Albisteak

LosDeSiempre De Cyne Reynan izango da bihar

LosDeSiempre taldeak kontzertua emango du bihar gauean De Cyne Reyna tabernan. Emanaldia 22:30ak aldera hasiko da. Hiru kideko taldea da, eta Jabi Area izango da perkusioan, Ritxi Salaberria baxuan eta Luis Mari Moreno Pirata gitarran.

admin

Antxordoki II eta Telletxea, finalera iristeko faboritoetakoak

Hasi dira jokatzen Euskal Herriko Pala Txapelketa; bigarren jardunaldia jokatu dute

admin

Lurraldebusen %40ko beherapena eskatu dute

Pasa den astelehenean urtea amaitu aurretik tarifak batzeko lehen pausoa eman zuten EuskoTrenek, Renfek, Lurraldebusek eta Errenteriako, Irungo eta Donostiako autobusek. Besteak beste, lehen bidaiatik Lurraldebus txartelaren erabiltzaileei %25eko desko...

admin

Bihar Hamaikabatekbilera irekia egingo du Antxon

Pasaiako Hamaikabat bilera irekiak egiten ari da. Barrutiz barruti egin ditu batzarrak eta prozesu hori bukatzeko azken bilera, bihar, Antxon egingo du. Hitzordua 19:00etan jarri dute Kultur Etxean. “Ekarpen bakoitzaren balioa azpimarratu nahiko ...

admin

La Herrera Herrira batzordeak bilera egingo du larunbatean

La Herrera Herrira batzordeak bilera irekia deitu du etzirako, 13:00etan Alkateordetzan. Batzordeak herritarren parte-hartzearekin batera egindako hirigintza proposamenari buruzko argibideak emateko eta hura “sendotzeko eta blindatzeko” jar...

admin

Hiru urteko kartzela zigorra eskatzen dute kiosko batean lapurtzeagatik

Fiskaltzak bi urte eta zortzi hilabeteko kartzela zigorra eskatu du herriko kiosko batean 1.429 euro lapurtu zituelakoan eta kioskoaren jabeari kolpe bat eman ziolakoan. 2010eko azaroaren 2an gertatu zen ustezko lapurreta. Akusatua kiosko batean sartu ...

admin

Abaraxka: otsailak 16

Zentzumenekin jolastuko dira gaur Abaraxka Udal Ludotekako bazkideak: “Usainduz, dastatuz, ukituz eta entzunez… jolastu!”. 16:30ean hasiko dira jolas saioarekin.

admin

Lur azpiko hirugarren solairuko hondeaketa lanak bukatzen ari dira

Jose Antonio Santano alkateak eta Miguel Angel Paez Irungo Hiri Garapen eta Obren zinegotziak gaur goizean San Juan Plazako lanak bisitatu dituzte. Lanen fase berrian dabiltza egunotan, hirugarren solairuko ustutzean hain zuzen ere, eta dagoeneko lan hauek bukatzen ari dira. Hirugarren solairu honetan, bertakoentzeko aparkalekuak egingo dituzte. San Juan Plazan, lur azpiko hiru solairu egingo dituzte: beheko biak aparkalekuak izango dira; txandatze sistemakoak eta bertakoentzakoak, eta lehenengo solairuak, erabilera kultural eta administratiboak izango ditu, besteak beste, audiotorioa egingo dute. Jose Antonio Santanok Irungo alkateak azaldu duenez, “zirraragarria da ikustea nola itxura hartzen ari den San Juan plaza berria. Irundarrek parte hartu zuten proiektuaren hautapenean eta orain forma hartzen eta errealitate bilakatzen ari da. Lan zailak izaten ari dira, eta irundarrei eskerrak emateko aprobetxatu nahiko nuke, inguruko bizilagun eta  merkatariei batez ere, lanekin izaten ari diren pazientziarengatik». Gaur gogoratu dutenaren arabera, lanek daukaten dimentsio eta zailtasunak kontuan izanda, erritmo egokian doaz. Lanak 2009ko udan hasi ziren, eta oraindik ere beste zortzi hilabeteko lanak gelditzen zaizkie, «datozen hilabeteetan espazioa errekuperatzen hasiko gara, eta inguruko guneak normalizatzen hasiko dira, momentu txarrenak pasa ditugula esan daiteke», gehitu du Miguel Angel Paezek, Hiri Garapen eta Obren zinegotziak. Behin pantaila hormak eta zutabe piloteak eraikita, aparkalekuko goiko lauza [...]

