2011/6

Musika Eskolako kontzertuak astelehenean

Musika Eskolak bi kontzertu emango ditu astelehenean. Lehenengoa, biolontxeloko ikasleek emango dute arratsaldeko 17:30etik aurrera Zuloaga Etxean, eta bigarrena, armonia kontzertua izango da, arratsaldeko 18:30ean Paradorean.

admin

Jauzi lehiaketa gaur eta bihar Jaizubian

Asteburu honetan Jaizubia Zaldiketa Eskolan XXII Irun hiriko sari nagusia, Nagre Otaño Gaztelumendi memoria  jauzi lehiaketa ospatuko dute. Lehiaketa atzo arratsaldean hasi zen, eta gaur eta bihar 9:00etan hasiko dira probak. Urteko lehiaketa esperoe...

admin

Denboraldi bukaerako bazkaria egingo dute OKEko kideek etzi

Oiartzun Kirol Elkarteak (OKE) denboraldi bukaerako bazkaria egingo du etzi, Madalensoro pilotalekuan. Guztira, 400 pertsona inguru biltzea espero dute: jokalariak, entrenatzaileak, delegatuak, Udaleko ordezkariak eta babesleak. Aurretik, baina, partid...

admin

Josu Elberdinen ‘Ave Maris Stella’, bihar, Leioan

Josu Elberdin musikagile pasaitarrak konposatutako Ave Maris Stella interpretatuko dute bihar Leioan. Leioa Kantika Koralaren X. urteurrena ospatuko dute asteburuan Leioan. Elberdinek urteurrenaren ospakizunerako propio sortutako pieza da  bihar Leioa...

admin

Kontzertu korala, bihar, Trintxerpeko parrokian

Illumbe Abesbatza eta Juan de la Encina Abesbatza. Biek abestuko dute bihar, 20:15etik aurrera, Trintxerpeko parrokian. Manuel Beltranek zuzenduko du Trintxerpeko abesbatza. Mirande de Ebro herritik heldu den abesbatza, berriz, Arantxa de Juan Graciak ...

admin

Musikagileak bandarako konpositoreentzako lehiaketa antolatu dute lehen aldiz

Musika konpositoreek euren lanak ezagutzera emateko aukera bikaina izango dute Musikagileak Nazioarteko I. Bandarako Musika Konposizio Sariketaren bidez. Lehiaketa irekia izango da, eta irabazleak egindako lana datorren urteko Musikasten estreinatuko dute. Lehiaketa hainbat erakunderen elkarlanaren arteko emaitza izan da: EMKE Errenteriako Musika Kultur Elkartea, Eresbil Musikaren Euskal Artxiboa eta erakunde publikoak (udala, aldundia eta Jaurlaritza). Hain zuzen, gaur izan dira aurkezpenean erakundeetako ordezkari batzuk. Josu Mitxelena EMKEko bandako zuzendariak azaldu duenez, bandan sortu zen ideia, eta handik Eresbilengana jo zuten ideia garatu eta martxan jarri ahal izateko. Mitxelenaren arabera, musika herriarenagana eramateko lehen urratsa direla bandak, eta horiek “suspertu eta indartu” egin behar direla, eta horretarako obra berriak behar dituztela. Euskal Herrian dagoen konposizio berrien hutsunea betetzeko lehiaketa garrantzitsua izango dela iritzi dio, eta bide batez, musikari berriek euren lana ezagutzera emateko. Jon Bagues Eresbileko zuzendariak ere ildo horri jarraitu dio, eta esan du, bandaren errepertorioa handitu beharra dagoela. Izan ere, egungo bandek batik bat XX. mende hasieran konposatutako abestiak jotzen dituztela azaldu du, eta beranduegi bada ere, egitasmo horren bidez kopurua eta maila ere handitzera iritsiko direla uste du. Bestalde, ekimen horretan izan den elkarlana ere garrantzitsutzat jo du Eresbileko zuzendariak. Itziar Bilbao SGAEko ordezkariak ere parte hartu du [...]

admin

Musika eskolako ikasleen ikasturte bukaerako kontzertuak, azken txanpan

Tomas Garbizu Musika Eskolako ikasleek ikasturte bukaeran ematen dituzten kontzertuak azken txanpan sartu dira. Astelehenean hasi ziren, eta datorren asteartean bukatuko dira. Gaur arratsaldean, 18:00etatik aurrera, abesbatzaren eta klarinete ikasleen ...

admin

Atzo sexu erasoa izan zela salatu du Bilgune Feministak

Irungo Bilgune Feministak salatu du sexu erasoa jasan zuela emakume batek atzo, 07:00etan, lanera zihoala. Virgen Milagrosa kaleko zaharren egoitzan lan egiten du emakumeak, eta erasoa inguru horretan izan zela argitu dute Bilgune Feministako kideek. H...

