
Arantxa Carrillo hondarribiarrak jaso du Hondarribiko Higer merkatarien elkarteak Gabonetako kanpainan oparitu duen 3.000 euroko erosketa txekea. Fernando de la Fuente, Higer merkatarien elkarteko presidentea eta Mati Moreno, Matxin Artzu kaleko Moda A-Dos dendako jabea, izan ziren iragan ostegunean moda dendan bertan egin zuten sari banaketan. Hala, Arantxa Carrillo irabazleak, ostirala baino lehen, hiriko dendetan 3.000 euroko txekea gastatu beharko du. Zozketarako txartelak Ekimenean, Higer merkatarien elkarteko saltokiek, bezeroek egindako erosketen arabera, zozketarako txartelak doan banatu zituzten, iragan abenduaren 22ra arte, Gabonetako loteria zozketa egin zen egunera arte hain zuzen ere. Zozketa horren arabera erabaki zuten txekearen irabazlea nor izango zen. Kanpaina, kontsumitzaileei proposamen erakargarriak luzatuz, Hondarribiko merkataritza bultzatzeko egin dute. Hala, Bidasoa Bizirik-ek, Jaurlaritzako Merkataritza Sailak eta Hondarribiko Udalak laguntzen duten programa estrategikoaren barruan dago. %5eko deskontua Gainera, Higer merkatarien elkarteak, Hondarribia Txartelaren bidez, abantaila eta deskontuak eskainiko ditu herriko denda eta jatetxetan. Horiek baliatzeko, elkarteko edozein establezimendutan txartela aurkeztu behar da. Txartelik ez duenak, bertako dendetan eta Rural Kutxan egin dezake eskaera.

Klink elkarteak Gabonetako bazkari eta afariak prestatzeko ikastaroak eman ditu abenduan Harresilanda kalean duen egoitzan. Hala, hainbat menu egiten irakatsi dute, eta iaz eta aurten egin dituzten menu guztiak Interneten jarri dituzte ikusteko. www.kl...

Ostegun arratsaldean egingo dute Errege Magoen Kabalkada Irunen. Letxunborro etorbidetik abiatuko da, 18:30ean, eta honako ibilbidea egingo du: Hondarribia kalea, Kolon Pasealekua, Leon Iruretagoiena, Prudencia Arbide, eta San Juan plazan amaituko d...

Pasa den abenduaren 17an Illimani Errenteria-Oreretako gobernuz kanpoko erakundeak Gabonetako jaialdia egin zuen Errenteria Hiria Kulturgunean. Azken asteotan hainbat ekintza egiten aritu da, eta 1.500 euro inguru bildu ditu Illimanik, eta horiek ̶...

San Juan-Etxeandia lur azpiko aparkalekuaren Empark enpresa kudeatzaileak 4×2 eskaintza egingo du urtarrilean zehar, erosketei begira. Erabiltzaileek lau orduz erabili ahal izango dute aparkalekua, eta bakarrik bi ordu ordaindu. 4×2 eskaintzaz gain, Lapurdi eta Bortzirietatik datozenek lehen ordua doan izango dute, Udalak eta Bidasoa Bizirikek banatu dituzten promozio eskuorrietako bonoa baliatuz gero. 70.000 esku orri banatu dituzte Irun inguruko herrietako postontzietan. Aparkalekua 24 orduz irekita dago, baina bi kanpainek merkataritza ordutegirako balio dute soilik.

Meakako Adixkideak elkarteak deituta, euskal dantzen eta abestien zaleak igandean elkartuko dira Zabaltza plazan, kantuan eta dantzan aritzeko.

Jose Luis Gaztelumendi artistaren erakusketa antolatu du Mendi Zolan kulturguneak urtarrila hasierarako. Gaztelumendiren lanak ikusteko bisitatu bere bloga. Mendi Zolan asteartetik larunbatera irekitzen dute, 10:00etatik 13:00etara eta 15:00etatik 19:00etara. Sarrera doan da.

Jaiotza biziduna etzi egingo dute, 19:00etan, Gernikako Arbolan. Saioa iragan ostiralean egitekoa bazen ere, eguraldi txarraren ondorioz —antzezlanaren gunea lokaztuta zegoen— bertan behera uztea erabaki zuten. Hala, Erregeen kabalgata ere etzi egi...

Lezoko haurrek, eskolako oporrek irauten duten bitartean, jarduerak egiteko aukera dute. Horrela, gaur arratsaldean film bat ikusi dezakete. Cher ami… ta ni! filma eskainiko dute Gezala Auditoriumean. Emanaldia 16:30ean hasiko da. Marrazki bizidunetako filma izanagatik, benetako istorio batean oinarrituta dago. I. Mundu Gerrako uso mezulariak dira bertako protagonistak. Cher Ami uso bat da, eta Argonneko (Frantzia) baserri batean bizi da. Duten erantzukizunaren jakitun da usoa, eta 200 soldadu estatubatuarrez osatutako batalioi galdu bat salbatzen saiatuko dira. Ondoren, tailerretan aritzeko aukera izango dute umeek, Herri Eskolako jolastokian. Globoflexia ikasiko dute eta malabareekin jolastuko dira. Bukatzean, txokolate jatea izango dute bertara hurbiltzen diren haurrek. Etzi, pailazoak Osteguna Errege Eguneko bezpera izanik, Pirritx, Porrotx eta Marimotots pailazoek urtero eskaintzen duten emanaldia izango da Bekoerrota kiroldegian. Zazpikoloroa ikuskizuna ikusteko aukera izango dute haurrek zein gurasoek. 12:00etan hasiko da, baina ordu erdi lehenago irekiko dituzte ateak.

Azken egunotan Ertzaintzak hamahiru gizon atxilotu ditu Araba, Bizkaia eta Gipuzkoan genero indarkeriarekin lotutako delituak egotzita. Herrizaingo Sailaren arabera, gizon horietako bat Errenteria-Oreretan atxilotu dute emakume bati mehatxu, indarkeria...

Asteazkenean Errege Magoen pajeek Irungo haurren gutunak jasoko dituzte udaletxeko areto nagusian. Arratsaldeko lauretatik zortzietara ariko dira.

Heldu den larunbatean aulki mugikorreko ontzi luzeen Gipuzkoako Txapelketa antolatuko dute Bidasoa ibaian, 13:30etik hasita. Aulki mugikorreko Gipuzkoako Ligarako puntuagarria izango da eta, Santiagotarrak taldeaz gain, Hondarribia, Orio eta Ur Kiro...

BAF 7301 Trenbidearen Lagunak elkarteak Gabonetako erakusketaren zazpigarren ekitaldia antolatu du Adifen nazioarteko geltokiaren atarian. Aurtengo goiburua Iparraldeko Gertuko Trenbidea da, eta hilaren 8a arte bisitatu daiteke. XX. mendean Hendaia ...

Azterketa garaian dauden unibertsitateko ikasleei begira Ikasgela zerbitzua abian jarriko du Ikust Alaia udal liburutegiak. Otsailaren 5a arte egunero zabalduko dute honako ordutegian: asteleheneik larunbatera 09:00etatik 20:00etara eta igandeetan goiz...