Ezker Anitzak Nicolas Gerendiain Irungo Errepublikarrak elkarteak antolatutako argazki erakusketaren aurkako erasoak gaitzetsi ditu.


Hilak 23, asteazkena 19:00etan eta 21:30ean: Glob Taldearen Quartett. Mendi Zolanen (50 toki). Bigarren ikusgarriaren ondotik: Teresa. Hilak 24, osteguna 11:00etan: Pernette dantza taldearen Les Miniatures. Nid Marin egoitzan (egoiliarrentzat). 14:30ean: Pernette dantza taldearen Les Miniatures. Marinel ospitalean (egoiliarrentzat). 19:00etan: Glob taldearen Quartett. Mendi Zolanen (ikastetxeetako haurrentzat). 19:00etan: Pernette dantza taldearen Les Miniatures. Gaztelu Zaharren. 21:00etan : Humani-Théâtre taldearen Albatros. Gaztelu-Zaharreko oihal etxean. Hilak 25, ostirala 11:00etan: Cousins taldearen Complètement à la rue. Zahar Etxean (egoiliarrentzat). 17:00etan: Cousins taldearen Complètement à la rue. Orio auzoan. 17:00etan: Créton’Art taldearen Bois ta lettre. Intzura auzoan. 19:00etan: Théâtre des Ateliers taldearen Je pense donc je suis. Mendi Zolanen. 21:00etan: Rois Vagabonds taldearen Concerto pour deux clowns. Gaztelu-Zaharreko oihal etxean. Hilak 26, larunbata 10:45ean: Chimères taldearen Trésor, mon beau trésor antzez-ibilaldia. Abbadia eremuan. 14:30ean: Chimères Taldearen tailerrak (helduentzat). Mendi Zolanen. 16:00etan eta 18:30ean: Cousins taldearen Complètement à la rue. Hiri-eskolako aterpean. 16:00etan eta 18:30ean: Créton’Art taldearen Bois ta lettre. Gaztelu Zaharren. 17:00etan: Les P’tits Bras Taldearen Triplette. Gaztelu Zaharren. 17:00etan: D’Irque & Fien taldearen Le Carrousel des Moutons. Gaztelu Zaharren. 18:00etan eta 19:30ean: Chimères antzerki taldearen Sorpresak. Gaztelu Zaharren. 20:00etan: Th. Ateliers eta Nouveaux Nez taldeen Voyage sur place. Gaztelu-Zaharreko oihaletxean. 22:00etan: Taupes Secrètes taldearen Mes [...]

Kopenhagera joango da gaur Yuri Pompilio, Paco Bueno gimnasioko boxeolaria borroka batean parte hartzera. Profesionaletara jauzia eman zuenetik maila ona ematen ari da boxeolaria, eta duela hilabete Espainiako txapeldunaren kontra aritu zen Las Palmase...

Espainiako Lehen Mailara igotzeko azken urratsa falta zaio Irun RT taldeari. Joan den igandean igoera kanporaketetako finaleko joaneko partida jokatu zuten Bilboko El Fango errugbi zelaian. 17-18 nagusitu ziren irundarrak, Universitarioren kontra. Bihar galtzen ez badute datorren urtean Lehen Mailan jokatuko dute Irungo beltzek. Partida 16:30ean hasiko da Plaiaundin; lehenago bi taldeetako kadeteek lagunartekoa jokatuko dute. Ikus BOGA astekarian argitaratutako erreportaia

Herriko neska talde bat, nesken futbito txapelketa antolatzen hasi da xanistebanei begira. Facebook-en jarri dute hitzordua, eta lehenengo bilera datorren ostiralean egingo dute. Maiatzaren 25ean izango da, 19:00etan, Beheko plazako futbol zelai txikia...

Antxoko Jai Batzordeak antolatu duen Antxoberfest I. Garagardo Feria hastear da. Goizean zehar batzordekideek azken ukituak eman dizkote Gure Zumardiko karpari, eta arratsaldean, 18:00etan, txupinazoarekin hasiko da garagardozaleen eta sanferminzaleen festa. Izan ere, garagardo festa San Fermin Jaietarako dirua lortzeko antolatu du jai batzordeak.

Bi ikastaro prestatu ditu Gaztelekuak: surfa eta piraguismoa. Lehenengoa, piraguismoa izango da uztailaren 3tik 6ra, arratsaldez. Bidasoa ibaian ikasiko dute partaideek erabiltzen, eta hainbat piragua mota erabiliko dituzte. Ikastaroak 40 euroko prezio...

