
Preso gaixoen gaineko mozioa onartu du Udalbatzak

Eskola Kirolaren 2012-2013ko ikasturtea astelehenean hasiko dute. Jardunaldiak urriaren 20an hasiko dira, baina aurretik dagoeneko entrenatzen hasiko dira haurrak euren ikastetxeetan. Oiartzunen, 26 talde ariko dira Eskola Kirolean ikasturte honetan. E...

Jaizkibel Mendizale Taldeak jakinarazi duenez, Gabonetako loteria salgai daukate dagoeneko. Bestalde, urriaren 6an irteera egingo dute. Iruñerriko Itzuliaren zazpigarren etapa egingo dute, Atondo eta Berriogoiti artean. Autobusa 07:15ean irtengo da Er...

Futbola Erregional Ohorezko Maila Real Union B - Hondarribia (larunbata, 15:30etan, Irungo Galen). Saskibaloia Tate Saenz Memoriala Hondarribia-Irun – Obenasa (larunbata, 19:00etan, Hondartza kiroldegian). Eskubaloia Euskal Liga Egia Kata...

Ohorezko Mailan jokatzen duen Hondarribia futbol taldeak eskualdeko derbia izango du bihar, Irunen, Real Union Bren aurka. Hirugarren jardunaldia da jokoan izango dena. Orain arte partida bat galdu eta beste bat irabazi dute hondarribitarrek; Txuribelt...

Etorkizuneko erronkei aurre egin ahal izateko harpidedun kanpainia abiatu zuen iaz Hondarribiko Hiru argitaletxeak. Haien webgunean Eva Sastrek adierazten duenez, aurrera jarraitzeko lagunen beharra dute: “Ezagutzen gaituzuenok ondo dakizutenez, Hiru argitaletxe apala da, azpiegitura ikaragarriak behar ez dituena, eta hala ere, aspaldi honetan sartuta dagoen atakatik aterako bada, dirua behar du”. Horregatik, harpidedun kanpainia hasi zuten. Dagoeneko ehunetik gora erantzun izan dituzte, baina guztira 300 behar dituztela uste dute. Harpidedun egin nahi direnek webgunearen bitartez egin behar dute, harpidetza kanpainaren atalean. Harpidedun egiten direnek %50eko deskontua izango dute Hiruk argitaratzen dituen liburuak erosterakoan. Spinozari buruzko lana Hiru argitaletxearen azken argitalpena Spinoza y la multitud (Spinoza eta jendetza) antzerki liburua da, Juan Pedro Garcia del Campo idazlearena; Skene bildumaren barruan kokatu dute. Irrati antzerki bezala idatzita dago, eta Baruch Spinoza filosofo holandarraren pentsamenduak gaur egungo arazoak konpontzeko balio ote duen aztertzen du. Argitaletxetik azaldu dutenez, “fikziozko lana baino, zentzuen laborategia izan nahiko lukeen liburua da”. Liburuak 195 orrialde ditu eta bere prezioa 16 eurokoa da. Ohiko dendetan eta Hiruren posta elektronikoaren bitartez eros daiteke.

Hondarribiko Udalak Hondarribia Elkarlanean ekitaldia antolatu du etzi goizerako Butroi pasealekuan. Eskualdean lan egiten duten Gobernuz Kanpoko Erakunde (GKE) eta elkarteei laguntzeko informazio eta hausnartze eguna izango da, baina atzoko aurkezpenean Maite Pelaez Gizarte Zerbitzuetako arloko zinegotziak azaldu zuenez, “elkarte horietan aritzen diren bolondresei aurpegiak jarri nahi diegu”. Pelaezek boluntarioen lana goratu zuen eta nabarmendu zuen elkarte horiek aukera ematen diotela udalari beste modu batera banatu ezingo lukeen dirua banatzeko. Ideia udalak elkarteekin iaz egin zituen jardunaldietan jaio zela onartu zuen zinegotziak: “Iruditu zitzaigun biztanleriak ez zekiela udalak zertan gastatzen zuen aurten elkarteen artean banatuko dituen 160.000 euroak, ezta elkarte eta erakunde horien guztien atzean Hondarribiko eta inguruko pertsonak zeudela ere”. Horregatik, “gure inguruko pertsonak direlako”, etzi goizean zeintzuk diren eta boluntario bezala zer egiten duten ezagutzeko aukera izango da. Gainera, megafonia zerbitzua jarriko dute eta esatari bat postuz postu joango da elkarteetako ordezkariei elkarrizketak egiten. Boluntario multzo handia Guztira 24 taldek parte hartuko dute Hondarribia Elkarlanean ekitaldian, baina gehiago direla gogoratu zuen Pelaezek: “Hondarribian boluntaritza multzo garrantzitsua dago. Igande honetan hamabi elkarte eta beste hamabi GKE izango dira, baina herrian gehiago dira. Ez nituzke ahaztu nahi izan kultur eta gizarte arloan lan egiten duten guztiak”. 11:00etatik 14:30era hainbat estalpe [...]

