
Alcampo eta Carrefour saltokiak egunean hamahiru orduz daudela zabalik esan du sindikatuak LAB sindikatuak salatu du Alcampo eta Carrefour merkataritza guneek ordutebe luzatu dutela ordutegia, hau da, 10:00etan irekitzetik, 09:00etan irekitzera pasatu direla. Hala, ateak hamabi ordu zabalik edukitzetik, hamahiru ordutara pasatu direlako haserrea agertu du sindikatuak. Neurri hori ez zela beharrezkoa uste du LABek. Merkataritza guneei salmenta gehiago ez diela ekarriko iritzi dio, eta Euskal Herriko denda txikiei, ordea, min handia egingo diela ziur dago: «Horien salmentak berriro kaltetuko dituzte». Carrefourrek Oiartzunen du saltokia, eta Alcampok, berriz, Oiartzunen eta Irunen. Neurria, beraz, negatiboa iruditzen zaio LABi, zentzu guztietan: «Espero dugu azkena izatea, sektorearekin lotura duten pertsona guztien etorkizuna are gehiago oker daiteke eta». Saltoki handiek igande eta jai egunetan irekitzearen aurkako borroka gogorarazi du LABek, bestalde. Oraindik ere horren aldeko apustua egiten baitute askok: «Horrek ere, merkataritza guneei besterik ez dizkie onurak ekarriko». Neurri horrek ere sektoreko langileen lan bizitza eta familia bizitza bateratzeko zailtasun gehiago ekarriko dituela argi du sindikatu abertzaleak. Hala ere, gogorarazi du, kontrako jarrera asko dituela balizko erabaki horrek: kontsumitzaileak, komertzio ganberak, dendarien elkarteak, sektoreko langileak, sindikatuak… Horren erakusle da joan den martxoaren 11n Bilbon egindako manifestazioa. Bertan milaka pertsonek parte hartu zuten, igande eta [...]

Krisiaren eta instituzioek hori kudeatzeko erabili duten jarreraren eraginez “herritar asko nahikoa erreta dauden arren”, hilaren 26ko greba orokorrera begira giroa oraindik eta gehiago berotzeko asmoarekin protesta egin zuen ostiralean ELA...

Oiartzungo auzoetako jai batzordeen arteko desafioa Arraguak irabazi du berriro; lautik lautan irabazi du Oiartzun Auzoetako jai batzordeen arteko laugarren desafioa egin zuten larunbatean Ergoienen. Hainbat proba egin zituzten Arraguako, Iturriozko, Ergoiengo, Altzibarko, Gurutzeko eta Karrikako jaietako antolatzaileek: txikorta, platanoen jolasa, koilarean arrautza hartu eta erreleboak, igerilekutik sagarra ahoarekin hartu, aulkien jolasa, toka eta oilaskoa saltsan prestatzea. Ugaldetxok kale egin zuen, eta Elizaldek ez du auzo bezala jai batzorderik. Aurkeztu zen talde bakoitzean 10-15 lagun elkartu ziren, eta azkenean, Arraguakoak izan ziren txapeldun, laugarren urtez jarraian. Bigarren postuan geratu zen Iturriotz, eta hirugarrenean, Altzibar. Bazkaltzen 80 lagun inguru elkartu ziren azkenean. Eta batzuk goizaldera arte luzatu zuten festa. Ugaldetxoren amuari kosk Lehenengo aldian, Ugaldetxo izan zen gainontzeko auzoei erronka bota ziena. Gainontzekoek erantzun, eta ordutik alfabetikoki antolatu dituzte desafioak. Bigarrena Altzibarren izan zen, hirugarrena Arraguan, eta aurtengoa Ergoienen. Datorren urtean Gurutzeri dagokio antolatzea. Lau urtetik lautan, Arraguak irabazi du desafioa.

2012-2013 ikasturteko jardueretan izena eman daiteke dagoeneko San Agustin eta El Parque erretiratuen elkarteetan. Askotariko jarduerak eskaintzen dituzte bi elkarteetan. Izena astelehenetik ostegunera eman daiteke, 16:00etatik 18:00etara San Agustinen...

Pasaiak Kirol Elkarteko futbol talde nagusiak iaz lortu zuen Hirugarren Mailan jokatzeko txartela, baina ez du modu onean hasi ibilbide berria. Izan ere, jokatu dituzten hiru partidatan puntu bakarra lortu dute zurigorriek. Joan den larunbatean Don Bos...

Real Union futbol taldeak 3-0 galdu zuen Deportivo Alaves taldearen aurka, larunbatean, Mendizorrotzan. Unionek ez zuen partida ona egin eta sartu zuen gol bakarra bertan behera utzi zuen epaileak, jokoz kanpo izan zela argudiatuta. Irungo taldeak ez z...

