
Urtea bukatu baino lehen, urteko Ohiko Batzar Nagusia izan zuten Haurtzaro Ikastolan. Gai zerrenda luzea bezain mamitsuari egin zioten aurrez bertara hurbildu ziren guraso eta langileek. Gai mamitsuenetakoa Kalitate Egitasmo Integratua (KEI) izan zen. Iñaki Irastorza izan zen agurra egin zuena, ikastolako lehendakaria. Ondoren, urteko gai arruntenen txanda izan zen. Hasteko, aurreko ikasturteko Batzar Nagusiko aktaren onespena. Jarraian, egungo ikastolaren gobernu eta funtzionamendu egituraren gainean aritu ziren. Azken urteetako aldaketen eta berrikuntzen berri eman zuten ordezkari arduradunek. Kontseilu Errektoreko ordezkari berrien izendapenari ekin zioten ondoren, eta langile nahiz guraso berriak onartuak izan ziren. Segidan, Sorkunde Lekuona zuzendariak, 2010-2011 ikasturteko gestio txostenaren eta 2011-2012ko gestio plana azaldu ondoren, batzarraren onespena jaso zuten. 2010-2011 ikasturteko kontuak eta 2011-2012ko aurrekontuak ere onartu zituzten, Agustin Vital administrariak kontuak aurrez argi eta garbi azaldu ondoren. Jarraian, ikastolako Plan Estrategikoari ekin zioten. Gai sakona eta garrantzitsua oso ikastolaren joan-etorrian. 2009an hasi eta 2013an amaituko duten lan prozesu luze eta zabala. Bertan, proiektu honetan joan den ikasturteko lorpenak azaldu zituzten, alde batetik, arduradunek, eta 2011-2012rako markatuta dauzkaten erronkak, bestetik. Azken urte bi hauetan KEI egitasmoaren garrantziaz aritu ziren. Kalitate Egitasmo Integratua izan zen, beraz, gai zerrendako mintzagai mamitsuenetakoa Gai zerrendarekin jarraituz, ikastolak udalarekin dituen harremanez eta hitzarmenaz [...]

Hilaren 8a, igandearekin, Oiasso 2000 Eguberrietako marrazki lehiaketako XIV. ekitaldiko finalisten lanak ikusteko azken eguna izango da. Irungo auzo elkarteek antolatutako ekimena da. Azaroaren lehen astean auzo bakoitzeko saioak egin ziren, eta hil horretako 12an finala burutu zuten, Behobiako auzo elkartearen egoitzan. Eguberrietako marrazkien lehiaketako finalisten lanak MerkaIrunen, Uranzu azokan eta Luis Marianoko turismo bulegoan ikus daitezke, ohiko ordutegian.

Irungo Kirolaren Udal Patronatuak jakinarazi du hilaren 6an, Erregeen egunean, Azken Portuko kiroldegiak goizez irekiko duela soilik, 09:00etatik 14:00etara. Gainera, larunbat arratsaldez igerilekua itxiko dute, 18:30etik 22:00etara, waterpolo partida batengatik. Bitarte horretan, Azken Portuko ohiko erabiltzaileek Artalekuko kiroldegiko igerilekua erabili ahalko dute.

Txikienentzako tailerraz gain, bisita gidatuak antolatu dituzte Eguberrietako oporrak baliatuz Itsas Gelak Gabonetarako jarduerak prestatu ditu Mater museo ontzian. 6 eta 12 urte bitarteko haurrentzako doako tailerra antolatu dute gaurko, 11:00etatik 1...

Larunbatean Bilbon egingo den manifestaziora biltzeko deia zabaldu dute tokian tokiko eragileek. Euskal presoak Euskal Herrira ekartzea, zigorra bete duten presoak askatu eta bizi guztirako zigorrak bertan behera uztea, espetxealdiaren hiru laurdenak bete dituzten presoak kaleratzea eta gaixorik daudenak libre uztea. Horrez gain, zabaldu den aro politiko berrian gatazkaren soluzio bidean modu positiboan eragiteko Frantziako eta Espainiako estatuek darabilten espetxe politika konponbide gakoetan jartzea. Horiexek larunbatean euskal presoen eskubideen alde Bilbon egingo den manifestaziorako aldarriak, eta aldarri horien inguruan batu dira azken asteotan hamaika eragile, Euskal Herri osoan bezala, baita Oarso Bidasoan ere. Hondarribian, esaterako, agerraldi jendetsua egin zuten hilaren 22an, tartean mobilizazioari atxikimendua agertu dioten herriko aurpegi ezagunak zeudela. Besteak beste, Jon Areito trialsineko txirrindulari txapelduna, Osertz Aldai eta Manex Aldai arraunlariak, Alfonso Sastre eta Jesus Mendizabal idazleak, Lore Herriondo UEUko zuzendari izandakoa, Koldo Ortega, Joserra Enparan eta Izaskun Agirre irakasleak, Serafin Sagarzazu eta Luis Mari Bujanda ostalariak eta Xabier Erro mendizalea. Atxikimendu gehiago bildu nahi dituzte eta horretarako eta manifestaziora autobusez joan nahi dutenek izena eman dezaten ondoko helbidea zabaldu dute Hondarribin: ahaldugu@gmail.com. Irunen, hiru zutabeko martxa egin zuten abenduaren 23an, Mendelu, Elitxu eta Moskutik abiatuta. Elkarretaratzea ere egin zuten 24an, Sargia parkean, eta presoen senideen etxeetan kantari [...]

