Hilaren 15era arte aurkez daitezke lanak Pinturas Iztietan
Gaurtik hasi eta hilaren 15era arte izango da epea margolanak Pinturak Iztietak urtero antolatzen duen pintura lehiaketan aurkezteko. Lehiaketa horretan, haurrek, gazteek zein helduek parte har dezakete, eta gaia eta teknika erabat libreak dira. Horiek...
Gaurtik hasi eta hilaren 15era arte izango da epea margolanak Pinturak Iztietak urtero antolatzen duen pintura lehiaketan aurkezteko. Lehiaketa horretan, haurrek, gazteek zein helduek parte har dezakete, eta gaia eta teknika erabat libreak dira. Horiek Pinturas Iztietan bertan entregatu beharko dira.
Epaimahaiak hilaren 26an (larunbata) emango du erabakiaren berri, eta guztira, sei sari banatuko ditu. Helduen atalean, irabazleak 350 euro eramango ditu, eta bigarrenak 150 euro Titan olio maleta handiarekin. Gazteen atalean (14-18 urte), Titan olio maleta handia izango da, baita haurretan (13 urte arte) ere. Horrez gain, 10 urtetik beherako artisten lan aipagarriena ere hautatuko ditu, eta kasu horretan ere, olio maleta bat eramango du.
Lana irabazle suertatzen ez bada ere, sariren bat lortu ahal izango dute gainontzeko parte hartzaileek Donosti sagardotegian bi pertsonentzako afaria zozkatuko baitute.
Lan guztiak hilaren 18tik (ostirala) urtarrilaren 7ra arte egongo dira jarrita Pinturas Iztietaren dendan (Diputazio plazan dago).
