
Oiartzungo Udalbiltza Sareak deituta, Imanol Esnaola eta Xabier Iragorri auzipetuek epaiketaren balorazioa egin dute eguerdian Manuel Lekuona Bibliotekan. Hamarnaka herritar bildu dira auziaren nondik norakoak auzipetuen ahotik entzutera. Auzipetuek jakinarazi dute, absoluzioa besterik ez dutela espero, bereziki, hiru gauza nagusi frogatuta gelditu direlako epaiketan. Batetik, Udalbiltzak jarduera politiko publikoak eta zilegiak burutu zituela, udalen arteko lankidetza sustatuz. Bestetik, Udalbiltza ez dela ez ETAren eta ez beste inolako erakunderen menpe egon. Azkenik, Udalbiltzaren jardueran ez zela kalteturik izan. Esnaolak, gainera, nabarmendu du abokatuen lanak akusazioak oinarri gabe utzi dituela, eta abokatuek banan-banan desmuntatu dituztela akusazio guztiak. Esnaolak jakinarazi duenez, abokatuak sinetsita daude interes zehatz batzuengatik eraiki eta mantendu dutela Udalbiltzaren aurkako auzia. “Auzi-iruzurtzat” dute. Hala, salaketak oinarririk gabe gelditu direla azaldu dute auzipetuek. “Argi gelditu dira poliziaren aurreiritziak; poliziek aitortu dute frogarik ez zutela eta oinarri politikoa ere agerian gelditu da”, azaldu du Esnaolak. Elementu positiboak Auziak, ordea, elementu positiboak ere agerrarazi dituela jakinarazi dute auzipetuek: “Elkarretaratzeak; babes taldeak; pertsona ezagunen babesa; gizarte eragileena; indar politiko guztiena; Gipuzkoako Batzar Nagusiena; Eusko Legebiltzarraren elkartasuna; Nazioarteko ordezkari instituzionalen eta juristen manifestua; Katalunian eta Madrilen ere babes taldeak sortu dituzte; Katalunian ehunka udal hautetsik izenpetu dute epaiketa salatzeko agiria…”. Horiek guztiek eta auzipetuek eurek [...]

Lehen Mailako Donibane Majestik eskubaloi taldeak Arrasate taldearen kontra jokatuko du bihar, 11:30ean Iturripe kiroldegian (Arrasaten). Pasa den asteburuko porrotaren ondoren, Jon Frias entrenatzailearen mutilak irabaztera aterako dira zelaira. Bigar...

Emea eta anitza lehiaketaz kanpo dagoen atalarekin hasiko da gaur Ikuska FIlm Laburren XII. Lehiaketa. Emakumearen munduarekin zerikusia duten zazpi lan ikusteko aukera izango dute ikus-entzuleek, eta ondoren, Bezko Beko elkartearen lankidetzarekin sar...

Hilabeteko bigarren larunbata izanik, herriko kantu jirako kideek ez dute hutsik egingo. Hala, beti bezala, 12:00etan jarri dute hitzordua Herriko Enparantzan. Euskal abestiak abesten dituzte kantu jirako kideek herriko erdialdeko kaleetan barrena. Gog...

XI. Asteburu Mikologikoa antolatu du Basarik, gaurko eta biharko. Gaur, Gure Zumardian bildu dira parte-hartzaileak, 07:30ean, perretxiko bila irteteko. Ondoren, 12:00etatik 14:30ak bitartean jasotako perretxiko guztiak Azokan entregatuko dituzte. Ah...

Datorren urteko Ordenantza Fiskalak %2 igotzea erabaki du gaur Errenteriako Udalak udaletxean egin duten ezohiko Osoko Bilkuran. Horrez gain, Errenteriako Udaleko langileen soldatak %5 murriztea onartu dute PSE-EE, EAJ eta Hamaikabat alderdien babesarekin.

Lezoko Jai Batzordeak bilera egingo du datorren ostegunean, hilaren 18an. Kultura Aretoan izango da, 19:30etik aurrera.

Olibet Itzatu emakume taldeko kideek elkarretaratzea egingo dute astelehenean udaletxearen aurrean. 11:00etan jarri dute hitzordua. Arrazoia da udaletxeak ez diela kalefakziorik jartzen euren egoitzan.

Mikelazulo Kultur Elkarteak antolatutako Herrien astearen baitan, Marisol Ramirezen argazkiak jarrita egongo dira, Xenpelar Etxean. Sahara, emakumearen izenarekin erakusketa osatu du, 2007ko irailan Tindufen (Aljeria) Saharako herritarrei ateratako arg...