admin

Eduardo Aseginolaza: “Gutxi, baina egin genuen. Orduan gutxi hori asko zen”

Frankismoaren ondoren, eta 1979ra arte udaletan izan ziren gestoren atzetik, Eduardo Aseginolaza (Idiazabal, 1942) izan zen Pasaiako lehen alkatea, 1979tik 1983ra. Herri Batasuna (HB) alderdiarekin iritsi zen agintera: orduan Pasaiako Udalbatzak zituen 21 zinegotzietatik zortzi izan ziren HBkoak, sei EAJkoak, lau PSOEkoak, eta hiru Euskadiko Ezkerrakoak. Trintxerpen bizi da egun Aseginolaza. Hiru urte dira erretiroa hartu zuela, eta bilobarekin gora eta behera ibiltzen den aitona horietakoa da. 1979tik 1983ra izan zinen Pasaiako alkate. Baina nola aurkeztu zinen alkate izateko? Herriko koadrilan hasi ziren esaten zerrendetarako jendean behar zutela. Pasaiako zerrendetan saiatzen dira barruti guztietako ordezkariak izaten lehen postuetan, lau barrutiek, zinegotzi bidez, udalean tokia izan dezaten. Orduan, gainera, Trintxerpen ez zegoen euskaraz zekien jende asko, eta ni izendatu ninduten alkate izateko hautagai bezala. Larunbatean izendatu zituzten alkate berriak. Zuk nola gogoratzen duzu zure izendapena? Ez zen aparteko ezer gertatu. Hauteskundeak 1979ko martxoan izan ziren, eta Udalbatza apirilean osatu zen. Orduan ez zegoen zeinegotzien artean egun dagoen tentsioa. Alderdi guztien arteko giroa hobea zen. Nahiko normal joan zen dena, baina hori bai, herritar asko izan ziren kargu-hartze ekitaldian. Ondoren bazkaria egin genuela gogoan dut. Dena egiteko al zegoen orduan Pasaian? Orduko egoera zaila zen. Aurretik gestora izenekoa izan zen lanean, eta [...]

admin

Elkartasun mokaduak

Presoen aldeko pintxo lehiaketa izan da gaur eguerdian Errenteria-Oreretan. Pintxo ikusgarriak prestatu dituzte lehiaketarako, eta denak jarri dituzte ikusgai lehenik, eta dastatzeko eskura gerora Foruen Enparantzan. Pintxo bakoitzak preso baten izena zeraman. Herritar ugari hurbildu dira pintxoak ikusi eta dastatzera.

admin

Zazpiak Bat Eguna ospatzen ari dira Antxon

Zuberoarekin harremanak estutzeko asmoz, Zazpiak Bat Eguna ari dira ospatzen gaur Antxon. Goizeko euriak jaia mehatxatu duen arren, atertu du gerora, eta festak aurrera jarraitzen du. Mahaiaren bueltan bilduta daude oraintxe jaian batu diren guztiak, e...

admin

Antxoko kirolarien erretratoak Kultur Etxean

Atzo Iluntzean inauguratu zuten Pasai Antxon, Antxotarrok Historia Mintegiak antolatutako Gure kirolariak erakusketa. Kirolari asko eman ditu Antxok eta horien erretatuak dira, hain zuzen, Kultur Etxean ikus daitezkeenak. Inaugurazioan Amaia Agirregabiria alkatea eta barrutiko zinegotzi Izaskun Biurrun eta Lexuri Teiletxea izan ziren. Erakusketa gaur ez dute zabalduko, Antxon, gaur Zazpiak Bat Eguna ospatzen ari direlako. Bihar, ordea, bada erakusketa bisitatzerik, 12:00etatik 14:00etara. Lan egunetan, 19:00etatik 21:00etara izango da zabalik, eta hilaren 25ean, larunbata, 12:00etatik 14:00etara eta 19:00etatik 21:00etara. Hilaren 26a bitartean izango da zabalik erakusketa.

