2014/4/15

Hondarribiko Herri Olinpiadetako bigarren jardunaldiko kronika serioa

Igandean egin zuten Hondarribiko Herri Olinpiaden bigarren jardunaldia. Hamar probaz osaturiko ginkana egin zuten eta oraindik ez dago sailkapen ofizialik; hainbeste izan dira atzemandako irregulartasunak, ezen proba guztiak errekurrita daudela. Hirugarren eguna San Pedro kalean egin nahi dute baina alkateak eskatu die Pasai San Pedron egiteko, nahi duten kalean.

admin

Datorren asteartean hasiko dira lanak Arrantzale Auzoan

Datorren asteko asteartetik hasita, bi hilabetez ezingo da autoz sartu Arrantzale Auzora. Dagoeneko bizilagunei abisua eman zaie eta egun hori baino lehenago atera beharko dituzte ibilgailuak auzunetik.

admin

La Bacaladerak Lehen Mailara igotzeko fasea jokatuko du

Liga amaitzeko geratzen ziren bi partidak irabaziz gero Espainiako Lehen Mailara igotzeko kanporaketa jokatuko luke La Bacaladera eskubaloi taldeak, baina ez zuten espero lehenengoan lortuko zutenik, azken partidara iritsi gabe. Baina hala izan da, hondarribiarrek bere partida irabazi dutelako eta Amenabarrek eta Urdulizek ez dutelako gauza bera egin.

admin
Gehiago