admin

LAB sindikatuak, pentsio erreforma salatu du

Lab sindikatuak pentsio erreformen aurka manifestazioa egin du

admin

“Batik bat osasunarengatik eta ingurumenarengatik egiten dugu”

Herriko kontsumo talde bateko kidea da Leo Argote (Errenteria-Orereta, 1983). Taldea duela hilabete gutxi sortu zen, baina orain bertako baserritar baten bila ari dira tratua egiteko. Lur sailen bat alokatzeko ere prest daude, horiek landuko lituzketen nekazari gazteak ezagutzen baituzte. Zeri deitzen diozue kontsumo taldea? Bertako produktuak zuzenean baserritar bati erosteko interesa daukan herritar talde bat izaten da. Normalean barazkiekin hasten da, baina gero har dezakezu haragia, arrautzak… Euren arteko harremana ez da salerosketa soilik izaten, baita planifikazioa elkarrekin egitea ere. Kontsumitzaileek erabakitzen dute zein eredu nahi duten: ekologikoa izan behar duen %100ean edo garrantzizkoagoa den uzta mantentzea. Baserritarrak, berriz, esaten digu nola joan den uzta, galerarik izan den… Baserritar bat behar duzue orduan. Zein baldintza bete behar ditu? Bertakoa izatea, eta gero produktu ekologikoak ekoizten ez baditu, gero ekologikoak egiteko konpromisoa hartzea. Orain Beizamako baserritar batekin gaude, baina bertako baserritar bat lortu nahi dugu. Horregatik hasieran ez zaigu inporta produktu ekologikoak ez ekoiztea ondoren ekologikorantz egiten duen bitartean. Zein pauta bideratzen duzue baserritarrarekin? Oraindik ez gara hasi herrian, baina badakigu nola funtzionatzen duten beste taldeek. Astean behin elkartzen dira baserritarrarekin, eta berak otarrak jaisten ditu. Produktuak beti toki berean jasotzen dituzte, eta ordainketak normalean, hilean behin egiten dituzte. Taldea [...]

admin

Maiatzaren 10ean itsas etorbide berriaren proiektua ezagutuko dute herritarrek

Itsas etorbidearen berrantolatzeko proiektua herritarrei azaltzeko bilera eginen dute maiatzaren 10ean Zokoburuko Antton Abbadia mintzaldi aretoan. Jean-Baptiste Salaberri auzapezak eta Bernard Laville Zerbitzu Teknikoetako zuzendariak gidatuko dute. Helburua proiektuaren nondik norakoak azaltzea eta Herriko Etxeak obretarako ezarriko duen egutegiaren berri ematea da. Hizketaldia 19:00etan hasiko da eta irekia izanen da, herritar guztiei zuzenduta. Iazko maiatzetik abuztura bitartean zerbitzu teknikoek egindako diagnostikoak kontuan harturik, Hendaiako itsas etorbidea moldatzeko proiektua osatu zuen Herriko Etxeak. Azaroaren 10ean auzapezak egitasmoaren berri eman zuen Zokoburuko aretoan, Obretako auzapezorde Richard Beitia eta Laville alboan zituelarik. Maiatzeko solasaldian iaz prestatutako txostenaren garapena ere argituko dute udal ordezkariek. Aurrekontu altua Lanen tamaina eta kostuarengatik obrak zatika eginen dituzte. Lehen faseak Zokoburu eta Eukaliptu karriken arteko eremua hartuko du, eta udazkenean hasiko da. Herriko Etxeak uste du lehen zatiaren aurrekontua bi milioi eta erdi eta hiru milioi artekoa izanen dela, gutxi gorabehera.

