Ezker Anitzak Nicolas Gerendiain Irungo Errepublikarrak elkarteak antolatutako argazki erakusketaren aurkako erasoak gaitzetsi ditu.


Lehen Erregionaleko Igoera Fasea jokatzen ari da Hondarribia B taldea. Hala, igandean Zarautz taldea jasoko du Ondartzan 16:30etik aurrera.

Luzuriagako orubean azaldu diren bide zuloak konpontzeko lanak direla eta, astelehenean, hilak 14, orain konpontzen ari diren eremuaren erdia aparkatzeko zabalduko da eta beste erdia kotxez hustuko dutela jakinarazi dute Antxoko alkateorde Izaskun Biur...

Astelehenetan Zumardian egiten duten merkatuarekin batera, eskulangintza tailerrak egingo dituzte datozen asteetan. Hain zuzen, astelehenean bertan izango da lehenengoa. Zurezko jostailuak, metalizatutako hosto naturalak eta larrua dira tailerren gai...

Ekainaren 23tik 30era Aiton Borda Lezoko zaharren elkarteak Benidormera bidaia antolatu du. Izena eman eta lehenengo zatia ordaindu dutenek, bigarrena pagatu beharko dute datorren astean. Zehazki, asteazkenetik ostiralera pasatu beharko du Aiton Bordar...

Joxe Kruz Sarasolak Pikoketan duen publimetroak metro koadroko 439 euri litro jaso zituen apirilean. 2011ko hilabete berean 145 litro egin zituen, beraz, aurten 294 euri litro gehiago bota ditu. Apirilean, egun bakarrean ez zuen euria egin: hilaren 1ea...

Erraldoi eta buruhandi erakusketa herriko saltokietan

Oiartzunek Tellatuberriren kontra jokatuko du denboraldiko azkeneko partida. Bihar izango da norgehiagoka, 17:30ean, Elorsoro kiroldegian. Lider dira oiartzuarrak. Power Rangersek ere asteburuan jokatuko du denboraldiko azken lehia. Etxean izango du pa...

Hondarribiko DYAk osasunaren eta istripuen prebentzioaren aldeko ekimenak antolatu ditu hirian. Gaur, arratsaldeko zazpietatik aurrera, hitzaldia izango da Hondarribiko DYAn. Bihar, istripu baten simulazioa egingo dute. Izena emateko 943 46 46 22 telef...

Tomas Garbizu Lezoko Musika Eskolako hainbat ikasle Orion izango dira bihar. Izan ere, trikiti eta pandero topaketan hartuko dute parte. Goizean kalejira egingo dute herriko kaleetatik zehar.

Bihar hasiko da Musikaste euskal musikaren astea. Urteurren biribila beteko du, gainera: 40. ekitaldia izango da. Xenpelar Etxean hasiko da, 12:30ean. Memoria musikalaren transmisioa izango da hasiera ekitaldiaren gaia, eta azalpenak emateaz gain, Maddi Oihenartek errezitalditxo bat egingo du Zuberoako kantuekin. “40 urtez etenik gabe” aritzea nabarmendu zuen musika astearen aurkezpenean Mari Karmen Garmendia Andra Mari Abesbatzako kideak. Eresbilen zein erakundeen esfortzua txalotu zuen, krisi garaian egonda ere, “imajinazioarekin” aurrera atera dutelako. Gizarteari egiten dion “aportazioa” ere aipatu zuen. Ildo berean hitz egin zuen Julen Mendoza Errenteriako alkateak. Eresbil zoriontzeaz gain, krisiarekin egitarau “ona” osatu dutela txalotu zuen. Horrez gain, musikaren astea Errenterian kokatzeagatik eskerrak eman zituen alkateak. Gainera, Musikaste kalera ateratzea “urrats garrantzitsutzat” definitu zuen. Euren ondoren Musikaste eta Eresbileko zuzendari Jon Baguesek hartu zuen hitza atzoko aurkezpenean. Aurtengo ekitaldian hamasei musikagileren lanak entzun ahal izango dira, eta bederatzi obra estreinatuko dituzte: “Aurten, 400 musikagileren muga gaindituko dugu Musikasteren historian”. Etzi bandentzako nazioarteko sarien irabazleen piezak estreinatuko dituzte Foru plazan. Astelehenean sei musikagile gazteren estreinaldiaren txanda izango da. Asteartean hiru euskal emakume musikagileren konposizioak berreskuratuko dituzte. Bestetik, ostegunean, Euskal Herrian, Done Jakue bidea ardatz hartuta, orain dela 500 urte entzuten zen musika eramango dute Errenteria Hiria Kulturgunera. Itxiera ekitaldiaren [...]