Joko Garbiko Gipuzkoako Txapelketan, finalera pasatu dira Txost 1eko gazteak eta Txosteko helduak. Gazteetan Txost 1ek 40-25 irabazi zion Txost 2ri. Helduetan, Txostek 40-18 irabazi zion Zubieta 1 taldeari. Txost 1eko haurrek galdu egin zuten 27-35 Zub...

Donibaneko zentral termikoaren jarduera onetsi du Euskadiko Auzitegi Gorenak. Epaileek ez dute aintzat hartu Greenpeace talde ekologistak eta Udalak aurkeztutako salaketa. Era berean, Ingurumen Sailak 2008an termikari emandako Ingurumen Baimen Integratua ere onetsi du Gorenak. Aipatutako azken baimen hori Europako Batasunak enpresa kutsatzaileenei edukitzea exijitzen die. Greenpeace taldeak dio Ingurumen Baimen Integratua zentral termikoari ematea “ilegala” dela. Gorenaren arabera, ordea, termikak 1961ean lortu zuen jarduera lizentzia eta Udalak 1984an berretsi zuen. Horren ondoren, Udalak beste hamaika obra lizentzia eman dizkiola termikari gaineratu dute epaileek. Beraz, Ingurumen Sailak emandako baimena baliogarria dela adierazi du. Espedienterik ez Bestetik, Udalak aurkeztutako salaketei heldu diete epaileek. Gorenak azaldu du Udalak ez duela termikaren jarduera geldiarazteko inolako espedienterik ireki, nahiz eta hori egiteko eskuduntza eduki eta lizentziarik gabe lanean zela jakin. Dena den, Auzitegi Gorenak onetsitako baimena, behin behinekoa da. Izan ere, Ingurumen Sailak 2008an emandako Ingurunen Baimen Integratuaren baitan, zentral termikoak sei hilabeteren buruan zenbait neurri hartu behar zituela zehazten zen. Hala ere, 2009an baimenaren izapideak eten zituzten eta ezin izan zuen termikak neurri horiek betetzen jarraitu. 2010eko abenduan, aldiz, Euskal Herriko Agintaritzaren Aldizkarian 2008an onartutako Ingurumen Baimen Integratua argitaratu zuen Ingurumen Sailak, 2009ko etenaldia gaindituz. Baimen horrek zortzi urtean jarduera berdina egiten jarraitzeko [...]

Gipuzkoako esku pilota lehian hiru garaipen lortu dituzte Oiarpeko pilotariek, eta Euskal Herrikoan beste bat

Betti Gotti euskara kultur taldeak eta Mugi Hadi Mondragon Unibertsitateko ikasle taldeak inauteri herri bazkaria antolatu dute lehen aldiz Irunen. Martxoaren 5ean izango da, Ficoba erakustazokako 2. pabilioian. Bazkariaz gain, mozorro lehiaketa eta musika egongo da, den-dena 15 euroren truke. Sarrerak aste honetan jarriko dituzte salgai EKTn, ostegunetik larunbatera. Irun 2020 bulegoak eta Udalak diruz lagundutako ekitaldia izango da. Aurreneko aldia izango da Irunen inauterietako herri bazkaria antolatuko dutela. Betti Gottik eta Mugi Hadik indarrak batu dituzte, “inauterietako jaia desfilera eta gaualdiko girora mugatu ez” dadin. “Eguneko giroan dagoen hutsune kulturalari irtenbide bat bilatu nahi diogu”, esan dute antolatzaileek. Ekitaldia edozeinentzako irekia dago, baina lagun taldeei dei berezia egin diete: “Bidasoko kuadrilentzat beste egun polit eta berezi bat sortu nahi dugu”. Herri bazkarian parte hartzeko “18 urte baino gehiago izatea, eta mozorrotik egotea”, horiek dira baldintza bakarrak. Sarrerak ostegunetik larunbatera Aste honetako ostegunean, hilaren 17an, jarriko dituzte sarrerak salgai EKTn (Larretxipi kalea, 12). Ostegunean eta ostiralean 19:00etatik 20:30era izango da txartelak erosteko aukera, eta larunbatean -azken eguna-, 11:30etik 13:00etara. Bazkaria, lehiaketa eta musika Bazkaria 14:00etan hasiko da, baina 45 minutu lehenago ateak irekiko dituzte, txartela dutenentzat soilik. Edozein inauteri festa inportanteetan bezala, Betti Gotti eta Mugi Hadi elkarteen bazkarian ere [...]

