Albisteak

Egiteko asko falta dela gogoratzeko eguna

Hauek dira erakundeek, emakume taldeek eta gizarte eragileek gaurko Irunen antolatu dituzten ekintzak: Argoiak elkarteak antolatuta, 12:00etan Meza San Jose langilearen parrokian (Larreaundi). 14:00etan emakumeentzako bazkaria Munantxo jatetxean, Irun...

admin

Euskarazko maitasun gutunen lehiaketa antolatu du Hendaia.com elkarteak

Hendaia.com elkarteak euskarazko maitasun gutun lehiaketa antolatu du, Herriko Etxeko Euskara Batzordeak eta hainbat taldek bultzatutako Euskararen Hilabetearen egitarau potoloaren barruan. 13 urtetik gorako idazle guztiek parte har dezakete, idaztea p...

admin

Irati Tobarren kontrako euroagindua salatzeko, baraualdia Hendaian

Euroagindu prozedura guztiak bertan behera gera daitezen eskatzeko, agerraldia eskaini zuten atzo Hendaiako Intzura auzoan hainbat alderdi eta eragiletako ordezkarik. Bertan izan zen Irati Tobar gazte independentista ere. Agindu judizial horien aurkako protesta gisa, gose greba egingo dute lau lagunek: zehazki, Anaiz Funosas euroaginduaren aurkako kolektiboko kideak, Iker Elizalde eta Xabi Hirigoien Hendaiako eta Beskoitzeko hautetsi abertzaleek, eta Irati Tobar gazteak berak egingo dute gose greba datozen hamabost egunetan. Izpuran beste zazpi lagunekin batera itxialdian egon zen Tobar otsailaren 21etik 27ra bitarte; egun zazpiak dagoeneko atxiloturik daude. Hala, egunotan bere etxean aterpetu duen Iker Elizalde hautetsiaren etxetik agerraldia eskaini zuten lekuraino, PSko kontseilari nagusi Kotte Ezenarrok eraman zuen gaztea autoz. Agerraldian hautetsi abertzaleez eta Ezenarroz gain, PS, PCF edo Front de Gauche alderdietako beste hainbat ordezkari ere izan ziren, baita gaztearen senitartekoak eta Hendaiako herritarrak ere. Anaiz Funosasek hautetsiek zein herritarrek euroaginduen aurkako kanpainari eman dioten babesa eskertu zuen. Era berean, aurreko asteko gazte independentisten atxiloketetan bizitako «une bortitzak» salatu zituen. Iker Elizalde hautetsi independentistak, bestalde, ekimenaren helburu nagusia euroagindu prozedura guztiak bertan behera uzteko eskatzea dela azpimarratzeaz gain, Estatu espainolari eta frantsesari eskaera luzatu zien: “Errepresioaren aroa atzean utzi eta Euskal Herrian zabaldu den prozesu politikoari ekarpen positiboa egitea”. [...]

admin

Lanbarren industriagunera aldatuko da Onity enpresa

Herriko Onity enpresa (lehen Tesa Entry Systems izena ere izan zuen) hilabete honetan aldatuko dute Lanbarren industriagunera. Lehen Lanbarrendik 400 metrotara zegoen kokatuta, baina instalazio berriagoak eta egokiagoak izango dituzte poligono horretan...

admin

Oihana Heredia, arrantzalea: «Itsasoak ematen dizun askatasun sentsazioa gustatzen zait»

Arrantzalea da Oihana Heredia pasaitarra. Bost urte igaro dira lanbidean hasi zenetik eta ez du damurik hautatutako ogibidearekin. Trintxerpeko Izkina jatetxean egin du HITZAk hitzordua Oihana Herediarekin (Pasaia, 1974), porturatu berritan. Egunean bertan harrapatutako itsaskia saltzera doa bertara. Bere senarrarekin batera aritzen da arrantzan Oihana, Manolo Hernandezekin, San Pedroko arrantza portuko Manolito II itsasontzian. Ziur arrantzan hasi aurretik beste hainbat lan egin dituzula. Noiz eta zergatik erabaki zenuen arrantzale izatea? Berezia da. Manolo (bere bikotea) bere garaian Irlandara joan zen arrantzara. Handik bueltan anaiarekin hasi zen itsasoan lanean, baina ez berak nahi bezala, eta Irlandara itzultzea pentsatu zuen. Nik ez nuen Irlandara bizitzera joan nahi familia eta denak hemen utzita eta itsasontzia erostea proposatu nion. Marinel titulua atera nuen, arrantza eskolan ikasi, itsasontzi zaharra erosi, konpondu, ondo jarri eta itsasora. Gaur arte. Orain dela bost urte izan zen hori. Inguruan ba al dira emakume gehiengo arrantzan? Pasaian oraintxe bertan ez. Lehen beste emakume bat zegoen baina bizkiak edukitzean utzi behar izan zuen. Donostia bada bat eta horrek bai, urte asko darama. Gainontzeko arrantzaleek nola hartu zaituzte? Harreman ona duzu? Nire ustez, hasieran pentsatuko zuten gutxi iraungo nuela. Gaur egun, beste bat gehiago naiz. Hori bai, arrantzaleek beren artean oso harreman [...]