admin

Bidasoan Euskaraz ekimenaren haritik ekintza ugari

Herriko Bakalau elkarteak hainbat ekintza antolatu ditu Bidasoan Euskaraz ekimenaren barruan. Maiatzaren 6an kantu afaria izango da Xaia ostatuan Kuxkuxtu txarangak alaiturik. Hurrengo egunean, maiatzaren 7an, pilota txapelketaren finala 11:00etan. Ape...

admin

Edalontzia eta sagardoa

Bi egun besterik ez dira falta herriko jairik handienetako batez gozatu ahal izateko: Sagardo Eguna. Aurten ere buru-belarri aritu dira herriko hainbat norbanako eta elkarte jaia aurrera eramateko lanean, eta hala, 23.enez egingo dute sagardoaren festa handia Errenteria-Oreretan. Pasa den asteartean eman zituzten Sagardo Egunaren xehetasun guztiak antolatzaileek, eta “herrian jada sendotua” dagoen ekitaldi bezala aurkeztu zuten. “Hilabete luzeetako lanak larunbatean bere fruituak jasoko ditu, besteak beste, talde finko bati esker”, zehaztu zuten. Goizetik hasita, egun osora arte luzatuko da festa. Hala, 11:30ean bolo eta toka jokoak egingo dituzte. Aurten, iaz bezala herrian zeuden garai bateko sagardotegiei “keinu txiki bat” egin nahi izan diete joko horien bidez. Antolatzaileek deialdia zabaldu diete herritarrei bolo eta toka jokoetan parte hartzera animatzeko. Eguerdiko hamabietan egingo dute Sagardo Egunaren irekiera ofiziala. Herriko jaietan txupina botatzearekin bezala, Sagardo Egunean sagardo botila bati kortxoa kenduz hasiko da festa. Hortik aurrera, ez dira ekitaldiak eta musika faltako. Foru plazan, euskal jokoetan parte hartu eta sagardoa dastatzearekin batera, jai giroa jarriko dute irrintzilariek, bertsolariek, dultzaineroek, trikitilariek, dantzariek eta txistulariek. Bazkarirako atsedenaren ostean, Zumardira mugituko da festa. 18:00etatik aurrera, berriro sagardoa dastatzeko aukera izango da. Goizean bezala, gainera, irrintzilariak, txalapartariak eta trikitilariak ibiliko dira giroa alaitzen, eta horiekin batera, [...]

admin

Aupa gazte!

Maitane Linazasoro. Oreretako Gazte Mugimenduaren izenean. Oreretako gazte bat naiz. Jaio nintzenean, guztiak bezala, ez neukan naizenaren eta izan nahi dudanaren kontzientziarik. Baina orain, heltzen noan heinean, konturatu naiz nire bizitza guztia espetxean pasatu duzula, borrokan pasatu duzula. Jaio, eta herriko egoera zein zen ez nekien baina errealitatea da, momentu horietan, zu, beste hainbat euskal herritarren antzera, atxilotua eta inkomunikatua izan zinela, eta geroztik espetxe ezberdinak besterik ez dituzula ezagutu. Ez nuen ulertzen zer zen hori. Zure nahia, orain dakit, euskal herri libre eta aske bat zen, horregatik hasi zinen borrokan. Orduan, nik ez nekien zer zen hura, zergatik pasatzen zen. 3 urterekin ikastolan hasi nintzen, lagunak egin nituen, eta bizitza festa bat izango balitz bezala bizitzen nuen, zu, zuek non zaudeten kontziente izan gabe. Momentu horietan, ziur aski, kunda batean egongo zinen; edo agian itxialdi edo gose greba bat egiten: kide bat jipoitua izan zen, militante bat eraila, dispertsioa… ez nekien. Koxkortzen ari nintzela, zantzu txikitan bazen ere, euskal herriaren kontrako zapalkuntzaren zantzuak nabaritzen hasi nintzen. Nire lagunen senideak urruti eramaten zituzten; nire etxe ondoko leku batzuetan ezin nuen hitz egin, ez baitzidaten ulertzen; ostiraletan plazan jolasten nengoela, sirena urdinak ikusi, zarata askoren artean amatxok eskutik hartu eta korrika [...]

