2025eko abenduan onartutako mozioaren berririk ez dutela jaso salatu dute; elkartea azaroko udal osoko bilkurara aurkeztuko da.


Bertso saio arrakastatsua antolatu zuen pasa den larunbatean Mañontzi bertso eskolak, Aitor Sarriegi, Jon Maia, Anjel Mari Peñagarikano eta Aitor Mendiluze bertsolariekin. Gezala Auditoriuma guztiz bete ez bazuten ere, itxura txukuna izan zuen aretoa...

Dejabu antzerki taldearen Gure bide galduak antzezlanak lortu du aurten, Donostia Antzerki Saria: hiriburuan taularatutako euskarazko antzezlan onenak saritzen ditu. Gaur ezagutarazi dute zein obra izan den irabazlea, baina saria bera martxoaren 27an j...

Almitza Sega Elkarteak antolatu du, 3rako; bideo txiki bat emanda, partida bertsolariek girotuko dute Jaialdia. Larunbatean (martxoak 3), 19:00etan, Madalensoron. Hasteko, bideo emanaldia. Almitza elkartearen jarduna. Ondoren, bertso-pilota partida. Pilotariak: Mikel Goñi, eta Mikel Martinez eta Iñigo Ugalde oiartzuarrak. Botilero-bertsolariak: Anjel Mari Peñagarikano eta Ander Lizarralde. Oiartzun Almitza Sega Elkarteak bere jarduna erakusteko jaialdia antolatu du. Beste ekitaldi batzuen artean, Mikel Goñi pilotariak, Oiartzungo bi pilotari gazteren kontrako partida jokatu du larunbatean, Madalensoron. Almitza sega taldea 1996an hasi zen elkartzen talde gisa. Zaldibia izan da talde horren sehaska edo bilgunea, batik bat bere sorreran, eta Europa aldean antolatu ohi diren sega txapelketetan parte hartu edo lehiatzeko helburuarekin sortu zen. Almitza Sega Elkartea 2001.urtean sortu zen ofizialki, 30 bazkiderekin. Almitza elkarteak antolatzen dituen eta parte hartu izan duen ekitaldi guztietan Euskal Herriaren herri izaera ezagutarazi nahi izan du: «Horretarako, sega taldeaz gain, dantzari, trikitilari, txistulari, joaldun, dultzainari, txalapartari…eta beste askoren esku hartzea ziurtatu dugu. Harri jasotzaileek, aizkolariek eta trontzalariek ere parte hartu izan dute». Sega elkartearen sorrera berria bada ere, elkarte horren sortzaileek segalaritza munduan eskarmentu handia dute: «Herri kirolaren munduak bizirik iraun dezan hainbat ahalegin egindakoak baitira: Euskal Herri mailako lehiaketetan parte hartuz, apustuak gauzatuz eta mota desberdinetako txapelketak antolatuz…». Bideoa, [...]

Garaipena esku artean izan zuen Hondarribia-Irunek larunbatean, Hondartzan, Soller Bon Diaren aurka jokatu zuen partidan. Baina kantxa faktorea alde bazuten ere, azken unean galdu zuten Pepelu Mujikaren neskek (61-64). Ia partida osoan aurretik joan zi...

Agenda arazoak direla eta, Hondarribiko Udaleko gobernu taldeak Alde Zaharreko bizilagunekin atzo egin beharreko bilera bertan behera utzi zuen, eta datorren astelehenean egingo dute batzarra, 19:00etan. Herriko bizilagunekin hasitako bileretatik lauga...

Pista Estaliko Espainiako Aletismo Txapelketan parte hartu dute Bidasoa Atletismo Taldeko (BAT) Teresa Errandoeneak eta Olatz Arrietak. 60 metro hesi lasterketan lehiatu dira irundarrak, eta Errandoenea juniorraren kasuan, azkeneko hesian estroputz egin ondoren laugarren postua eskuratu du 8.78ko denborarekin. Arrieta seniorrak aldiz, bosgarren postua eskuratu du. Bidasoa Atletismo Taldea 20. postuan sailkatu da asteburuko txapelketan.

Saskibaloia Gipuzkoako txapelketa. Senior emakumeak. A-2. Laugarren taldea. Oiarso-Bilintx 40-60. Gipuzkoako txapelketa. Senior gizonak. Bigarren maila. Oiarso-Kostkas Inter 72-42. Eskubaloia Senior gizonak. Lehen Nazional Maila. Bigara Pulpo-Erei...

Gipuzkoa Zero Zabor-i buruzko hitzaldia emango dute etzi arratsaldean Gezala Auditoriumean, 19:00etatik aurrera. Lurraldean ahalik eta zabor gutxien sortzeko taldeko kideek emango dute hitzaldia. Bertan, mugimendu horrek aurrera daraman lana azalduko d...

Hamarnaka herritarrek egin zioten harrera Joseba Agudo abokatu eta preso ohiari joan den ostiralean. Abokatu oreretarrak preso egon den bitartean jasotako elkartasuna eskertu zuen, eta euskal preso eta iheslariak etxeratzeko lanean jarraitzeko deia luz...

Iazko azaroaren 5 eta 6an izandako uholdeek eragindako kalteak konpontzeko udalak diru laguntzak eskatuko dizkio aldundiari, eta hain zuzen, alkatetzak egindako proposamen hori aztertuko dute gaur arratsaldeko udalbatzarrean zinegotziek. 18:30ean hasik...