Muxiko egunean parte hartzeko entseguak antolatu dituzte egunero

Sekulako jendetza elkartu da gaur Zumardia inguruan Hondarribiko Jaietako Baserritarren Eguna ospatzeko. Zumardia beraz gain, Santa Maria ateaurrea eta Gernikako Arbolako pasealekuko hasiera jendez gainezka egon dira goizean, eta, arratsaldeko egitaraua ikusita, hala izango dira bazkalostean ere. Bildutako askok begi onez ikusiko lituzkete Baserritar Egun bat baino gehiagoko jaiak. Besteak beste, horrek aukera emango lieke agertzeko Arrantzale Egunarekin atzo dena eman zuten gazteei. Haien faltan, haurrek eta helduek disfrutatu dute goizean Zumardian jarritako azokaz eta inguruan antolatutako ekitaldiez: ganadu, barazki eta fruta lehiaketa, bertsolariak, Gorritiren animaliak, Izugarria buruhandien eta erraldoien erakustaldia… Arratsaldean ere izango da zer egin eta zer ikusi Zumardian, bostetatik aurrera. Idi-probarekin hasiko dira, eta ondoren bestelako herri-kirolen eta trikitilarien txanda izango da. 17:30etik aurrera Alde Zaharrera hedatuko da festa. Gaurko bi ekitaldi iragarri dituzte Arma Plazan: Hipo eta Tomax pailazoak (17:30ean) eta Txokolatada erraldoia (18:30ean). Hondarribiko Festen amaiera Portuan bizituko dute hondarribiarrek. Arratsaldeko zazpiretan Tantakak abiatuta kantu poteoa egingo dute. Baina amaierako traka bederatzietan hasiko da, ordu horretan abiatuko dira, zezen suzkoen entzierroa (San Pedro kalean), eta Elegancia Mexicana mariatxi taldearen (Santiago kalean) eta Dover bandaren kontzertuak (Bentan). Bukatzeko, 22:30ean su artifizialak izango dira, eta, suak bukatuta, bihar ikastolara edo lanera joan edo jaietako arropa guztiak garbitzeko [...]

Larunbatean Niessen merkataritza gunearen atarian bilduko da Herrira 197/2006 doktrina eteteko eskatzeko. 12:30ean jarri du ordua. Herrirak gogorarazi du Estrasburgoko Giza Eskubideen Auzitegiak Ines del Rio presoaren kasuan argitaratutako ebazpenaren ...

Errenteriako Udalak langabeentzako doako ikastaroak eskainiko ditu, eta horiek herriko euskaltegietan emango dituzte, udal euskaltegian zein Xenpelar AEKn. Oraindik ez dute udal euskaltegiaren eskaintzaren berri eman. AEKn, berriz, astelehenetik ostegu...

Abenduaren 3arekin Euskararen Nazioarteko Eguna ospatzen da, eta Talaia Eskolako egutegian ere errotulagailuz borobildutako eguna da. Eskolara sartzerako unean musika jarrita zegoen Talaia, Biteri eta Bordari ikastetxeetan; hizkuntzaren aldeko hitzak d...

Xabier Amuriza idazle eta bertsolari bizkaitarrak bere azken lana Zazpi ebidentzia birjaiotzarako liburua aurkeztuko du, asteartean, 19:30ean, Kultura Aretoan. Euskara izango du hizpide Amurizak lan horretan. “Euskara batuak mende erdiko ibilbide...

Errenteria-Oreretako Herrira bilguneak batzarra antolatu du asteazkenerako, eta bertan, hiru gai nagusi jorratuko dituzte: 2012. urteko balorazioa, Gabonak eta urtarrilaren 12ko mobilizazio orokorra. Batzar horretan parte hartzeko deialdia egin dute. 1...

Lezoko Bekoerrota kiroldegiko pilotalekuan Emakumea Pilotari egitasmoaren barruko partidak jokatzen ari dira gaur (larunbata) arratsaldean. Hain zuzen, Ezker Hormako VII. Emakumea Pilotari Txapelketako partidak dira Lezon jokatzen ari direnak, lehia ho...

Gaurtik hasi eta hilaren 15era arte izango da epea margolanak Pinturak Iztietak urtero antolatzen duen pintura lehiaketan aurkezteko. Lehiaketa horretan, haurrek, gazteek zein helduek parte har dezakete, eta gaia eta teknika erabat libreak dira. Horiek...

Abenduaren 3a bi egun ospatzen dira: Euskararen Eguna batetik, eta Ezinduen Eguna, bestetik. Errenteriako PSE-EEk biak gogoan izan dute. Euskararen Egunaren harira, “luzea izango den bidea egiten jarraitu” behar dela adierazi du PSE-EEk. Ha...

Draw oinarrizkoa: hilaren 3a, astelehena, 09:00etatik 11:00etara. Audacity oinarrizkoa: hilaren 4a eta 5a, asteartea eta asteazkena, 11:00etatik 13:00etan. Google Maps: hilaren 5a, asteazkena, 09:00etatik 11:00etara. Internet KZgunea: hilaren 10etik 2...

SASKIBALOIA Senior emakumeak Cafes Aitona-Oiarso: gaur, 18:00etan, Altzako kiroldegian. Senior gizonak Oiarso-Aluminios Francisco Alberdi: bihar, 11:45ean, Galtzarabordako kiroldegian. ESKUBALOIA Zilarrezko Maila (gizonak) Ereintza-Alcobendas (...

Mertxe Trantxe adituak Minervaren Foroaren baitan egingo den irakurketa kluba gidatuko du bihar, Oiasso Erromatar Museoan. Julio Medem donostiarraren Aspasia nobela landuko du klubak, 18:00etatik aurrera. Sartzea debalde izango da.