admin

Biteriko parte-hartze prozesuaren bigarren fasea larunbatean hasiko da

Herritarren ikuspuntutik Antxoko errealitate sozio urbanistikoa ezagutzeko asmoz, Biteriko parte-hartze prozesuaren bigarren fasea hasiko dute Denon artean eta denontzako Antxo eraikitzen lelopean. Datorren larunbaterako deitu dute lehenengo bilera, hilaren 12rako. Bigarren fase horretan, aurreko fasean ondorioztatutakoak hartuko dituzte kontuan, batik bat. “Oso nabari geratu zen Udalak ez duela asmatu informazioa  komunikatzen eta transmititzen. Parte hartu zuten pertsonek Antxoko egungo hiri estrukturaz eta herri berriaren planifikazio garaietan ikusitako gabeziez, indarguneez eta arriskuez oso informazio gutxi baitzuten”, azaldu du Maider Ziganda alkateak. Horrez gain, Antxon, epe motz-ertainean egingo dutenaren inguruan eta gaur egun indarrean dagoen planeamenduan aurreikusten dituzten azpiegitura eta ekipamenduen gainean udal informazioaren gabezi handia ikusi dute. “Beraz, bi aspektu horiek hasieratik kontuan hartuko ditugu”. Aztertu eta ondorioztatu Herritarrekin hiru saio egingo dituzte hasiera batean: datorren larunbatean, hilaren 19an eta 26an. Dena den, beharren arabera gehiago edo gutxiago izan daitezke. Saio horietan informazioa emango diete parte-hartzaileei eta ondoren aztertu egingo dute. Eztabaidetatik ondorioak atera eta Udalak ideien lehiaketa antolatuko du. Orain bi urte hasi zuen udalak Antxoko Biteri plazako ordenazioaren parte-hartze prozesua. Lehen fase horretan gaia landu ondoren herri galdeketa egin zuten. Galdeketan 948 lagunek parte hartu zuten eta %80ak mahai gainean zegoen proposamena bertan behera uzteko eskatu zuen. Horrela, Udalak [...]

admin

Santiagotarrak hirugarren Bilbaoko Euskadikoan, eta Paueko Espainiakoan

Larunbatean piraguismoko Euskadiko Naguko Fondoko Txapelketa ospatu zuten Bilbaoko itsasadarrean. Bizkaiko, Gipuzkoako eta Nafarroako 200 piraguistek parte hartu zuten, C1 (banakako kanoa) eta K1 (banakako Kayak) modalitatekoak –nafarren emaitzak ez dira dominetarako aintzat hartzen-. Irungo Santiagotarrak taldeak zortzi domina eskuratu zituen, horietako hiru urrezkoak, lau zilarrezkoak eta brontzezko bat. Taldekako sailkapenean Irungo taldea hirugarren geratu zen, Donostia-Kayak eta Itxas-gain kluben atzetik. Irundarrak pozik agertu dira, hilaren 19an eta 20an Sevillan egingo den Espainiako txapelketari begira sasoi onean daudela azaldu dutelako. Helmugaren aurreko metroetan olatuekin arazo handiak izan zituzten piraguistek, eta abandono ugari izan ziren. Irundarren dominak: Aner Olazabal, junior mailako K1-ean, urrea. Aitor Zabala, junior mailako C1-ean, urrea. Igor Galarza, kadete mailako K1-ean, urrea. Jon Sagrado, senior mailako K1-ean, zilarra (urrea Donosti-Kayak taldeko Borja Estonba irundarrarentzat izan zen). Olatz Zabala, emakumezkoen senior mailako K-1ean, zilarra. Garazi Gomez, junior mailako K-1ean, zilarra. Lander Llano, kadete mailako C-1ean, zilarra. Markel Ramiro, junior mailako K-1ean, brontzea. Espainiako slalom Kopa Bestalde, Paueko (Okzitania) Gave ibaian asteburuan ospatu zen ur bizietako Espainiako slalom txapelketako lehen aldian hirugarren postua eskuratu zuen Irungo taldeak. Hogeita hiru klubek hartu zuten parte. Larunbatean sailkapen probak egin zituzten, eta igandean finalaurrekoak eta finalak. Taldekako brontzeaz gain, Santiagotarrak arraunketa taldeko palistek [...]