Asteburu honetan jokatuko dute lau t’erdiko Udaberri Txapelketako azkeneko jardunaldia. Guztira, Allerru Pilota Taldeko sei kidek jokatuko dituzte partidak asteburu honetan. Gaur arratsaldean bi pilotarik jokatuko dute, biek ala biek etxetik kanpo. Kadete Mailako Tatiegik eta Gazte Mailako Perurenak jokatuko dute. Bihar goizean beste lau pilotariren norgehiagokak ikusteko aukera izango da herrian bertan. 10:30etik aurrera, Hernandez eta Zubeldia kadeteek zein Gazte Mailako Sarasua eta Telletxeak jokatuko dute. Gainontzeko hiruek ez dute partidarik izango. Pilotariek joan den asteburuko emaitzak hobetu nahi dituzte. Izan ere, Tatiegi kadeteak bakarrik irabazi zuen. Allerru Bk, agur Futbolean, bestalde, Allerruren bigarren taldeak atzo iluntzean esan zion agur denboraldiari. Azpeitiko Ikasberri taldea jaso zuen Plazetan. Igoera Faseko azkeneko postuan sailkatu dira, hemezortzi partiden ondoren.

2003ko udaberrian “taberna desberdin bat” ireki zuten Hondarribiko Txiplao eremuko industriagunean. Ez zuen beste ostatuen antzarik, berezia zen, apartekoa… eta horregatik jarri zioten Banako izena, banakoa izan nahi zuelako. Maiatzean bi urte bete dira taberna itxi zutenetik, baina gaur irekiko dute berriz ere, 17:00etan. Urbil Artola hondarribiarrak eta Nagore Martinez oiartzuarrak kudeatuko dute Banako berria. Artolak badaki Banakon lan egitea zer den; bere aita Txominek eta Mertxe Ezeizak ireki zuten 2003an, Txiplaon altxatu zituzten 300 metro koadroko pabilioietako batean. Zerbitzari bezala aritu izan zen bertan. 2010eko maiatzean pertsiana jaitsi zuten eta ordutik horrela egon da, itxita. Belaunaldi aldaketa iritsi da Banakora, ordea, eta gauza batzuk aldatuko direla esan du Artolak: “Batez ere asteburuetan aldatuko da, giroak askotarikoak izango direlako asteburuetako arratsaldetan edo gauetan”. Gaurtik hasita, asteartetik igandera arte irekiko dute taberna; lanegunetan goiz eta arratsaldez, eta larunbat eta igandetan 17:00etatik aurrera. “Ostiral eta larunbatetan goizaldeko lauretan itxiko dugu”, gehitu du hondarribiarrak. Bere aita bezala, musikaria eta musikazalea da Urbil Artola: Sorotan Belen jotzen zuen, aitarekin ere aritu izan da, eta Lemak proiektuan dabil. Hala izanik, musikak tabernaren nahitaezko bereizgarria izan behar zuen. Musikak ez ezik, oro har, kultura arloko emanaldiek lekua izango dute bertan, baina ostiral eta larunbat gauetan “batez [...]

Gaur (ostirala) Sarrera doan erakusketa iraunkorra ikusteko eta Artifex, ingeniaritza erromatarra Hispanian aldi baterako erakusketa ikusteko. 17:00etan, bisitaldi gidatua, M. Jose Noain museoko jarduera arduradunarekin. Bihar (larunbata) 11:00etan, Bixera-San Juan eremuko indusketen gaineko hitzaldia. Aurkitutako materialaren aurkezpena. 18:00etan, literatur hizketaldia La hija de Homero nobelaren inguruan. Dinamizatzailea: Iñaki Urdanibia. Etzi (igandea) 12:00etan, Irugurutzetako Meatze eremura bisitaldia. 12:00etan, Looters of the gods filmaren emanaldia. 2011ko FICAB jaialdiaren irabazlea. Jatorrizko bertsioan eta gaztelerazko azpitituloekin. Informazio gehiagorako deitu Oiasso Erromatar Museora: 943 63 93 53, edo idatzi helbide elektronikora.

Busti Zaitez eguna egingo dute etzidamu, hilaren 8an, ADEMGI Gipuzkoako Esklerosi Anitzeko Elkarteak deituta. Ekimena Euskal Autonomi Erkidegoko 78 hondartza eta igerilekuetan egiten dute, eta aurten, beste urte betez, Fanderiako Udal Igerilekuak ̶...

