Lupe Calvo Elizasu kazetariak bere bigarren liburua kaleratu du, 'Por todas'. Asun Casasolak egindako ibilbidea goraipatu, eta indarkeria matxistaren biktima guztiak omentzeko lana da.


Hendaian Kantuz ekimenaren jarraitzaileek eta Mutxiko elkartearen deiari erantzunez biltzen diren euskal dantza zaleek bat egingo dute igandean Hendaiako Hiri-erdian. 11:30ean dute bi taldeek abiapuntua. Kalean Kantuz Merkatu Zaharrean ospatuko da, oh...

Atzo gauean hasi eta gaur gauean bukatuko dituzte Amutaldeko errepidea konpontzeko lanak eta Mendeluko zubitik N-638 errepideko gurutzebide arte berrituko dute errepidea. Aitor Kerejeta, Hondarribiko alkatea, azaroan bertako bizilagunekin bildu ostean ...

Hemeretzigarren jardunaldiko partidua irabazi zuen larunbatean Hondarribia-Irunek etxean Extrugasaren aurka jokatutako partiduan. 60-55 menderatu zituzten aurkariak, eta hamargarren dira orain hondarribiarrak hogeitasei punturekin.

Solidaritat per la Independencia alderdiak lehenengo batzar nazionala egin zuen atzo eta Toni Strubell (Errenteria-Oreretan bizi da) izendatu zuten alderdiko presidente. Estatutuak ia aho batez onartu zituzten. Oarso Bidasoko Hitzak elkarrizketa egin zion pasa den abenduaren 10ean, Kataluniako Hauteskundeen ondoren: Kataluniako hauteskunde autonomikoen prozesu guztia etxetik jarraitzeko aukera zuen Toni Strubellek (Oxford, 1952; Errenteria-Oreretan bizi da). Baina hori egin beharrean, nahiago izan du pausoa eman eta prozesuaren parte bilakatu. Katalunian politikariek erabakiak hartzeko ahalmenik ez dutelako eman du pausoa eta hori behin betiko aldatzeko itxaropena du. Gogotsu dago eta lanerako prest. Lortutako emaitzarekin gustura? Oso gustura. Azken eguneko inkestak nahiko ezkorrak ziren guretzako eta hori ikusita emaitza oso ona da. Hedabideen ikuspuntutik, gainera, ez dugu oihartzun handirik izan. Legeak dio aurreko legealdian Parlament-ean egon ez diren alderdiek ez daukatela bermatuta euren presentzia hedabideetan, beraz, telebistan, irratian eta prentsa idatzian gutxi agertu gara. Hauteskundeen zein irakurketa egiten duzu? Argi geratu da Parlament-eko gehiengo nagusia abertzalea dela eta boto baliagarria CIUrentzako izan dela. Uste dut nazio ikuspegitik jasaten ari garen jazarpena handia dela. Garrantzitsua izango da Solidaritat Catalana per la Independencia alderdiak egingo duen lana. Etxetik prozesu guztia ikusteko aukera nuen, baina nahiago izan dut barruan egon uste dudalako prozesuak bai ala [...]

Garaipena eskuratzeko borrokatu bazuten ere, 0-4 galdu zuen Hondarribiak larunbatean etxean Real Unionen aurka jokatutako partiduan. Postu bat behera egin dute sailkapenean hondarribiarrek, eta hamabigarren dira orain, hogeitasei punturekin.

Euskararen aldeko Korrika 17ko arduradunek jakinarazi dute Irungo batzordea heldu den asteazkenean bilduko dela bigarren aldiz, otsailaren 23an, 19:30ean, AEKren egoitzan (Legia karrika, 6). Informazio gehiago nahi duenak Behe Bidasoko batzordeetako ...