admin

Husna berdindu dute neskek Aragonesarekin

Golik sartu gabe. Liga Nazionaleko OKEko neskek 0-0 bukatu zuten Aragonesaren kontrako asteburuko jardunaldia. Oiartzuarrak hirugarrenak dira sailkapenean, 39 punturekin.

admin

Israeli boikota aldarrikatu dute

Hondarribiko Ostalarien Elkarteak martxoaren 9tik apirilaren 1era antolatutako Israel, bere gastronomia Hondarribian izeneko jardunaldiak bertan behera uztea erabaki du. Irungo Askapenak eta Komite Internazionalistak ekimena salatu dute eta erakunde pu...

admin

Oiartzun Irratia: martxoak 7

Gaurko programazioa FM107an: 10:00etan, Arguyuan: 10:30ean: Kirol informazioa. 11:30ean: OARSO BIDASOKO HITZA-ko zuzendari den Urko Etxebesteren eskutik, Oarsoaldeko kronika. 12:10ean: Intxixu AEK euskaltegiko Saioa Ballesteros. Gaia: tituluak. 13:15ea...

admin

Realeko 50 lagunarte baino gehiago, Bidasoan

Realeko lagunarteek edo peñek urteko topaketa ospatuko dute asteburu honetan Hondarribian eta Irunen, eta hainbat jatorritako 50 talde baino gehiago elkartuko dira etzitik eskualdean. Azken jardunaldiko partidaren ordutegiak antolatzaileen planak aldatu dituen arren, taldearekin egoteko «momentu garrantzisua» dela azaldu dute. Zaleek argi daukate helburua: «Getaferi irabaztera atera behar gara. Lehen Mailakoak gara eta denboraldia ondo bukatu nahi dugu». Bidasoko David Zurutuza Taldeak, Joseba Llorente Taldeak, Landetxako Realaren Lagunak eta Irungo Txuriurdinak lagunarteek antolatu dute Realeko Lagunarteen XII. Biltzarra, eta larunbatean Anoetan Getaferen kontra Realak jokatuko duen finala izan dute hizpide herenegun, ekimena aurkezteko egin zuten agerraldian. David Zurutuza Taldeko presidente Aritz Romero hondarribiarrak, asteburu berezia izango dela azaldu zuen. «Lanzarote, Tarragona, Andaluzia, Soria eta beste hainbat lekutako realzaleak hurbilduko dira. Realaren inguruan hiru egunetako jaia bertan bizitzea berezia izango da eta oraindik handiagoa izango da larunbatean irabazten badugu». Bestetik, Juan Mellado, Joseba Llorente Taldeko ordezkaria, baikor dago, “jaisteko aukera bakarra izanda ere, okerrena pentsatzen jartzen gara. Baina beste taldeak egoera okerragoan daude”. Giroa berotuz Partidaren ordutegiak, (larunbatean 22:00etan) hasierako programa aldatzera behartu ditu antolatzaileak. Larunbatean taldeak Donostiara joango dira Realarekin egoteko eta arratsaldeko egitaraua bertan behera utzi dute. Horrela, larunbatean bazkaria egingo dute Kofradian, eta ondoren Irunen Cien años de [...]