Marisa Prego trintxerpetarrak irabazi du Pasaiako Hiria margo lehiaketako bigarren saria. Contrastes… nosotros mismos izena du saritutako lanak. Akrilikoan sortutako margoak, pintzeladak eta txertatutako elementuak uztartzen ditu. Progaren lana e...

Mikel Antxon Arrizabalaga Lezoko PSE-EEko zinegotziaren arabera, «egunetik egunera Bilduk San Markoko zabortegia berriro irekitzeko aukera handiagoa da». Izan ere, bere esanetan, errauste plantaren atzeratzeak Gipuzkoa “zabortegiz beteko du”. Horrela, zaborra atez ate jasotzeko sistemari egotzi dio errua. “Sistema hori ezarri nahi dute, eta birzikla ezin daitezkeen materialak zabortegietara eraman”. Arrizabalagak gogorarazi duenez, San Markoko zabortegia 40 urtez egon da zabalik: “Zabortegia ixtearen kontrako jarrerak gainditzea asko kostatu zitzaigun, alderdi politiko guztiak bateratu genituen eta, horregatik, ez dugu amore emango”. Bosgarren edukiontzia Horregatik, Lezoko Udaleko zinegotziak bere alderdiaren jarrerarekin bat egin du. Horrela, bosgarren edukiontzia aldarrikatu du, atez atekoari kontrajarriz. “Atez ateko sistema zikina da, deserosoagoa eta garestiagoa da”, esan du. “Horregatik, kalean dauden edukiontzi itxi eta ordenatuen alde egiten dugu, hondakin birziklagarri eta konpostagarriak jasotzeko modu onena dela iruditzen zaigulako”. Gainera, birziklatzearen alde daudela adierazi du, “baina mehatxu neurririk gabe”. Horrez gain, atez ateko sistema “Europan gero eta gutxiago erabiltzen» ari direla esan du. Gainera, sistema hori dagoen herrietako (Oiartzungo, Antzuolako, Hernaniko eta Usurbilgo) bizilagunen “«kopuru handi” batek zaborra “beste herrietan” botatzen duela esan du. Horregatik, uste du “ezinezkoa” dela birziklapen portzentajea handitu izana. Kritikak Garbitaniari Garbitaniari kritikak egin dizkio zinegotziak: “Elkarte opakua [...]

Odol Emaileen Elkarteak odola ematera joateko deia egin du. Gaur, Reina aretoan dago aukera elkartasun keinua egiteko, 18:30etik 20:30era. Bihar, berriz, Beraungo anbulatorioan eman daiteke odola, ordutegi berberean. Gipuzkoako Odol Emaileen Errenteria...

Ekainaren 11n hartu zuten Errenteriako Udala Bilduk eta Errenteriako Ezkerrak (EE), eta lehen sei hilabeteen ondoren, balantzea egin dute. Epe horretan, gutxiengoan agindu arren, gainontzeko alderdiekin udalak eduki duen “akordio eta elkarrizketarako gaitasuna” nabarmendu du Errenteriako Udaleko Gobernu Taldeak. Horrez gain, beste bi adierazle ere kontuan hartu ditu: erabaki estrategikoak hartzeko gai izan dela eta politika egiteko beste modu bat erakutsi duela, herritarrek egindako eskaerari jarraituz. Julen Mendoza alkateak beste elementu batzuk ere aipatu ditu. Horien artean, duela hiru aste aurkeztutako Herria Plana. 2025erako Errenteria-Orereta diseinatzea du helburu plan horrek, eta lau lan ildo nagusi ditu, izenburu eta guzti: Etorkizunera Bidean, Biziberritze Ekonomikoaren Bidean, Herri Bizitzaren Bidean eta Bidearen Bidean. Hala, etorkizunera begira, plan estrategikoa garrantzia hartzen joango dela esan du Mendozak, eta espero dutela “prozesu parte hartzaile zabal baten ondorio” izatea. Parte hartzearekin lotuta, auzo batzar irekiak egin dituztela gogorarazi du alkateak. Herriko hamabost auzo elkarteekin bildu dira, eta ia 1.500 pertsona pasatu dira bilkura horietatik. Esperientzia oso positibotzat jo du Mendozak, eta horri esker, “herriaren erradiografia eta diagnostikoa” egin dituztela esan du. Handik, etorkizunera begirako lan ildoak ateratzen ari direla azaldu du, eta aurrera begira ere asmoa dutela batzar horiekin jarraitzeko: elkarteekin “kate iraunkor eta irekia” izan nahi [...]