Herriko El Watan elkarteak eskerrak eman dizkie oiartzuarrei eta Sahararen aldeko janari bilketan parte hartu duten guztiei. El Wataneko kideek jakinarazi dutenez, jaso duten laguntza handia izan da: “Hamabi tona janari, 8.000 konpresa eta horrez gain, kirola egiteko jantziak”. Era berean, eskerrak eman dizkiete Haurtzaro Ikastolari, Elizalde Eskolari, Alcampo merkatalguneari, Carrefour merkatalguneari, Catelsa enpresako langileei eta Orereta Ikastolari. Elkarteak, gainera, auto bat lortu du eta errefuxiatu kanpamentuetara bidaliko du. Zehatzago esateko, gerran eta minen ondorioz zauritutakoen ospitalera. Autoarekin batera, materiala ere bidaliko dute Saharara: “Hainbat material bildu dugu, batetik, ospitalerako botikak, eta bestetik, emakumeentzako proiektu baterako baliabideak”. Oporrak bakean Bestalde, El Watanetik jakinarazi dute aurten ere Oporrak bakean proiektuari ekingo diotela. Familia berriak behar dituzte udan haurrak etxean hartzeko. Lehenbailehen jakin nahi dute boluntariorik badagoen. Hala, interesdunek 605 71 36 92 zenbakira deitu behar dute.

Antxoko Basari Foroak antolatutako Euskararen Herria bide baten bila ekimenaren baitako azken hitzaldia izango da datorren asteartean (hilak 22). Joxe Manuel Odriozolak, Pasaiako Udal Euskaltegiko irakasleak, Abertzaleak eta Euskara hitzaldia emango du...

Gipuzkoako Bigarren Mailako areto futboleko Oiartzun taldeak Gure Txokoaren kontra jokatuko du gaur asteburu honetako jardunaldia. Partida jokatzen 16:30ean hasiko dira, Elorsoro kiroldegian. Maila bereko herriko beste taldeak, Power Rangers izenekoak,...

Espainiako Auzitegi Gorenak Bilduren zerrenda guztiak (udalerrietakoak, aldundietakoak zein Nafarroako Parlamentukoak) baliogabetu dituela eta, Oarsoaldeko zein Bidasoko hainbat ordezkari politikok erabaki hori gaitzetsi dute. Mobilizazioak egin dituzte gaur arratsaldean, udalerri guztietan. Irudian Hondarribiakoa.

Espainiaratuko duten beldur, Manu Ugartemendia preso oreretarrak gose greba hastea erabaki du. Hilaren 13an bukatzen zaio Frantziako Estatuan ezarri zioten zigorra, eta egun horretatik aurrera, Espainiaratua izan daiteke. Hori gertatuz gero, “Esp...

Errenteriako Udalean izan diren lau jazarpen kasuetako batean epaia irmoa izan da: Udalak ia 221.000 euroko kalte ordainak eman behar dizkio langile ohi bati. Legeak dioena baliatuz, ezker abertzaleak ezohiko udalbatzarra eskatuko du erantzukizunak eskatzeko eta argitzeko: “Kalte ordainak ordaintzeko orduan eta zigorrak jasotzeko orduan argitu nahi dugu zeintzuk diren erantzule zuzenak”. Ezker abertzaleko zinegotziek azaldu dutenez, kalte ordainak ordaindu behar direnean, 30/1992 Legeak dio Udalak berak politikariei eta langileei erantzukizuna eskatzeko prozedura bere kabuz martxan jarri behar duela, eta horixe bera eskatu dute talde abertzaleko sei zinegotziek. Pasa den ostiraleko udalbatzarrean, LABeko eta ELAko kideek prozedura bera martxan jartzeko mozioa aurkeztu zuten, baina Juan Carlos Merino alkateak ez zien gai ordenean txertatzeko aukerarik eman. Hala, ezker abertzaleko zinegotziek pauso hori eman zuten, eta ostiralean bertan eskatu zuten ezohiko batzar hori. Orain, hamabost egun baino lehen deitu beharko du alkateak. Zinegotzien ustez, “oso larria” da lau lan istripuen gaia, eta beharrezkoa da erantzuleak nor izan diren zehaztea: “Udalak eta herritarrek ez dute zertan pertsona zehatz batzuek egindakoa ordaindu behar”. “Ezin dute zigor gabe geratu” Gaineratu dutenez, lan istripua eragin duten pertsonek “ezin dute zigor gabe gelditu, bestela, berriro gertatzeko arriskua dago”. Hala, Udalak lan istripuak saihestu behar dituela berretsi dute, [...]

Pasaia Musikalek antolatuta, ostiralean, hilak 6 Lucia di Lammermoor operaren proiekzioa entzun eta ikusteko aukera izango da. Oihana Reguela kantu irakaslearen azalpenak lagundutako proiekzioa izango da, nahi duen edonori irekia, eta doan. Proiekzioa ...