admin

Jon Ander Urkizuren askatasuna aldarrikatzeko elkarretaratzea deitu dute

Parot doktrina ezarri zioten 2007an preso sanpedrotarrari; aurten 25 urte egingo ditu kartzelan. Jon kalera orain lelopean Jon Ander Urkizu presoaren lagunek eta senitartekoek elkarretaratzea deitu dute larunbata eguerdirako San Pedron. 12:00etan izango da elkarretaratzea, Dorrean. 1986. urteko irailaren 19an atxilotu zuen Espainiako Poliziak Jon Ander Urkizu, bere etxean, San Pedron. Donostiako gobernu Zibilean zazpi egunez atxiki zuten, eta han torturatu zutela salatu zuen presoak. Aurten 25 urte egingo ditu preso sanpedrotarrak. Urte hauetan guztietan Espainiako estatuko hamika kartzela ezagutu ditu: Alcala Meco, Herrera de la Mancha, Gijon, Teruel, Martutene, Iruñea, Huesca, Soria, Zuera eta lehengo astera arte, Alcazar de San Juanen izan da. Ostiralaz geroztik, ordea, ez da presoaren berririk. Lekualdatu behar dutela esan diete senideei, baina atzo ez zuten oraindik presoaren berririk. Bizi arteko zigorreren kontra Parot Doktrina izenez ezagutzen dena aplikatu zioten Jon Ander Urkizuri 2007an. Modu horretan ezarri daitekeen kartzela zigorrik handiena ezarri zioten, kondena 30 urtera arte luzatuz eta ordura arte pilatuta zituen erredentzioak bertan behera utziz. 2000. urterako zigorraren hiru laurdenak beteta zituen Urkizuk. Parot Doktrina ezarrita, aldiz, 2.016 urteko irailaren 10era arte luzatu diote zigorra. «Jonen lagunak, bizilagunak eta senideak ditxosozko kondena honen aplikazio dakarren bizi osorako zigorra irmoki salatu nahi dugu. Espainiako [...]

admin

Taxi-bus zerbitzuak egunean zehar bidaia gehiago egingo ditu

Gurutze, Ergoien eta Karrika auzoetarako eskaintzen den taxi-bus zerbitzua hobetzeko hitzarmen berria egin dute Udalak eta Oiartzungo Taxilarien Elkarteak. Biharko udalbatzarrean onartuko dute. Besteak beste, urrutien dauden eta bestelako garraio publikorik ez duten hiru auzo horietan egokitutako ibilgailu batek eskainiko du zerbitzua hemendik aurrera. Gainera, orain arte egunean bost taxi-bus bidaia izaten ziren eta hemendik aurrera, zortzi izango dira. Xorrolaren egutegi bera izango du taxi-bus zerbitzuak, hitzarmenean zehaztu denez: astelehenetik ostiralera. Aldaketa handienetako bat taxi-bus zerbitzua aurrerantzean Legarren ere eskainiko dela da. Gurutzerako bidea Legarretik egingo du taxi-busak, honela, Legarreko arazoei konponbide integrala eman bitartean, bertako bizilagunen mugikortasuna hobetzeko alternatiba bat eskainiko da taxi-bus zerbitzuaren bidez. Taxi-bus zerbitzua, Xorrolarekin batera, herri barruko mugikortasuna garraio publikoaren bidez sustatzeko egitasmoa da. Udaletik gogorarazi dutenez, “mugikortasun iraunkorrarentzako garraio publikoa sustatzea ezinbestekoa da”. H3 linea Bide horretan, Ekialdebus martxan jartzerakoan Oiartzun eta Donostia A-8tik zuzenean lotzen zituen linea (H3) kendu zuen Gipuzkoako Foru Aldundiak eta Oiartzungo erabiltzaileek sinadura bilketa egin zuten linea berriz martxan jartzeko eskatuz. Udala erabiltzaileekin bildu zen eta euren ezinegonaren berri eman zion Aldundiari, linea berriro jartzea aztertzeko eskatuz. Aldundiak gaia aztertzeko denbora eskatu zuen, datuak kontrastatzeko. Ekainaren 2an bi erakundeak berriro bilduko dira gaia lantzeko. Udalak erabiltzaile oiartzuarren mesederako izango [...]

admin

Catelsako langileak eta zuzendaritza akordio batera iritsi dira

Catelsako langileek bertan behera utzi dute greba, enpresaren zuzendaritzarekin akordioa lortu ondoren. LAB sindikatutik jakinarazi dutenez, akordio horrek, “multinazionalak darabilen kontratu prekarioen erabilera pairatzen zuten langileen egoeraren egonkortzea dakar”. Hala, “borrokak” bere fruituak eman dituela nabarmendu dute: “Multinazional boteretsua eta langileen aldarrikapenen kontra aritu diren sindikatuen jarrera ulertezina parean izan duten arren, langileen gehiengo zabalaren batasunak eta elkartasunak akordio hau ahalbideratu dute”. LABetik langileak zoriondu dituzte: “Borroka honek eredu izan behar duela deritzogu, eta krisi ekonomiko garaian ere, langileen eskubideen aldeko lanean, langile antolakuntza eta borroka tresna eraginkorrak direla erakusten du”.