admin

Udaleku irekietan izena emateko epea zabalduko dute astelehenean

Pasaiako Udaleko Gazteria eta Kirol Departamentuak Udaleku Irekiak antolatu ditu uztailerako, haurrek udan gozatzeko aukera izan dezaten, eta bide batez, ikastetxeetan urtean zehar bereganatutako euskararen erabilera indartu dezaten. Udalekuak Pasaian ...

admin

San Markoko erromeria inoiz baino beranduago, igandean

Aurten inoiz baino beranduago izango da San Marko Eguneko erromeria. Santu horren eguna astelehen honetan zen, baina Aste Santua zela eta, eta jende asko oporretan egoteagatik, dataz aldatzea erabaki du Udalak, maiatzaren 1era. Aldaketarengatik barkame...

admin

‘Ilargi ezkutatzailea’ obraren emanaldi bikoitza larunbatean Mendi Zolanen

Baionako Hecho en casa konpainiak egonaldia burutuko du Zokoburuko Mendi Zolan kulturgunean, Ametsen batzarra (La bazar des reves) goiburuko sorkuntza berria prestatzeko helburuz. Gainera, Ilargi ezkutatzailea (Cache lune) antzezlanaren lenen zatia Hendaiako publikoaren aurrean antzeztuko dute bihar, larunbatarekin. Bi emanaldi eskainiko dituzte, 15:00etan eta 18:00etan, biak Mendi Zolaneko eskenatokian.

admin

Joko garbia, Elorrion

Pasa den hilaren 16an, Elorrion (Bizkaia), bertako Udalak antolatuta, Xiberua-Elorrixo elkarlanean Zazpiak Bat Eguna ospatu zuten, eta bertan kirol ekitaldiak izan ziren. Horietako bat, joko garbiko erakustaldia izan zen. Oiartzungo Txost Pilota Taldeko Mitxelena eta Ezkurdia aritu ziren aurrelari gisa eta Aruartena eta Zabala atzelari gisa. Partida polita eta orekatua izan zen, eta bertara hurbildu ziren zaleen gustukoa.

admin

Udala: “Izugarrizko arrakasta izan zuen Leteren omenezko jaialdiak”

Oiartzungo Udalak eta AM kultur promotorak antolatuta, Xabier Leteren omenezko jaialdia izan zen Elorsoron hilaren 16an. Udalak sekulako arrakasta izan zuela nabarmendu du eta eskerrak eman dizkie “jaialdi hau borobila izaten lagundu duten guztiei”. Bereziki Arantxa Leteri, Xabier zenaren arrebari eman dizkio eskerrak: “Oiartzunen sortu eta bizi da egun ere, eta hitzalditxo hunkigarria eskaini zien bere anaia Xabier Leteri eta ikusle guztiei”. Momentu horretan, Aitor Etxeberria alkateak lore sorta oparitu zion. Era berean, Udalak eskerrak eman dizkie jaialdia prestatu zuen AM Kultur Promotorari, laguntzaile izan zen Girizia Kultur Elkarteari eta bertan parte hartu zuten abeslari eta musikari guztiei. Jaialdiak ia hiru ordu iraun zuen eta arrakasta izugarritzat du Udalak, abeslari, musikari eta entzuleen iritzia bildu ondoren: “Une hunkigarri ugari izan ziren. Jaialdi borobila, Xabier Letek merezi zuen tamainakoa”. Kulturgintzako erreferente Xabier Lete Bergaretxe 1944ko apirilaren 5ean jaio zen Oiartzunen, eta pasa den abenduaren 4an hil zen, Urnietan. Poeta, idazlea eta kantaria zen. Udaletik gogorarazi dutenez, “euskal kulturgintzako erreferente garrantzitsua izan da”. Ez Dok Amairu taldeko kide garrantzitsuenetariko bat izan zen oiartzuarra. Benito Lertxundi, Mikel Laboa, Lourdes Iriondo, Joxean Artze eta Jose Angel Irigarairekin batera, bera izan zen taldea sortu zutenetako bat, 1965. urtean. Azken urteetan, Jakiundeko kide izendatu zuten eta [...]

admin
Gehiago