Albisteak

Elkartasun pintxoak

II. Pinxo Txapelketa

admin

Merkataritzarako diru laguntzei buruzko hitzaldia

Merkataritzaren Dinamizaziorako Bulegoak jardunaldi bat antolatu du Eusko Jaurlaritzako Industria, Berrikuntza, Merkataritza eta Turismo Sailak merkataritzari zuzendutako diru laguntzen berri emateko. Bilera hori etzi izango da, 15:00etan, Reina aretoa...

admin

Agenda: XXXV. Haurren jaurti arrantzako txapelketa

Antolatzailea: Bidasoko Ehiztarien eta Arrantzaleen Elkartea.

admin

Ainara Lasa Perez: “Barne tentsio, pultsio, poz, kezka eta emozioen harilkatzea da”

Ainara Lasa Perezek (Oiartzun, 1975) errezitaldi musikatu batekin inauguratuko du bihar Hariketak. Lotzea askatzea denean erakusketa, udaletxean. Zer biltzen du erakusketak? Zer esan nahi du eta jendeak zer ikusiko du? Erakusketak hamazazpi lan biltzen ditu. Hariekin jositako erradiografiak argi kutxetan erakusten dituen lan sorta izango da ikusiko dutena. Lan horrekin, nigan bizi diren munduen kontakizuna egin nahi izan dut; barne tentsio, pultsio, poz, kezka eta emozioen harilkatzea da Hariketak. Hori guztia emozioen territorioa den gorputzean kokatuta, gorputzaren barrualdeko argazkien bidez, erradiografien bidez. Harien bidez barrua lotuz bizipenak ulertu, sendatu eta ibiltzen jarraitzeko ariketa da. Lotuz, askatzekoa. Lehen aldiz jarriko duzu erakusketa Oiartzunen, zure herrian. Zuretzako berezia da, ezta? Berezia da, zentzu askotan zirkuluak ixten ari diren sentsazioa dudalako. Bidaia luze bat egin ondoren etxera itzultzen ari naizen sentsazioa dudalako; etxera, nire baitara, eta etxera jaioterrira. Aurkezpena ere berezia izango da. Erakusketa errezitaldi musikatu batekin inauguratuko duzu. Xabi Strubellek eta zuk eskainiko duzue saioa. Zergatik errezitaldi musikatu bat? Lan honen sortze prozesuan testuek ere garrantzia handia izan dute eta poema eta testu labur sortatxo bat idatzia dut. Erakusketaren elementu bat gehiago dira testuak eta lanari testuingurua jartzeko balio dutenak. Interpretazio, gustu eta ezagutza artistikoetatik harago, kontatu nahi nuena ahalik eta zehatzen [...]

admin

Errenkoaldeko zozketak baditu saridunak

Errenkoaldeko 500 euroko hamar erosketa txartelek badauzkate jabeak, zehazki, azpiko zerrendan agertzen diren zenbakiren bat daukatenak. Errenkoaldetik gogorarazi dute ekainaren 30a baino lehen gastatu behar direla erosketa txartelak. 43.607 15.818 26...

admin

Agenda: Futbol eskolen nazioarteko torneoa

Ekainaren 18tik 19ra: Ugalde futbol-zelaian (Katea), FUTBOL ESKOLEN IV. NAZIOARTEKO TORNEOA (mutilak). Antolatzailea: Mariño K.E. Larunbatean 09:00etatik 20:00etara, eta igandean 09:00etatik 13:00etara.

admin

Eyssari plenoaren erabakia kontuan hartzeko eskatu diote TAOko langileek

Eyssa enpresari Irungo aurreko Udalbatzak erabakitakoa kontuan hartzeko eskatu diote TAOko eta garabietako langileek. Irunen aparkaleku mugatu zerbitzua eta garabiak kudeatzen ditu Eyssak. Hala, Irungo Udalak Eyssari eskatu zion Irungo langileekin lan hitzaremanaren gainean negoziatzeko: langileek salatu dute enpresak ez duela negoziatzeko asmorik, eta “behin eta berriz udal ordezkarien erabakiei muzin” egiten diela. Euren egoera salatzeko elkarretaratzea egin zuten Irungo TAO eta garabietako langileek larunbat eguerdian, San Juan plazan, udaletxearen atarian, ELA sindikatuaren ekimenez. Udalbatza berria eratuko zela baliatu nahi zuten langileek euren egoera berriz ere salatzeko. Isila izan zen elkarretaratzea, «kargu hartzea ez oztopatzeko». Kaleratzeak ELA sindikatuak jakinarazi du hamar langileri oharra bidali diela Eyssa enpresak “falta larriak” leporatuz. Oharrean agertzen denez, greban ez dauden langileak iraintzeagatik bidali diete oharra. Hala, ELAtik esan dute “litekeena” dela hamar langile horiek kaleratzea: “Eyssak lan gatazka konpontzeko duen modua greban dauden langile ia guztiak kaleratzea da”. ELAren arabera, langileak «oraindik» lan hitzarmena negoziatzeko prest daude.