Agintaldiaren lehenengo urtearen errepasoa egin du alkateak. Momentu onak eta gogorrak bizi izan ditu Udal Gobernu Taldeak epe horretan. Aiora Perez de San Roman (Oiartzun, 1978) lehen alkate emakumea izan da Oiartzunen. Urtebete darama karguan, ekainaren 11n bete zuen urtea, eta denbora tarte horretan berak eta Udal Gobernu Taldeak egindako lanaren errepasoa egin du. Urtebete pasatu da legegintzaldia hasi zenetik. Zer nolako balantzea egiten duzue urte honi buruz? Balantze positiboa egiten dugu. Nik uste dut kontuan eduki behar dela talde berria izan garela. Herrigintzan, euskalgintzan… esperientzia baduen jendea bazegoen, baina udalgintzan ez genuen esperientziarik. Egia da ere, udaletxeak sekulako erritmoa daukala, oso azkar doa, eta orain, egokitzen hasi garenerako, ohitzen erritmo horretara, urtebete pasatu da. Hala ere, ez dugu ukatuko momentu txarrak izan ez direnik. Momentu gogorrak ere pasatu ditugu. Momentu gogor horietako batzuk, ziur, krisiaren eraginez sortutakoak izan direla. Nola dago egoera? Egia esan krisiak eragina izan du. Aurreko legegintzaldiko kudeaketa jarraitzen hasi ginen. Izan ere, haiek hasi ziren legegintzaldi bukaeran murrizketak egiten. Guk hori jarraitu genuen, eta nahikotzat genituen haiek hartutako neurriak, baina ez zen nahikoa izan. Hala, 2012rako aurrekontuetan murrizketak egin behar izan ditugu. Murrizketa horiek aplikatzea eta jendeari azaltzea gogorra izango zen, ezta? Bai, bai. Garaiak [...]

Etzi, ostirala 18:00. Txupinazoa eta traka. 18:05. Brindisa, Altzibarko Jai Batzordearen kontura. 18:30. Sabel-dantza erakustaldia. 20:00. Kartelada. 20:30. Afari-merienda. Tortilla etxetik eraman behar du norberak, eta Jai Batzordeak sardinak jarriko ditu. Afarian zehar itsaski-jana zozkatuko dute. 21:30. Dantzaldia, Modestorekin. 23:00. Kontzertuak, Gaztelekuko txosnan: Mil Demonios, Basura eta Ghetto Boys. Ondoren. DJ Festa: DJ Txely Inziart eta DJ uVe. Etzidamu, larunbata 10:30. Altzibarko Haur eta Gaztetxoen III. Duatloia. Bidegorriko sarreran. 12:00. Soinuenea Herri Musikaren Txokoaren kontzertu didaktikoa, familientzat. 13:00. Toka Txapelketa. 14:00. Erretiratuen bazkaria, Anixetan. 16:30. XXVII. Truk Txapelketa, Esku Garbia elkartean. 12 euro bikoteko, eta izen-ematea 16:15ean itxiko dute. 16:30. I. Futbito Txapelketa, gaztetxoentzat. 17:00. Haur jolasak, Ttaken eskutik. 18:00. Danborreroen txupinazoa eta poteoa, txaranga, erraldoi eta buruhandien laguntzarekin. 20:00. Haur eta helduen danborrada. 21:30. Afaria: plater konbinatuak, kazulatxoak, oilasko hanburgesak, txerrikumea… 00:00. Zezensuzkoa. Ondoren. Dantzaldia, Ostadar taldearekin. 03:30. Kantu jira DJ Altziren eskutik eta zizka-mizkak. Igandea, uztailak 1 09:00. Diana. 10:30. Meza, auzoko hildakoen omenez. 11:30. Altzibarko I. Pintxo Txapelketa. Partaide bakoitzak pintxo bereko bost razio eraman beharko ditu. Saria: bazkaria bi lagunentzat, Matteo jatetxean. 12:00. Euskal dantza eta mutxikoak, Haurtzaro Dantza Taldea eta Helduen Tailerren eskutik. 12:30. Idi-dema: Jexux Garaiar Mixiyua eta Eneko Artola. 14:00. Bazkaria plazan: plater [...]