Meaka Auzo Elkarteak larunbatetako genealogia tailerrak berriz ere antolatzen hasi da. Momentuz, larunbat honetan da hitzordua.

Irungo Udal Kontserbatorioko Langile Batzarrak udalak hartutako hainbat “neurri kaltegarrien” aurkako jarrera azaldu du aste honetan, komunikabideei igorritako prentsa ohar baten bidez. Musika eskolako langileek ziurtatu dutenez, “soldata murrizketak, izozpenak, aparteko ordainsari murriztuak…” ez dute ondoriorik helburuak lortzeko garaian. “Are gehiago, azken ikasturtean Bikaintasunerako Diploma lortu zen eta inoiz baino emanaldi eta jarduera gehiago antolatu ziren”, gaineratu dute. Hala ere, kezka agertu du langile batzarrak, izan ere “udal gobernu taldeak tasen igoera nabarmena aukeratu du, hobariak ia desagertzea, eta itxarote-zerrendak bertan behera uztea, ikasgaietan minimo kurrikularra ezarriz”. Langileen aburuz, horren ondorio zuzena izango da: “irakasleen lanaldiaren murrizketa, irakasleak kaleratzera iritsi arte”. Hortaz, “irakaskuntzaren kalitatea, ikasle eta familiarekiko asetzea, eta hiriaren bizitza kulturaleko inplikazioa” jaitsi egingo dela uste dute langileek. Hori dela eta, hainbeste urtean egindako lana “bat batean desagertu ez dadin” eskatu du batzarrak. Udalaren erantzuna Irungo Udala bere aldetik, desadostasuna agertu du Udal Musika Kontserbatorioko langileek argitaratutako gutunarekin. Lehenik eta behin, “Irungo Udaleko Udalbatzak botoen gehiengoarekin –25etik 19– onartutako” neurria izan zela argitu du. Horrez gain, 2011. urtean zehar kontserbatorioak “1.547.707 euroko kostua” eduki zuela adierazi du, eta tasek “326.926 euro” bildu zutela. Beraz, “gainontzekoa, 1.220.781 euro, gastu publikoaren bitartez” ordaindu zela gaineratu du. Era berean, “egia da, igoera berandu [...]

Zazpiak Bat Eguna ospatu zuten larunbatean, lehen aldiz, Zuberoan, Aloze herrian. Bertan izan ziren Oarsoaldeko udaletako ordezkariak. Udalek Alozeko ikastola lagunduko dute. Egun garrantzitsua izan zen larunbata. Lehen aldiz, Zazpiak Bat Eguna ospatu zuten Zuberoan. Zehazki, Aloze herrian egin zuten ospakizuna, egun osoko jaiarekin. Azkorria gaztategira bisita egin zuten gerturatu zirenek; poteoa; dantza ikuskizunak ere izan ziren; bazkaria bertsolariekin; musikariak; xiba jolasak; taloak… Denetik izan zen. Han izan ziren Oarsoaldeko udaletako ordezkariak ere. Beste urrats bat egin zuten Zazpiak Bat leloa egi bihurtzeko bidean. Berez, Zazpiak Bat Eguna Zuberoaren eta Oarsoaldea eskualdearen arteko harremanak estutzeko antolatu zuten lehen aldiz 2009an, Oiartzungo eta Lezoko udalek sustatuta. Geroztik, sarea zabaltzen joan da Zazpiak Bat Harreman Sarea osatuz eskualdeko elkarte, talde eta eragileekin. Hainbat proiektu egin ditu harreman sareak urte hauetan, besteak beste: nekazaritza alorrean, industria esparruan eta kulturan. Esparru horietan, auzolanean, hainbat proiektu bultzatu dituzte. Hala, honakoak dira proiektuaren helburu zehatzak, sareko kideek eurek azalduta: «Batetik, esparru sozio-ekonomikoan sareak hedatzea. Bestetik, harreman kulturalak sendotzea. Hirugarrenik, oro har, euskal herritarren arteko harreman sarea sendotzea. Azkenik, lan esparru iraunkorrak hedatzea». Larunbatean, horrez gain, hitzarmen garrantzitsua sinatu zuten, hango eta hemengo ordezkariek. Alozeko ikastolari laguntza Oarsoaldeko lau udaletako ordezkariak Zazpiak Bat Egunean izan ziren Alozen. [...]