admin

Galiziako Astea ospatuko dute astelehenetik aurrera, 22. aldiz

Galiziako Astearen XXII. ekitaldia egingo dute Errenteria-Oreretan. “Lehen aldiz, aste osoa izango da”, adierazi du Xose Antonio Vilaboa antolatzailetako batek. Bi zatitan banatu dute astea. Alde batetik, kultura ekitaldiak egingo dituzte astelehenetik ostegunera, hitzaldiekin. Asteburuan, berriz, ekitaldi folkloriko eta gastronomikoak. Galiziako Astea aurkeztearekin batera, Estadea literatura aldizkaria ere aurkeztu dute. Vilaboak esan duenez, “Errenterian aurkezten dugu beti, bertan galiziar komunitate handiena dagoelako”. Ondartxo auzoan 1.100 galiziar bizi direla nabarmendu du Vilaboak. Gainera, Argazkigintza Sariaren bigarren ekitaldia ere egingo dute. Gai bakarra Galizia izango da, nahiz eta argazkiek ez duten nahi eta nahi ez Galizian ateratakoak izan behar. Gipuzkoako Argazkilaritza Elkartera bidali behar dira. Egitaraua Hilak 20, astelehena 19:00: Estadea aldizkariaren aurkezpena eta hitzaldia, Reina Aretoan. 19:15: Música tradicional gallega hitzaldia, Manuel Gómez García Manu-rekin. Gipuzkoako Galiziako etxeko Trisquele gaita eta galiziar dantza taldearen gaita jotzaile nagusia da. Hilak 20, astelehena 19:00: Estadea aldizkariaren aurkezpena eta hitzaldia, Reina Aretoan. 19:15: Música tradicional gallega hitzaldia, Manuel Gómez García Manu-rekin. Gipuzkoako Galiziako etxeko Trisquele gaita eta galiziar dantza taldearen gaita jotzaile nagusia da. Hilak 21, asteartea 19:00: Hitzaldia Xose Estevez Rodriguezekin (Doktore Historia modernoan Deustuko Unibertsitatetik. Idazle eta kultura galiziarraren dinamizatzaile Euskadin): Castelao, humor e compromiso. Reina Aretoan izango da. Hilak 22, asteazkena [...]

admin

‘Heuk proba ezan’ ekimenak “arrakasta” izan du

Emakumeen artean kirola sustatzea helburu duen Heuk proba ezan ekimenaren azken saioa asteazkenean egin zuten. Fortuna Kirol Elkarteak adin guztietako emakumeentzako entrenamenduak antolatu ditu azarotik, eta ikasturtea bukatu dute jada. Egitasmoaren sustatzaileek jakinarazi dute ekimenak “arrakasta” izan duela, eta datorren ikasturtean berriz ere egingo dutela. 50 emakumek baino gehiagok parte hartu dute Heuk proba ezan ekimenean. Entrenamenduak astelehenetik asteazkenera egin dituzte, 19:00etatik 20:00etara, Claudia Beobidek gidatuta. Hala, egun horietako bakoitzean batez beste hamabost emakumek parte hartu dute. Bestalde, antolatzaileek eskerrak eman dizkiote Hondarribia Arraun Elkarteari ekimena egiteko hainbat azpiegitura utzi dituelako.

admin

Pala emaitzak

Kontxi-Marta/Xole-Karmele: 13-30. Gari-Orkatz/Xurko-Xumo: 30-18. Imanol-Iban/Oinatz-Gari: 8-30. Anartz-Iñigo/Aingeru-Jon: 30-29. Julen-Tximino/Patxi X.-Jon I.: 30-15. Fermin-Andres/Anartz-Goya: 30-22. Imanol-Jon O./Iñaki-Sardiña: 30-24. Imanol-Jon ...

admin

Amaia Irazustaren kartelak iragarriko ditu xanistebanak

Aiako Harriaren irudiak eta dantzari baten saltoak ilustratuko dute xanistebanetako jai giroa aurten. Amaia Irazustaren Jauzia kartelak iragarriko ditu aurtengo xanistebanak. Hala erabaki du Udaleko Kultura Saileko kideek, Urtekari Batzordeko kideek e...

admin

Konstantzia Musika Bandak itxiko ditu Itsas Mendiren Musika hamabostaldia

Azken asteburua dute Itsas Mendi elkarteak antolatutako musika jardunaldiak. Bihar, Hondore Koruak abestuko du 20:30ean, elizan, Jesus Maria Unanue Munduateren zuzendaritzapean, eta Arkaitz Mendoza pianista lagunduta. Igandean, berriz, Konstantzia Musi...

admin

Familia osoarentzako Kale Ekintza, bihar, plazan

Sei eta hamabi urte arteko haurrentzako ez ezik, familia osoarentzako moduko kale ekintza antolatu du Ttak-ek bihar arratsalderako. Doneztebe plazan egurrezko hogei jolas eta jostailu jarriko dituzte, jostatzeko gogoa duten guztien eskura, 16:30etik au...

admin

Elizalde Dantza Taldearen saioa etzi izango da

Elizalde Herri Eskolatik jakinarazi dutenez, Elizalde Dantza Taldearen emanaldia ez da bihar izango, etzi baizik. Udalaren Gotti Betti agendan eta gaurko BOGA OARSO BIDASOKO HITZA-ren astekarian bihar izango dela jartzen du, akats baten ondorioz, eta i...

admin
Gehiago