Urkabe Benetan enpresako langileek ordubeteko elkarretaratzea egin dute Txirrita Maleoko enpresa aurrean, atzo goizaldean talde bereko Zumaiako Okin lantegian izandako lan istripua salatzeko. Urkabe Benetan enpresako langileek 27 urteko gazte zumaiarraren heriotza salatzearekin batera, haren senide, lagun eta lankideei dolumina eta elkartasuna adierazi diete. Elkarretaratzea amaitzeko oharra irakurri dute Urkabe Benetan enpresako langileek. Lan istripuak ez direla bizitzan ematen diren “gertakari arruntak”, “patronalak lan egiteko orduan ezartzen dizkigun baldintza eta lan egiteko moduen emaitza” baizik nabarmendu dute eta istripu horien zergaitik ezagunak izanik ere “sarraski horrekin amaitzeko” behar bezalako neurririk ez dela ezartzen gaineratu dute. Zumaian atzo goizaldean izandako lan istripuaren arrazoiak “ondo ikertu” eta egon daitezkeen erantzukizun guztiak argitzeko eskatu dute bestalde. Horrenbestez laneko gaixotasunen eta lan istripuen aurrean “tolerantzia zero” oihukatzera deitu dituzte langile guztiak, “mobilizazioak eta borrokak aldaketa ekar dezan. Hori da gure konpromisoa, eta gure osasuna eta bizia defendatzeko modu bakarra”.

Gaurko partidak (bukaerako fasea) 10:00. Molins de Re-Everton (zelai naturala). 10:00. Añorga-Leones (zelai artifiziala) 12:00. Oiartzun-Madrid (neskak, artifizialean). 12:00.Peñaflorida-Mariño (naturala). 15:00. Amaikak Bat-Molins de Rei (natural...

Kasino Zaharrak Adinekoen Etxeak, txango bat antolatu du hilaren 17rako Quel-era, (Errioxa). Irteera goizeko 7:45tan izango da Alamedatik, eta parte hartzaileek Almazara eta destilategi bat bisitatuko dute, eta ondoren bazkaria egingo dute Hotel Veneci...

Jose Ramon Rudy margolari nafarraren lanak biltzen dituen erakusketa ireki dute Hondarribiko Kale Nagusiko Zuloaga Etxean. Rudyk paisaiak lantzen ditu eta naturari eskainitako margolanak ikusi ahalko dira. Erakusketa hilaren 15a arte bisitatzeko aukera...

Euskal preso eta iheslarien sustengurako Herrira herri mugimenduko Hendaiako batzordeak bilera eginen du gaur, hilaren 5arekin, Baleak elkartearen egoitzan, 19:00etatik aurrera. Antolatzaileek bilera irekia dela nabarmendu dute: “Denen laguntza b...

Esabe garbiketa enpresako hamar langileak astebeteko greba egiten ari dira, atzotik hasita, azken lau hilabeteetan soldatarik jaso ez dutela salatzeko. Espainiako Zerga Agentziako Gipuzkoako egoitzak garbitzen ditu Esabek, horien artean Zaisako dorreko...

Irungo Oiasso Erromatar Museoak, Irungo Udalak eta Udako Euskal Unibertsitateak (UEU) Hiri bat fundatzea erromatar garaian goiburuko ikastaroa antolatu dute. Hilaren 5ean eta 6an emango dute, udal museoaren ekitaldi aretoan. Bi egunez Augusto eta Pompeio enperadoreek sortutako hiriak aztertuko dituzte, horien artean, Oiasso eta Pompelo (Iruñea). Aurtengoarekin, zazpigarren aldia da UEUk Baiona eta Donostiako egoitzak utzi eta Irunen ikastaro bat antolatzen duela, atzoko aurkezpenean Belen Sierra Kultura ordezkariak aipatu bezala. Gainera, aurten Irun bera izango da ikastaroetako irakasgaietako bat: “Oraingo honetan erromatar hirien jatorriaz hitz egingo da, historiaren ibilbide hori, zalantzarik gabe, Oiassotik eta Irundik pasatuko da”. 2008an Santiago kalean egindako indusketek Oiasso hiriaren sorrera Augustoren garaian kokatzeko balio izan zuten, eta azken bi urtean San Juan plazan eta Bixera eremuan izan diren aurkikuntzek, Oiasso hiria nola handitu zen ulertzeko balio izan dute. Mertxe Urteaga museoko zuzendariak azaldu zuen Pia Alkain arkeologoak bi prozesu horietaz mintzatuko dela ikastaroetan. «Erromatarrek hiri sare bat zuten, errepideekin lotuta; hiri horietako bat Oiasso zen, galtzada baten bukaeran zegoen, eta itsas portua zuen, gainera», azaldu zuen. Urteagak erromatarrek bertako bizilagunekin “interaktuatu” zutela nabarmendu zuen: “Erromatarrek ez zuten Oiasso eraiki baskoien herriaren leku berean, baina harremana izan zuten baskoiekin”. Erromatarrak eta baskoiak Hala, Oiasso bezala, Iruñea [...]

Errenteria-Oreretako emakume taldeek eta talde feministek deituta, elkarretaratzea egin zuten, atzo, Senpereko emakumearen hilketa salatzeko. Niessen merkataritza zentroaren atarian bildu ziren hamarnaka herritar emakumeen kontrako indarkeriarekin lotu...