admin

Iñaki Rodaballok irabazi du Euskal Herriko Pintxo Txapelketa Hondarribian

Iñaki Rodaballo izan da VI. Euskal Herriko Pintxo Txapelketako irabazlea. 2008an ere hura izan zen garailea. “Lana, ahalegina eta ilusioa dira giltzak”, esan du Rodaballok. Hiru mila euro eta Ramon Roteta sukaldari hondarribiarrak egindako...

admin

Partida berean irabazi eta galdu egin du Txostek

Asteburuan, errebotean ez ezik, palan ere aritu dira Txosteko pilotariak. Eta partida berean irabazi eta galdu egin dute. Izan ere, Txost 1 eta Txost 2 elkarren kontra aritu ziren. Lehenengoa gailendu zen, Txost 1, 45-40.

admin

Azagrara 7. txangoa antolatu du Gazte Izanak-ek hilaren 25erako

Zazpigarren aldiz Azagrara (Nafarroa) joango dira Gazte Izanak erretiratuen elkarteko kideak hilaren 25ean. 08:00etan aterako dira ikastolako aparkalekutik. Ordu erdi lehenago autobusa pasatuko da auzoetako bidaiariak jasotzera. Bazkideek 30 euro ordai...

admin

Berriro hasiko dira ‘jam session’-ak Cyne Reynan

Osteguna eta jam session-a bat izango dira Cyne Reynan ikasturte honetan, eta hain zuzen, gaurtik aurrera inguruko musikarien eskutik zuzeneko musika entzuteko aukera izango da. Emanaldia 22:30ean hasiko da, eta herritar guztiak daude gonbidatuta.

admin

Eider Zabaletaren margolanak Mikelazulon

Hilabetea estreinatzearekin batera erakusketa estreinatuko dute Mikelazulo kultur elkartean. Oraingoan etxeko artista baten margolanak ikusteko aukera izango da: Eider Zabaleta oiartzuarrarenak. Hain zuzen, Mikelazulo izango da lehen tokia Zabaletak be...

admin

Karlos Murua eta Santi Angulo: ‘PSOEren kopeta’

PSOEk gobernu berriari ehun egunetan ez duela ezer egin leporatu dio, nork eta lau urtez saneamendu plana egiteko eta aurtengo aurrekontuak Foru Arauak ezartzen dituen epeetan aurkezteko gai izan ez den horrek berorrek. Aurtengo aurrekontuak maiatzaren 20an, hauteskundeen bezperan izan ere, onartu zituen aurreko korporazioak, korporazio berriaren gobernu-jarduera erabat baldintzatuz. Baina, PSOEren desgobernuaz badago gehiago esaterik eta nabarmenenak aipatuko ditugu. Laster udalbatzarretik 2010eko Kontu Orokorra pasatuko da eta bertan aurreko gobernua inbertsioetan aurreikusitako % 55,37 soilik gauzatzeko gai izan dela azaltzen da, inbertsio gehienak Espainiako Gobernuak itzulitako diruaz ordainduak izanik. Lau urteotan udala 3,5 milioi euro babes ofizialeko etxebizitzak eraikitzera bideratzen duen epaiari heltzeko ere ez da gai izan. Eta zer esanik ez lan-harremanetan erakutsitako larderiarengatik sortutako ondorio ekonomiko negatiboak, denon diruaz ordaindu nahi dituenak. Beraz, bere kudeaketaren balantzea nahiko pirrikoa da. Argi ikusten denez, PSOE ez da epe labur honetan kritika egiteko egokiena, hura 28 urtez besaulki erosoan egon baita eta haien kudeaketak lehen aipatutakoa ekarri baitu. Ez gara esaten ari gobernu berria talde politikoek eta herritarrek kudeaketa publikoaz egin beharko duten fiskalizaziotik kanpo geratu behar denik, baina agerian dago erantzukizunez aritu baino lehen, heredatu duten egoera erreala ezagutu behar dutena, haien kudeaketa errealitate horretara eta gure gain utzi [...]

admin

Entzun abesbatzaren kontzertua larunbatean San Bixenten

Entzun abesbatzak emanaldi bikoitza eskainiko du larunbatean, hilaren 8an, San Bixente elizan. Aurrena, meza alaituko dute, 19:00etatik aurrera, eta ondoren kontzertua eskainiko dute.

