era horretan ibilgailuek sarbide egoki bat ere izango dutela adierazi dute. Halaber, ikastetxeko oinezkoen sarbidea ere atonduko dute. Aaurreikuspenen arabera, 38.985,77 euroko aurrekontua beharko da lanak aurrera ateratzeko.

Irungo Hiritar Foroak Qué nos dicen los glaciares (Glaziarrek zer esaten digute) ikus-entzuneko lana emango du hilaren 9an, Amaia KZn (19:00). Historian zehar glaziarrek pairatutako eboluzioari erreparatuta, berotegi efektuaren eta klima aldaketaren g...

Nicolas Gerendiain Irungo elkarte errepublikarrak Republicados antzezlana antolatu du iganderako, Amaia KZn, 19:00etatik aurrera. Teatro Interior konpainiak emango du 27ko Belaunaldia-ren gaineko antzezlana. Sarrerak, 5 euroan.

Urte ohiko batzarra egingo dute, igandean, Beraun Bera elkartean. Bi deialdi egin ditu zuzendaritzak: 10:45ean lehena, eta 11:000etan bigarrena.

Kaldereroen txanda etzi izango da; inudeak eta artzainek, berriz, igandean ibiliko dira herriko kaleetan Inauterien ondoren iritsiko dira kaldereroak aurten herrira. Etzi arratsaldean. Eta artzainen eta inudeen txanda izango da, berriz, igande goizean....

Udaberria gainean dela kontuan hartuz, Zintzilik Irratia urtaro horretarako programazioa prestatzen hasi da, eta herritarrengana ere zuzendu du deialdi bera. Hala, etzi elkartuko dira Zintzilik Irratian bertan (Tomas Lopez kalean, Perratoki zaharrean),...

Santiagotarrak Arraun Elkarteak antolatuta, ur lasaietako piraguismo Euskadiko Fondo Txapelketa egingo dute etzi Irunen, joan zen astean Zumaian egin zuten Gipuzkoakoari jarraipena emanez. Irungo lehiaketa azken testa izango da hilaren 17an eta 18an Se...

Euskal Rock gaualdia antolatu du Lanetik Egina musika elkarteak, Euskararen Hilabetearen barruan. Jaialdia, hilaren 3an izanen da, larunbatarekin, Merkatu Zaharrean (21:00). Willis Drummond, Mutürbeltz eta Don’t Save The Queen taldeak ariko dira bertan, euskal rockaren omenezko gaua alaitzeko prest. Horiek horrela, Willis Drummond-ekoek, Instanteak hirugarren diskoa aurkeztuko dute. Iñigo Agirrebalzategi (The Hot Dogs) eta Mikel Larratxe (Sexty Sexers) musikariek osatutako Mutürbeltz taldeak ere Amildegia maite disko berriko doinuak eskainiko dituzte. Don’t Save the Queen lapurtarrek itxiko dute jaialdia. Sarrerak bost euroan salgai dira Lanetik Egina elkarteko kideentzat, eta zortzi euroan ordea, kide ez direnentzat.

370 izan dira Muliaten eraikitzen ari diren gizarte alokairuko 25 etxebizitzen zozketara aurkeztu diren Hondarribiko familiak. Horietatik 60 kanpo geratu dira baldintza ekonomikoak ez betetzeagatik: horietatik 50 familia egiaztatutako diru sarrerak 25.000 eurotik gorakoak zirelako; beste zazpi familia 3.000 eurotara iristen ez zirelako, eta hiru eskatzen ziren diru sarrerak egiaztatu ez dituztelako. Zozketan sartuko diren familien kopuru zehatza oraindik ez da behin betikoa. Izan ere, 57 familiaren diru sarrerak 22.000 eta 28.000 euro bitartekoak dira, eta sarreren muga 25.000eurokoa denean. Beraz, Aitor Kerejeta alkatearen iritziz, azkenik 300 bat eskaera izango dira Muliateko etxebizitza horietarako. Eskaeren %63 pertsona bakarreko bizikidetza unitateak dira, %21,35 bi kidekoak, %13,51 hiru edo laukoak, eta %2,16 bosteko eta bostetik gorako bizikidetza unitateak. Eskaera egileen batez besteko diru sarrerak 17.493 eurokoak dira. Bestetik, 123 eskaera 35 urte baino gutxiago dituzten pertsonenank dira, 63k 4 urtetik gora daramatzate Etxebiden izena emanda, 29 guraso bakarreko familiak dira, eta bostek ezintasun fisikoak dituzte. Zozketa, Hondarribian Eusko Jaurlaritzak onartu eta baztertuen agindua argitaratuko du, eta horren atzetik hilabete beteko epea izango da alegazioak egiteko. Behin betiko zerrenda argitaratuta, zozketa egingo dute, jendaurrean. Hondarribian egingo da, baina Eusko Jaurlaritzako Etxebizitza, Herri Lan eta Garraio Sailak antolatuta, berak baitu etxebizitzen kudeaketa eskumena. Zozketa [...]