Serviocio eta Udal Kirol Patronatuak antolatuta, ostiralean , 20:00etatik aurrera, Gora Rocka spinning master class emango dute Galtzarabordako kiroldegian, spinning aretoan. Kirola egiteaz gain, beraz, “rockaren historiako talderik onenei eta ab...

Zinema Paradisok The Artist filma hautatu du udaberriko zikloa ixteko. Ostiralean izango da, 20:00etan, Amaia Kultur Zentroko areto nagusian. Sarrerak dagoeneko eros daitezke ohiko lekuetan, 4.60 euroko prezioan. Aurtengo Oscar sarietan bost ikur irabazi zituen The Artist filmak, bostak atal garrantzitsuetan: film onena, zuzendaria, aktorea (Jean Dujardin), soinu banda eta jantziak). Gainera, hiru Urrezko Globo, Donostiako Zinemaldiko Publikoaren Saria, eta beste hainbat sari ere iarabazi ditu. Film mutua eta zuribeltzezkoa da, zine kritikari gehienentzat “liluragarria”, eta publikoaren aldertik erantzun oso ona izan duena. Sinopsia: Hollywood, 1927. George Valentin zine mutuko izar handi bat da; dena oso ondo doakio bizitzan. Baina soinudun zinema iritsi zenean, bere karrerak ahanzturan galdua geratzeko arriskua du. Bestalde, Peppy Miller antzezle gaztea, Valentinen ondoan estra modura hasia, soinudun zinearen izar bilakatzen da.

Iazko irailetik ez dago TAOko langilerik hirian. Portuan eta Alde Zaharrean urte osorako kontrola jarri zutenetik, Udaltzaingoa da hori egiteko ardura duena. «Udaltzain gehiago kontratatu ditugu, adibidez, Portuko obran koordinaketa lanak egiteko», azaldu du Juan Maria Altunak, Zerbitzuetako zinegotziak. Hala, «udaltzainak Bentan berriz ere isunak jartzen» hasi direla esan du Bilduk. Udaltzaingoak TAOko langileak hartzen ditu Aste Santutik irailera arte, baina aurten uda sasoirako soilik hartuko ditu. «Lehiaketa egiteko asmoa dugu. Ekainetik abuztua bukaera arte lan egingo dute. Hala ere, zain gaude Jaurlaritzatik zer esango diguten, jakin behar baitugu zein gune kontrolatuko dituen Jaurlaritzak, eta zein udalak», adierazi du Altunak. Radar finkoak Iragan astean, bizilagunen kexak jaso ondoren, radar finkoak jarri zituen udalak autoek abiadura handia hartzen duten tokietan: Labrederren, Txiplaun eta Amuten. «Datorren astean, CEMetik (Espainiako Meteorologia Zentroa) etorriko dira homologazioa ematera, eta gero hasiko dira martxan. Asmoa abiadurak jaistea, arauak errespetatea eta segurtasuna hobetzea da», argitu du Zerbitzuetako zinegotziak. Zirkulazio aldaketak Hondarribiko auzoetan egiten ari diren lanek, zirkulazio aldaketak eragin dituzte hiriko hainbat puntutan. Horien gaineko balorazioa egin du udalak Hitza-k hala eskatuta: «Oro har, herritarrek ondo hartu dituzte aldaketak. Etxean bertan aparkatzeko edo bertara hurbiltzeko ohitura duenak beti ditu kexak zirkularioan aldaketak egiten direnean, eta hori ezin [...]

Antxoko Herrirak jakinarazi berri duenez, aurki, ostiraleko mobilizazioei buruzko proposamena kaleratuko dute, azaldu dutenez, mobilizazioak “gure aldarrikapenekin bat egiten duten guztion neurrira egin” asmoz. proposamena jaso eta iritzia eman nahi duten guztientzat ondoko helbidea zabaldu dute:pasaiantxokoherrira@gmail.com. Ostiralean, hilabeterako azken ostiraletan egin ohi den legez, kartelada izango da Antxon, 20:00etan, Gure Zumarditik abiatuta.

Habaneren doinuak lagunduta eman zioten atzo azken agurra Luxiano Eizagirre iheslariari. Donibanen itsasoratu zituzten haren errautsak.

Nazioarteko Preso Politikeon Egunaren harira, asteazkenean Mousa Abu Marya palestinarrak herria bisitatuko du, eta hitzaldi bat emango du Xenpelar Etxean, 19:30etik aurrera. Oarsoaldeko Askapenak antolatu du ekitaldi hori. Erakundetik jakinarazi dutene...

Ttur-ttur Euskaltzaleon Bilguneak hamar urte betetzen ditu aurten, euskararen alde lanean. Hori ospatzeko, urte osorako egitaraua prestatzen ari da: film emanaldia, argazki erakusketa, Udazken Jaia… Horrez gain, irudi berria du. Betikoa moldatu, eta hamargarren urteurrena dela gogoraraziko die, hala, herritarrei. Urte osoan erabiliko dute. Bestalde, Facebook kontua (Ttur-ttur Euskaltzaleon Bilgunea) sortu dute, herritarrei eurei buruzko informazioa eta ekintzen berri emateko.