Partida zaila jokatuko du bihar arratsaldean Allerru-Algeposak. Izan ere, Zierbena liderra jasoko dute Bekoerrotan, 18:00etatik aurrera. Lehen itzulia jokatu dute jada eta asteburu honetakoa da bigarren itzuliko lehenengo partida. Allerru-Algeposak bol...
Partida zaila jokatuko du bihar arratsaldean Allerru-Algeposak. Izan ere, Zierbena liderra jasoko dute Bekoerrotan, 18:00etatik aurrera. Lehen itzulia jokatu dute jada eta asteburu honetakoa da bigarren itzuliko lehenengo partida. Allerru-Algeposak bolada onari eutsi nahi dio, jarraitzaileen babesarekin. Bigarren astez jarraian jokatuko dute etxean.
Erregional Preferente Mailako Allerruk ere bigarren partida du jarraian, etxean. Astigarragako Mundarro taldea jasoko dute zuriberdeek. 17:30ean hasiko da Plazetako norgehiagoka. Astigartarrek lezoarrek baino hiru puntu gehiago dituzte.
Bigarren taldea ere, etxean
Lehen Erregional Mailako igoera faseko bigarren jardunaldian, berriz, Allerru Bk Lengokoak Donostiako taldearen kontra jokatuko du. Eurek ere Plazetan jokatuko dute, 19:30etik aurrera. Faseko lehenengo garaipena lortu nahi dute zuri-berdeek.
Allerruren saskibaloi taldeak ere partida zaila jokatuko du bihar, 20:00etan, Altzako kiroldegian, Alde Zaharra liderraren kontra.
Bidasoari buruzko kalitatezko informazioa eta gertukoa jaso nahi dudalako. Euskaraz bizi nahi dudalako eta hizkuntzaren biziberritzea bultzatu nahi dudalako. Herrigintza egin nahi dudalako. Bidasoko euskarazko komunitatearen parte izan nahi dudalako. Bidasoak eta bidasoarrok behar dugulako. Zure ekarpena behar dugu, babestu tokiko euskarazko komunikabidea.
