Ipar Euskal Herriko eta Hego Euskal Herriko enpresen artean harremanak sendotzea du helburu proiektuak, mugak sortzen dituen traba administratiboak ekiditen lagunduz.
2024ko balantzea egin du Irungo Harrera Sareak. Aurreko urtearekin alderatuta saretik migrante gehiago pasa dira, eta Gautxori taldearen harrerak laukoiztu egin dira.
Frantziako Gobernuak iragarri du berriro indartuko dituela poliziaren kontrol arrazistak. Dena den, ez dute argitu zubietan jarriko dituzten kontrol puntuak. Hala izatekotan migratzaileentzako «presioa handitu» egingo litzateke IHSren arabera.
Arte garaikidea, memoria historikoa eta muga ardatz dituen azoka larunbat goizean egingo da Santiagoko bidegorrian, hainbat proposamenekin.
24 orduz itxita egongo da lehen sektorearentzako lan baldintza hobeak eskatzeko. Europa mailako deialdia da eta Ipar eta Hego Euskal Herriko baserritarrek bat egin dute.
Biriatuko ordainlekua itxiko dute datorren astelehenean 10:00etatik aurrera. Irun kolapsatuko delakoan, datorren astelehenean ibilgailu pribatua ez hartzeko gomendioa egin du udalak.
Urrian estreinatu zuen ‘Bidasoa 2018-2023’ dokumentala Muguruzak, ‘Black is Beltza II: Ainhoa’-ren ibilbidea itxi berritan. Orain, «itzalaldia» hartzera doa, baina ez geldirik egoteko.
Zubia ixtearen erabakia ulertzen ez dutela esan dute Irungo eta Hendaiako alkateek. Zubiaren inguruan sortutako egoera salatzeko, elkarretaratzea egingo dute ostiralean Etorbidearen zubian, 18:00etan.
Frantziako Tourra Bidasoan barrena ibiliko da uztailaren 3an, eta "bi aldeetan euskaldunak bizi garela" aldarrikatuko dute. Hainbat egitasmo antolatu dituzte egun horretarako.
Adrian Hugo Aginagalde ikerlari eta mediku donostiarraren 'Irun. Gerrak eta epidemiak mugan (XVII-XIX)' lana saritu dute bekaren hamaseigarren ekitaldian.
Marina Perosanzek, Natalia Berridik eta Yurena Carrerok ekoitzi dute 22 minutuko filma. Bidasoko mugan ematen diren bizipenak jorratu dituzte.
Tourra uztailaren 3an iritsiko da Irunera, eta hainbat jarduera prestatu ditu Gure Eskuk lasterketaren etorreragatik. Horrez gain, Gure Eskuren furgoneta ibiltaria Mosku plazan izango da larunbat honetan egitasmoaren berri emateko.
Irungo Hiritar Foroak antolatuta, Rosa Arburua Goienetxek 'Contrabando: Confesables e inconfesables' hitzaldia emango du datorren asteartean, 19:00etan, Palmera Monteron.
Etorbidearen zubia irekitzearen beharra aldarrikatu du alkateak, eta bilerak egiten ari da gaia konpontze aldera.
Hainbat elkartek deituta, itsasoan hil edo desagertu direnak oroituko dituzte mugako skate parkeko monolitoaren ondoan.
Udan sortu ziren auto ilara bukaezinen arrazoiak argitzeko eskatu zuen Irungo EAJk abuztuan. Asteartean jaso zuten eskari horren erantzuna.
Irun eta Hendaia arteko pasabideetan kontrolak egiten hasi dira gauerditik Espainiako Polizia eta Guardia Zibila. Lehen ilarak sortzen hasi dira.