Ertzaintzak jakinarazi duenez, asteartean, 01:00 aldera, hiru lagunen arteko liskarra izan zen Pablo Iglesias kalean, eta horietako bi zaurituta erietxera eraman behar izan zituzten. Zauri horiek ez dakite, oraingoz, zerk eragindakoak izan diren. Salak...

Urriko bigarren asteburuan hasiko den Emakumeen Ligako 2012-2013 denboraldia, eta, horri begira, prestaketa lanean jarraitzen du Hondarribia-Irun saskibaloi taldeak. Joan den larunbatean Anne Peñak gidatzen dituen neskek Euskal Kopa irabazi zuten Zallan, Galdakaoko Ibaizabal taldea menderatuta, eta asteburu honetan Tate Saenz Memorialaren XIV. Ekitaldia jokatuko dute, Iruñeko Obenasaren kontra. Partida larunbat arratsaldean jokatuko dute, 19:00etan, eta sarrera doan izango da. Aurrendenboraldiko bigarren partida izango da, Hondartza kiroldegian jokatuko duten lehena, eta klubak uda garaian egindako fitxaketa berriak ezagutzeko aukera izango dute zaleek. Izan ere, talde eraberritu du Hondarribia-Irunek Emakumeen Ligarako. Batez ere kanpoko lerroa indartu dute berdeek: Laura Arroyo EHUrekin jokatzen zuen gaztea, AEBetako Unibertsitate Ligan aritu den Lindsay Harris eskolta eta Lisa Karcic kroaziarra fitxatu dituzte. Gainera Mandisa Stevenson estatubatuarrak eta Sonia Reis portugaldarrak saski azpiko jokoa indartuko dute eta Ana Suarez basea taldera itzuli da, Soller taldean aritu eta gero. Gazteak Goierrin Gazte Mailan aritzen den Hondarribia-Easo taldeak Urretxuko Aldiri kiroldegian jokatuko du igandean, Aluminios Aleman Goierri taldearen kontra, 12:15etik aurrera. Gazteen Errendimendu Mailako denboraldiko hirugarren jardunaldia izango da, baina bigarrena Hondarribiko taldearentzat, joan den asteburuan atsedena izan baitzuten. Lehen partidan galdu eta gero sailkapeneko azken postuan dira hondarribitarrak. Urretxukoak, berriz, bigarrenak dira, hiru partidetatik bi irabazita. Emakumeen [...]

DYAk anbulantzia berri bat ekarriko du Errenteria-Oreretara, hemen erabiltzeko. Gamon Zumardian ikusi ahal izango da 12:00etatik 13:00etara. Era berean, boluntarioek egiten duen lanari buruzko karpa txiki bat jarriko dute, eta haurrentzat, berriz, esku...

Emakumeentzako jabekuntza eskolaren barruan, autodefentsa ikastaroa antolatu dute urriaren 5 eta 6rako. Horren bidez, emakumeek sexu erasoen aurrean defendatzen ikasteko aukera izango dute, “era errazean eta erraz ikas daitekeen tekniken bidez”. Izena urriaren 1era arte eman ahal izango da, 010 telefono zenbakian (astelehenetik ostiralera 08:00etatik 20:00etara eta larunbatetan 08:30etatik 13:30etara), eta behin plaza erreserbatutakoan, telefonoz baieztatuko zaio interesatuari, eta ondoren, 6,70 euro sartu beharko ditu Kutxako 2101 0045 90 0012092177 kontu korronte zenbakian. 14 urtetik gora Irunen erroldatutako emakume guztiengana zuzendu dute ikastaroa, eta horren atzean, Berdintasun Batzordea eta Irungo Udala daude. Urriaren 5eko (ostirala) eskola Ikust Alaia Udal Liburutegian izango da, eta hurrengo egunean, berriz, Artaleku Kiroldegian, 10:00etatik 14:00etara eta 15:30etatik 19:30etara.