Tenpluetako Ibilbideari ekingo dio Itsastarrak-ek, eta Trintxerrek Euskal Herriko Birarekin jarraituko du . Urte berriarekin ohitura lege eta Trintxerpeko mendi taldeek 2012rako irteeren egutegia kaleratu berri dute. Bederatzi irteera aurreikusi ditu Trintxerrek, horietatik sei Euskal Herriko Biraren barrukoak. Pirinioetara urtero egiten duten asteburuko irteera irailean izango da eta Mendiola Ulia ibilaldi neurtua, berriz, urrian egingo dute. Tenpluetako ibilbidea Itsastarrak mendi taldeak ere, urtea bukatzear zela kaleratu zuen aurtengo txangoen egutegia. Bira berri bati ekingo dio aurten Itsastarrak-ek, Tenpluetako Ibilbidearen izenarenpean, hainbat irteera egingo dituzte, horietatik lehena hilaren 15ean, Loiolako Santutegira. Hamabi irteera antolatuko ditu Itsastarrak-ek aurten, tartean, ekainean, uztailean, eta irailean Pirinioetara egingo dituzten bi egunetako hiru irteera. Egutegiak Itsastarrak Hilak 15. Loiolako Santutegia. Otsailak 12. Zumarraga-Udana. Martxoak 11. Mendaro-Erlo. Apirilak 22. Leitza, Aritz Mendilerroa, Leitza. Maiatzak 12-13. Cebollera mendilerroa. Ekainak 2-3. Somport-Lizara-Agüerri-Gabardito. Uztailak 7-8. Vignemale. Irailak 22-23. Linza-Acherito. Urriak 21. San Donato. Azaroak 18. Dima-Mugarrako Harkaitza. Abendua 16. Artikutzako urtegira bira. Trintxer Hilak 15. Baiona-Uztaritz. Otsailak 12. Uztaritz-Pinodieta mendi lepoa. Martxoak 18. Pinodieta mendi lepoa-Otsondo mendatea. Apirilak 22. Otsondo mendatea – Izpegi mendatea. Maiatzak 20. Izpegi mendatea – Urkiaga mendatea. Ekainak 17. Aguera- Balmaseda Irailak 16. Balmaseda-Artziniega. Irailak 22-23. Hecho-Lizara-Pico Llena del Boz. Urriak 21. Artziniega-Añes. Urriak 28. Ibilaldi [...]

Matxin Artzu kaleko Muebles Gerain dendako erakusleihoa izan da Turismo eta Merkataritza Sailak antolatu duen Hondarribiko 2011ko Gabonetako lehenengo erakusleiho lehiaketaren irabazlea. Bigarren saria, Bernat Etxepare kaleko Done Pedro Itsas Gizonen Kofradiaren dendak jaso du, eta hirugarrena, Harresilanda kaleko Maixa jantzi dendarentzat izan da. Hala, lehenengo sailkatuak 450 euroko saria jaso du, bigarrenak 300 eurokoa eta hirugarrenak 200 eurokoa.Guztira 25 saltokik parte hartu dute, Hondarribiko Merkataritza Biziberritzeko Planaren barruan egindako ekimenean. Igandera arte apainduta Epaimahaiak diseinua, sormena, irudi komertziala eta produktuaren aurkezpena izan ditu kontuan. Epaimahaia ondorengoek osatu dute: Lupe Olaskoaga Hiritarren Harremanetarako zinegotziak; Aitziber Larruskain Bidasoa Bizirik-eko teknikariak eta Idoia Seijo artisau hondarribiarrak.Lehiaketa berriarekin Gabonetako jaiak girotu nahi izan dituzte: igandera arte egongo dira apainduta erakusleihoak. Kontsumoa indartuz Aitor Kerejeta alkateak testuinguru orokor batean kokatu du lehiaketa: «Hondarribiko Udalak kontsumoa hobetu eta indartu nahi du, zenbait bidetatik: batetik, Matxin Artzu eta Bernat Etxepare kaleetako azpiegiturak hobetzen ari gara. Iaz, Almirante Alonso eta horren kale elkartzutak berritu genituen, 5,5 milioi euroko inbertsioa eginez». Gabonetako argiak jartzeko 28.000 euroko inbertsioa egin dutela zehaztu du Kerejetak: «Eta horrez gain, lehiaketa hau jarri dugu martxan». Udalak, merkatariek eta Bidasoa Bizirik-ek osatutako Merkataritza Mahaiari ere garrantzia eman dio alkatea.

