Albisteak

Laguntasuna elkartearen batzar orokorra, bihar

Laguntasuna elkartearen batzar orokorra

admin

Oiarpe, Berria Txapelketatik kanpo

Oiarpek ezin izan du aurrera egin Berria Txapelketan. Txarutaren kontra jokatu zuen kanporaketa, eta hiru partidetatik bat irabazi zuen. Andoni Ugaldek eta Xanet Imazek 22-5 irabazi zuten euren partida, kadeteetan. Gazteetan, 17-22 galdu zuten Oier Sarastik eta Ander Imazek. Helduetan, azkenik, 12-22 galdu zuten Antton Aranburuk eta Iñigo Ugaldek. Beraz, Txarutak egin du aurrera.

admin

Oposizioak herritarrak nahasten dituela salatu du PSE-EEk

Errenteriako PSE-EEk ezker abertzalea, Ezker Batua eta Aralar kritikatu ditu, eta hiru taldeek herritarrak nahasten dituztela salatu du. PSE-EEren arabera, “nabaritzen da” hauteskundeak hurbiltzen ari direla, talde politiko batzuk herria “gezurrak dioten kartelez” bete baitute, eta komunikabideak “zentzurik gabeko oharrez eta gezurrez”. Ezker abertzaleari dagokionez, Errenteriak “zerga eta tasa altuenak” dituela salatu izanari egin dio erreferentzia PSE-EEk. Datu horiek “osatu gabe” daudela kritikatu du. Hala, batzorde informatiboak ez biltzearena salbuespena dela, Arartekoak Ingurumen Kontseilua ez osatzearen arrazoiak ulertu dituela eta azken Hirigintza Kontseilua duela hilabete bildu dela adierazi du. Aralerren kontrako kritikak ere egin ditu PSE-EEk, Udalak eta alkateak bosgarren edukiontzia ez jartzea salatu duelako. “Hain itsututa daude Juan Carlos Merino edozer dela-eta erasotzen, ez direla  jabetu nola dauden banatuta zaborren konpetentziak eta beste gauza batzuk. Ea jabetzen diren: birziklatzea eta konpostajea mankomunitateek kontrolatzen dute”, esan du. Ezker Batuarengana ere zuzendu da PSE-EE: “EBren azken perla izan da ordenantza zibikoaren zirriborroa kritikatzea, eta gero ahoa betetzen zaio eurek asmatu dituzten beste ordenantzekin”. Alderdi sozialistatik azaldu dute 34 kultura, bizilagun eta kirol elkarteei aurkeztu dietela zirriborroa, “gero esan dezaten gauzak herritarrei berri eman gabe egiten direla”. Azkenik, herritarrei Beraun-Kaputxinoetako igerilekuak egingo ez zirela esateko kanpaina kritikatu dute: “Lanak hasi direla ikusi [...]

admin

Karlos Saldise gogoan izango dute

Bihar (igandea) Karlos Saldise gogoratzeko ekimenak egingo dituzte Donibanen eta Lezon. Lehenik eta behin, Donibanen, Karlos Saldise kaio zen etxearen parean lore eskaintza egingo dute, 11:00etan. Ondoren, Jaizkibeldik zehar martxa egingo dute parte-ha...

admin

Bihar, danborrada Lezon

Tomas Garbizu Lezoko Udaleko Musika Eskolako ikasleek San Sebastian Eguneko danborrada egingo dute bihar (igandea). Musika eskolako bandarekin batera aterako dira herriko kaleak alaitzera danborrari gazteak. 12:00etan hasiko dira makilak astintzen, musika eskolaren paretik, eta herri osoari bira eman ondoren Gurutze Santuaren plazan bukatuko dute kalejira (euria egiten badu, Saldise plazan bukatuko dute bidea).

admin

Lurraldeko Zatikako Planari alegazioak egiteko aukera, bihar Lezon

Lezoar talde batek azaroan hasi zuen Eusko Jaurlaritzaren Donostialdeko Lurraldeko Zatikako Planari (PTP) alegazioak aurkezteko lana. Azken ekimen bezala deia egin diete lezoarrei bihar alegazioak aurkezteko, eta horiek herrian jarrita dauden zenbait postontzitan uzteko . Izan ere, urtarrilaren 19an (asteazkenean) entregatuko dituzte PTParen kontrako alegazioak Jaurlaritzaren Donostiako bulegoetan, eta horregatik, herritar talde batek lezoarrei eskatu die alegazioak egiteko azken eguna izango dela bihar Lezon. Honako tokietan dauden postontzietan utz daitezke alegazio horiek: udaletxeko erregistroan, Bekoerrota kiroldegian, Andreone liburutegian, Tiñelun eta Gaintxurizketako hainbat tabernatan. Herritar taldearen ustezm PTPak Lezon eta lezoarrengan izango duen eragina “handia” da: “180 hektareako plataforma logistikoa eta geltoki intermodala Gaintxurizketan, kanpo kairako tunelak Urrullotik, eta hainbat errepide, besteen artean, Herriondo bailaratik”.

admin

Bixintxoak, bixi-bixi

Atzo arratsaldean hasi ziren Hendaiako Bixintxo Festak, Pellot pirataren desfilearekin eta Herriko Etxearen atarian egin zuten ekitaldiarekin. Gaur (larunbata) ere izango da zertaz gozatu Hendaian. Honakoak dira gaurko ekitaldiak: 11:00etatik 15:00etar...

admin

Sahararen alde janaria biltzen ari da El Watan

El Watan Oiartzungo elkarteak bat egin du aurten ere VII. Euskal Karabanarekin eta Piztu itxaropena sahararren aldeko janari bilketa kanpainarekin. Gaur hasiko dira janari bilketarekin. Ohiko lekuetan egingo dute. Batetik, herriko ikastetxeetan, Haurtz...

admin

Oiartzun Irratia: urtarrilak 15

Gaurko programazioa FM107an: 17:00etan: Getafeko (Madrid) Alfontso Perez futbol zelaitik, Getafe-Reala partidaren kontakizuna, zuzenean. Urtzi Argibay eta Alioxia Rodriguez izango dira esatariak.

admin

Allerru-Algeposak Zierbena liderra hartuko du Bekoerrotan

Partida zaila jokatuko du bihar arratsaldean Allerru-Algeposak. Izan ere, Zierbena liderra jasoko dute Bekoerrotan, 18:00etatik aurrera. Lehen itzulia jokatu dute jada eta asteburu honetakoa da bigarren itzuliko lehenengo partida. Allerru-Algeposak bol...

admin
Gehiago