Udan murgildu gara jadanik, eta Altamira auzoan ongi etorri ekitaldia egiteko asmoa daukate. Horretarako, paella jate erraldoia antolatu du Altzate auzo elkarteak larunbaterako. Auzoan inoiz egin den otordurik handiena egiteko asmoarekin antolatu dute larunbateko paella jatea. “Eta hala izango da”, esan du Nahia Mitxelena auzo elkarteko lehendakariak. Izan ere, jada 120 txartel saldu dituztela esan du: “Altamira bezalako auzo batentzat asko da hori. Orain arte egin den bazkaririk handienera 80 lagun joan dira… eta gaur [atzo] arte 120 saltzeak gure aurreikuspenak gainditu ditu”. Kopuru hori handitu daiteke oraindik. Izan ere, oraindik txartelak salgai daude, auzo elkartearen tabernan, bost euroren truke. 250 lagunentzako paellera Udari ongi etorria emateaz gain, beste arrazoi batzuk baditu auzo elkarteak paella jatea antolatzeko. “Altzatek erakutsi nahi du ez ditugula bakarrik auzoko jaiak antolatzen eta kitto. Urteko beste garaietan ekimen batzuk egiten ditugula erakutsi nahi dugu, eta aldi berean, auzoan giro pixka bat sortzea”, azaldu du Mitxelenak. Bazkari handi bat antolatzeko ideia elkarteko bazkide batek izan zuela esan du. Auzo elkarteko kideei jakinarazi zien, eta Altzatek ahal ziren baliabide guztiak jartzeko konpromisoa hartu zuen. Horrela, 250 lagunentzako edukiera zuen paellera handi bat erosi zieten sanjuandar batzuei, 1,8 metroko diametrokoa. Mitxelenak onartu du lehendabizi paellera erosi zutela [...]

Lezoko Udal Liburutegia udako ordutegiarekin hasi da martxan, aste honetan bertan. Abuztuaren 6ra bitartera arte iraungo du ordutegi horrek. Horrela, astelehenetan goizez eta arratsaldez egongo da irekita: 10:00etatik 13:00etara, eta 17:00etatik 20:00e...

Gazta zati bat dokumentala eman zuten ostegunean udaletxean, Ttur-tturren 10. urteurrenaren harira. Bertan izan zen Jon Maia zuzendaria ere. Jendea gauzak egiteko gogoz atera zen aretotik.

Azken eskola eguna ospatzeko, Elizaldeko ikasleek 7. Ibilaldi Neurtua egin zuten ostiral goizean. Jarraian freskagarriak banatu eta apar festa egin zuten, musikarekin lagunduta.

Ostiralean 28 urteko mutil bat atxilotu zuen Ertzaintzak, autoa lapurtzea eta matrikulak faltsutzea leporatuta. Herrizaingo Sailak jakinarazi duenez, ostiral goizean geldiarazi zuen Ertzaintzak gaztea, eta autoa Frantzian lapurtutakoa zela egiaztatu zu...

Herritar talde batek Nexo senidetze elkartea sortu du. Ostiralean aurkeztu zuten taldea, eta hala nola, elkartearen helburuez hitz egin zuen Juan Carlos Merino Nexoko presidenteak: “Asmoa da senidetzeen alde eta senidetzeetan lan egitea”. G...

Aiora Perez de San Roman Oiartzungo alkateak, legegintzaldiaren lehenengo urteko errepasoa egin du, eta bihar kaleratuko du HITZAk elkarrizketa hori. Hona titularra: “Herritarrekin, herriarekin, eta herriarentzat ari gara lanean”.