admin

Oiartzun Irratia: maiatzak 17

Gaurko programazioa FM107an: 10:00etan, Arguyuan: 10:30ean: Quark. 11:30ean: Elkarrizketaren tartea. 12:10ean: Informatika atala. 13:15ean: Bertso atala. 15:00etan: Albisteak. 17:00etan: Finean nafarrak. 18:00etan: Arguyuan (errepikapena). 20:00etan...

admin

“2007ko programaren %90 baino gehiago bete dugu”

Aitor Kerejeta Hondarribiko EAJren alkategaia Aitor Kerejetak (Hondarribia, 1972) lehen legegintzaldia bete du alkate moduan. Berriro alkate izateko aurkeztu da EAJko zerrendaburu. Agenda okupatua du Kerejetak, alkate eta hautagai moduan. Hitza prentsaurreko baten ondoren eta beste elkarrizketa baten aurretik izan da Kerejetarekin, Hondarribiko Kai Zaharrean. Bitartean, Hondarribin 74 urte daramatzan kantabriar bat hurbildu zaio alkateari. Estimu handia dio, hiru aldiz luzatu baitio eskua. Zein lan ildo proposatzen ditu EAJk datozen lau urtetarako? Proposatzen dugun lehenengo gauza da dena idatzita jasotzea izatea. Orain dela lau urte hautagai berriak aurkeztu ginen eta programa batekin aurkeztu ginen: beltza zuriaren gainean, esaten den bezala. Lau urteren ondoren, nahi duenak irakur dezake proposatzen genuena eta egin duguna. Nahi duenarekin prest nago konparatzeko. Idatzita egoteaz gain, gauza zehatzak dira guk proposatzen ditugunak. Nabaritzen ari naiz gainontzeko alderdi politikoak orokortasunean hitz egiten ari direla: ‘enplegua hobetu behar da’, ‘aparkalekua hobetu behar da’… Hori nabarmena da. Ideiak azaldu behar dira, gero proiektuak eta, hirugarrenez, horiek egiteko ahalmena eduki behar da. Herritar bezala, etxean jaso dudan publizitate guztia diptikoak eta triptikoak izan dira. Oso zaila iruditzen zait horrelako paperetan lau urteko lana sartzea. Guk hamar lan ildo ditugu. Adibidez, guk diogu hezkuntza hobetu behar dela: ikastetxe publikoak beste eraikuntza [...]

admin

Datorren ikasturtean musika eskolan izena emateko aukera, zabalik

Tomas Garbizu Musika Eskolan izena emateko epea hilaren 27ra arte dago zabalik. Instrumentu eskoletan zein taldekakoetan eman daiteke izena. Informazio gehiago nahi duenak, musika eskolara deitu dezake (943 52 99 99) edo tgarbizume@telefonica.net helbi...

admin

Herriarteko Pala Txapelketaren itzulikoa, ostiralean

Gipuzkoako Herriarteko Pala Txapelketaren itzuliko partida ostiralean jokatuko dute Txosteko pilotariek, 20:00etan, Madalensoron. Joanekoa, bana berdindu zuten Ordiziarekin. Herritarrei partidara agertzeko deia egin diete: «Zaleen animoak eskertuko di...

admin

Udaleku irekietan izena emateko epea ireki dute gaur, 27ra arte

Uztailaren 1etik 29ra egingo dituzte Lezoko udaleku irekiak (ordutegia 09:30etik 13:30era izango da). Bertan izena emateko epea hilaren 27an bukatuko da. 3 urtetik 10 arteko haurrentzako zuzenduta daude udalekuak. Izena emateko Udalaren Informazio Bule...

admin

Kukai Umore Azokan saritu dute

Pasa den ostiralean Karrikan kale ikuskizun berria estreinatu zuen Kukai dantza konpainia oreretarrak Leioako Umore Azokan, eta hasiera bikaina izan zuen, gainera. Izan ere, Euskal Ikuskizun Onenaren saria eskuratu zuen Bizkaiko herrian egiten den kale...

admin
Gehiago