Jose Iturgaiz pasaitarrak liburu berria aurkeztuko du gaur arratsaldean. Remando a contracorriente du izena liburuak, eta 1976ko kronikak jasotzen ditu, egunez egun. Antxoko Kultur Etxean izango da aurkezpena, 20:00etan, eta bertan Javier Aranburu eta ...

Bihar eguerdian Altxu kalea inauguratuko dute Gaztañon, eta ekitaldi hori dela eta, Xanti Vicente Altxu zena omentzeko ekimen bat egingo dute. Hori Casa Polilla edo Pipiaren Etxetik abiatuko da. Ekitaldi horren atzean Gaztañoko auzo elkartea, EHGAM, ...

Euskal presoen aldeko eskubideen aldeko kontzentrazioa izango da bihar, Zabaltza plazan, arratsaldeko 20:00etan. Irungo Herri Bilguneak adierazi duenez, “bizi osorako kartzela zigorra baimentzen duen doktrina bertan behera uzteko eta Gabriel Zabala askatzeko dinamika abiatuko dugu”. Horiek horrela, “azaroan mobilizazio jendetsua egitea da gure asmoa eta horretarako, indarrak biltzen hasi behar dugu”. Hori dela eta, garrantzitsutzat jo du mugimenduak “azken ostiral honetan ahalik eta jende gehien bertaratzea, hurrengo urratsak zein izango diren ahalik eta gehien zabaltzeko”.

San Migel auzoak jaiak ospatuko ditu asteburu honetan zehar. Hori dela eta, egitarau zabala antolatu du auzo elkarteak. Irailak 28 18:30 Txupina jaurtiketa parke berritik. Hortik aurrera, buruhandiak eta trikitilariak auzoan barrena ibiliko dira eta ho...

Ingurumen Aholku Batzordeak aurkeztutako txostenaren harira, Errenteria-Orereta Bizirik eta Eguzkik onartezintzat jo dute birziklatzearen kopurua jaitsi izana, eta alderdi politikoak eta administrazioak egin dituzte horren erantzule. Izadi 21 enpresak egindako txosten horretan zehazten denez, azken hiru urtean gutxiago birziklatzen da Errenteria-Oreretan; zehazki, 6,5 puntu egin baitu behera. Gizartean hondakinen kudeaketaren eztabaida aspalditik dagoela iritzi diote ekologistek, eta horren arabera, kontzientziazioa handitu beharko litzatekeela eta birziklatzea areagotu. Haatik, “guztiz kontrakoa” gertatu dela esan du, eta jarrera horrek, gainera, zerbitzuaren gastuan eragiten duela, “alegia, gure poltsikoetan”. Urte horietan guztietan egungo politika “suizida” kentzeko eskatzen aritu direla azaldu dute. Politika horrek “hondakin kopuru izugarriak” sortzen dituela adierazi dute. Era berean, hondakinen kudeaketa politika jasangarria eta ingurumena errespetatzen duena defendatu dutela esan dute. “Horren aurrean behartuta gaude alderdi politikoen eta administrazioen arduragabeko jarrera salatzera”. Horri lotuta, hainbat galdera bota dituzte bi taldeek: “Zergatik azken urteotan ez da ezer egin birziklatze kopurua jaistea saihesteko? Zergatik ezkutatu zaie herritarrei joera negatibo hori? Zergatik alderdi politiko batzuentzat garrantzitsuago da gatazka artifizialak elikatzea hondakinak kudeatzeko alternatiben artean?”. “Erraustearen mesederako” Datu horiek, hondakinak kudeatzeko sistema gisa erraustea defendatzen dutenen mesederako direla iritzi diote Errenteria-Orereta Bizirik-ek zein Eguzkik: “Argi dago euren apustua ekonomikoki errentagarri izateko hondakin kopuru handiagoa eta birziklatze [...]