Emakumeen Saskibaloi Liga gaur bueltatuko da lehenengo itzuliko azken aurreko jardunaldiarekin. Hondarribia-Irunek Hondartzan jokatuko du arratsaldeko zortzietatik aurrera, Ibizaren kontra. Bidasoarrak, 2-9ko balantzearekin, hamaikagarren jardunaldira...

Amuteko auzo elkarteak antolatuta, haurrentzako zine zikloaren barnean, emanaldia eskainiko dute igandean, arratsaldeko bostetatik aurrera, Amuteko auzo elkartean. Horton filma ikusteko aukera izango da eta euskaraz eta doan izango da. Iragan saioan ET...

Bihar, 18:30etik 21:00ak arte, odol emaileek hilabeteroko zita izango dute Kasino Zaharrean. Hala, jada odol emaileak direnez gain, emaile berri izan nahi dutenak, Kasino Zaharrera hurbil daitezke.

Gazte Kemena Abesbatza izan zen joan den ostiralean Galtzarabordako kiroldegian egindako Gabon Abesti Sariketako 65. ekitaldiaren Helduen Mailako irabazlea. Xabier Vesgaren zuzendaritzapean, Kuttun kantak eta Gabon doinuak abestu zituen Errenteria-Orer...

Mari Carmen loradendak irabazi du Errenkoaldek antolatutako Gabonetako Erakusleiho Lehiaketa. Horrenbestez, Errenteriako Udalak emandako oroigarria eta Errenkoalde elkarteak emandako 300 euroko saria jaso dute loradendaren jabeek.

Hilaren 11tik, emakumeentzako Tantra, sexualitatea eta meditazioa goiburuko ikastaroa egingo dute Irunen, asteazkenetan Hilaren 11an Tantra ikastaroa abiatuko dute Irungo Pinudi parkearen parean dagoen meditazio zentroan. Elizabeth Olaskoagak (Hondarribia, 1965) emango ditu ikasgelak; Pedagogia Diferentzialean lizentziatua da, eta Hirusta kolektiboko kidea. Asteazkenero elkartuko dira, apirila bukaera arte, bi orduko saioetan,18:30etik 20:30era. Parte hartzeko interesa duten emakumeek elizolas[abildua]yahoo.es helbidera idatz dezakete izena emateko. Ikastaroaren prezioa hilero 45 eurokoa da. Nola azalduko zenioke tantra zer den ezagutzen ez duneari? Bizitzeko modu bat da, filosofia bat. Hona iritsi dena sexualitatearen gainekoa da, baina hori baino gehiago da. Gorputzak 7 txakra ditu, zazpi puntu energetiko nagusi, eta horietako lehenengoa txakra sexuala da. Zazpi puntu horiek orekatuz gero, bizitzako arlo guztietan orekatuak egongo gara. Tantrak Yingyan-en filosofiarekin bat egiten du: gauzak ez dira txuriak edo beltzak, hirugarren bidea bilatu behar da, polaridadearen oreka. Onarpena eta presentzia ere inportanteak dira tantra filosofian; batetik bizitzan gertatzen zaigun guztia gure erabakia dela onartzeko, eta bestetik, orain eta hemen egoten jakiteko. Zer da ikastaroan landuko duzuena? Gure burua ezagutu, errespetatu eta onartzen ezagutuko dugu batez ere, gure gorputzetik hasita. Gure gorputza burua baino argiagoa da; gorputzak buruak baino hobeto azalduko du norbera nolakoa den, zer den. Buruak askotan iruzur [...]

Hondarribiko Udalak hemeretzi kontratazio egingo ditu lau eta sei hilabeteko iraupeneko lanpostuak betetzeko. Hautagaiak diru sarrerak bermatzeko errenta jasotzen dutenak edo langabezia prestazioa jasotzen ez duten langabeak dira. Ekimena Lanbideren l...

Ama Guadalupekoa taldeko judokek entrenamendu bereziak egiteko baliatu dituzte Gabonetako oporrak. Iragan astean, hamabost kirolarik Valentzian entrenatu zuten. Gazte Mailakoak atzo abiatu eta larunbata arte izango dira Valentzian. Gainera, taldeko zor...