Oiasso erromatar hiriaren sorrera aztertuko dute udako ikastaroetan
Irungo Oiasso Erromatar Museoak, Irungo Udalak eta Udako Euskal Unibertsitateak (UEU) Hiri bat fundatzea erromatar garaian goiburuko ikastaroa antolatu dute. Hilaren 5ean eta 6an emango dute, udal museoaren ekitaldi aretoan. Bi egunez Augusto eta Pompeio enperadoreek sortutako hiriak aztertuko dituzte, horien artean, Oiasso eta Pompelo (Iruñea). Aurtengoarekin, zazpigarren aldia da UEUk Baiona eta Donostiako egoitzak utzi eta Irunen ikastaro bat antolatzen duela, atzoko aurkezpenean Belen Sierra Kultura ordezkariak aipatu bezala. Gainera, aurten Irun bera izango da ikastaroetako irakasgaietako bat: “Oraingo honetan erromatar hirien jatorriaz hitz egingo da, historiaren ibilbide hori, zalantzarik gabe, Oiassotik eta Irundik pasatuko da”. 2008an Santiago kalean egindako indusketek Oiasso hiriaren sorrera Augustoren garaian kokatzeko balio izan zuten, eta azken bi urtean San Juan plazan eta Bixera eremuan izan diren aurkikuntzek, Oiasso hiria nola handitu zen ulertzeko balio izan dute. Mertxe Urteaga museoko zuzendariak azaldu zuen Pia Alkain arkeologoak bi prozesu horietaz mintzatuko dela ikastaroetan. «Erromatarrek hiri sare bat zuten, errepideekin lotuta; hiri horietako bat Oiasso zen, galtzada baten bukaeran zegoen, eta itsas portua zuen, gainera», azaldu zuen. Urteagak erromatarrek bertako bizilagunekin “interaktuatu” zutela nabarmendu zuen: “Erromatarrek ez zuten Oiasso eraiki baskoien herriaren leku berean, baina harremana izan zuten baskoiekin”. Erromatarrak eta baskoiak Hala, Oiasso bezala, Iruñea [...]
Irungo Oiasso Erromatar Museoak, Irungo Udalak eta Udako Euskal Unibertsitateak (UEU) Hiri bat fundatzea erromatar garaian goiburuko ikastaroa antolatu dute. Hilaren 5ean eta 6an emango dute, udal museoaren ekitaldi aretoan. Bi egunez Augusto eta Pompeio enperadoreek sortutako hiriak aztertuko dituzte, horien artean, Oiasso eta Pompelo (Iruñea).
Aurtengoarekin, zazpigarren aldia da UEUk Baiona eta Donostiako egoitzak utzi eta Irunen ikastaro bat antolatzen duela, atzoko aurkezpenean Belen Sierra Kultura ordezkariak aipatu bezala. Gainera, aurten Irun bera izango da ikastaroetako irakasgaietako bat: “Oraingo honetan erromatar hirien jatorriaz hitz egingo da, historiaren ibilbide hori, zalantzarik gabe, Oiassotik eta Irundik pasatuko da”.
2008an Santiago kalean egindako indusketek Oiasso hiriaren sorrera Augustoren garaian kokatzeko balio izan zuten, eta azken bi urtean San Juan plazan eta Bixera eremuan izan diren aurkikuntzek, Oiasso hiria nola handitu zen ulertzeko balio izan dute. Mertxe Urteaga museoko zuzendariak azaldu zuen Pia Alkain arkeologoak bi prozesu horietaz mintzatuko dela ikastaroetan. «Erromatarrek hiri sare bat zuten, errepideekin lotuta; hiri horietako bat Oiasso zen, galtzada baten bukaeran zegoen, eta itsas portua zuen, gainera», azaldu zuen. Urteagak erromatarrek bertako bizilagunekin “interaktuatu” zutela nabarmendu zuen: “Erromatarrek ez zuten Oiasso eraiki baskoien herriaren leku berean, baina harremana izan zuten baskoiekin”.
Erromatarrak eta baskoiak
Hala, Oiasso bezala, Iruñea ere baskoien lurretan eraiki zuten erromatarrek, baina Pompeioren garaian; gai horretaz jardungo du Zaragozako Unibertsitateko Francisco Pina arkeologian katedradunak, Pompeio eta baskoiak; Pompeioren fundazioa hitzaldian.
Oiasso eta Iruñeaz gain, Augustok eta Pompeiok sortutako beste hirietaz eta Konstantinoplaren sorreraz ere mintzatuko dira gaur eta bihar, Oiasso Erromatar Museoan egingo duten Hiri bat fundatzea erromatar garaian ikastaroan.