Elizalde Eskolan Mediaketa proiektua jarri dute martxan, ikastetxeko komunitate osoaren laguntzarekin (ikasle, irakasle, guraso…). Mediatekara hurbiltzen direnek, liburuak eta DVDak eskuratzeko aukera izango dute aurrerantzean, baita ikasteko gune bat ere. Elizaldetik nabarmendu dutenez, proiektua aurrera ateratzeko lan handia egin dute, bai ekonomikoki eta baita antolamenduari dagokionez ere: «Geure baliabide propioak erabiliz sortu dugu eta harro gaude». Proiektua eskola osatzen duten komunitateari irekita dago: ikasleei, irakasleei eta gurasoei. Horretarako, arratsaldean ere irekita egongo da mediateka. Hala, gurasoek eta ikasleek elkarrekin egoteko aukera izango dute, irakurtzen, ikasten, lanak egiten… Dagoeneko, gutxi gorabehera 60 ikaslek erabiltzen dute zerbitzua egunero, eta gurasoak ere hasi dira hurbiltzen. Pozik daude Elizalden, eta lanean jarraituko dute: «Kalitatezko zerbitzua eskaini nahi dugu eta erakundeetara joko dugu baliabide aurreratuak eta egokiak eskuratzeko. Unesco Hezkuntza, Zientzia eta Kulturarako Nazio Batuen Erakundeak dioen bezala, mediatekak eta liburutegiak ikasleen eta pertsona guztien ezinbesteko eskubide dira». 2010/2011 helburuak Espazioa antolatu eta behar diren oinarrizko baliabideez hornitu. Eskolako funtsak antolatu eta katalogatzen hasi. Eguerditan (12:30etik 13:30era) eta arratsaldeetan (16:30etik 18:00etara) irekitzea. Sarean dauden baliabideak antolatu eta komunitateari zabaldu. Irakurketa plana abian jarri. Gomendatuak diren erreferentziazko liburuak eta kalitate literario eta estetiko kontrastatua duten liburuak eskuratu. Irakurzaletasuna bultzatu. Teknologia berrien baliabideak erabiltzeko espazioa eskaini eta [...]

Gaurko programazioa FM107an: 10:00etan, Arguyuan: 10:30ean: Kirol emaitzak. 11:30ean: Oarso Bidasoko Hitza-ren zuzendariaren eskutik, Oarsoaldeko informazioa. 12:10ean: Elkarrizketa. 13:15ean: Joxe Migel Lopezen eskutik, kirol informazioa. 15:00etan: A...

Eusko Jaurlaritzako Kultura sailak 2000 euroko laguntza eman dio Bidasoako Nazioarteko Zinemaldi Arkeologikoari (FICAB). Hala jakinarazi zuen ostiralean Blanca Urgell sailburuak, Oiasso museora eginiko bisitan. Jaurlaritzak 75 piezen mailegua egin dio...

Gaur, 23:00etatik aurrera eta Antxoko Gaztetxean, Kantarikatura izeneko ikuskizuna egingo dute. Bertsolarien eta marrazkigileen arteko saioa da Kantarikatura. Hala, bertsotan Jon Martin, Beñat Gaztelumendi, Alaia Martin eta Arkaitz Oiartzabal ariko diren bitartean, Unai Gaztelumendik egingo ditu marrazkiak. Gaiak jartzen Egoitz Zelaia ibiliko da.

Trintxer Mendi Taldeak, Euskal Herriko biraren baitan, Bizkaira irteera antolatu du hilaren 20an (igandea). Turtzioz eta Karrantza arteko bidea egingo dute, sei bat ordutan. Izena eman nahi dutenek, Trintxerpeko Sonesa Kirolak dendatik pastu behar dute. Bestela, bi telefono zenbaki prest dituzte interesdunen arretarako: 943 39 07 21 eta 679 23 36 60. Datorren asteko igandean 07:30ean aterako da autobusa Trintxerpetik Bizkaira joateko. Irteeraren prezioa 15 eurokoa da.

Asteazkenean, hilaren 16an, odol erauzketak egingo dituzte Pasai Antxoko Kultur Etxean. Interesa duenak 18:30etik 20:30era odola emateko aukera izango du. 18 urte baino gehiago izan behar dira odola eman ahal izateko.