Intxixu Herri Kultur Lantaldeak sendabelarrei buruzko ikastaroa antolatu du beste behin. Maiatzean eta ekainean zehar, larunbatetan, hainbat saioa egingo dituzte. Beheko zerrendan ikus daitezke egunak eta eskolak. Informazio gehiago jasotzeko edo izena...

Maiatzaren 22ko udal hauteskundeetarako alkatetzarako hautagaia pasa den ostiralean aurkeztu zuen Bilduk: Aiora Perez de San Roman. Aurkezpenean, Perez de San Romanek Bilduren bidea argi dutela jakinarazi zuen: “Azken urteak gogorrak izan dira oiartzuarrontzat. Batetik, bazterketa politikoagatik. Bestetik, krisi ekonomikoagatik. Horren guztiaren aurrean, Bilduk jarraitu beharreko bidea zein den oso argi du. Hala, hiru izango dira datorren legealdian lehentasunez jorratu beharko ditugun gaiak”. Honakoak izango dira hiru lan ildoak: Ongizate eta justizia sozialean oinarritutako gizarte eredu batera eramango duen kudeaketa ereduari eusten jarraitzea. Auzolanean oinarritzen den herri eredu parte hartzaile eta bizia bultzatzea. Gardentasuna bermatzeko kode etikoa bultzatzea eta lehenestea. Eider Mitxelena zerrenda kideak, bestalde, nabarmendu zuen Bilduren helburua indarrak biltzea dela: “Euskal Herrian zabaltzen ari den eszenatoki politiko, sozial eta instituzional berriaren aurrean, indarrak biltzea erabaki dugu. Izan ere, agorturik dagoen egungo eredua gainditzeko gakoa indar metaketan dagoela uste dugu”.

Gurutze Galardi Zapirain izendatu du Udalbatzak herriko bake epaile titular. Atzo goizeko ezohiko udalbatzarrean hartu zuten zinegotziek erabakia. Gehiengo absolutuz izendatu behar da bake epailea, eta hala izan zen: ezohiko udalbatzarrean egon ziren U...

Euskara Biziberritzeko Plan Nagusiaren (EBPN) Oiartzungo II. Plan Estrategikoa, apirilaren 14an aurkeztu zuten. Aurkezpenaren ardura izan zuten Aitziber Arnaiz Euskara teknikariak eta Emun hizkuntza zerbitzu kooperatibako Gurutze Mendizabalek. Emunek egingo du plana. Helburua euskararen normalizaziorako datozen urteetarako ildoak markatzea da. Horretarako, alor ezberdinetan dabiltzan herritarren laguntza eskatu dute. Estrategikoak diren zenbait eremutan lan egingo dute: familia transmisioa; elkarteak; gazteak; hezkuntza; komunikabideak; lan mundua eta, merkataritza eta ostalaritza. Ttur-Ttur Euskaltzaleon Bilgunea ere, herriko euskalgintzaren elkargune denez, pieza garrantzitsua izango da Plan Estrategikoa garatzeko orduan. EBPNren II. Plan Estrategikoa 2012-2017 urteetarako izango da, gutxienez. Orain martxan dagoena 2005-2010 tarterako egin zuten eta urtebetez luzatu dute, II. Plan Estrategikoa egiteko denbora izateko. EBPNko II. Plan Estrategikoa egitea sei hilabeteko prozesua izango da. Parte hartzailea izango da eta horretarako lan taldeak osatuko dituzte, arloka. Arlo bakoitzean orain arte egin dutena baloratuko dute, egoera zein den ikusiko dute eta etorkizuneko erronkak zeintzuk izan behar duten zehaztuko dute, proposamen zehatzak egin ahal izateko. Euskararen normalizaziorako plana arlo guztietan dabilen jendearen artean eginda, Udala ziur da plana “aberatsagoa, errealagoa, gauzagarriagoa eta hobea” izango dela. Horregatik eskatu dute herritarren laguntza. Ekarpenak jasoko dituzte, Euskara Zerbitzuan idatziz, euskara[abildua]oiartzun.org helbidean edo Facebook bidez, Oiartzungo Euskara Zerbitzuaren orrian. Lan taldeetan parte [...]

Ekainaren 16an bilduko dira aurten Usoa elkarteko bazkideak bazkaltzera. Usoa, Donibaneko ehiztari eta arrantzaleen elkarteak egin du deialdia. Txartelak Pari Berrin, Ganbaran edota Itziarren eskuratu daitezke, 41 eurotan. Bazkaria Pari Berrin egingo d...