admin

Pasa den asteko erasoa salatu dute

Atzo arratsaldean hainbat herritar elkartu ziren Niessen merkataritza zentroaren atarian, pasa den asteazkenean herriko alde zaharrean emakume batek izan zuen erasoa salatzeko. Erasorik ez lelopean egin zuten protesta. Ertzainek gizon bat atxilotu zute...

admin

Hamaika Telebista, 11n

Euskaltelek eta Hamaika Telebistak aurrerapauso berri bat eman dute Hamaika Telebistaren Gipuzkoako emisioa zabaltzeko. Euskalteleko marketineko zuzendariak, Koldo Unanuek, eta Hamaika Telebistako zuzendariak, Iñaki Uriak, adierazi dutenez, dialeko 11. zenbakian ikusi ahal izango dute Gipuzkoako Euskalteleko ikusleek, orain arte Bizkaikoek bezala. Horrela, Euskaltelen Telebista eskaintza aberasten da kanal berri batekin eta Hamaika Telebistaren zabalkundea handitzen da Gipuzkoan, non Euskaltelen sartze maila handia den. Gipuzkoan zazpi barruti egin ziren Lurreko Telebista Digitalaren zabalkunderako. Horietatik hiru zuzenean kudeatzen ditu Hamaika Telebistak: Donostialdea —Donostia, Astigarraga, Urnieta, Hernani, Andoain, Lasarte, Usurbil—; Debabarrena —Ermua, Eibar, Elgoibar, Soraluze, Mendaro, Deba, Mutriku— eta Oarso Bidasoa —Pasaia, Lezo, Oiartzun, Errenteria, Hondarribia, Irun—. Horietan guztietan dialeko 11. zenbakian ikusiko dute Hamaika Telebista aurrerantzean Euskalteleko bezeroek. Debagoienan, Goierrin, Tolosaldean eta Urola-Kostan dialeko 991.ean ikusiko da Hamaika Telebistaren Gipuzkoako emisioa. Hauetan Goienatb, GITB, 28K eta Erlo, Hamaikaren partaideak, ikusten dira dialeko 11. zenbakian. Bizkaian edo Araban ere ikusi ahal izango da Hamaika Telebistaren Gipuzkoako emisioa dialeko 931. zenbakian. Programazioari dagokionez, Hamaika Telebistak bi multzo edo bloke nagusi ditu Gipuzkoan. Batetik, Hamaika Telebistaren programazio orokorra genuke, Bat eta Bat magazina izanik saio nabarmenena. Bestetik, Gipuzkoan propio ekoiztutako programa saila dago: Hamaikakoa, Esatea Libre eta Hurbilean. Astelehenetan, 22:00etan, Hamaikakoa saioa eskaintzen dute. Reala [...]

admin

Alicia Mitxelena: “Emakumeok dakigu inork baino hobeto zeintzuk diren seguruak ez diren lekuak”

Irungo Udaleko Gizarte Ongizate arloak Hiri Debekatuaren Mapa programa abiatu du, emakumeentzako puntu ilunak biltzeko. Joan den astetik ikastaroak eta bisitak egiten ari dira hiriko auzoetan. Irungo Bilgune Feministak Katean eta Artian iaz eginiko tailerretan oinarria du Hiri Debekatuaren Mapa programak. Ideia hura hiri osora zabaldu du udaleko Berdintasun Sailak, eta horretarako Emakunderen diru laguntza bat jaso dute. Tailerretan Bilguneko eta Murgibe erakundeko kideak aholkuak ematen ibili dira, baita Alicia Mitxelena (Donostia, 1958) teknikaria ere. Tailerrak amaituta, Murgibek txosten bat prestatuko du, udalak puntu ilunetan zuzenketak egin ditzan. Irunen emakumeentzako seguruak ez diren guneen mapa osatzen ari zarete. Zein da helburua? Hiriak gizonaren ikuspuntutik eraikita daude, baina emakumeok geroz eta gehiago erabiltzen ditugu hiriak, ekintza publikoetan gehiago parte hartzen ari gara, eta hobetzeko gauza asko daudela pentsatu dugu. Gaur eta bihar bukatuko dira tailerrak eta bisitaldiak. Zein balorazio egiten duzu? Oso prozesu polita izaten ari da. Auzo bakoitzean tailer eta bisita bana egiten ditugu, tailerra egun batean, eta bertan jasotako puntu ilunen bisitaldia hurrengo egunean. Bisitaldian puntu ilun bakoitzarekin argazkiak egin eta fitxa bat betetzen dugu, lekuaren ezaugarriak jasotzeko, hobekuntzak egiterako orduan lagungarriak izan daitezkeenak. Azken finean hiria ezagutzeko modu bat da, baina ibiltzen ari garen lekuan atentzioa jartzen dugu, [...]

admin
Gehiago